by Myo Tha Htet on Thursday, 22 March 2012 at 19:26·

ကျွန်တော်က တခါတလေ စိတ်ပါရင် စာတွေ ရေးတတ်တယ်။ ဘယ်သူဖတ်ဖတ် မဖတ်ဖတ် ရေးတာပါပဲ။ ရေးရတာကလည်း အကြောင်း နှစ်ကြောင်း ရှိပါတယ်။ တကြောင်းက ကျွန်တော် ရေးချင်လို့…၊ ဒုတိယက မှတ်မှတ်သားသားလေး ရှိချင်လို့ပါ။ အသက်က ကြီးလာတော့ ခံစားမှုတွေက တဖြည်းဖြည်း မတူတော့ဘူး၊ မှတ်ထားရမှာတွေကျ မေ့သွားတတ်ပြန်တယ်။ ဒီတော့ ငါ အရင်က ဒီလိုလေး ခံစားခဲ့ရဖူးတယ်၊ ဒီလိုလေး ဖြစ်ခဲ့ဖူးတယ် ဆိုတာတွေကို နောင်အခါ ကိုယ့်ဘာသာ ကိုယ်ပြန်ဖတ်နေရင် မှတ်မိနေစေဖို့ပါ။

ဖေ့စ်ဘုတ်က သူငယ်ချင်းတချို့က ကျွန်တော် ရေးတဲ့ နုတ်တွေကို ဖတ်ကြတယ်ဆိုတော့လည်း သဘောကျမိတာပါပဲ။ တချို့လည်း ဖတ်ပြီး သဘောကျတော့ ကောင်းတယ်လို့ ပြောကြတယ်။ တချို့ကျလည်း အလုပ်တွေက များကြတော့ ဖတ်ဖို့ အချိန် မရကြဘူးနဲ့ တူပါရဲ့…။ ဘာမှ ပြောမလာဘူး။ ကျွန်တော့်လိုပေါ့၊ စာဖတ်ဖို့ အမြဲခေါင်းထဲ ထည့်ထားပေမယ့် အားမှသာ ဖတ်ဖြစ်တော့တယ်။

ကျွန်တော်က တကယ်ပြောတာပါ၊ အချစ်ဇာတ်လမ်းလေးတွေ၊ ခံစားမှုပါတဲ့ စာလေးတွေ တခါတခါ သိပ်ဖတ်ချင်တာပါပဲ။ တခါလောက်များ ဖတ်လိုက်ရရင်ကို ကျွန်တော့်မှာ အာသာပြေသွားတော့တာပါပဲ။ (ကြီးပွား တိုးတက်ဦးမယ့် အတိတ် နိမိတ်တွေပေါ့လေ…)။

တခါ ဖတ်ပြီးတဲ့ သူငယ်ချင်းတချို့က ဖတ်ပြီး နေရုံနဲ့ အားမရပြန်ဘူး ထင်ပါရဲ့… ဒါမှမဟုတ် ကျွန်တော့်ကိုလည်း မယုံကြည်လို့နဲ့ တူပါရဲ့… နည်းနည်းတော့ တောက်ကြည့်ဦးမှဆိုပြီး ထောက်ကြည့်ချင်တဲ့အတွက် မေးခွန်းတချို့ မေးကြတယ်။ အထူးသဖြင့် အကြောင်းသိတွေပေါ့လေ၊ “မင်းကွာ ဟုတ်ရဲ့လား“ တဲ့။ “အဲဒါက တကယ်လား“ တဲ့။

မေးခွန်းတွေ့ရင် ကျွန်တော်က ပြုံးမိတယ်။ ပြီးတော့ “ကျွတ် ကျွတ်“ လို့ စုတ်သပ်လိုက်တယ်။

“အေး… ဒါဖြင့်လည်း ပြီးတာပဲကွာ၊ မင်းက ကိုယ့်ကိုယ်ကိုယ် သိပ်ထင်နေလည်း နေပေါ့“ လို့တော့ ကျွန်တော့်ကို မထားခဲ့လိုက်ပါနဲ့ဦးနော်…။ အဲဒါလေး ရေးပြချင်သေးလို့ ထပ်ပြောဦးမယ်လေ။

ကျွန်တော်က သူတို့ကို ပြောပြတယ်၊ အခု လက်ရှိ အလုပ်ကို လုပ်နေပြီးနောက်မှာတော့ မေးရတာက ကျွန်တော့် အလုပ် ဖြစ်နေတယ်။ ဖြေရတာက ကျွန်တော့် အလုပ် မဟုတ်တော့ဘူး၊ ဒါကြောင့် မဖြေနိုင်ပါဘူးလို့ ပြောမိတယ်။ သိချင်လို့ မေးတာကို မဖြေနိုင်ပါဘူး ဆိုတော့ ကျွန်တော် အပါအ၀င် ဘယ်သူမှတော့ ကြိုက်ကြမှာ မဟုတ်ဘူးလေ။ ဒါပေမဲ့ မတတ်နိုင်ဘူး။

