by Myo Tha Htet on Friday, 17 August 2012 at 14:12·

မေ၊ မိုး၊ မာ တို့ မဆုံတာ အတော်ကြာပေါ့၊ အခုတော့ နွေပီပီ ရာသီဥတု ကောင်းကောင်း… ၀ိုင်ဖြူခွက် ကိုယ်စီနဲ့ လောက အရသာကို ခံစားနေကြတာ သဘာဝနဲ့ ဣတ္ထိယတို့ အလှပြိုင်ကြသလို…။ အသက်တွေက လေးဆယ်ကျော် လာပေမယ့် လှနေကြတုန်း… ကလေးတွေ ကိုယ်စီ မွေးထားကြပေမယ့်လည်း ခန္ဓာကိုယ် လေ့ကျင့်ခန်း ပြင်းပြင်းတွေ သေချာ လုပ်ထားကြလေတော့ “ငါတို့က တောင့်တုန်းဖြောင့်တုန်း ၄၃“ လို့ အချင်းချင်း စကြတယ်။

မေ က စာရေးဆရာမ ဆိုတော့ အနုအရွ အလှအပ သမုဒယ စာလေးတွေ ကိုယ်တိုင်ရေး၊ ကိုယ်တိုင်ထုတ် ဘ၀ကို ခပ်ပျော်ပျော် ဖြတ်သန်းနေသူပါ၊ သူ့မှာ အပူအပင် စိတ်ရှုပ်ထွေးစရာ မရှိဘူးလား ဆိုရင်တော့ တပုံရယ်နဲ့မှ အိုတပင်လို့တောင် ပြောရပါလိမ့်မယ်။ ဒါပေမဲ့ ကိုမောင်မြင့်နဲ့ နှစ်ကိုယ် ကြင်ခဲ့ကြပြီးနောက် ကလေးနှစ်ယောက်တောင် ရလို့ လောကရယ်ကို ခါးစောင်းတင်နိုင်ခဲ့ပြီလို့ပဲ ဘ၀အတွေ့အကြုံတွေနဲ့ ဆိုလင့်ရတော့မယ်။

ကိုမောင်မြင့်က အပါး၊ မယားအလှကို ရှေ့မှာတင်ဆို… မယားစကား မပယ်ရှား… မယားဆုံးဖြတ်ချက် အမှန်… ဒီလို ယောက်ျားမျိုး မင်း တသက် မဟုတ်၊ ဆယ်သက် ရှာစမ်းကွာလို့ ဆိုတတ်လေတော့ စာတတ် ပေတတ် စကားကပ် စကားတတ် မေတောင် အယောင်ယောင် အမှားမှား ဖြစ်လို့ သူလေ ပြောတတ်တယ်လို့ပဲ ဆိုနိုင်ပါတော့တယ်။ ရိုင်းရိုင်း ပြောရရင် ကိုမောင်မြင့်က မယားကြော နပ်သူလို့တောင် ပြောရလေမလားလို့ မေ စဉ်းစားဖူးတယ်။

အဲဒီ… ကိုမောင်မြင့်ပဲပေါ့၊ ကြူကြူသက်ဆိုတဲ့ ကျောင်းဆရာမ အပျိုကြီးတယောက်ကို အီစီဂလီလုပ်ရင်း ကြိုက်ခဲ့ပြန်သတဲ့။ အပျိုကြီး ဆရာမ… ကျောင်းသားတွေကိုပဲ ဗိုလ်ကျတတ်တာ မဟုတ်ဘူး၊ ကိုမောင်မြင့်ကိုလည်း အအူ အအ မှတ်ပြီး ဗိုလ်ကျ ရမယ်လို့ အထင်နဲ့ အိလေးဆွဲ အထာနပ်တဲ့ တမယား နှစ်ယောက်ကလေး အဖေကို (ဟိုလူကလည်း လိမ်ထားလို့ ဖြစ်ချင် ဖြစ်မှာပေါ့လေ) မျက်စိလည် လမ်းမှားပြီး အချစ်လမ်းကြောင်းပြန် မောင်းလို့ ကြိုက်ခဲ့ဖူးသတဲ့လေ…။

