by Myo Tha Htet on Wednesday, 25 July 2012 at 21:25·
အသက် ၄၀ မှာ အချစ်ကို တွေ့တယ်၊ ၄၅ မှာ အချစ်က စွန့်သွားတယ်။ ဘာဖြစ်လို့ စွန့်သွားသလဲ…၊ ၂၅ နှစ် အရွယ် ကောင်မလေးနောက် ကောက်ကောက်ပါအောင် သူ လိုက်သွားခဲ့တယ်။ ဒီတော့ ဘ၀မှာ နဂိုနေ ပြန်ရောက်ဖို့ အချိန် တနှစ်ကျော် ပြန်ယူလိုက်ရတယ်။ ဒါပေမဲ့ အချစ်စစ်ကို တခေါက် ထပ်ရှာဖို့ စိတ်ထက်သန်နေတုန်းပဲ။ ဥာဏ်ထက်တယ်၊ အောင်မြင်တယ်၊ ကျန်းမာတယ်၊ ဆွဲဆောင်မှု ရှိတယ်၊ အဲ… ဒါပေမဲ့ တဖြည်းဖြည်း ဟိုင်းလာနေတဲ့ ထက်မြတ်တဲ့ မိန်းမတယောက်ကို ဘယ်သူကများ လိုချင်ပါဦးမလဲ။
မိတ်ဆွေ အပေါင်းအသင်းတွေက တဆင့် အချစ်ကို ရှာဖို့ကလည်း အများစုက ချာတိတ်မ ငယ်ငယ်ကို ကြိုက်တဲ့သူ ကြိုက်၊ မျိုးဆက်သစ် အတွက် ကလေးမွေးဖို့အထိ မျှော်မှန်းသူက မျှော်နဲ့ တကယ့်ကို စိတ်ညစ်ဖို့ ကောင်းပါတယ်။ ဒီတော့ လက်ရှိ ကျွန်မကို အတည်ကြံလို့ ချစ်မယ့်သူရော ရှိနိုင်ပါဦးမလား၊ အသက် ၄၅ နှစ် ကျော်လာတဲ့ မိန်းမတယောက်ဟာ သူ့ကို တကယ် ချစ်မယ့်သူ တယောက်ကိုရော ဒီဘ၀မှာ တွေ့နိုင်ပါဦးမလား။
၄၀ ကျော် မိန်းမတယောက်အတွက် အဖြေ
အချစ်ဟောင်းက ပေးတဲ့ ဝေဒနာကလည်း အတော်ကြီးသကိုးဗျာ၊ ကမ္ဘာကျော် မီတာ ၁၀၀ အပြေးသမား ရွှေတံဆိပ်ဆုရှင် ယူစိန် ဘို့ က သူ့စံချိန်ကို သူ ပြန်မရလို့ ဒုက္ခရောက်နေပုံနဲ့ တူနေပါလားဗျာ။ ပိုပြီး ခက်နေတာက ဘာမဆို ဖြစ်နိုင်တယ် ဆိုတာကိုတောင် ကိုယ်ကိုယ်တိုင်က သိပ်ပြီး မယုံမကြည် ဖြစ်သွားပုံ ရနေတယ်လို့ “ချစ်မှုရေးရာ နည်းပဒေသာ“ စာအုပ်ကို ရေးတဲ့ ဂျိမ်းစ် မက်ကောနယ်ချီ က ပြောပါတယ်။
ဒါပေမဲ့ ထောက်ပြတဲ့ အချက်လေးကတော့ ဒီကနေ့ခေတ် လူ့အသိုင်းအ၀ိုင်းက ယေဘူယျအားဖြင့် လက်ခံထားကြပြီး နှစ်လိုကြတဲ့ ပုံစံမျိုးလည်း ဖြစ်နေပါတယ်။ ဘာတဲ့… ယောက်ျားဆို အာဏာရင်လည်း ရှိမှ၊ ငွေရင်လည်း ရှိမှ မဟုတ်လား။ မိန်းမဆို ချောမှငယ်မှ၊ သားသမီး မွေးနိုင်ဖွားနိုင် ထွားထွားစိုစို နုနုပျိုပျိုဖြစ်မှလို့ ပြောကြတယ် မဟုတ်လား။
