by Myo Tha Htet on Saturday, 2 June 2012 at 15:41·
ခုတလော အမျိုးသားဒီမိုကရေစီအဖွဲ့ချုပ် NLD ပါတီ ဥက္ကဌ ဒေါ်အောင်ဆန်းစုကြည် သတင်းကို မီဒီယာသမားတွေ၊ သတင်းထောက်တွေက ကာဗာလုပ်ရင်းနဲ့ဖြစ်ဖြစ်၊ ၂၄ နှစ်တာကာလအတွင်း ပြည်ပကို ပထမဆုံးသွားတဲ့ ဒေါ်အောင်ဆန်းစုကြည် ခရီးစဉ်နဲ့ပဲဖြစ်ဖြစ် ဝေဖန်မှုတွေကို ကြားလာ၊ ဖတ်လာရတော့ ကျွန်တော် ပြောချင်နေတဲ့အချက် တချို့နဲ့ ညီနေလို့ သဘောကျမိပါတယ်။
ဒါပေမဲ့ အခက်အခဲဆိုတာက သူ့ဘက်ကိုယ့်ဘက် ရှိတတ်တာမို့ အပြုသဘော ထောက်ပြကြဖို့ပဲ စိတ်ထဲ ရှိမိပါတယ်။ ပြီးခဲ့တဲ့ တလောက ဖြစ်ခဲ့တဲ့ ဒေါ်အောင်ဆန်းစုကြည် လုံခြုံရေးနဲ့ စပ်လို့ သတင်းထောက်နဲ့ လုံခြုံရေး တာဝန်ယူသူတွေကြား ပြဿနာ တက်ခဲ့တာက စလို့ အခု ထိုင်းနိုင်ငံ ခရီးစဉ်အဆုံး ကြားလာရတဲ့ အသံတွေကတော့ NLD ပါတီ အနေနဲ့ ပါးပါးနပ်နပ် စီမံခန့်ခွဲနိုင်မှု အားနည်းနေတယ် ဆိုတာကို တွေ့ရပါတယ်။
လူပေါင်းများစွာ၊ အဖွဲ့အစည်းများစွာနဲ့ ဆက်ဆံနေရတာမို့ တယောက်၊ တဖွဲ့ရဲ့ မကျေနပ်မှုတွေက ရှိကောင်းရှိနိုင်မှာ ဖြစ်ပေမယ့် အဲဒီလို တယောက်၊ တဖွဲ့တွေ များလာရင်တော့ မကျေနပ်ခြင်း ခံရတဲ့ ပါတီ၊ အဖွဲ့အစည်းအတွက်တော့ ရေရှည်မှာ ကောင်းတဲ့ ရလဒ် ဖြစ်နိုင်မယ် မထင်ပါဘူး။
ပြဿနာတခု ဖြစ်လာရင် ဘယ်လို အကောင်းဆုံး ဖြေရှင်းရင် ရနိုင်မလဲ ဆိုတာကို လိုက်စဉ်းစားတတ်တဲ့ ကျွန်တော့် ဗီဇကြောင့် ဒေါ်အောင်ဆန်းစုကြည် အနေနဲ့ အခု ဖြစ်နေတဲ့ ပြဿနာတွေကို ပြေလည်စေဖို့ ဆိုရင် လက်ရင်းသုံးနေရတဲ့ သူတွေကို အခုထက် ပိုပြီး ကောင်းစွာ စီမံခန့်ခွဲ လုပ်ဆောင်နိုင်ဖို့ အရည်အချင်း မြှင့်ပေးရင် ပေးရပါလိမ့်မယ်၊ မဟုတ်ရင်လည်း အရည်အချင်း ရှိပြီးသားလည်း ဖြစ်၊ ကိုယ့်အတွက်လည်း အားတက်သရော ကူညီ ဆောင်ရွက်ပေးနိုင်မယ့် သူတွေကို စည်းရုံး ခေါ်ယူ လက်တွဲ ဆောင်ရွက်ဖို့ လိုပါလိမ့်မယ်။
တဖက်ကလည်း NLD ပါတီဟာ နှစ်ပေါင်းများစွာ ပိတ်ထား၊ တားထားတဲ့ ကြားကနေ ရပ်တည် ရှင်သန် ခဲ့ရတော့ကာ အခုလို ပွင့်ပွင့်လင်းလင်းနဲ့ များများစားစား အင်တိုက်အားတိုက် ဆောင်ရွက်စရာတွေ ရှိလာတဲ့အခါ အားနည်းတတ်တာကိုတော့ ထည့်သွင်း စဉ်းစားစရာ ရှိနေပါတယ်။ ဘယ်လိုပဲဖြစ်ဖြစ် ခေတ်နဲ့ အံဝင်အောင် စီမံခန့်ခွဲရေး နည်းလမ်းတွေကိုတော့ ပြောင်းလဲ ကျင့်သုံး ဆောင်ရွက် ရတော့မှာ ဖြစ်ပါတယ်။
