by Myo Tha Htet on Friday, 4 May 2012 at 07:29·
ကျွန်တော့်မှာ ကျွန်တော့်နုတ်တွေကို ဖတ်နေတဲ့ စာဖတ်ပရိသတ်တယောက် ရှိတယ်၊ သူက ကျွန်တော့်ကို ပုဂ္ဂိုလ်ရေးလည်း ရင်းနှီးပြီး ကျွန်တော် အာလူး၊ ဗူးသီး ရေးတာတွေကိုလည်း သေချာ စောင့်ဖတ်နေသူလို့ ပြောပါတယ်။ ပြီးတော့ အခု ရေးတာလေးက ဖတ်လို့ ကောင်းသားလို့ မြှောက်ပေးလာပြန်ပါတယ်။ ဒါနဲ့ပဲ အခု တတိယပိုင်းကို ထိုးဇာတ်ခင်းလို့ ကိုရီးယား ရုပ်သံ ဇာတ်လမ်းတွဲတွေလို မရှည်ရှည်အောင် ဆွဲဆန့်ပြီး ရေးရပြန်ပါတယ်။ မြှောက်ပေးလို့ကတော့ လက်မခေသူပါလို့ ပြောရမလားပါပဲဗျာ။
မ က ကျွန်တော့်ကို စူးစိုက်ကြည့်ပြန်တယ်၊ ဒီတကြိမ်လည်း အကြည့်လွှဲရပြန်သူက မူလလက်ဟောင်း ကျွန်တော်ပဲပေါ့။ ဘာကို ကြည့်တာလဲ၊ ဘာဖြစ်လို့ ကြည့်တာလဲ။ သံသယဆန်တဲ့ မေးခွန်းများစွာ ကျွန်တော့်ရင်မှာ…၊ တည်ငြိမ်ဟန်ဆောင်ထားတဲ့ ကျွန်တော်ဟာ မသိမသာ ရင်ထဲ လှုပ်ခတ်လာနေတာကို သတိကြီးကြီး ရှိတတ်တဲ့ ကျွန်တော် ပထမဆုံးအကြိမ် သတိထားလိုက်မိပါတယ်။
မြွေတကောင်ဟာ သူစားမယ့်အကောင်ကို ပထမအဆင့်အနေနဲ့ ညှို့ယူလိုက်သလို မ က ကျွန်တော့်ကို ညှို့နေပြီလား။ ဒါဆို ကျွန်တော့်ကို ၀ါးမြိုဖျက်ဆီးတော့မှာလား။ ကျွန်တော့်စိတ်က အဲဒီလိုပဲ၊ မဟုတ်က ဟုတ်က တွေးတဲ့ နေရာမှာ နှစ်ယောက် မရှိသူပါ။ တကယ်တော့ မ က ကျွန်တော့်ကို ကြည့်နေတာ အကြောင်းရှိပါတယ်။ သူက ညှို့ချင်တာထက် ညှိချင်လို့ ဖြစ်ပါတယ်။
“ယူ က ချောတာကို ဘာဖြစ်လို့ ထိပ်ဆုံးမှာ ထားရတာလဲ၊ ကျွန်မဖြင့် လုံးလုံး နားမလည်ဘူး“
ကျွန်တော် သိပါတယ်၊ သူ ဘယ်လိုမှ မနေနိုင်တော့လို့ ဒီမေးခွန်းကို ထုတ်မေးလာတယ်ဆိုတာ… နောက်ပြီး သူ့အလှတရားမှာ သူ သေချာ မယုံကြည်လာလို့လည်း ဖြစ်နိုင်ပါတယ်။ သူ့ကို လက်ရှိ ချစ်ခင်နေသူ ယောက်ျားတဦးက ချောတာကိုမှ နံပါတ်တစ် ဦးစားပေး ရွေးချယ်သူပါလို့ တိတိလင်းလင်း ဆိုလာတော့… ကိုယ်ကိုယ်တိုင်က မိန်းမတယောက် မာနဖြစ်လောက်အောင် ချောတာမျိုး မဟုတ်ဘူး ဆိုရင် ယုံကြည်မှု နည်းနည်းဖြစ်ဖြစ် ကျဆင်းသွားတတ်တာ ဓမ္မတာပဲ မဟုတ်လားဗျာ။