စကားတတ်တဲ့ မေ က သူ့ သူငယ်ချင်းတွေကို အခုလို ဖောက်သည်ချသတဲ့…။

“ငမောင်မြင့်ကွာ… မကောင်းဘူး၊ ဆရာမ တယောက်ဆီ သွားသွားနေသတဲ့၊ ကျုပ် အထိန်း လိုက်ခဲ့ရသေးတယ်“

ရေကူးကန် နဘေးက သူတို့ဟာ အေးအေးသက်သာ ရှိလှတဲ့ ပတ်ဝန်းကျင် အလှကို စိတ်ညစ်ညူးမှုတွေ ခေါ်ဆောင်လိုက်ကြတယ်။ မိုးက စီးကရက်ငွေ့တွေကို အနီရောင် ဆိုးထားတဲ့ နှုတ်ခမ်းလှလှလေးကနေ ဝေးသထက် ဝေးအောင် မှုတ်ထုတ်လိုက်တယ်။ သူ့မှာကလည်း သူ့ အကြောင်းနဲ့သူ စိတ်ညစ်စရာတွေက ရှိနေတာကိုး…။ ခု သူငယ်ချင်း မေ စကားကို သူ အသာ နားစိုက်မိတယ်။ မေတယောက် ဘာများ ဒုက္ခကြီးသလဲပေါ့။

မိုးက နိုင်ငံရေးပါတီတခုရဲ့ စည်းရုံးရေးမှူး၊ လာမယ့် ရွေးကောက်ပွဲမှာ အမတ်လောင်းအဖြစ် ပြိုင်မယ့်သူ၊ တိုင်းပြည်ရေးအတွက် စွမ်းစွမ်းတမံ လုပ်မယ်လို့ အားခဲထားသလို လုပ်လည်း လုပ်နေပေမယ့်လည်း ကိုယ့်မိသားစုရေးကတော့ မအောင်မြင်ဘူးလို့ ပြောရမယ်။ ကိုလူအောင်က ကလေးသုံးယောက် မွေးပြီးကထဲက ဘာဖြစ်မှန်းမသိတော့ဘူး၊ နိုင်ငံရေးလည်း မလုပ်… စီးပွားရေးလည်း မလုပ်… ဘ၀ အောင်မြင်ရာ တိုးတက်ကြောင်း ဘာတခုမှ မဟုတ်တော့ဘဲ အရက်ချည်း လှိမ့်သောက်နေတာ ဘယ်နတ်ဆရာ၊ ယတြာမှလည်း မနိုင်တော့တာ အခုထိ…၊ မိဘ ဘိုးဘွား ဘိုးစဉ်ဘောင်ဆက် ချမ်းသာလို့ပဲ တော်ပေတော့တယ်။

သားသုံးယောက်ကလည်း နိုင်ငံခြား သွားလိုက်၊ သီချင်းဆိုလိုက် ပန်းချီရေးလိုက် သူတို့ကိုယ် သူတို့တော့ ခေတ်သစ် အနုပညာရှင် ပေါက်စတွေလို… မကြာခင် မြန်မာပြည်ကြီး ကမ္ဘာ့တန်းဝင် နိုင်ငံကြီး ဖြစ်မှာက သူတို့ အနုပညာ အဆန်းပလန်းတွေကြောင့်လို့ ထင်မှတ်နေကြသူတွေ… ဒီတော့ ဒီမိသားစုကို လက်လွှတ်လို့ မိုးကတော့ စိတ်ဒုံးဒုံးချ… နိုင်ငံရေးပဲ လုပ်တော့မယ်လို့ ဆုံးဖြတ်ထားသူ… တခါတခါတော့ အခုလို ရင်ဘတ်ချင်းတူသူ ငယ်ပေါင်းမဟုတ် ကြီးဖော်တွေနဲ့ ဆုံတတ်ကြတယ်။

မိုးဟာ သူ့လူကြီးကိုလည်း တချက် သတိရ… ပြီးတော့… တခါထဲ စိတ်လည်း ပျက်သွားမိတယ်။

ဆယ်ကျော်သက်တွေ မဟုတ်ကြတော့လို့လည်း ယောက်ျားတွေကို ဖမ်းမထားချင်တော့ဘူး၊ ဒါပေမဲ့ လမ်းလွဲသွားမှာကိုလည်း စိုးထိတ်ဗျာပါ ရှိနေတာမို့ မေ့စကားကို မိုး ထောက်လိုက်ရတယ်။

