by Myo Tha Htet on Friday, 11 May 2012 at 23:19·
ကျွန်တော့်မှာ ပြည်ပမှာနေထိုင်လို့ သုံးနှစ်လောက် အလုပ် လုပ်ကိုင်လိုက်တဲ့အခါ ပြင်ပမှာ တွေ့ဆုံ ခင်မင် ရင်းနှီးတဲ့ မိတ်ဆွေတွေထက် ခေတ်ကာလရဲ့ စေစားမှုအတိုင်း ဖေ့စ်ဘုတ်မိတ်ဆွေက ပိုများ လာပါတယ်။ စိတ်ဝင်စားစရာ ကောင်းတာက အဲဒီ မိတ်ဆွေ အများစုဟာ မိန်းကလေးတွေ ဖြစ်ကြပါတယ်။ မိန်းကလေးတွေနဲ့ သူငယ်ချင်း ဖြစ်ရတာ ကျွန်တော်က ပိုသဘောကျပေမယ့်လို့ သူတို့ စိတ်ကိုတော့ ကျွန်တော့်မှာ ခန့်မှန်းရ ခက်လှပါတယ်။
ဥပမာအားဖြင့် တချို့က ကျွန်တော့်ကို လေးလေးစားစား ခင်မင်ကြပုံ ရပါတယ်၊ ဒါပေမဲ့ ခဏလည်း နေရော ကျွန်တော်က မိန်းမတွေကို စိတ်ဝင်စားသူမှန်း သိသွားတဲ့အခါမှာ “အော်… ဒီလူက နှာဘူးပဲ“ လို့ ထင်သွားကြပြီး ရှိရင်းစွဲ လေးစားသမှုလေးကို ဘယ်နားသွားထား ရမှန်းမသိ ဖြစ်သွားတတ်ပြန်ပါတယ်။
တချို့ကျတော့လည်း အမြင်က တမျိုးဖြစ်ပြန်ပါတယ်၊ လူကို ခင်မင် ရင်းနှီးလာရာကနေ နှာဘူး ကြီးကြီးထစေချင်ပေမယ့် ကျွန်တော်က သိပ်မလှုပ်တဲ့အခါ မြင်းက မလှုပ်၊ ခုံက လှုပ်ဆိုသလို ဖြစ်လာတတ်ပြီး ဒီလူကိုလည်း မကျေနပ်၊ သူ့ကိုယ်သူလည်း မကျေနပ် ဖြစ်လာပြီးနောက်မှာ အခုလို မြည်တွန်တတ်ပြန်ပါတယ်။ “ဒီလူဟာ အခြောက်ကြီး ဖြစ်လိမ့်မယ်“ တဲ့။
ကိစ္စတော့ မရှိ၊ လူတခု ပူမှုရယ်တဲ့ ဆယ်ကုဋေမဟုတ်လားဗျာ။ သူ့စိတ် ကိုယ့်စိတ်၊ သူ့အပူ ကိုယ့်အပူ မတူ ဖြစ်တတ်တာမျိုးက ရှိတတ်တယ် မဟုတ်လားဗျာ။ တချို့တလေကလည်း စကားပြောဆို မိတ်ဆက်ရတာကို စိတ်ဝင်စားတယ်၊ သူငယ်ချင်းလို ခင်မင်လိုကြတယ်။ ခင်ပေါ့… ကောင်းတာပေါ့။ ဒါပေမဲ့လို့ တခါတလေ ကျွန်တော်က အလုပ်များလို့ စကားဖက်ပြိုင် မပြောနိုင်တဲ့အခါ မာနကြီးသူလို့ ထင်ကြပြန်တယ်။ ကျွန်တော့်မှာ မာနမင်းသား တံဆိပ်ကပ် ခံရပြန်ပေါ့။ မင်းသား ကျော်သူတော့ မဟုတ်…။
