by Myo Tha Htet on Wednesday, 8 February 2012 at 08:47·
ပညာတတ်တဲ့သူက ကြောင်တယ်၊ ပညာမဲ့သူက ကြောက်တယ်၊ ပညာမတတ်တတ်က ကြဲတယ်။ အကျယ်ရှင်းပါဦးအံ့… ပညာတတ်တဲ့သူက သူ့တတ်သလောက်ကိုပဲ တော်တော်ကြီးတတ်ပြီလို့ မှတ်ပြီး တခုခုဆို အဲဒီတတ်တဲ့ ပညာတွေနဲ့ ချိန်စက် ဆင်ခြင်နေရတော့ အလုပ်က မတွင်တော့ဘူး၊ မပြတ်ဘူး ဖြစ်တတ်တယ်။ ဒါကြောင့် ကြောင်တယ်လို့ ပြောတာပါ။ အခု ကျွန်တော် ပြောတာက ယေဘူယျ သဘောပါ၊ ပညာတတ်ပေမယ့် အလုပ်ဖြစ်တဲ့၊ အလုပ်ပြတ်တဲ့၊ သဘောရှင်းတဲ့ လူတွေလည်း ဒုနဲ့ဒေးပါပဲ။
ပညာမဲ့က ကြောက်တယ် ဆိုတာကတော့ အထူးရှင်းစရာ မလိုဘူး ထင်ပါတယ်။ ပညာမဲ့သူ အများစုက သိမ်ငယ်တတ်တယ်၊ လူတော မတိုးရဲဘူး၊ မပြောမဆိုရဲဘူး။ ပညာမဲ့သူတချို့က ရိုးသားတယ်၊ ဒါကိုပဲ တချို့က အသုံးချသွားတတ်ကြတယ်။ သူတို့က ကိုယ့်အခွင့်အရေး၊ ကိုယ်ရပိုင်ခွင့်ကိုတောင် မတောင်းဆို၊ မတင်ပြရဲဘူး။ ဥပဒေပါ အခွင့်အရေးတွေ၊ အခြေခံ လူ့အခွင့်အရေးတွေကို မလေ့လာ၊ မဖတ်ရှုဘူးတော့ နားမလည်ကြဘူး။ ဒီတော့ ကြောက်ကြတယ်။ ဒါကလည်း အကြမ်းသဘောပါ၊ ပညာမတတ်ပေမယ့် ရဲသမှ တောက်တောက်ထွန်းလို့ ဆိုရမယ့်သူတွေလည်း အများကြီးမှ အများကြီး…။
ပညာမတတ်တတတ်က ကြဲ ဆိုတာကတော့ ထင်တိုင်းကြဲတတ်တာကို ပြောတာပါ။ သူက နည်းနည်းသိနေတော့ ပညာမဲ့လောက်လည်း မကြောက်ဘူး၊ တတ်သလားဆိုတော့ ပညာတတ်လောက်လည်း မတတ်ဘူး၊ ဒါကြောင့် မကြောင်ဘူး။ မကြောက်လည်း မကြောက်၊ မကြောင်လည်း မကြောင်ဘူးဆိုတော့ ထင်တိုင်းကြဲတော့တာပါပဲ။ စကားပုံအရဆိုရင်တော့ ငါ့လှေငါ့ထိုး သမားတွေ၊ ငါ့မြင်းငါ့စိုင်းဆိုတဲ့ သူတွေပေါ့။ သူတို့က မြန်မာပြည်မှာဆို လူတန်းစားတရပ်နဲ့ကို ရှိတယ်လို့ ပြောလို့ရပါတယ်။ စဉ်းစားကြပါကုန်…။
