by Myo Tha Htet on Friday, 13 July 2012 at 20:06·
ကျွန်တော့် စိတ်တွေ နောက်ကျိ ရှုပ်ထွေးနေတယ်၊ နေလို့ မကောင်းဘူး။ ထမင်းလည်း မစားချင်ဘူး၊ ဘာမှလည်း မလုပ်ချင်တော့ဘူး။ စာလည်း မဖတ်ချင်ဘူး၊ ရုပ်ရှင်လည်း မကြည့်ချင်ဘူး။ စိတ်ပန်းနေတယ်၊ လူပင်ပန်းတာက နားလိုက်ရင် သက်သာသွားပေမယ့်လို့ စိတ်ပန်းတာက ကုစားရခက်တယ်။ စိတ်အနာဟာ ဘယ်လို ဆေးစား၊ ဆေးသောက်နိုင်မလဲ။ ကျွန်တော် တွေးတယ်။
ဘကြီးကတော့ တရားနာဖို့ ပြောတတ်တယ်၊ တကယ်တော့ စိတ်ပင်ပန်းချိန်မှာ တရားလည်း မနာနိုင်ဘူး။ တရားထဲမှာလည်း စိတ်ဟာ မရှိတော့ဘူး၊ ဒါပေမဲ့ တခါတခါ သက်သာလိုငြား တရားနာကြည့်တယ်။ အဲဒီအခါ ကျွန်တော်ဟာ တရားသံကိုတော့ ကြားတယ်၊ ဒါပေမဲ့ နာယူနေတာ မဟုတ်တော့ဘူး။ ဘုန်းတော်ကြီးက ဘာတွေ ပြောဟောနေမှန်းလည်း ကျွန်တော် မသိတော့ဘူး။ ကျွန်တော် အနားယူဖို့ လိုပြီ၊ စိတ်ရှင်းသွားအောင် အနားယူသင့်ပြီ။
ကျွန်တော့်မှာ ဘကြီးလို ခင်ရတဲ့ လူတယောက်ရှိတယ်။ သူ့နာမည်က ကိုကျော်မိုးပါ၊ ဒါပေမဲ့ အပြောအဟော ကောင်းတယ်၊ လူစကား လူနားလည်အောင် ပြောတတ်တယ်။ ဒါနဲ့ ကျွန်တော်က သူနဲ့ စကားပြောရတာကို ပျော်တယ်၊ လေးလည်း လေးစားတယ်။ အသက် မကွာပေမဲ့လို့ သိက္ခာနဲ့ အတွေးအခေါ် ကွာတာမို့ ဦးကြီး၊ ဘကြီးလို စိတ်ထဲ ထင်မိတယ်။ ဒီလိုနဲ့ ကျွန်တော်က ကိုကျော်မိုးကို ဘကြီး၊ ဘကြီးနဲ့ ခေါ်မိတယ်။
အခုလည်း စိတ်တွေက မတည်ငြိမ်လောက်အောင် နောက်ကျိနေတာမို့ စိတ်အနားရအောင် အကြံကောင်းလေး တချက် ထွက်နိုင်ကောင်းရဲ့လို့ အတွေးပေါက်ပြီး ဘကြီးဆီ စကားပြောဖို့ ထွက်ခဲ့တယ်။ ကျွန်တော်တို့ နှစ်ယောက်အိမ်က မဝေးသမို့ လမ်းလျှောက်ရင်းနဲ့ ရောက်ခဲ့တယ်။ ကံဇာတာ စန်းလဂ် ထွန်းတက်ဖို့ ရှိသလား၊ ဒါမှမဟုတ် တကယ်ပဲ မြန်မကြာ စိတ်အနားရဖို့ ကံဖန်လေးသလားတော့ မသိပါဘူး၊ ဘကြီးနဲ့ အရန်သင့် တိုးတယ်။