“ဆရာမလေးက မင်း ရှိမှန်း မသိဘူးလားတဲ့ကွာ“

မေ က နှုတ်ခမ်းလေး တွန့်ရယ်တယ်။ သူတို့ သုံးယောက်ထဲမှာ မေ တယောက်ပဲ အဲဒီလိုမျိုး အလှဆုံး လုပ်တတ်တယ်။ ပြီးမှ ၀ိုင်ခွက်ကို မလို့ တငုံ စုပ်တယ်။ နှုတ်ခမ်းလေးကို စူအောင် ချွန်လိုက်ပြီးမှ ၀ိုင်အရသာခံရင်း…

“ငနဲသားက ဘာတွေ ပြောထားမှန်းမှ မသိတာကွ၊ ဆရာမလေးကို အငယ်ကောင်လေး လက်ဆွဲလို့ သွားတွေ့တော့… သူ့ တပည့် မဟုတ်တဲ့ ကလေးတယောက်ရဲ့ အမေကို အံ့နေတာပေါ့ကွာ“

“ဒီတော့…“

“မေပဲလေ… အရှုပ်ထဲမှာ ရှင်းအောင်နေတဲ့သူပဲ၊ ဗြောင်ပဲ ပြောချလိုက်တာပေါ့။ ကိုမောင်မြင့် မိန်းမကြီးပါပေါ့“

“ဟင်… မေက မိန်းမကြီးဆိုတော့…“

နိုင်ငံရေးသမား မိုးက ပြည်သူ့ပြဿနာ သူ့ပြဿနာလို့ အမြဲလိုလို မှတ်နေတာမို့ မေ့ ပြဿနာကိုလည်း သူ့ပြဿနာလို့ပဲ ချက်ချင်းလက်ငင်း မှတ်လိုက်သလို ကျောင်းဆရာမ ပြဿနာကိုလည်း သူ့ပြဿနာလို့ မှတ်နေပြန်တာကြောင့် လတ်တလော အတွင်းမှာပဲ ပြဿနာပေါင်းစုံ သူ့ခေါင်းပုံ ဖြစ်သွားပါတော့တယ်။

“ဒီလိုလေကွာ… သာသာနဲ့ နာနာနှက်ရတာပေါ့၊ ကိုယ်က မိန်းမကြီးဆိုတော့ သူကလေး ဘာဖြစ်သွားမလဲ…၊ နည်းနည်း ဦးနှောက်လေး သုံးပြီး စဉ်းစားလိုက်စမ်းပါ မိန်းမရာ…“

“ဟီး ဟီး ဟီး…“

မလှပတဲ့ ရယ်သံကြီးတခု ဟိန်းထွက်လာပါတယ်။ မိန်းမတယောက်ဆီက ဒီလို ရယ်သံမျိုး မထွက်သင့်မှန်း သိပေမယ့် မေ့စကားကို သဘော အကျကြီး ကျသွားသူက မာ…။ သူ့ရယ်သံ မလှမှန်း သိပေမယ့်လည်း သူ ဘယ်လိုမှ အောင့်နေလို့ မရတော့ဘူး။ ၀ိုင်ကလည်း အခုမှ နှစ်ခွက်ထဲ ရှိသေးတာ… ၀ိုင်ကြောင့်တော့ လုံးလုံး မဟုတ်ဘူး။ မေ့စကားကြောင့် သက်သက်သာ…။

မာ က အက ဆရာမ၊ မြန်မာရော နိုင်ငံတကာ အကတွေပါ ကျွမ်းကျွမ်းကျင်ကျင် ပိုင်နိုင်လှပစွာ ကတတ်သလို ကိုယ်တတ်သလို သူများတွေ တတ်အောင်လည်း သင်တန်းဖွင့် သင်ကြားပေးနေသူ။ အနုပညာလောကမှာ ထွန်းပေါက်နေသူတချို့က မာ့သင်တန်းဆင်းတွေ ပါပါတယ်။ ကိုယ်ကိုယ်တိုင်က အက ဆရာမို့ ခန္ဓာကိုယ် အချိုးအဆက် အဆစ်အပေါက်က အင်မတန် လှသလောက် အသံကတော့ ဇော်ဝင်းထွဋ်အမေ ထားလို မဟုတ်ဘူး၊ ဆိုးမှဆိုး ဆူမှဆူ… ရယ်လိုက်ရင် လူမိ မခံဝံ့သူ…။