ပညာတတ်နဲ့ ပညာမဲ့တို့ အလုပ်ဖြစ်ပုံနဲ့ မဖြစ်ပုံကို ကျွန်တော် ငယ်ငယ်ကထဲက ခဏခဏ စဉ်းစားမိပြီး၊ အခုထက်ထိတိုင်လည်း မှန်နေဆဲလို့ ထင်တဲ့အကြောင်းအရာ တခုရှိပါတယ်။ ရပ်ကွက် ဆွမ်းသိမ်းပွဲ၊ ဆွမ်းလောင်းပွဲနဲ့ လွတ်လပ်ရေးပွဲ ကျင်းပချိန်တွေမှာပါ။ အဲဒီပွဲတွေကို မှန်မှန်ကန်ကန်နဲ့ တရပ်လုံးပါပြီး ဒါနပြုကြ၊ ပူးပေါင်းဆောင်ရွက်ကြ၊ ပျော်ကြရွှင်ကြအောင် အာကျယ်ပါကျယ်နဲ့ ဦးဆောင် ဦးရွက်ပြု လုပ်ဆောင်သွားကြတာက ကျွန်တော့် အမြင်မှာ ပညာမတတ်တဲ့သူတွေ၊ သာမန်လက်လုပ်လက်စားတွေ၊ ဆိုက္ကားသမားတွေပါ။
ကျွန်တော်က ကျွန်တော့်ကိုယ်ကျွန်တော် ပညာတတ်လို့ (ပညာတတ်တို့ သဘောအတိုင်း) သတ်မှတ်ထားလေတော့ ဒီပွဲတွေလောက်က ငါ့နဲ့ မတန်လောက်ပါဘူးလို့ ထင်ခဲ့ပါတယ်။ ဒီတော့ ဘာမှ မပါခဲ့ပါ။ မပါလို့ ပြီးရောပေါ့လို့… ပြောလိုက်လို့ ရပါတယ်။ မပြီးသေးပါဘူး။ ပညာတတ်တို့ ထုံးစံအတိုင်း ဒီအတိုင်း မနေပါဘူး။ တတ်သလောက် မှတ်သလောက်လေးနဲ့ ဝေဖန် လေကန်ရေး လုပ်ပါတယ်။ ဟာကွာ… ဒီကောင်တွေ အော်လံကြီးကို ဘယ်လို လှဲ့ထားတယ်၊ မိုက်ကရိုဖုန်းကို ဘယ်လို သုံးနေတယ်၊ အလှူငွေ ကောက်တာက ပုံစံ မကျဘူး။ ဆွမ်းလောင်းတဲ့ ပုံစံအမှန်က ဘယ်လို ဖြစ်သင့်တာ… ဆုကြေးငွေ ခွဲဝေပုံက နည်းလမ်း မမှန်ဘူး စသဖြင့် ကျွန်တော် တောက်လျှောက်ကို သူတို့ လုပ်တာတွေ ကြည့်ပြီး ကိုယ့်ဘာသာ သုံးသပ်လို့ ဝေဖန်နေခဲ့ပါတယ်။
တကယ်က ကျွန်တော် အဲဒီလို ဝေဖန်သလို တကယ်လည်း လမ်းသူလမ်းသားတွေနဲ့အတူ ရပ်ကွက်သူ ရပ်ကွက်သားတွေနဲ့အတူ ကိုယ်တတ်တဲ့ အကြံကို တင်ပြလို့ ပါဝင် ဆောင်ရွက်သင့်ပါတယ်။ အကြံပေး၊ လမ်းပြလို့ ဖြစ်နိုင်ရင် ခုန ပြောခဲ့တဲ့ မတတ်တဲ့သူ၊ မသိတဲ့ သူတွေက လက်ခံလို့ ကိုယ့်ကို ခေါင်းဆောင်တင်ခဲ့ရင်လည်း ဦးဆောင် လုပ်ကိုင်ပြသင့်ပါတယ်။ သူတို့တွေလည်း နည်းမှန်လမ်းမှန် တတ်သွားအောင် သင်ပေး ပြပေးသင့်ပါတယ်။ ဒါပေမဲ့ ပညာတတ်ကြီးလို့ ကိုယ့်ကိုယ်ကိုယ် ထင်ခဲ့တဲ့ ကျွန်တော် နှစ်တိုင်း