ခါတလေများကြတော့ ကံကုသိုလ်ထူးပုံက တမျိုးပါ။ ကိုယ့်မှာ အလုပ်လေးက ပါး၊ အချိန်အားလေးက ရှိ၊ စိတ်ကလေးလည်း ရွှင်ဆိုတော့ စိတ်လိုလက်ရလေး သူငယ်ချင်းများနဲ့ စကားလေး ဘာလေး ပြောလို့ အာရိုက်ချင်တာပေါ့။ ဒီအခါမှာ သွက်သွက်လက်လက်နဲ့ လက်က စာရိုက်လို့ အာရိုက်မိတဲ့အခါ တဖက်က မိတ်ဆွေများက စကားနာထိုးလို့ ဒီလို မေးခွန်း တက်လာပြန်ပါ့သဗျာ။ “မသထ အစစ်မှ ဟုတ်ကဲ့လား“ တဲ့။
မဖြေရေးချ မဖြေပါလေ…။
အခုတော့ ကျွန်တော့်အသက်က နေရမယ့် သက်တမ်းရဲ့ ထက်ဝက်ကျော်လာတဲ့အခါ ပြင်ပမိတ်တွေဖြစ်ဖြစ်၊ ဖေ့စ်ဘုတ်မိတ်ဆွေဖြစ်ဖြစ် ခင်ခင်မင်မင် နေလိုတဲ့ စိတ်ကူးလေးက ရှိလာပါတယ်။ နေရတဲ့ တနေ့ကို အချည်းနှီးမဲ့ မကုန်ဆုံး စေချင်ပါဘူး၊ တယောက်ယောက်ကို နိုင်သလောက် ကူညီလိုက်ရတာပဲဖြစ်ဖြစ်၊ ကိုယ့်ကြောင့် တယောက်ယောက် အကျိုးရှိ ဒါမှမဟုတ် စိတ်ချမ်းသာ ဖြစ်သွားတာမျိုးပဲဖြစ်ဖြစ်နဲ့ ကုန်လွန်စေချင်ပါတယ်။
နေရတဲ့ ကျွန်တော့် အသက်တရက်ကို ကျွန်တော် ကျေနပ်ချင်တဲ့ စိတ်ကလေး… လောဘစိတ်ကလေးလို့ ခေါ်ရမလား… ရှိလာပါတယ်။ နေရတဲ့ တရက်ဟာ နောင်တရက် တရက် မဖြစ်ချင်ခဲ့တော့တာပါ။ ခဏနေ သေတော့မယ်လို့ မဆိုလိုပါဘူး၊ ဒါပေမဲ့ နေရက်တွေကိုတော့ စိတ်တိုင်းကျချည်း ကျော်ဖြတ်ချင်နေမိတော့တယ်။
ကျွန်တော်ဟာ ကျွန်တော်ပဲ ဖြစ်ချင်ခဲ့တော့တယ်။ တခြားလူ မဖြစ်ချင်ဘူး၊ သူများ မဖြစ်ချင်ဘူး။ ဒီနေရာမှာ ကျွန်တော် လေးစားအားကျတဲ့ သတင်းစာဆရာကြီး ၀ါရင့်နိုင်ငံရေးသမားကြီး ဟံသာဝတီ ဦးဝင်းတင်ကတော့ သူများအတွက် စိတ်ထားလေးနဲ့ သူ အသက်ရှင်နေပါသတဲ့၊ ကျွန်တော်ကတော့ သူများ မဖြစ်ချင်ဘူး၊ ကျွန်တော်ဟာ ကျွန်တော် ဖြစ်တယ်ဆိုတဲ့ စိတ်ထားလေးနဲ့ အသက်ရှင်ချင်ပါတယ်။
ဒီတော့ ကျွန်တော်ဟာ ကျွန်တော်ဖြစ်တဲ့အကြောင်း နေတယ်၊ ပြောတယ်၊ ပြတယ်။ ဟန်မဆောင်ထားဘူး၊ အကျိုးဆက်က နေရတာ ပျော်တယ်၊ ပေါ့တယ်။ သူငယ်ချင်းကောင်းတယောက်ကတော့ မနေနိုင် မထိုင်နိုင်လို့ ဆုံးမတယ်။ လူ့ရပ်ရွာထဲ နေရင် ဟန်ဆောင်တတ်ရတယ်၊ ဟန်ဆောင်ကောင်းရတယ်တဲ့။ ကျွန်တော်က ပြန်ပြောလိုက်တယ်… ခုန ပြောခဲ့သလိုပေါ့။ “ငါ… သူများ မဖြစ်ချင်ဘူး“ လို့…။