အခုတော့ သူ မေ့ကြောင့် မလှမပ ရယ်မိပြီ၊ မလှမပက အရေးမကြီးဘူး… အားပါးတရ ရယ်မိတယ်။ တကယ်တော့ မေ့ကြောင့် သက်သက်လည်း မဟုတ်ပြန်ဘူး၊ သူ့အတွေးနဲ့ သူ…။ မေက ပြောတယ်လေ… သူက “မိန်းမကြီး“ လို့ ဆရာမလေးကို ခပ်ကြွားကြွား ပြောလိုက်သတဲ့။ စကားတတ် မေ စာရေးဆရာမ မေ… ဆိုလိုတာက သူက မိန်းမကြီး ဖြစ်ရင် ဆရာမလေးက မ်ိန်းမငယ်ပေါ့၊ မေ့ စကားအသွားအလာရဆိုရင် မယားငယ်ပေါ့ (နှိမ်တဲ့ သဘောပေါ့)။

မာ တွေးမိ ရယ်မိတာက ဒီလိုမှ မဟုတ်တာဘဲ… ဆရာမလေးက “ဒါဖြင့်လည်း ထိုင်ပါဦး မမရယ်… ကိုမောင့် မိန်းမကြီးကို တွေ့ရလို့ ၀မ်းသာမိပါရဲ့… နို့… စကားမစပ် ကိုမောင့် မိန်းမလတ်တို့၊ မိန်းမငယ်တို့ရော ရှိသေးပါရဲ့လား၊ ဘယ်သူတွေပါလဲ ရှင်“ လို့ ဆရာမပီပီ ကျောင်းသား ဒါမှမဟုတ် ကျောင်းသားမိဘ တွေ့လို့ အခွင့်ရတုန်း စစ်မေးနေရင် မခက်လားလို့ စီးကရက်တရှိုက် ရှုသွင်းရင်း မာ့ အရွှင်စိတ် လင်းမိတာ အပြစ်လား…၊ အတော်ကြာလာတောင် အရယ်မရပ် အပြုံးမပျက် သေးတဲ့ မာက အဲဒီလို တွေးမိ ရယ်မိခဲ့တယ်။

“ဘာရယ်တာလဲ အမာမ…“

“ဟဲ ဟဲ… ဟုတ်ပါဘူး မေရယ်… ကိုယ့်အတွေးနဲ့ ကိုယ်မို့ပါ၊ ဒါနဲ့ ဆရာမလေးက မင်းကို ဘာပြန်ပြောသလဲကွ“

မာ က မျက်နှာပိုး မသပ်တသပ်နဲ့ ဘရိတ်မမိတဲ့ကား အခါခါ ဘရိတ်နင်းခဲ့ပေမယ့် နောက်ဆုံးတော့ ကားက အရှိန်ကုန်လို့ သူ့ဘာသူ ရပ်သွားသလို အနေအထားဖြစ်အောင် ထိန်းရင်း စကားထောက်လိုက်ရတယ်။

“မင်း ရယ်နေတာနဲ့ ကိုယ့်စကားတောင် ဘယ်နား ရောက်သွားမှန်း မသိတော့ဘူး။ ဘာဖြစ်ရမလဲကွ… မျက်နှာငယ်ငယ်လေးနဲ့ နောက်ဆုံးတော့ မေ့ကို သူ တောင်းပန်တာပေါ့။ ဒီတော့ ကိုယ်ကလည်း အေး… သိပါတယ်၊ ဆရာမ မသိလို့ မှားတယ်ဆိုတာ သိလိုက်ပါတယ်လို့…။ အခုတော့ သိရင် အမှန်ကို ပြင်ပါတော့လို့ ဆရာမကို ဆရာလုပ်ပြီး ပြန်ခဲ့တာပေါ့ကွာ“