ကျွန်တော့် အဖြေကလည်း ရှင်းပါတယ်၊ ဘာဖြစ်လို့လဲဆိုတော့ ကျွန်တော့် ရင်ထဲမှာ နှစ်နှစ်ကာကာ ယုံကြည်ထားချက် ဖြစ်နေတာကိုးဗျာ။
“ဟ… ဒါ အရှင်းလေးပဲဗျ၊ ကိုယ်နဲ့အတူ နေ့ရော ညပါ ရှိနေမယ့် မိန်းမတယောက်ဟာ ချောမောလှပသူ တယောက် မဟုတ်ဘဲနဲ့ ကျွန်တော် ဘယ်လိုလုပ် အကြာကြီး သူနဲ့အတူ နေနိုင်မလဲဗျ။ ဒီ မေးခွန်းဟာ မေးစရာ မလိုတဲ့ မေးခွန်းပဲ“
ကျွန်တော်က အဲဒီလို ခပ်တည်တည် ပြောလိုက်တော့… မ က ကျွန်တော့် မျက်နှာကိုတော့ မကြည့်တော့ဘူး၊ မျက်စိကို မှိတ်လိုက်တာလည်း မဟုတ်ဘူး။ မျက်နှာကို အပေါ်ဘက်ကို မော့လို့ စဉ်းစားနေတယ်။ ကျွန်တော်ကလည်း သူ ဘာကို စဉ်းစားနေသလဲလို့ လိုက်စဉ်းစားတယ်။ စဉ်းစားမှုတွေဟာ သူနဲ့ ကျွန်တော့်ကြားမှာ ရှိနေတော့တယ်။
“တကယ်တော့ ချောတာဟာ ရေရှည်မခံဘူးပါကွာ၊ ချောတာဟာ တန်ဖိုးမရှိပါဘူး။ တော်တာကမှ တကယ့် အရည်အချင်းပါ“
မ က သူ့အဖြေကို တကယ်ယုံကြည်ဟန်နဲ့ ပြောတယ်လို့တော့ ကျွန်တော် မထင်ဘူး၊ သူ့စကားတွေက ပျော့တော့တော့ ညှင်းတင်းတင်းနဲ့ ထွက်လာတာကို ကျွန်တော် သတိထားမိနေလို့ပဲ။ မ ဟာ ကျွန်တော့်မျက်လုံးထဲမှာတော့ ချောမောလှပတဲ့ မိန်းမတယောက်ပါပဲ။ ဒါပေမဲ့လို့ သူ့အလှကိုတော့ သူ ပြတ်ပြတ်သားသား ယုံကြည်ပုံ မရဘူးလို့ ကျွန်တော် ထင်ပါတယ်။ သူက ကိုယ်တိုင်တော့ ထက်မြက်သူ တယောက်ဖြစ်လို့ တော်တာကို ဇောင်းပေးချင်ပုံ ရပါတယ်။ ဒီတော့ ကျွန်တော်က ကွန်ပလိန်းတက်ရတယ်။
“မဟုတ်ဘူး၊ ချောတာဟာလည်း မိန်းမတယောက်အတွက် အရည်အချင်းတခုပဲ။ မွေးရာပါ အရည်အချင်းလို့ ဆိုချင်ဆို… ပြုပြင်ဖန်တီးထားတဲ့ အရည်အချင်းလို့ ပြောချင်ပြော…၊ မိန်းမတယောက်ဟာ ချောမော လှပဖို့ အရေးကြီးပါတယ်“
ကျွန်တော်က ဆက်ပြောပြန်တယ်။
“အရင်ကဆို “က္ကတ္ထိ ရူပံ ဓနံ“ မိန်းမတို့ အဆင်းသည် ချမ်းသာမည်၏ လို့တောင် ဆိုကြသေးတယ် မဟုတ်လား။ မိန်းမတယောက် ရုပ်ချောတာဟာ သူ့ရဲ့ အရင်းအနှီးပဲ၊ ချမ်းသာပဲဗျ“