ဒါနဲ့ပဲ ဘကြီးကို နှုတ်ဆက်၊ ကိုယ့်ရှေ့ တွေ့တဲ့ အကြမ်းတခွက်ကို မော့ချလိုက်ပြီး စိတ်ထဲ ခံစားနေရတဲ့ အမောအပန်းတွေ ပြေပျောက်သွားနိုင်ဖို့ ကျွန်တော် သိလိုနေတဲ့ အဖြေအတွက် အခုလို မေးခွန်းကို လိုရင်း တဲ့တိုး မေးချလိုက်မိတယ်။
“ဘကြီး… စိတ်အနားယူတယ်ဆိုတာ ဘာလဲဗျ“
ဘကြီးက နည်းနည်း အံ့သြတဲ့ အကြည့်နဲ့ ကျွန်တော့်ကို တချက်ကြည့်တယ်၊ ဒါပေမဲ့ သူ့ အကြည့်က လေးနက်ပါတယ်။ ပြီးတော့ ဒီလို ဖြေတယ်။
“ကိုယ်ခန္ဓာကြီး အနားရဖို့ သက်သောင့်သက်သာဖြစ်ဖို့ လဲလှောင်း၊ အိပ်စက် အနားပေးရတယ်မို့လား၊ ဒီလိုပဲပေါ့… စိတ်ကိုလည်း အနားပေးရတာပေါ့ကွ။ အဲဒါကို စိတ်အနားယူတယ်လို့ ပြောနိုင်တာပေါ့“
ဘကြီးက ဖြေပေမယ့် ကျွန်တော် မရှင်းပါဘူး၊ သူက ကိုယ်နဲ့ စိတ်ကို ယှဉ်ပြတာပဲ မဟုတ်လား။ အဖြေမှ မဟုတ်တာ…။
“စိတ်ကို ဘယ်လို အနားပေးရသလဲ၊ ကျွန်တော့် စိတ်ကတော့ အခုတလော တယ်မငြိမ်ဘူး။ အမြဲ လှုပ်နေတာပဲ“
ဘကြီးက တချက် သူ့ခေါင်းကို ညိတ်တယ်၊ ပြီးတော့ စဉ်းစားတယ်။ ကျွန်တော်က စောင့်နေရတယ်။ ဘကြီးဟာ စာလည်း ဖတ်ပုံရပါတယ်၊ အတွေ့အကြုံလည်း များပုံရတယ်။ သူ စကားပြောတဲ့အခါ အကိုးအကား တခါတခါမှ ပါတတ်ပေမယ့် စကားပြော ရှင်းတယ်၊ ကျွန်တော်က အဲဒါကို သဘောကျတယ်။ သူက စကားကိုလည်း စောင့်ပြီး ပြောတတ်တယ်၊ ပြောရပြီးရော စွတ်မပြောဘူး။ နားလည်း ထောင်တယ်၊ ပြောလည်း ပြောတတ်တယ်။ ဒါကြောင့် ကျွန်တော်က ဘကြီးနဲ့ စကားပြောရတာကို သဘောကျတာပါ။ ဒါပေမဲ့ သူ အဲဒီလောက် စကားရှင်းရှင်း ပြောတတ်ပေမယ့် ကျွန်တော့်အတွက်တော့ တခါတခါ သူ ပြောတာတွေကို လွယ်လွယ်နဲ့ နားမလည်ပါဘူး။
ဘကြီးက သူ့စကားကို ဆက်တယ်။
“စိတ်ကို အနားပေးနည်း သုံးနည်း ရှိတယ်ဗျ၊ ၀င်စားတာရယ်၊ စေစားတာရယ်၊ လွှတ်ထားတာရယ်…“
“ဟုတ်လား၊ သုံးနည်းတောင်မှလားဗျ“