ခုနက သိပ်ကို အရေးကြီးလွန်းတဲ့ ပုံစံမျိုးနဲ့ စိတ်ဝင်စားနေတဲ့ မိုးခမျာ… မေ့စကားနောက် မျောနေတာရော… မာ့ အရယ်အပြုံးတွေ ဖောက် ၀င်လာတာကြောင့်ပါ စိတ်ပိုနှောက်သွားပုံ ရပေမယ့် အခုလို မေ့ဇာတ်လမ်း မြန်မြန် စခန်းသိမ်းသွားတော့ ဇာတ်ရည်လည်သွားခဲ့ပြီး ရွှင်သွားပါတယ်။ ၀ိုင်ပုလင်းကို သတိထားကိုင်ပြီး သူ တခွက် ထပ်ထည့်တယ်။ ပြီးမှ ပြီတည်တည် မျက်နှာထားရယ်နဲ့ မေ့ ကို စတယ်။

“ဒီတော့ မေက ကိုမောင်မြင့်ကို အပိုင် ပြန်ချည်လိုက်ပြီပေါ့၊ ကိုယ့်ဆရာက ရုန်းချင်သေးသလားကွ“

သူတို့စကား သူတို့ပဲ သိတယ်ဆိုတဲ့ အထာနဲ့ ပြောနေကြပေမယ့် ရင့်ကျက်တဲ့ ဘ၀ကို တက်လှမ်းလာနေကြတဲ့ ထက်မြက်တဲ့ မိန်းမတွေပီပီ ဟန်ကလေး၊ မာန်ကလေးတွေ ရှိနေကြတယ် ဆိုတာကိုတော့ သူတို့ အသံလေးတွေမှာ ရောစွက်ပါနေတဲ့ ပြောပြရခက်တဲ့ အနားသပ် အဖျားခတ် စကားလုံးလေးတွေက ဘေးက ကြားမိသူတွေကို သတိပြုမိစေမှာ ဖြစ်ပါတယ်။

မေကတော့ သူ့ မူပိုင် အလှဆုံး နှုတ်ခမ်းလေးကို ဒီညနေခင်းလေးအတွက် တတိယပ္ပိ တွန့်ပြန်တယ်။ ကျေနပ်နှစ်သိမ့်မှု အပြုံးလေးကလည်း စွက်လို့…။

“မရုန်းတဲ့အပြင် ကိုယ့်ဆရာက သူ့ နွားသတ်ရုံ ပို့တော့မှာကို သိနေတဲ့ ငညိုကြီးလို လုပ်နေလို့ ကိုယ့်မှာ အသနား ပိုလွန်ကုန်မိပြီး ကိုယ့်ကိုယ်ကိုယ်တောင် မယုံမကြည် ဖြစ်နေရတာမို့ မင်းတို့ကို ပြောပြနေတာပေါ့ကွ“

“မိန်းမက ဘာ ထပ်လုပ်မိပြန်တာတုံး“

ဒီတခါတော့ မာ က မရယ်မပြုံးတဲ့အပြင် ရုတ်ချည်းဆိုသလို ကောင်တာ (ပြန်ထောက်) မေးခွန်းကို ကောက်ကာငင်ကာ မေးချလိုက်တော့တယ်။

“ဒီလိုလေ… ကိုမောင်မြင့်က ဆရာမဆီတော့… တို့ သွားတွေ့တာ သိသွားပြီးနောက်မှာ မသွားတော့ဘူးလေ၊ မသွားတဲ့အပြင် လူကို အကြင်နာတွေ ပိုပြီး အကယ်ဒမီရှော့တွေချည်း လုပ်နေလို့ ကဲ… ဖယ်ပါဦး၊ တော်ပါတော့ လို့ နွဲ့နွဲ့မူ အိုက်တင်တွေ ကျူပ်မှာ လုပ်နေရတယ်၊ ကလေးတွေနဲ့လည်း သူ အချိန် ပိုပေးလာပါတယ်၊ အဲ… တခုပဲ…“

မိုးရော မာပါ စိတ်ဝင်စားနေကြတယ်။ ဇာတ်လမ်းက ဇာတ်သိမ်းရောက်ခါနီး တမ်ပို (ဇာတ်ရှိန်မြင့်တဲ့နေရာ) ကို ဆွဲတင် လိုက်သလို ဖြစ်သွားတာကိုး…။ ဒီတခါတော့ မိုးနဲ့ မာ မျက်လုံးချင်း တဲ့ဆိုင်ကြည့်ပြီး မပြုံးမရယ်ကြဘဲ ရှိနေကြပြီး နောက်မှာမှ… မိုးက မေးတယ်။