ကျွန်တော်က ကျမ်းကိုးနဲ့ လွှတ်လိုက်တော့ မ က မျက်စောင်းထိုးတယ်၊ ကျွန်တော့်အတွက်တော့ နတ်မိမယ်လေးရဲ့ မျက်စောင်းပါပဲ။ သူကတော့ လုံးဝ ကျေနပ်ပုံ မရပါဘူး။ မိန်းမတို့ သဘောအတိုင်း သူ့အလို မလိုက်လို့ မကျေနပ်ချက်တွေ သူ့စိတ်ထဲ တိုးနေမယ်ဆိုတာကို ကျွန်တော်တော့ ရိပ်မိနေပါပြီ။ ဒါပေမဲ့ ကျွန်တော်ကလည်း ပေတေတေ ကပ်တပ်တပ် ချာတိတ်မို့ သူ့ကို ဆက်လို့သာ ထိထိမိမိလေး ခံစားစေဖို့အတွက် နောက်တဆင့်တိုး တိုက်ခိုက်ဖို့ စစ်ကြောင်း ဖွင့်ပြန်ပါတယ်။
“နေပါဦး… မ ကရော ဘာဖြစ်လို့ တော်တာကို နံပါတ် တစ် ထားရတာလဲ၊ ကိုယ့်ကိုယ်ကိုယ် သိပ်တော်တယ်လို့ ယုံကြည်လွန်နေလို့လား၊ ဒါမှမဟုတ် ကိုယ်က မတော်နေလို့ တော်တဲ့သူကို လိုချင်လို့လား“
ကျွန်တော့် မေးခွန်းက နှစ်ခွ ဖြစ်နေပါတယ်၊ စစ်တုရင် ကစားသမား တယောက် အနေနဲ့ ပြောရရင်တော့ ခွချက်လိုက်တာပါပဲ။ ကဲ… ဘယ်ပြေးမလဲ မိချိုသဲ။ ဒုတိယမ္ပိ မျက်စောင်းထိုးပြန်ပါတယ်၊ ဒီတခါတော့ နည်းနည်းပြင်းတယ်။ ကျွန်တော်လည်း မပြုံးမရယ် ခပ်တည်တည်နဲ့ သူ့ အဖြေကို စောင့်တယ်။ စိတ်ထဲမှာတော့ အလွန်ရယ်ချင်နေမိတယ်။ မိန်းမတယောက်ဟာ ယောက်ျားတယောက်ကို အနိုင်လိုချင်တယ်၊ ဒါပေမဲ့ ဘယ်လို နိုင်အောင် လုပ်ရမယ်ဆိုတာကို မ က မသိရှာသေးဘူး။ အဲဒါကိုပဲ ကျွန်တော်က သဘောကျနေတာပါ။
“ယူ့ မေးခွန်းက ဘာဆိုတာကို ကျွန်မ သိပါတယ်၊ ကျွန်မကတော့ ယူ့လို စကားမတတ်ပါဘူး။ ရှင်းရှင်းပဲ ပြောပါ့မယ်၊ ကျွန်မကို ဦးဆောင်မယ့် ယောက်ျားတယောက်ဟာ တော်ဖို့ လိုတယ်။ ကြံရည်ဖန်ရည် လုပ်ရည်ကိုင်ရည် ရှိရမယ်။ ကျွန်မ ယုံကြည်လောက်တဲ့ အရည်အချင်း မရှိတဲ့၊ မတော်တဲ့ ယောက်ျားတယောက်နဲ့ ဘယ်လိုလုပ် ရေရှည်စခန်း သွားနိုင်မှာလဲ“
မ က ဖြေရုံတင် မဟုတ်ဘူး၊ မေးခွန်းပါ ပြန်ထုတ်နေတယ်။ ဒါပေမဲ့ ကျွန်တော် ရိပ်စားမိပါတယ်။ သူ့ အဖြေက ရိုးရှင်းပေမယ့်လို့ မေးခွန်းကို ဖြေရုံတင် မဟုတ်ဘူး၊ ကျွန်တော့်ကိုပါ ချည်နှောင်နေတယ်ဆိုတာကိုပါ။ တကယ်တော့ ကျွန်တော်က သူ ပြောသလောက်လည်း မတော်ပါဘူး၊ ဂျစ်တစ်တစ် ချာတိတ်တယောက်ပါပဲ။ သတင်းလေး ဘာလေး ဖတ်ဖို့ မှတ်ဖို့ ၀ါသနာပါတဲ့သူမို့ စကားကြီး စကားကျယ် နည်းနည်းပါးပါး ပြောတတ်သူလို့ ယေဘူယျ အနေနဲ့ ဆိုနိုင်သူ တယောက်ပါပဲ။