မိန်းမတယောက် ချောတယ်လှတယ် တော်တယ်ပြုတယ်ဆိုတာ ဒီမိန်းမဟာ ငယ်လည်းငယ်၊ အိမ်ထောင် သားမွေး ပြုနိုင်တယ် ဆိုတာကိုလည်း ဂုဏ်တရပ် အနေနဲ့ ထည့်တွက်ကြတယ် မဟုတ်လား။ မိန်းမတယောက်ရဲ့ ရုပ်သွင်ကို ကြည့်တဲ့အခါမှာ ခါးသေး ရင်ချီ ပဒုံမနီ ရင်ဖွံ့ထွားထွားနဲ့ သားကောင်းတို့ အမေ ဖြစ်နိုင်လေသလားလို့ တွက်ဆကြပုံကိုလည်း မက်ကောနယ်ချီက ပြောပါတယ်။
ဒါပေမဲ့ သေချာတာတခု ပြောနိုင်တာကတော့ အသက်အရွယ် ၄၅ ကျော်လို့ မတော်တဲ့ အရွယ်၊ တဆိတ်ဟိုင်းလို့ဆိုလည်း တခါ ဘဏ်စာရင်းမှာ ငွေမရှိ၊ ယောက်ျားကြိုက် ဘရာဆိုဒ် မဟုတ်ပေမယ့်လည်း အချစ်ဆိုတာကတော့ တွေ့နိုင်သားလို့ သူက ဆက်ပြောပါတယ်။
ကျွန်တော် သိသလောက်တော့ တချစ်၊ နှစ်ချစ်၊ သုံးချစ် စသဖြင့် အချစ်ကို သုံးလေးခါ ချစ်ဖူးခဲ့ကြသူတွေဟာ ဘ၀မှာ လက်ကျန် အချိန်တွေကို ဘယ်လို ကောင်းကောင်း အသုံးချရမလဲ၊ ဘယ်လို ပျော်ပျော်ရွှင်ရွှင် ပေါ့ပေါ့ပါးပါး နေကြမလဲ ဆိုတာကို သိသူတွေပါလို့ “ကျားရဲ့ ကမ္ဘာ“ စာအုပ် အပါအ၀င် အချစ်၊ အလွမ်း၊ အကြမ်း ၀တ္ထုစာအုပ် တဒါဇင်ကျော် ရေးခဲ့တဲ့ ရူးပတ် စမစ် က ပြောပါတယ်။
သူ့သူငယ်ချင်းမ တယောက်ဆို ငါးဆယ်ကျော်မှ ကံပေါ်တယ်လို့ ဆိုချင်လည်း ဆိုစရာတဲ့၊ စိတ်တူကိုယ်တူ မိတ်ဆွေတယောက်ကို ဆုံခဲ့မိလို့ အဲဒီ အတွဲဆို ဆယ်ကျော်သက်တွေလို ပျော်လိုက်ရွှင်လိုက် တွဲလိုက်ကဲလိုက်သမှ လေးငါးနှစ်တောင် ချီလာပြီလို့ စမစ် က ပြောပါတယ်။
ဆက်ဆံရေး ပါရဂူ ဒေါက်တာ စစ္စလီယာ ဒီ ဖလစ်ကတော့ “၂၁ ရက် အတွင်း လူအသစ် တယောက်လို“ ဆိုတဲ့ ဖတ်ရှုပြီး ကိုယ်တိုင် လိုက်နာ ကျင့်ကြံနိုင်တဲ့ လူမှု ဆက်ဆံရေး စာအုပ်ကို ရေးခဲ့သူပါ။ လူတယောက်ကို ဘယ်လိုလူမျိုး ဖြစ်မလဲ ဆိုတာကို သိချင်ရင် သူ အရင် ဘာတွေ လုပ်ခဲ့သလဲ ဆိုတာကို လေ့လာကြည့်ပါလို့ ဒေါက်တာ စစ္စလီယာ က ပြောပါတယ်။
(ချို(ဂျို)ပါတဲ့ အကောင်က ဝှေ့နေတတ်သလို) အချစ်ကို တွေ့ဖူး၊ ခံစားဖူသူဟာလည်း နောက်တခါ ထပ်ပြီး ချစ်နိုင်၊ ခံစားနိုင်တာမျိုးပါလို့ သူက ဥပမာ ပေးပါတယ်။ ကိုယ်ကိုယ်တိုင်က ငါဟာ အချစ်သစ်ရှာဖို့ သိပ်ကို ကြီးလွန်းသွားပါပြီလို့ ထင်မှတ်နေရင် အချစ်သစ်ကို မတွေ့နိုင်တဲ့ ကမ္ဘာထဲ ရှင်သန်နေဖို့ ကိုယ့်ကိုယ်ကိုယ် ထည့်သွင်းထားသလို ဖြစ်နေမယ်လို့ စိတ်ပညာရှင်လည်း ဖြစ်တဲ့ ဒေါက်တာ မမက ပြောပါတယ်။