“မိန်းမ… ဘာ အဲတာလဲ၊ ကိုမောင်မြင့် ဘာဖြစ်လို့လဲ“

ဒီတော့မှ မေက ပြောသင့် မပြောသင့် စဉ်းစားနေတဲ့… ဒါပေမဲ့ ပြောကလည်း ပြောကို ပြောရမှာ ဖြစ်တာမို့… မကျွမ်းကျင်တဲ့ကြားက စကားလုံး ရွေးနေရတဲ့ ရွာသူကြီးလိုမျိုး ပုံစံဖမ်းရင်း တဖက်ကလည်း အပျိုမတမ်းလေး ပထမဆုံး ရည်းစားစကား အပြောခံရသလို… ခုန်ပေါက်လည်း မပျော်နိုင်၊ လူမသိအောင် ထိန်းပြီးလည်း ဟန်မဆောင်နိုင်၊ မလုံမလဲ အိုးတိုးအမ်းတမ်း ကြည်လည်းကြည်နူး ရှက်ကလည်း ရှက်၊ အခက်တွေ့နေပေမယ့် မ၀ှက်နိုင်တဲ့ ကြာမျက်နှာနဲ့ပဲ သူ့သူငယ်ချင်းနှစ်ယောက်ကို အခုလို ပြောချလိုက်ပါတယ်။

“ကိုယ်တော်က မလိမ္မာတခါမိုက် ဖိုးသူတော် ဖြစ်သွားတယ်လေ၊ ဆရာမဆီလည်း သူ မသွားတော့ပါဘူးတဲ့။ တခါတလေတော့ သူ့ဟာမ သတိရလို့ ထင်ပါ့၊ တမှိုင်မှိုင် တအီအီတော့ ဖြစ်သား… တနေ့ကတော့ ကိုယ့်နား သုံးလေးခါ လာ…၊ ဖက်လိုက် နမ်းလိုက်…၊ အူကြောင်ကြောင်တွေ လုပ်လိုက်… အဲဒီလိုတွေ ခဏခဏ လုပ်ပြီးမှ တောင်းဆိုတဲ့ စကားတခွန်း ရွံ့တွန့်တွန့်နဲ့ ပြောလာတယ်“

“ဘာတဲ့လဲ“

မိုးနဲ့ မာ ဆီက သံပြိုင် ထွက်သွားတယ်။ သူတို့ သိပ် သိချင်နေကြတယ်လေ။

မေကတော့ အတွေ့အကြုံရှိတဲ့ သူကြီး… နောက်ဆုံးတော့ ဘာပဲဖြစ်ဖြစ် ပြောချလိုက်တော့မယ်ဆိုတဲ့ ပုံစံ၊ တခါ… မယုံနိုင်လောက်အောင် အချစ်တွေ ထုံမွမ်းထားတဲ့ အပျိုမလေးဟန်၊ တကိုယ်လုံး ကော့တော့လန်ပြန်နေတဲ့ ပုံစံမျိုးနဲ့ တဖက်သားကို မရိုးမရွဖြစ်အောင် လုပ်နေရင်း နာကြားဖို့ အသင့်စောင့်နေတဲ့ မိုးနဲ့ မာ ကိုတောင် အားမနာဘဲ အတန်ကြာ ပြုံးတုံးတုံး လုပ်ပြီးကာမှ…

“လာမယ့် စနေနေ့က ဆရာမရဲ့ မွေးနေ့တဲ့ရှင့်… အဲဒါ သေမလို ကြွေနေတဲ့ ဘဲကြီးက သူ့အစား ကျုပ်ကပဲ ဆရာမကို သွားတွေ့ပြီး မွေးနေ့ လက်ဆောင်ပေးရင်း တခုခု ကျွေးပေးပါတဲ့“။

အရယ်၊ အပြုံးလေးတွေနဲ့ ဆူညံခဲ့တဲ့ ညနေခင်းလေး တခုပေါ့…။

၂၀၁၂ သြဂုတ် ၁၇၊ မွန်းလွဲ နှစ်ချက်တီး။

လန်ဒန်။

Advertisements