ကျွန်တော်က သိထားတာတွေကို မေးလာရင် ပြောပြချင်တယ်၊ တိုင်ပင်လာရင် အတိုင်ပင်ခံ လုပ်ချင်တယ်။ အဲ… ရန်မူလာရင်တော့ ရင်ဆိုင်ရတာကို သဘောကျပြန်တယ်။ လွယ်လွယ်နဲ့ နိုင်လိုက်တာမျိုးကို မကြိုက်တတ်သူလည်း ဖြစ်တယ်။ ခက်ခက်ကိုမှ လိုချင်တယ် ဆိုတဲ့ အမျိုးထဲမှာ ကျွန်တော်လည်း ပါတယ်။
လွယ်တော့ ပေါတယ်လို့ တချို့က ထင်ကြပြန်တယ်၊ စိတ်ရင်းအတိုင်းနေသူမို့ တချို့က မှန်းဆရ လွယ်တယ်လို့ ထင်ကြတယ်။ မိန်းကလေး သူငယ်ချင်းတွေနဲ့က သူတို့ သဘောဖမ်းခက်၊ အကဲဆုပ်ခက်ပေမယ့် ယောက်ျားလေး သူငယ်ချင်းများနဲ့တော့ ကျွန်တော်က ရင်းပြန်တယ်။ အဖွင့်စိတ်နဲ့ဆို ပေါင်းရတာ လွယ်တယ်မို့လား။
ခင်မင်တဲ့ အကိုကြီးတယောက်က ကျွန်တော့်မျက်နှာကို တည့်တည့်ကြည့်ပြီး ပြောလာတယ်။ “ငါက အင်္ဂ၀ိဇ္ဇာ ကောင်းကောင်း ကြည့်တတ်တယ်ကွ၊ မင်းမျက်နှာကို ကြည့်ပြီး ငါ… ပိုင်ပိုင်နိုင်နိုင် ပြောနိုင်တာ တခုရှိတယ်၊ ပြောပြရမလား“ တဲ့။ အမယ်မင်း… ကံကောင်းလို့ ဗေဒင်ဆရာနဲ့ တည့်တည့်တိုးပါပေါ့လားလို့ ကျွန်တော် အဦး တွေးတယ်၊ ပြီးတော့ ဖြေလိုက်တယ်၊ ပြောပြပါပေါ့…။
“မင်းက နှာဘူး“ ပဲတဲ့။
ကျွန်တော့်မျက်နှာ ရဲကနဲဖြစ်… ဟန်မဆောင်တတ်သူမို့ ရှက်ကလည်း ရှက်၊ ဟုတ်ကလည်း ဟုတ်နေတော့ ခက်ကပြီ။ မတရား ပြောတာလည်း မဟုတ်…၊ ဟဲ ဟဲ… ဒါပေမဲ့ တရားဆိုတာကြီးကလည်း တရားတိုင်း သိပ်ကောင်းတာတော့ မဟုတ်…။ ကျွန်တော့်မှာ အမှန်ကို အမှန်အတိုင်း ရင်မဆိုင်ဝံ့သူကြီး တခဏဖြစ်လို့…။