အပြင်မရှာခင် အတွင်းကို အရင်ကြည့်၊ သူများကို ထပ်မချစ်ခင် ကိုယ့်ဘာသာ အရင်ပြင်ဆင်ထားဖို့ကိုလည်း ဒေါက်တာ စစ္စလီယာ က ထောက်ပြပါတယ်။
အသက် ၄၀ မှာမှ အချစ်ကို တွေ့ခဲ့တယ်လို့ ပြောတယ်၊ ဘာကြောင့် ဒီလောက်အထိ စောင့်နေခဲ့တာလဲ၊ ကိုယ့်ကို ဘယ်သူကမှ မကြိုက်ကြဘူးလို့ ထင်နေခဲ့တာလားလို့ ဒေါက်တာ မမက ပုစ္ဆာရှင်ကို မေးခွန်း ထုတ်လိုက်ပါတယ်။ ကိုယ့်ဟာကိုယ် ကိုယ့်အတွေးထဲ ဘာကြောင့် ဖွက်နေမှာလဲ၊ ဘာကြောင့် အိုမှာကို ကြောက်နေသလဲလို့လည်း မေးရင်း တွန်းပေးပါတယ်။
ကိုယ့်ဘာသာ ကျေနပ် ပျော်ရွှင်နေတတ်တဲ့ သူတယောက် အတွက်ကတော့ အချစ်ဆိုတာ ရှာရခက်နေဦးမှာပဲလို့ သူက ထောက်ပြ သတိပေးခဲ့ပါတယ်။
ကဲ… အပေါ်မှာ ပြောခဲ့တာတွေ အားလုံးကို နားလည်ပြီး ဖြေရှင်းနိုင်မယ် ဆိုရင်တော့ အချစ်ရှာဖို့ သဘောထား အသစ် ရလာလိမ့်မယ်လို့ တနေ့ကို ယောက်ျား ၆၀ လောက်နဲ့ တယ်လီဖုန်းကနေ အခယူပြီး ချက်တင် ပြောပေးနေတဲ့ ဂျန်နီ အိန်းစလီ တန်နာက ပြောပါတယ်။
ကိုယ့်ကိုယ်ကိုယ် ယုံကြည်မှုရှိတဲ့ မိန်းမမျိုးကိုတော့ ယောက်ျားတွေက သဘောကျကြပါတယ်၊ အဲ…မောက်မာတာ၊ အဆိုးမြင်တာကိုတော့ မကြိုက်ကြဘူးလို့ ဂျန်နီက ပြောပါတယ်။
ဒီတော့ ရှင်းရှင်း အကြံပေးရရင် ဘ၀ကို တစ်က ပြန်စပါ၊ လူတွေကြားမှာ နေပါ၊ ပွဲတွေ တက်ပါ၊ သူငယ်ချင်း မိန်းမချင်း နေတာကို လျှော့ပြီး ကိုယ်နဲ့ စိတ်တူတဲ့ လူတယောက်ကို မြန်နိုင်သမျှ မြန်မြန်ရှာပြီး မျှဝေ ခံစားပါ။ နူးညံ့စွာနဲ့ ပွေ့ဖက်လာမယ့် သူ့လက်တစုံကြောင့် ကိုယ့်ပခုံးလေးက ဂုဏ်ယူနေပါစေ (ရှင်းရှင်း ပြောရရင် များများ အဖက်ခံပါလို့ ပြောတာပါ) လို့ သူက ဆက်ပြောပါတယ်။
ယောက်ျားဘသား အများစုကတော့ မိန်းမငယ် မိန်းမချောတွေကို ကြိုက်ကြတာပါ၊ အဲ… ကိုယ်က အဲဒီ အများစုထဲ ပါနေဖို့ မလိုပါဘူး။ တကယ်လိုတာက တခုထဲပါ။ အသိဥာဏ် ထက်မြတ်တဲ့၊ အောင်မြင်နေတဲ့၊ ကျန်းမာတဲ့၊ ဆွဲဆောင်မှုရှိတဲ့ မိန်းမတယောက်ကို ရလိုက်တဲ့ ငါကွလို့ အမြဲ ဂုဏ်ယူနေတတ်မယ့် ယောက်ျားတယောက်ကို တွေ့လိုက်ဖို့ပါလို့ မက်ကောနယ်ချီ က ပြောပါတယ်။
၂၀၁၂ ဇူလိုင်၂၅၊ ည ၉ နာရီ။
လန်ဒန်။
ရည်ညွှန်း- London’s Metro Newspaper, Monday, July 23, 2012.
မိုးစက်မှော် 