ခန္ဓာကိုယ်ကို အနားပေးဖို့ တရက် ၂၄ နာရီရဲ့ သုံးပုံတပုံ ၈ နာရီ အိပ်စက်သင့်တယ်လို့ ယေဘူယျအားဖြင့် ကျွန်တော် နားလည်ထားတယ်။ ကျွန်တော်တို့လို ကွန်ပျူတာကို တရက် ၁၀ နာရီကနေ ၁၂ နာရီလောက် ကြည့်နေတဲ့ သူတွေက ပိုလို့တောင် အိပ်စက်သင့်တယ်လို့ ကျွန်တော် မှတ်ဖူးတယ်။ မျက်စိကို များများသုံးရင် ပိုပြီး အနားပေးရမယ်တဲ့…။ ခန္ဓာကိုယ်ကိုလည်း အသုံးများရင် အနားပေးရတာပေါ့။
ဒါဖြင့် စိတ်ကိုရော အဲဒီလို အိပ်စက်ခိုင်းလိုက်လို့ မရဘူးလား။ ဘကြီးကတော့ စိတ်ကို နည်းသုံးနည်းနဲ့ အနားပေးရမယ်တဲ့။ စိတ်ဝင်စားစရာတော့ ကောင်းလာပြီ။ တကယ်တော့ ကျွန်တော်က စိတ်ထက်စာရင် ရုပ်ဝတ္ထုကို ပိုစိတ်ဝင်စားသူ ဖြစ်ပါတယ်။ စိတ်က မမြင်သာတဲ့ ကိစ္စ၊ ရုပ်က မြင်သာတဲ့ ကိစ္စ။ လူပြိန်းလို့ ဆိုချင်ဆို ကျွန်တော်က မြင်သာတာတွေ၊ အကောင်အထည် ရှိတာတွေကို ပိုလို့ သဘောကျတယ်၊ ရှင်းတယ်လို့လည်း မြင်တယ်။ အခုတော့ ဘကြီးက စိတ်အကြောင်း ကျွန်တော့်ကို ဟောလေပြီ။
“၀င်စားတာက ရှင်းရှင်းပြောရရင်တော့ ၀ါသနာတခုခုကို လုပ်ဆောင်တာပေါ့ဗျာ၊ အပန်းဖြေရင်းပေါ့။ တချို့က ပန်းချီရေးရင်း စိတ်ကို ထွက်ပေါက် ပေးလိုက်တယ်၊ အနားပေးတယ်ပေါ့။ ကျွန်တော်တို့ ပြောတတ်တယ်မို့လား စိတ်ဝင်စားတယ်လို့… အဲဒါပေါ့ဗျ“
“ဟင်… ဒါဆို ကျွန်တော် ဖြူဖြူ့ကို စိတ်ဝင်စားတယ်ဆိုတာကရော… စိတ်အနားပေးတာပဲလား၊ စိတ်အပန်းဖြေတာပဲလား။ တူသလား“
ကျွန်တော်က ဘကြီးကို အခုလို ခွ(ဂွ)တိုက်တဲ့ မေးခွန်းတွေကို မေးလေ့ရှိတယ်။ ဖောက်တယ်လို့ ပြောရမလား။ ဘကြီးက ရယ်တယ်။ ပြီးတော့မှ နှိုင်းနှိုင်းဆဆနဲ့ ပြန်ပြောတယ်။
“ဒါလည်း မောင်ရင့် အပေါ်မှာ တည်တာပေါ့၊ သူ့ကို စိတ်ဝင်စားတာ အပန်းဖြေဖို့လား၊ စိတ်အနားရဖို့လား။ သူ့အပေါ် ကိုယ့်စိတ်ကလေး ရှိနေရတာကို ကိုယ်က သာယာသလား၊ အေးဆေးသလား၊ စိတ်ကြည်သလား၊ သက်သာသလား… ဒါဆိုရင် ဟုတ်တယ်၊ တူတယ်လို့ ကိုယ် ဖြေရမှာပေါ့“