အဲဒီလို ယောက်ျားလေး သူငယ်ချင်းတွေနဲ့ အဆင်ပြေတဲ့ ကျွန်တော်…။ ညီငယ်လေးတွေက ကျွန်တော့်ကို အားကျကြတယ် ထင်ပါရဲ့… မေးခွန်းတွေ မေးကြတယ်၊ တိုင်ပင်စရာ ရှိ တိုင်ပင်ကြတယ်။ ဒီတော့ ကျွန်တော်ကလည်း အာစရာရှိ အာ၊ ပြောစရာရှိ ပြော၊ သင်စရာရှိ သင်လုပ်လေတော့ တချို့ကလည်း ခင်ကြတယ်။ အဲ… အာ၊ ပြော၊ သင်သာ လုပ်တာ… ဆက်ဆံရေးကြတော့ ကြိုးတချောင်းကို သိပ်မရင်းနှီးလေအောင် ကာတတ်တဲ့ အကျင့်ကလည်း ကျွန်တော့်မှာ ရှိပြန်တော့ ဆက်ဆံရေးက တရင်းတနှီး မဟုတ်တော့ဘဲ တရင်းမနှီး ဖြစ်သွားတော့တာပါပဲ။
ညီလေးလိုခင်တဲ့ သူငယ်ချင်းတယောက်ကဆို သူ နေထိုင်မကောင်းလို့ စိတ်အညစ်ကြီး ညစ်နေချိန်မှာ အခုလို စကားပြောလာတယ်။
“အကို… ကျွန်တော် လေနေတယ်၊ ဆေးစစ်ကြည့်တော့ အခြေအနေ မကောင်းဘူး ပြောတယ်။ အသက်ရှည်ချင်ရင် လိမ်လိမ်မာမာ နေရမယ်တဲ့“
ကျွန်တော်က ခပ်ဟဟလေး ရယ်တယ်။ သူ့ကိုလည်း ကျွန်တော့်လိုပဲ ရယ်စေချင်တယ်။
“မင်း အသက် ဘယ်လောက်ရှိပြီလဲကွ“
“၂၆ အကို“
“သေမယ်ဆို သေလို့ ရနေပါပြီကွာ… မဟုတ်ဘူးလား၊ သိပ်လည်း ကြောက်မနေပါနဲ့…“
“ဗျာ…“
သူ့ခမျာ… ဗျာသာ ဗျာနေရတာ အတော်တော့ လန့်သွားမယ်ဆိုတာ ကျွန်တော် သိပါတယ်။ လူတယောက်က နေမကောင်းလို့ စိတ်မကောင်းဖြစ်ပြီး စိတ်ဆင်းရဲနေချိန်မှာ ကျွန်တော် ပြောခဲ့တဲ့ စကားတွေက အားရစရာ တခုမှ မရှိတဲ့အပြင် ရေနစ်သူ ၀ါးကူ ထိုးသလို ဖြစ်ခဲ့မှာပါ။ ဒါပေမဲ့ သူ့ကို ကျွန်တော် စိတ်မဆင်းရဲစေချင်ဘူး။ လူတယောက်ဟာ ဘ၀မှာ တခြားလည်း ထူးထူးခြားခြား လုပ်စရာ မရှိဘူး၊ ရည်မှန်းချက်လည်း ကြီးကြီး မရှိဘူးဆိုရင် သေရမှာက သူ့အတွက် အခက်ခဲဆုံးနဲ့ ကြောက်စရာ အကောင်းဆုံးပဲ ဖြစ်ပါလိမ့်မယ်။
သေလိုက်ပါတော့ကွာ… သေဖို့ တန်နေပါပြီလို့ တွက်မိသွားရင်တော့ ကျန်တာကို ဘာကိုမှ ဂရုစိုက်မှာ မဟုတ်တော့ပါဘူး၊ အဲဒီစိတ်ကလေး တခုကို ကျက်မိအောင်၊ သွင်းထားတတ်အောင် ကျွန်တော်က ညီလေးလို ခင်ရတဲ့ မိတ်ဆွေကလေးကို ပြောပြလိုက်တာ ဖြစ်ပါတယ်။ “ငါသည် မုချ သေရမည်၊ အချိန်ပိုင်းသာ လိုတော့သည်“ လို့ မိုးကုတ် ဆရာတော် ဘုရားကြီးက သူ့တပည့် ဒကာဒကာမတွေကို စိတ်ထဲစွဲအောင် သင်ကြားပို့ချခဲ့တယ် မဟုတ်လားဗျာ။