ဒီတော့ တချို့ကလည်း ပြောတယ်။ “မင်းဟာက အင်ကြီးပါကွာ“ တဲ့။ တချို့ကျတော့ “အင်း… သိပါတယ်နော်“ တဲ့။ တချို့ကတော့ မျှမျှတတ မြင်တတ်ပုံရတဲ့ သူလားတော့ မသိပါဘူး၊ “ငါးဆယ် ငါးဆယ်မို့လား“ တဲ့။ ကဲ… ကျွန်တော် ဘယ်လို ဖြေရမလဲ… ပြော…။ ဘယ်လို ဖြေမှ ကြိုက်မှာလဲ ပြော…။ ပြောခိုင်းတာနော်…၊ ကျွန်တော် ဖြေမယ်လို့ ပြောတာ မဟုတ်ပါဘူး။

အဓိက က… ကျွန်တော် ရေးချင်တာလေးတွေ ရေးနေတာက ရင်ခုန်နေအောင် ရေးတာပါပဲ။ မနက်ဖြန်တွေမှာ ရင် ဆက်ခုန်နေအောင် ရေးတာပါပဲ။ ဒီအရွယ်အသက်မှ ရင်ခုန်သံတွေ နှေးသွား အေးသွားမယ်ဆိုရင် ဘ၀ဟာ ရွှင်ဖို့ မကောင်းတော့ပါဘူး။ ဒါကြောင့် သူများတော့ မသိ… ကျွန်တော့် ရင်တွေ ခုန်နေစေဖို့ ဒီစာလေးတွေ ရေးရပါတယ်။ မိန်းကလေး ချောချောလေးတွေရဲ့ ဓာတ်ပုံလေးတွေလည်း ကြည့်ရပါတယ်။ ရင်ခုန်နေစေဖို့လေ…။

ပြီးတော့လည်း တယောက်တည်း ရင်ခုန်နေရတာလည်း မတရားဘူးလို့ တွေးမိပြန်တာကြောင့် ဒီကနေ့ခေတ် လူမှုကွန်ရက် ၀က်ဘ်ဆိုက်ဖြစ်တဲ့ ဖေ့စ်ဘုတ်မှာ ရှယ်ဖြစ်ပြန်ပါတယ်။ မျက်စိတော့ နောက်ကြပေလိမ့်မယ်၊ ဒါပေမဲ့ ရင်ခုန်ဖို့တော့ လိုတယ် မဟုတ်လားဗျာ…။

ကျွန်တော် စာရေးပုံကလည်း အဆန်းပါ။ ပတ်ဝန်းကျင်ကို မျက်စိနဲ့ မြင်အောင် ကြည့်တယ်၊ မြင်တာတွေကို စိတ်နဲ့ ခံစားတယ်၊ ရင်နဲ့ခံစားတယ်၊ ပြီးရင် ဦးနှောက်ကို ပို့ပြီး လက်ကနေ ကွန်ပျူတာပေါ် ရိုက်ချလိုက်တယ်။ ပတ်ဝန်းကျင်ကို မြင်အောင်ကြည့်တဲ့ အချိန်က ကြာတယ်၊ စိတ်နဲ့ ခံစားတာက မြန်တယ်။ ဦးနှောက်က (စိစစ်ပြီး) ရှင်းအောင် လုပ်လိုက်ပြီး လက်ကနေ ထုတ်လိုက်တာကတော့ အရင်ထက်တော့ အခု မြန်လာပြီလို့ ပြောလို့ ရပါတယ်။

မြင်အောင်ကြည့်ပြီး ရေးတာတော့ ဟုတ်ပါပြီ၊ မင်းက နားတော့ ဘာလို့ မထောင်လဲလို့ မမေးထိုက်ဘူးလား။ မေးပါ… ရပါတယ်။ မမေးလည်း ဒီတခါတော့ ကျွန်တော့်မှာတော့ အဖြေက အဆင်သင့်ပါ။ ကျွန်တော်ရဲ့ အာရုံ ခံစားမှု နားမကောင်းလို့ မြင်တာကိုသာ ခံစားနိုင်ပါတယ်လို့…။ ဒီတော့ တွေ့ပါလိမ့်မယ်။ ကျွန်တော့် စာတွေမှာ မြင်သာမြင်နိုင်ပြီး မကြားရသလို ဖြစ်နေပါတယ်။ အသံတွေ လိုနေတာပေါ့။ အဲဒါဟာ အဖြေတခုဆိုရင် မေးခွန်းတွေ ကျွန်တော်ရတာ နည်းသွားမှာ ဖြစ်ပါတယ်။ ကျွန်တော်က တကယ်တော့ မဖြေချင်သူပါ။