ဝေသာဖန်တယ်၊ တခါမှ မပါဝင် မလုပ်ခဲ့ဖူးပါ။ နိုင်ငံအဆင့် ကြီးကျယ်မှသာ ၀င်ပါမယ်လို့ ထင်တလုံးနဲ့သာ ရှိနေခဲ့ဆဲပါပဲ။ ဒါဟာ အင်မတန်ကို အောက်ခြေကျတဲ့ ရပ်ရေးရွာရေး၊ အခြေခံ နိုင်ငံရေးမှာတောင် ပညာတတ်တယောက် အနေနဲ့ ခေါင်းရှောင်ခဲ့၊ ကြောင်ခဲ့တဲ့ အဖြစ်တခုပါ။
အခြေခံနိုင်ငံရေးက တက်လိုက်လို့ လူထု တရပ်လုံး အခြေပြုရတဲ့၊ လူထုတရပ်လုံး ထောက်ခံမှုနဲ့ အစိုးရဖွဲ့စည်း လုပ်ကိုင်မှုတွေကိုလည်း တချက်ကြည့်ကြပါဦးစို့… နိုင်ငံတနိုင်ငံကို ဦးဆောင်လို့ လူထုတွေကို ဘယ်လို အုပ်ချုပ်နိုင်ပါသလဲ။ အခြေခံဥပဒေပါအတိုင်း အဖွဲ့အစည်းတွေနဲ့ အာဏာသုံးရပ်ခွဲဝေ အုပ်ချုပ်တာက တပိုင်းပါ။ တိုင်းပြည်တိုးတက်ဖို့ စနစ်တကျ ချမှတ်ထားတဲ့ လုပ်ငန်းစဉ်တွေမှာ လူထုကို လှုံ့ဆော်စည်းရုံးလို့ ဒါမှမဟုတ် လူထုတရပ်လုံး ပါဝင်လာဖို့ နည်းနှစ်နည်းနဲ့ လုပ်ကိုင် ဆောင်ရွက် မောင်းနှင်နိုင်ပါတယ်။
တခုက အာဏာသုံး အမိန့်ပေး၊ ခိုင်းစေ ဆောင်ရွက်မှုပါ၊ လူထုက အမိန့်အာဏာဆိုတော့ ကြောက်တော့ ပြောတဲ့အတိုင်း လုပ်ရတာပေါ့။ မလိုက်နာရင် နောက်ဆုံး သေဆုံးတဲ့အထိ ဒုက္ခရောက်နိုင်တာကိုး… နောက်တနည်းကတော့ လူထုရဲ့ ထောက်ခံမှု၊ ချစ်ခင်မှုနဲ့ ပြောဆို စည်းရုံးရတာမျိုးပါ။ ဒါကျတော့ လူထုက တကယ်ချစ်တဲ့၊ နှစ်နှစ်ကာကာကို ထောက်ခံတဲ့ ခေါင်းဆောင်မျိုးတွေမှ စွမ်းနိုင်တာမျိုးပါ။
အာဏာရှိသူကျတော့ ပညာတတ်၊ ပညာမဲ့၊ ပညာမတတ်တတတ် ဘယ်သူမဆို အာဏာရှိရင် ဆောင်ရွက်နိုင်ပါတယ်။ ဒီလိုပါပဲ လူထု ချစ်ခင်သူ ခေါင်းဆောင်ကလည်း ပညာတတ်လည်း ဖြစ်နိုင်သလို ပညာမဲ့နဲ့ ပညာမတတ်တတတ်လည်း ဖြစ်နိုင်ပါတယ်။ ဒီနေရာရောက်မှ နည်းနည်း ထပ်ရှင်းလိုတာက “ပညာ“ကို ဒီဆောင်းပါးမှာ ဆိုလိုတာက ဆင်ခြင်နိုင်တဲ့ ပညာ၊ ထိုးထွင်းသိတဲ့ ပညာထက် အတန်းပညာ၊ ကျောင်းပညာ၊ တက္ကသိုလ်တွေမှာ စနစ်တကျ သင်ကြားခဲ့ရတဲ့ ပညာမျိုးကို ဆိုလိုပါတယ်။ ယေဘူယျအနေနဲ့တော့ အတန်းပညာကို ဆိုလိုကြောင်းပါ။