ရန်လိုမနေနဲ့… မနာလိုနေနဲ့… ခဏနေ သေတော့မှာ…၊ ပျော်အောင်နေ… တန်အောင်နေ… တရက်နေ တရက်သေသလို မဖြစ်စေနဲ့လို့ ကျွန်တော့်မှာ မနက်မိုးလင်းတိုင်း ကိုယ့်ကိုယ်ကိုယ် ဆုံးမရတယ်။ တခါတခါတော့ နှာဘူးစိတ်ကလေး မရှိသေးခင်မှာ ဘုန်းကြီးလိုလို ဘာလိုလို…။
သူငယ်ချင်းတချို့က မေးတယ်၊ “ခင်ဗျား ဂိုးလ်က ဘာလဲ“ တဲ့။ ဂိုးလ်ဆိုတာ ရည်မှန်းချက်ကို ပြောတာပါ။ ကျွန်တော်က မျက်နှာအေးအေးနဲ့ အခုလို ဖြေတယ်။
“ဘုန်းကြီး“
မေးသူတွေ အများစုက ဟက်ဟက်ပက်ပက် ရယ်တယ်။ “ခင်ဗျားဗျာ… အတော်နောက်တဲ့လူ“ လို့ ပြောတဲ့လူက ပြောတယ်။ “ဟုတ်လဲဟုတ်ဘဲနဲ့… လျှောက်ပြောနေတယ်“ လို့ ဆိုသူက ဆိုတယ်။ ကျွန်တော်ကတော့ ကျွန်တော့်အဖြေအတွက် ကျွန်တော် တျေနပ်နေဟန်နဲ့ ရယ်ကျဲကျဲ လုပ်နေမိတယ်။
ခုန စကားက ပြတ်သွားလို့ ပြန်ဆက်ရရင် တချို့ ချာတိတ်တွေက အခုလို မေးတတ်ပြန်တယ်။
“အကို့ကို အားကျတယ်ဗျာ၊ အကို့လိုဖြစ်အောင် ဘယ်လိုလုပ်ရမလဲ“ တဲ့။
ကျွန်တော်က အခုလို ပြန်ဖြေတော့ သူတို့က ကျွန်တော့်ကို မယုံကြပြန်ဘူး။
“ဟာဗျာ… ခင်ဗျားကတော့ လုပ်ပြီ။ ကျွန်တော်က ခင်ဗျားတို့ကို အားကျနေတာပါ။ လူငယ်ပဲဗျာ… စိတ်ထဲ လုပ်ချင်တာသာ လုပ်စမ်းပါ၊ ရှေ့နောက် ဘာမှကို မစဉ်းစားနဲ့ဗျာ… လုပ်ချင်တာသာ လုပ်လိုက်စမ်းပါ။ အားလုံးဟာ အတွေ့အကြုံတွေချည်း မှတ်ပါ။ ရဲရဲသာ လုပ်လိုက်စမ်းပါ… ကျွန်တော် မလုပ်ခဲ့ရလို့ပါ“
ကျွန်တော်က အဲဒီလို ပြန်ပြောတော့ သူတို့က ကျွန်တော့်ကို အံ့အားသင့်တဲ့ပုံစံ ပြကြ၊ ပြောကြတယ်။ ဒီလူကြီး တို့ကို ကျပ်နေတာလားလို့ မယုံမရဲ ရှိသူတွေက ရှိကြတယ်။ ကျွန်တော်ကလည်း တွန်းလိုက်တာကိုးဗျာ၊ တွန်းတယ်ဆိုတာ အားထည့်ပြီး ရွေ့အောင် လုပ်လိုက်တာတော့ မှန်ပါတယ်၊ ဒါပေမဲ့ အရွေ့မှန်အောင်၊ ကိုယ်လိုတဲ့ဘက် ရောက်အောင် လမ်းကြောင်းထိန်းရမှာတော့ သူတို့ ကိုယ်တိုင် မဟုတ်ဘူးလားဗျာ။