မေးခွန်းတွေ မေး၊ စကားတွေ ဖောင်အောင် ပြောတတ်တဲ့ ကျွန်တော်က စကား စကား ပြောပါများ၊ စကားထဲက (စာထဲက) ဇာတိပြ ဆိုသလို ဖြစ်နေပြန်တော့ ကျွန်တော့်စာ ဖတ်တဲ့ လူကြီး၊ သူမတွေကတော့ သဘောပေါက်ကြတာပေါ့။ ဒီကောင် ဘာရေးသလဲ၊ ဒီကောင် ဘာပြောသလဲ ဆိုတာ ချက်ချင်း ဆိုသလို သဘောပေါက် ခြုံမိကြတာပေါ့။ အဲဒီလို ကျတော့ တခါတလေတော့လည်း ရှက်များတောင် ရှက်မိပါတယ်။

စကားထဲက ဇာတိပြဆိုလို့ မသိသေးရင်တော့ ပြောပြလိုက်ချင်ပါသေးတယ်။ ရန်ကုန်ကပါ…။ ရန်ကုန် အကြွား…၊ မန္တလေး စကား…၊ မော်လမြိုင် အစား… ဆိုတဲ့ စကားပုံလိုလို ဇာတိချင်းပြိုင် ဂုဏ်ချင်းပြိုင်တဲ့ အဆိုတခုကလည်း ရှိနေသေးတော့ကာ ဒီအဆိုပါ မှန်မယ်ဆိုရင် ကျွန်တော် ရန်ကုန်သားဆိုတာ ပေါ်လွင်လှမယ်လို့လည်း မှတ်ပါတယ်လေ…။

မနက်ဖြန်အတွက် ခံစားမှု မသေအောင် ရင်ခုန်နေအောင်လို့ စာရေးတတ်တဲ့ ကျွန်တော်က မပျော်တာ တခုကတော့ စိတ်ထဲပေါ်တိုင်း လက်က မရေးနိုင်တာကိုပါ။ ဦးနှောက်က စိစစ်ရေး လုပ်နေတာကိုးဗျ။ စိတ်နဲ့က ခံစားနိုင်ပြီ၊ လှနေပြီ ဖြစ်ပေမယ့်လို့ လက်က လိုက်မရေးနိုင်တာဟာ ဦးနှောက်ရဲ့ အင်အားက ကြီးနေလို့ပဲ ဖြစ်ပါတယ်။

ဘာဖြစ်လို့လဲဆိုတော့ ကျွန်တော့်မှာ ခံစားမှု အနုအရွ၊ အလှအပလေးတွေ ရှိပါတယ်။ မြင်အောင်လည်း ကြည့်နိုင်တာမို့ စိတ်ထဲမှာရော ရင်ထဲမှာပါ တလှပ်လှပ်နဲ့ ခံစားလို့ အလွန်ကောင်းပါတယ်။ သဘောလေး အမြည်းပြောရရင် လေထဲမှာ ပျံနေရသလိုလို… ရေထဲမှာ မျောနေသလိုလို… နေထဲမှာ ဖြာရွှန်းနေသလိုလို… တောက်ပ လွင့်မျော လှိုက်ဖိုစရာပါ။ ဒါပေမဲ့ ဦးနှောက် ဆင်ဆာ မပေးတော့ သူတို့ကို လက်က ထုတ်မပေးနိုင်ပါဘူး။ ဒီတော့ ဦးကြီးတို့၊ ဒေါ်လေးတို့လည်း မဖတ်နိုင်တော့ဘူးပေါ့။

မဖတ်ရတော့လည်း ကောင်းတာပေါ့ဗျာ၊ မှုတ်ဘူးလား… မျက်စိညောင်း အချိန်ကုန် သက်သာတာပေါ့။ တခုပဲ ရှိတယ်၊ ကျွန်တော့်မှာတော့ ရင်ခုန်ခွင့် မသာတော့ဘူးပေါ့။

ကျွန်တော်ကတော့ ဖြစ်နိုင်ရင် ဘယ်သူ့ကိုမှန်းမသိ တိုင်တည်လို့ ခပ်တည်တည် ခပ်မိုက်မိုက် အကြောင်းအား ဘာမှ မပြဘဲ အကျိုးဆု တခုကို တောင်းဆိုပါတယ်၊ မနက်ဖြန်တွေအတွက် ကျွန်တော့်ကို ရင်ခုန်ခွင့်ပြုပါ။

၂၀၁၂ မတ် ၂၃၊ နံနက် ၁ နာရီ။

ဘန်ကောက်။