ပညာတတ်ဆိုတာကို ကိုယ့်ကိုယ်ကိုယ် ပညာတတ်လို့ ထင်နေသူ ဒါမှမဟုတ် တက္ကသိုလ်ကြီးတွေမှာ စနစ်တကျ သင်ခဲ့ရသူတွေကို ဆိုလိုပါတယ်။ ပညာမတတ်တတ်ကတော့ တက္ကသိုလ်ပညာတော့ သင်ခဲ့ရတယ်၊ ဒါပေမဲ့ ဘာသာရပ်တခုကို စနစ်တကျ သင်ခဲ့ရသူတွေ မဟုတ်ဘူး။ ဘွဲ့၊ ဒီဂရီတွေ ရချင်တော့ ရမယ်၊ သေချာ စနစ်တကျ မတတ်လို့ ပညာမတတ်မတတ်လို့ ဆိုလိုပါတယ်။ ပညာမဲ့ကတော့ အခွင့်အရေး မရလို့ဖြစ်ဖြစ်၊ မကြိုးစားခဲ့လို့ပဲဖြစ်ဖြစ်၊ အခြားအခြေအနေ အကြောင်းတခုခုကြောင့်ဖြစ်ဖြစ် အတန်းပညာ မရလိုက်သူ ဒါမှမဟုတ် တက္ကသိုလ်တခုခုက ဘွဲ့မရလိုက်သူကို ဆိုလိုပါတယ်။
ဆက်ပါဦးမယ်…။ အာဏာနဲ့ ခိုင်းစေတာနဲ့ လူထုရဲ့ချစ်ခင်မှုကို ရယူဆောင်ရွက်သူတွေရဲ့ လူထုပါဝင်ဆောင်ရွက်မှုကို စေခိုင်းတာကို ဥပမာတခုနဲ့ ပြောပြချင်ပါတယ်။ လူထု ချစ်ခင်မှုကို ရထားတဲ့ သူက လူထု စည်းဝေးပွဲတခုမှာ ဆိုပါတော့… သူက စင်မြင့်ထက်ကနေ ဟောပြောမယ်၊ အောက်က ပရိသတ်က မီတာ ၁၀၀ ပတ်လည်ရှိတဲ့ လူထုဆိုပါတော့ (ပေ ၃၀၀ ကျော် ပတ်လည် ရှိတဲ့ အုပ်စုလို့ မျက်စိထဲ မြင်ပေးပါ)။
လူထုချစ်ခင်မှုကို ရထားတဲ့သူက တခွန်းပဲ ပြောပါတယ်။ “ရှေ့ကလူတွေက နောက်ကလူတွေ မြင်ရအောင် ထိုင်ပေးကြပါ၊ ရှေ့ကလူက နောက်ကလူကို ညှာပါ“။ လူထုက ချစ်တဲ့သူက အဲဒီလို ပြောတော့ လူထုက ချက်ချင်းပဲ ထိုင်လိုက်ကြတယ်၊ ဟုတ်တယ် သူပြောတာ မှန်သားလို့လည်း တွေးမိကြတယ်။ အဲ… အာဏာရှိသူက ပြောမှာကလည်း ရှင်းပါတယ်။ ရှေ့ကလူတွေ ထိုင်ကြကွာ…၊ ဒါပဲ။ သူ့ကျတော့ ကြောက်တော့ ထိုင်ရတာပေါ့။ အာဏာရှိကြောင်း ပြတဲ့ သင်္ကေတတွေ ပါတယ်ဆိုရင် ပိုတောင် မြန်မြန်ထိုင်လိုက်ကြဦးမယ်။