“အချိန်ဆိုတာ တံတားအောက်ကို စီးဆင်းသွားတဲ့ ရေတွေလိုပါပဲ၊ စက်ဝိုင်းပုံ လှည့်ပတ်စီးဆင်းနေအောင် လုပ်မထားဘူးဆိုရင် ဒီတံတားအောက်ကို ဖြတ်စီးသွားတဲ့ရေဟာ ဒီတကြိမ်ပဲ ဖြစ်မှာပါပဲ။ ဒီလိုပါပဲ… ကျွန်တော်တို့ ပိုင်ဆိုင်ထားတဲ့ အချိန်တွေဟာလည်း နှစ်ခါ ပြန်မရနိုင်တော့မယ့် အချိန်တွေပဲ ဖြစ်ပါတယ်။ တန်ဖိုးကြီးပါတယ်၊ မကြောက်တမ်း မရွံတမ်း ဒီအချိန်တွေကို သုံးဖို့ လိုသလို ကုန်သွားတဲ့ အချိန်တွေ အတွက်လည်း ကျေနပ်ဖို့ လိုပါတယ်၊ ပျော်ဖို့ လိုပါတယ်“
ကျွန်တော်က ကျွန်တော့်မိတ်ဆွေတွေကို ဆရာကြီးလုပ်ပြီး အခုလိုပဲ ခပ်တည်တည် ရွှီးပါတယ်။ တချို့လည်း လေးလေးစားစားပေါ့၊ တယ်ဟုတ်ပါလား… ဒီလူ အိုင်ဒီယာမဆိုးဘူးတဲ့…၊ တချို့ကလည်း ဒီလူက လူပေါကြီးပါကွာတဲ့…။ ဘယ်လို လုပ်မလဲ… ဒီစကားလုံးတွေပဲ… ဒီအရွယ်တွေကိုပဲ ပြောတာ… အကောင်း ပြောတဲ့သူ ရှိသလို… ဖောက်ပြောတဲ့သူလည်း ရှိတာပါပဲ။
ကျွန်တော် အခြေစိုက်ပြီး အလုပ်လုပ်ရတဲ့ ဒေသတခုကနေ တခြားဒေသတခုကို ပြောင်းပြီး နှစ်ဝက်လောက် အလုပ်လုပ်ဖူးတယ်။ သတ်မှတ်ဒေသမှာ သတ်မှတ်အချိန်ပြည့်တော့ မူလ အခြေစိုက်တဲ့ ဒေသကို ပြန်ပြောင်းရွှေ့လို့ ရောက်လာပြန်တယ်။ လုပ်ဖော်ကိုင်ဖက်ဟောင်းတွေနဲ့ ပြန်တွေ့မှာမို့ ကျွန်တော် ပျော်တယ်။
လုပ်ဖော်ကိုင်ဖက်ဟောင်းတွေနဲ့ ပြန်တွေ့တဲ့ ပထမဆုံးနေ့ပေါ့…။ အမျိုးသမီး လုပ်ဖော်ကိုင်ဖက်နှစ်ယောက်က အခုလို နှုတ်ဆက်တယ်။
“အို… မင်း… ပြန်လာပြီပဲ၊ ကြည့်စမ်းပါဦး… ၀ လာလိုက်တာ…။ ဟိုမှာ အတော် ပျော်ခဲ့တယ်နဲ့ တူတယ်“
စက္ကန့်ပိုင်းခြားပြီး နောက်တယောက်က နှုတ်ဆက်ပြန်တယ်။
“ဟင်… မသထ ပြန်ရောက်နေပါလား၊ နေမကောင်းဘူးလား… ပိန်သွားလိုက်တာ လွန်လို့…“
ကျွန်တော် ဘာပြောရမလဲ၊ ပြုံးရမှာလား… မဲ့ရမှာလား…။ ကျွန်တော် တချက်တော့ ရယ်လိုက်မိတယ်…။
တကယ်တော့… အားလုံးဟာ ကျွန်တော့် မိတ်ဆွေတွေ ပါပဲလေ…။
၂၀၁၂၊ မေ ၁၁။ ည ၁၁ နာရီ။
လန်ဒန်။
မိုးစက်မှော် 