“ဟဲ ဟဲ… သူ့အကြောင်း စဉ်းစားတုန်းတော့ စိတ်ကြည်နူးတယ်ဗျ။ ရင်တောင် ခုန်လာပြီဗျာ“
ကျွန်တော် ဖြူဖြူ့ကို သတိရသွားပါတယ်။ ဘကြီးက ၀င်စားမှုက စိတ်အပန်းပြေစေတယ်လို့ ပြောတော့ ကျွန်တော်တို့ အလုပ်တခုခုကို စိတ်ဝင်စားပြီး လုပ်မိနေတယ်ဆိုရင် ပင်ပန်းတယ်လို့ မမြင်တော့ဘဲ စိတ်လက်ကြည်နူးနေတတ်တယ် ဆိုတာကိုလည်း ပြန်အမှတ်ရလိုက်တယ်၊ ဟုတ်ပေသားပဲလို့လည်း တွေးလိုက်မိတယ်။ ဒါနဲ့ စေစားတယ်ဆိုတဲ့ အပိုင်းကို ဆက်မေးဖို့ ပြင်ရပြန်တယ်။
“၀င်စားတာကတော့ ရှင်းပြီဗျာ၊ စေစားတာက…“
“စေစားတယ်ဆိုတာက ၀င်စားတာထက် နောက်တဆင့် မြင့်သွားတယ်ဗျ၊ အထူးပြုလုပ် ခိုင်းစေတာပေါ့ဗျာ“
ဘကြီးက ရှင်းအောင် ပြောပေမယ့် ကျွန်တော် နားရှုပ်သွားတယ်။ စိတ်ကို အနားပေးပါတယ်ဆိုကာမှ အထူးပြုလုပ် ခိုင်းစေတာပေါ့ ဆိုတော့ ပန်းနေလို့ နားစေပါတယ်ဆိုမှ ခိုင်းစေတယ်ဆိုတော့ကာ…မရှုပ်လားဗျာ။
“နားပါတယ်ဆိုမှ ခိုင်းစေတယ်ဆိုတော့ စိတ်က အနားရပါတော့မလားဗျ“
ဘကြီးက ပြုံးတယ်၊ ဒီ ငနဲလေးကတော့ လုပ်ပြန်ပြီဆိုတဲ့ အထာနဲ့… ကျွန်တော်ကလည်း မရှင်းဘဲနဲတော့ အင်း မလိုက်ချင်သူ…။
“စေစားတယ်ဆိုတာ စိတ်ကို အလုပ် ထပ်ပေးလိုက်တာ၊ ထပ်ဆင့် ခိုင်းလိုက်တာ… ဆိုတာကတော့ ဟုတ်ပါတယ်ဗျာ။ ဒါပေမဲ့ စိတ်ဆိုတာ မွေ့နေရင် ပန်းတယ်လို့ကို မထင်တော့ဘူးဗျ။ တနေရာထဲ တည်တည်ထားလို့ စေစားထားနိုင်သလို… ဥပမာ တရားမှတ်တာပေါ့ဗျာ… ဒါမှမဟုတ်လည်း ဆင့်ကဲ တွေးတောတာမျိုး… ဥပမာ ဥာဏ်ကစားနေတာမျိုး… အဲဒီလို စေစားနိုင်တယ်ဆိုရင် သိပ်ကို နှစ်သက်ဖွယ်၊ စိတ်ချမ်းသာဖွယ် ဖြစ်တယ်လို့ ဆိုကြသဗျ“