ဒါဆိုရင် မိန်းမတယောက်အတွက်က တော်တဲ့၊ အရည်အချင်းရှိတဲ့ ယောက်ျားတယောက်ကို ရဖို့ လိုသတဲ့လား။ ကျွန်တော့် ကိုယ်တွေ့ အတွေ့အကြုံအရ ဆိုရင်တော့ တချို့ ယောက်ျားလေးတွေဟာ မ ပြောသလောက်လည်း အရည်အချင်းတွေ၊ တော်တာတွေ ရှိတာကို သိပ်မတွေ့မိပါဘဲ ရည်းစားတွေ ရနေတာပါပဲ၊ အိမ်ထောင်တွေ ကျနေတာပါပဲ။ ဒါဆို မိန်းကလေးတိုင်းက မ လို မစဉ်းစားကြဘူးလား။ ကျွန်တော်ဟာ မ နဲ့ အတူ ရှိနေရင်းကနေ မေးခွန်းတွေကြား ရုတ်တရက် ရောက်သွားပြန်တယ်။
ကျွန်တော် မောလျသွားတယ်၊ မိန်းမဆိုတာ ယောက်ျားတယောက်ကို သူ ကြိုက်ချင်သလို ကြိုက်တာပဲ ထင်ပါရဲ့ဗျာ။ ကျွန်တော် အနေနဲ့ ဂေါက်သီးလို့ မြင်တဲ့ ယောက်ျားတယောက်ကိုလည်း ကြိုက်တဲ့ မိန်းမ ရှိနေတာပဲ၊ ဆေးဘဲလို့ လူတွေ သိကြတဲ့ ယောက်ျား တယောက်ကိုလည်း ကြိုက်တဲ့သူက ကြိုက်တာပါပဲ။ ဘာမှ လက်ကြော မတင်းဘဲ တေလေ ပွေရှုပ်တဲ့သူကိုလည်း ကြိုက်တဲ့မိန်းမက ကြိုက်တာပါပဲ။ ဘယ်နှယ့်လုပ်မလဲ၊ ယောက်ျားက အရည်အချင်းရှိမှ၊ တော်မှ မိန်းမက ကြိုက်တယ်၊ ကြိုက်မယ်ဆိုတာကိုတော့ ကျွန်တော် သိပ် လက်မခံချင်ဘူး။
တခုတော့ ရှိတယ်၊ မိန်းမတွေထဲမှာလည်း အမျိုးမျိုး ရှိမှာပေါလေ့။ တချို့က တဘ၀စာကို စဉ်းစားတယ်၊ တချို့က ခဏတာကို သာယာပြီး ယစ်မူး ပျော်ရွှင်လိုပုံရတယ်။ ရေတိုစဉ်းစားတဲ့ မိန်းမနဲ့ ရေရှည်စဉ်းစားတဲ့ မိန်းမလို့ နှစ်မျိုးခွဲခြားမလား။ နှလုံးသားကို ရှေ့တန်းတင်ထားတဲ့ မိန်းမနဲ့ ဦးနှောက်ကို စစ်ဦးစီးတင်တဲ့ မိန်းမလို့ ပြောမလား။ ဒါမှမဟုတ် နှလုံးသား ၅၀၊ ဦးနှောက် ၅၀ ပေါင်းစပ်ထားတဲ့ မိန်းမလို့ ဆိုမလား။
မ နဲ့ စကားပြောနေရင်းကနေ ကျွန်တော့်အတွေးတွေက စက္ကန့်ပိုင်းအတွင်းမှာပဲ တော်တော်လွန်သွားတယ်။ မ ကို ကြည့်လိုက်တော့ ကျွန်တော့်ကို ငေးရီကြည့်နေတယ်။ သူ့မျက်ဝန်းလေးတွေကလည်း လေးလေးပင်ပင်၊ နွမ်းနွမ်းလျလျ…။ သူလည်း ကျွန်တော့်ကိုသာ ကြည့်နေတာပါ၊ စိတ်က တခြားတပါးမှာ ရောက်နေ တွေးနေပုံရတယ်။ ကျွန်တော်တို့နှစ်ယောက် မှားပြီး တွေ့နေကြတာလား၊ တွေ့ပြီး မှားနေကြတာလား။ အတော်ပြိုင်နေကြတာလား၊ ပညာပြိုင်နေကြတာလား။ မဟုတ်ဘူး… ကျွန်တော်တို့ ညှိနေကြတာပါ။ ဟုတ်ပြီ…။