လူထုလည်း မချစ်၊ အာဏာလည်း မရှိတဲ့ ပညာတတ်ဆိုရင်တော့ (နောက်တာ မဟုတ်ပါဘူး၊ သူ ဒီလို ပြောနိုင်ပါတယ်)။ “ခင်ဗျားတို့ စဉ်းစားကြည့်ပါ၊ မြင်ကွင်းတခု ဆိုတာက မီတာ ၃၀ ကျော် (ပေ ၁၀၀ လောက်) ဆို ၀ါးသွားတတ်ပါတယ်။ နောက်ပြီး လူတွေက သိပ်ပူးကပ်ပြီး တဆက်ဆက်တည်း ရှိနေရင် လေ၀င် လေထွက်ကလည်း မကောင်းတတ်ပါဘူး။ ဒီတော့ ကျွန်တော့် သဘော ပြောရရင်… လိုက်နာဖို့ကလည်း အင်မတန် သင့်တယ်လို့ မှတ်ပါတယ်… ကျန်းမာရေးအရလည်း မူးမော်တာတွေ၊ လဲကျတာတွေလည်း အများကြီး လျော့သွားနိုင်ပါတယ်။ ဒါကြောင့် စင်ကနေ မီတာ ၃၀ တွင်း (ပေ ၁၀၀) လောက်က လူတွေကတော့ ထိုင်လိုက်သင့်ပါတယ်။ ဒါဟာ မှန်ကန်ပါလိမ့်မယ်“
ကဲ… သူ ပြောတာ မမှန်ဘူးလား၊ ပညာတတ် နည်းလမ်း မကျဘူးလား။ လူထုအတွက် မကောင်းဘူးလား။ စည်းမျဉ်း ဥပဒေ ကျင့်ထုံးနဲ့ မညီဘူးလား။ သူလည်း ဒါမျိုးပဲ သင်ခဲ့ရတယ်လေ။ ဒါပေမဲ့ လူထုအတွက်တော့ အင်မတန် စိတ်ညစ်စရာ ကောင်းမယ်လို့ ထင်ပါတယ်။ ပညာတတ်ဆိုသူက ကိုယ့်ကိုယ်ကိုယ် ပညာတတ်လို့ ထင်ထားတဲ့ ကျွန်တော့်ကို အဲဒီလို လာပြောရင်တောင် ကျွန်တော်တော့ ကြိုက်မှာ မဟုတ်သလို လိုက်နာဖို့လည်း တက်ကြွမိမှာ မဟုတ်ပါဘူးလို့ တွေးမိတာပါပဲ။
ဒီတော့ အဆုံးမသတ်ခင် ကျွန်တော် မေးခွန်းလေးတခု မေးချင်ပါတယ်။ အသိဥာဏ်ရှိတဲ့ လူထုကို ဘယ်လိုလူတွေက စည်းရုံး အုပ်ချုပ်သင့်ပါသလဲ။ အခုလို အခွင့်အလမ်းတွေ ပေါကြွယ်ဝနေတယ်လို့ ပြည်တွင်းကရော ပြည်ပကပါ သုံးသပ်လို့ မြန်မာပြည်ထဲကို ဥဒဟို ၀င်ထွက်လာတဲ့ (ဟိုတယ်တွေတောင် ဘွတ်ကင် အမြဲပြည့်နေတဲ့) မြန်မာပြည်ကြီးမှာ မြန်မာလူထုကို ပညာတတ်၊ ပညာမဲ့၊ ပညာမတတ်မတတ် ဘယ်သူတွေက အုပ်ချုပ်သင့်တယ်၊ ဘယ်လိုပုံ အုပ်ချုပ်သင့်တယ်လို့ ထင်မှတ်ကြပါသလဲဗျာ။ ကြောင်၊ ကြောက်၊ ကြဲတွေနဲ့ ဘယ်လို စခန်းသွားသင့်ပါသလဲ။ ကျွန်တော်ကတော့ တနေ့တနေ့ ကြောင်တောင်တောင်နဲ့ စဉ်းစားမိနေဆဲပါ။
၂၀၁၂ ဖေဖော်ဝါရီ ၈၊ ဗုဒဟူး။ မွန်းလွဲ နှစ်ချက်တီး။
ဘန်ကောက်။
မိုးစက်မှော် 