ဘကြီးက ဆိုကြသဗျနဲ့ စကားကို ပိတ်တယ်၊ ဆိုလိုတာက သူ့ အတွေ့ မဟုတ်ဘူးလို့ စကားပလ္လင်ခံတဲ့ သဘော…။ ဘကြီးက စကား ရှင်းအောင် ပြောတတ်ပေမယ့် သူ့ကိုယ်သူတော့ တခါတခါ ဖွက်ထားလေ့ ရှိတယ်။ သူက တရားလည်း ထိုင်တတ်တယ်၊ စဉ်းစားမှုလည်း အားကြီးတယ်။ ဒါပေမဲ့ စကားကိုတော့ ရှောင်ပြော၊ လျှော့ပြောလေ့ ရှိတယ်။ ဒါကို သူနဲ့ စကား အကြိမ်ကြိမ် ပြောဖူးတဲ့ ကျွန်တော်က ရိပ်စားမိတယ်။
“ဆိုကြသဗျ ဆိုတော့ ဘကြီး အကြုံအတွေ့တော့ မဟုတ်ဘူးပေါ့၊ ဒီလိုလား…။ စေစား ရှင်းပြတာတော့ ရှင်းလှသဗျာ“
ကျွန်တော်က ဘကြီးကို မေးခွန်း ပြန်လှန်ထုတ်ရင်း သူ ရှင်းပြတာကို သဘောကျကြောင်း ပြောလိုက်တော့ ဘကြီးက ပြုံးပြန်တယ်။ တခြားတော့ ဘာမှ ထပ်မပြောဘူး။ ကဲ… အချိန်မလင့်ခင် လက်ကျန်တခုကို သိရဖို့ ကျွန်တော့် အမေး ဆက်ရပါတယ်။
“ကဲဗျာ… လွှတ်ထားတယ်ဆိုတာကရော… အင်း… အနားရဖို့ စိတ်ကို လွှတ်ထားပါလို့ ပြောတာက ဆိတ်ကျောင်းသလိုမျိုးလား“
ကျွန်တော်က ဖောက်လိုက်တယ်၊ ကျွန်တော်က စကားပြောရင် အမြဲဆိုသလို အရွှန်းအဖောက် ပြောတတ်တယ်။ အဲ… တခါတခါ တည်တည် ပြောတယ်၊ တခါတလေ ကြည်ကြည်လင်လင် ပြောတတ်တယ်။ အဲဒီမှာ ပြဿနာ တက်တော့တာပဲ…၊ တဖက်သားက မပါးတဲ့အခါ ကျွန်တော် ဖောက်နေမှန်း မသိဘူး၊ ရုပ်ခံနဲ့ စိတ်ဟန်ကို ကြည့်ပြီး အတည်မှတ်လို့ သူတို့အတွေး တည်တတ်ကြတယ်။ အဲဒီအခါကျ ဖောက်သာဖောက်လိုက်ရတယ်၊ မရွှင်ရဘဲ ပြန်မောနေတတ်တာက ကျွန်တော် ကိုယ်တိုင်ပါပဲ။ ဘကြီးကတော့ အပါးဆုံးလူ၊ ကျွန်တော့်လောက်တော့ အပျော့လောက် မှတ်ထားသူ…။
“ခင်ဗျားက အဖောက်ပြောပေမယ့် အခေါက်သဘော ယူရင်တော့ ရတယ်ဗျ၊ အနှစ်သဘောကတော့ ကျွန်တော် အဆစ်ပြောမှ ရမယ်“ လို့ ဇာတ်သံလေးနဲ့တောင် စီကာစဉ်ကာနဲ့ ကျွန်တော့်ကို ပက်ရင်း ရှင်းတယ်။
“ဒီလိုလေဗျာ… ဆိတ်ကျောင်းတယ် ဆိုတာကလည်း ဆိတ်တွေကို ကိုယ်လိုရာဆီ ပို့တာပဲ မဟုတ်လား၊ လိုရာရောက်တော့ အလုပ်ပြီးတယ်၊ သဘောကျတယ် မဟုတ်လား။ အဲ… တခါတခါတော့ ဆိတ်ဆိုး တကောင်တလေ ပါတဲ့အခါ ပြေးရလိုက်ရ ခြောက်ရငေါက်ရတာတော့ ရှိနိုင်တာပေါ့လေ။ ပုံမှန်ဆိုရင်တော့ သူတို့က ရှေ့က အေးအေးသွား၊ ကိုယ်က နောက်က ဖြည်းဖြည်း မျှောလိုက်သွားရုံပဲ ရှိတာမို့လားဗျာ“