ဒါဆိုရင် နံပါတ်တစ်ကို ကျွန်တော်တို့ ကျော်လိုက်ကြရအောင်…။ မ က ဘာမှ မပြောတော့ဘူး။ ကျွန်တော်တို့ စိတ် မသက်မသာနဲ့ဘဲ ကျော်လိုက်ကြတယ်။ နံပါတ် နှစ် ကတော့ သဘောညီကြတော့ အထူး ဆွေးနွေးစရာ မလိုတော့ဘူး။ ဒါတောင် ပြဿနာ ဖြစ်စေနိုင်တာက ဘာကြောင့် နံပါတ် နှစ်ကို နံပါတ် တစ် နေရာမှာ နှစ်ယောက်စလုံးက မထားခဲ့ကြတာလဲ။ တကယ်တော့ နံပါတ် နှစ် က အရေးအကြီးဆုံး ဖြစ်မနေသင့်ဘူးလား။
ကျွန်တော်က မြတ်စွာဘုရား ဟောကြားတဲ့ အကြောင်းအကျိုး သီဝရီကို ယုံကြည်တယ်လေ၊ အကြောင်းကြောင့် အကျိုးဖြစ်တာ မဟုတ်လား။ ဒါကြောင့် နံပါတ် တစ်ကြောင့် နံပါတ် နှစ် ဖြစ်တာပဲလို့ ကျွန်တော့်မှာ အကြောင်းပြချက် ရှိတယ်။ တခုတော့ ရှိတာပေါ့လေ၊ နံပါတ် တစ်နဲ့ နံပါတ် နှစ် ဟာ တချိန်တည်း တပြိုင်တည်း ဖြစ်သွားတာမျိုးလည်း ဖြစ်နိုင်တာပါပဲ။ ဘာဖြစ်လို့လဲဆိုတော့ နံပါတ် တစ် ဟာ အကြောင်းတော့ မှန်ပါတယ်၊ ဒါပေမဲ့ အတူတူ နံပါတ် တစ် တွေ အများကြီးထဲကမှ ဘာဖြစ်လို့ အဲဒီ နံပါတ် တစ် ကပဲ တကယ့် နံပါတ် တစ် ဖြစ်လာသလဲ ဆိုတဲ့ မေးခွန်းပေါ့။ ရှုပ်ထွေးသွားပါသလား၊ တခါတလေတော့ အဲဒီလို ရှုပ်ထွေးရတာကိုက လူ့ဘ၀ အရသာပဲ မဟုတ်လားဗျာ။
ဒီတခါတော့ မေးခွန်းကို စမေးလာသူက မ ဖြစ်ပါတယ်။ ကျွန်တော့် နံပါတ် သုံး နဲ့ လေး ကို သူက တပြိုင်နက်ထဲ မေးလာတာပါ။
“မပျင်းဖို့နဲ့ စည်းကမ်းရှိဖို့ကို ဘာဖြစ်လို့ သုံးနဲ့ လေးမှာ ထားတာလဲ… ယူ က…“
ကျွန်တော့်မှာ ဖြေပြီးသား အဖြေကိုပဲ ထပ်ပေးရပါတော့တယ်။
“မိန်းမတယောက်ဟာ မပျင်းမှ သူ့ကိုယ်သူ၊ သူ့အိမ်နဲ့ သူ့အိမ်ထောင်ကို နိုင်နိုင်နင်းနင်း ထိန်းသိမ်းနိုင်မယ် မဟုတ်ဘူးလား။ နောက်တခုကတော့ စည်းကမ်းရှိမှ တိုးတက်မယ်လေ… မဟုတ်ဘူးလား။ စည်းကမ်း မရှိရင် ပျက်စီးမှာပေါ့လို့“