ဘကြီးက ရှည်ရှည် ရှင်းတယ်၊ ကျွန်တော်က ၀င်စားပြီး နားထောင်နေတယ်။ တချိန်ထဲမှာပဲ စေစားပြီး ဥာဏ်ဆင့်လို့ သုံးသပ်ကြည့်တယ်။ အခုအခံမရှိ စိတ်ကို လွှတ်ပေးထားလို့ရတယ်။ နားထောင်လို့ ကောင်းလိုက်တာဗျာ… ချောနေတာပါပဲ။ ဘကြီးက ဆက်ပြန်တယ်။
“စိတ်ကိုလည်း ဒီလို လွှတ်ပေးထားလို့ရတယ်၊ မျောချင်ရာ မျောပါစေပေါ့။ အတွေးတန်းပေါ့ဗျာ… လူဆိုတာ အတ္တကြီးတဲ့ သတ္တ၀ါမို့ ခံစားလို့ ကောင်းတာ၊ ကိုယ် အသာရတာ၊ ကိုယ် အောင်မြင်တာမျိုးကိုဆို ကျေနပ် သဘောကျပြီး အတွေးထဲမှာ နစ်နေတတ်တယ်ဗျ။ အခုအခံ မရှိဘဲ ဒီလို တွေးနေ၊ ကိုယ့်လုပ်ရပ် ကိုယ်ပြန်စဉ်စားပြီး ကျေနပ်နေရတဲ့ အရသာမျိုးကလည်း စိတ်ကို ကြည်လင်စေတယ်ဗျ“
ကျွန်တော့်ရဲ့ ဘကြီးတရားကတော့ အရင်အခေါက်တွေလိုပါပဲ၊ ကောင်းလေစွကို ပါဠိလို “သာဓု“ လို့ ခေါ်သလို အခုလည်း သူ့ဟောပြောမှုအတွက် သာဓုသုံးကြိမ်မျှ ခေါ်ဖို့ ရှိတာပါပဲ။ ဒါပေမဲ့ ဘုန်းကြီးတရား မဟုတ်လေတော့ သာဓုလို့ ကျွန်တော် မခေါ်ဘဲ ကောင်းလေစွလို့ ပြောပြီး စကားဝိုင်းသိမ်း ကျွန်တော့် ကျေနပ်မှုကို ငြိမ်းစေမှပဲလို့ အတွေး ပေါက်လာတာမို့ နှုတ်ဆက်စကား ဆိုလိုက်ရပါတယ်။
“ကောင်းလိုက်တာဗျာ၊ ရှင်းလိုက်တာ ဘကြီးရာ… ဒါကြောင့် ကျွန်တော်က ဘကြီးနဲ့ စကား အမြဲ ပြောချင်နေတာဗျ။ ကျေးဇူးတင်ပါတယ်ဗျာ။ ကဲ… အချိန်လည်း လင့်နေပြီမို့ စကားအရှိန်ကို သင့်ပြီလို့ တွေးမှတ်ပါသဖြင့် ဘကြီးရေ… လစ်ပြီဗျို့“ လို့ ကျွန်တော်လည်း ဘကြီးကို ဇာတ်သံနှောလို့ အရွှန်းဖောက်ရင်း အိမ်ဘက် ပြန်လျှောက်ခဲ့ပါတော့တယ်။
ကျွန်တော့်စိတ်တွေ လန်းရွှင်ကြည်လို့…
၂၀၁၂ ဇူလိုင် ၁၃၊ သောကြာ။ ည ၈ နာရီ။
လန်ဒန်။
မိုးစက်မှော် 