ကျွန်တော့် အဖြေက အလွန် ယေဘူယျ ကျတာကို ကျွန်တော် သိပါတယ်။ ဒါပေမဲ့ မှန်လည်း မှန်နေတာကိုး… မ က အထူး မပြောတော့ပါ။ ဒါပေမဲ့ ကျွန်တော့်ရဲ့ နံပါတ် ငါး နဲ့ ပတ်သက်ပြီး အငြင်းပွားဖွယ် မေးခွန်းကို တင်လာပါလေတော့တယ်။
“ယူက မိန်းမတယောက် တော်တာကို ဘာဖြစ်လို့ လက်မခံနိုင်ရတာလဲ။ ဘာဖြစ်လို့ နောက်ဆုံးမှာ ထားတာလဲ။ မိန်းမက တော်နေရင် ယူ့ကို ထိန်းနေ ချုပ်နေမှာ စိုးလို့လား“
မ မေးခွန်းက အဖြေတွေပါ ပါနေသလိုပါပဲ။ ကျွန်တော့်မှာလည်း အဖြေက ဖြေစရာ များများ မရှိ။ ဟုတ်တယ်လေ… ကိုယ့်အကြောင်းနဲ့ ကိုယ်ဆို…။ ဒီတော့ ကျွန်တော့်မှာ ရယ်လို့သာ နေရပါတော့တယ်။
“ဘာရယ်နေတာလဲ၊ မေးနေတာ ဖြေလေ…“
အင်း… အဲ… နဲ့ ကျွန်တော့်မှာ မျက်နှာပိုး မသေဘဲ ရူးကြောင်ကြောင် လုပ်နေရတာ ရှက်ဖို့ပင် ကောင်းလှပါတော့တယ်။ ဟုတ်တယ်လေ၊ ကျွန်တော့် အဖြေက ရှင်းရှင်းလေးပဲ မဟုတ်လား။ မပြောလည်း သိနေပြီးတဲ့ ဥစ္စာ…။
“ဟုတ်တယ်၊ မိန်းမတွေ သိပ်တော်ရင် ပွားမယ်၊ အာမယ်၊ ဆရာကြီး လုပ်မယ်လေ။ ကျွန်တော် အဲဒါတွေကို မခံနိုင်ဘူး။ ဆုံးမစာတွေ မသင်ယူချင်တော့ဘူး။ ကျွန်တော့်ကို တေးဆို ချော့သိပ်မယ့် မိန်းမပဲ လိုချင်တာ… အာလူး၊ ဗူးသီး ရောင်းမယ့် မိန်းမကို မကြိုက်ဘူး“
ဒီတခါ ကျွန်တော့် ပယ်ပယ်နယ်နယ် အဖြေကို ဟက်ဟက်ပက်ပက် ရယ်မောနေသူက မ ပဲပေါ့။ မ က မတည်ဘဲ အဲဒီလို ရယ်လိုက်ရင် သိပ် လှတာပါပဲ။ သွားလေးတွေက ဖွေးဖွေးဖြူဖြူ သန့်သန့်စင်စင်… ခံတွင်းနံ့လေးတွေကလည်း အမြဲမွှေးကြိုင်လို့… အခုလို အရယ်အပြုံး စွက်ချိန်ဆို နတ်သမီးတွေက အမ ခေါ်ရမယ့် အချိန်အခါပေါ့ဗျာ။ မ က ရယ်နေရင်း ကျွန်တော့်ကို တည့်တည့်ကြည့်ပြီး ပြောတယ်…။
“ယူက အရူးပါးပဲ“ တဲ့။
ကျွန်တော်လည်း လှစ်ကနဲ တချက် ရယ်တယ်၊ ဟုတ်တယ်… တချက်ပဲ ရယ်လိုက်တယ်…။ ပြီးတော့ ကျွန်တော့်ရဲ့ မ ကို ပြုံးပြီး ဆက်လို့ ကြည့်နေမိတယ်။ အရမ်းလှတာပါပဲဗျာ… ကျွန်တော် ပြောမပြတတ်တော့ပါဘူး။
မ ကိုလည်း သူ့သတ်မှတ်ချက် လက်ကျန်စံတွေအကြောင်း ကျွန်တော် ဆက် မမေးတော့ပါဘူး။ ဘာဖြစ်လို့ဆို မ ရယ်တာတွေ ရပ်သွားမှာ စိုးလို့ပါ။
၂၀၁၂၊ မေ ၄၊ နံနက် ၇ နာရီ။
လန်ဒန်။
မိုးစက်မှော် 