အခုလည်း NLD ပါတီက အမတ်တွေက ပြည်ပနိုင်ငံတွေကို ဆက်တိုက် ဆိုသလို ထွက်ခွာနေပြီး သင်ယူ လေ့လာမှုတွေ လုပ်လာတာကိုတော့ မြင်လာရပါပြီ။ ထို့အတူပါပဲ… ပါတီကြီးတခုလုံး အစိုးရတရပ်လို စနစ်တကျ အလုပ်လုပ်နိုင်ဖို့လည်း အလားတူ ပြည်ပထွက် လေ့လာမှုတွေ၊ စနစ်တကျ တက္ကသိုလ် တခုခုမှာ သင်ယူမှုတွေ၊ သင်တန်းတက်လာတွေ လုပ်ရပါတော့မယ်။ ဒါမှလည်း မလိုလားအပ်တဲ့ ဘေးထွက် ဆိုးကျိုးတွေ မရှိတော့မှာ ဖြစ်ပါတယ်။
အဲဒီလို ပြည်တွင်းမှာရော ပြည်ပကပါ လာရောက်ကြပြီး ပါတီနဲ့ ဒါမှမဟုတ် ဒေါ်အောင်ဆန်းစုကြည်နဲ့ ဆက်သွယ် တွေ့ဆုံ ဆွေးနွေး ပြောဆိုလာမယ့် မီဒီယာသမားတွေ၊ နိုင်ငံရေးသမားတွေ၊ နိုင်ငံခေါင်းဆောင်တွေ၊ အစိုးရအဖွဲ့ဝင်တွေ၊ စီးပွားရေးပညာရှင်တွေ၊ တက္ကသိုလ် ပါမောက္ခတွေ စသဖြင့် အဆင့်အတန်းပေါင်းစုံနဲ့ ဆက်ဆံနိုင်ဖို့ဆိုတာ NLD ပါတီမှာ အင်္ဂလိပ်-မြန်မာ နှစ်ဘာသာ ကောင်းစွာ ကျွမ်းကျင်ပြီး၊ လူထုဆက်ဆံရေး အထူးအားကောင်းတဲ့ လူတွေက ၀န်းရံ လုပ်ကိုင်ပေးဖို့ လိုနေပါတယ်။
လူထုဆက်ဆံရေးသမားကောင်းတွေ ၀န်းရံနေရုံနဲ့ ပြီးရောလားဆိုတော့လည်း မပြီးသေးပြန်ပါဘူး။ ဘာသာရပ်အလိုက် ကျွမ်းကျင်သူတွေရဲ့ ထောက်မကူညီမှုတွေ၊ အကြံပေး လမ်းညွှန်မှုတွေကလည်း လိုပြန်ပါသေးတယ်။ ခေါင်းဆောင်တွေနဲ့ ဒေါ်အောင်ဆန်းစုကြည်က အမြဲဆိုသလို လက်ရေ တပြင်တည်း ဆွေးနွေးနိုင်တယ် ဆိုပေမယ့်လို့ ဘာသာရပ်အလိုက် ဆွေးနွေးရမယ့် ကိစ္စတွေ၊ ဆိုင်ရာနယ်ပယ်က လူတွေနဲ့ ထဲထဲဝင်ဝင် ထိတွေ့ ဆက်ဆံ ဆွေးနွေးနိုင်ဖို့ကြတော့ အထူးပြု လေ့လာထားသူတွေက ထောက်မ ကူပံ့ကြရင် ကောင်းပါလိမ့်မယ်။
ဒေါ်အောင်ဆန်းစုကြည်ဟာ ဘာသာစကားများစွာကို ကျွမ်းကျင်စွာ ပြောဆိုနိုင်သလို ဘာသာရပ်ဆိုင်ရာ တော်တော်များများကိုလည်း တီးမိခေါက်မိကနေ ကျွမ်းကျင်ကောင်း ကျွမ်းကျင်နိုင်ပေမယ့်လို့ အရာအားလုံးကို လိုက်လုပ်နေဖို့ကျတော့လည်း အလုပ်တွင်ဖို့ရာမှာ ထိခိုက်နိုင်ပါတယ်။
ဘာသာရပ်ဆိုင်ရာဆိုတဲ့ အထဲမှာ အဓိကတော့ နိုင်ငံခြားဆက်ဆံရေး၊ ပြန်ကြားရေး၊ စီးပွားရေး၊ ဘဏ္ဍာရေး၊ အလုပ်သမားအရေး၊ သဘာဝန်းကျင် ထိန်းသိမ်းရေး၊ ရင်းနှီးမြှုပ်နှံမှု ဆိုင်ရာကနေ အကြောင်းအရာပေါင်း မြောက်များစွာ ရှိနေပါတယ်။ ဒါကြောင့် တချို့တာဝန်တွေကိုလည်း အထူးပြုကျွမ်းကျင်သူတွေကို လွှဲပေး၊ တာဝန်ပေးဖို့တွေ လိုလာမှာ ဖြစ်ပါတယ်။
ခေါင်းဆောင်ကောင်းဆိုတာ ကိုယ်မရှိလည်း ပါတီ အဖွဲ့အစည်းတရပ် ကောင်းစွာ ရှင်သန်နိုင်အောင် ဆောင်ရွက်ထားနိုင်တဲ့သူ ဆိုတဲ့ ဆောင်းပါးရှင် ကိုဇေယျသူ ရေးပြခဲ့တဲ့ အကြောင်းအရာမျိုးက တကယ်ကောင်းတဲ့ ခေါင်းဆောင်မှုနဲ့ စီမံခန့်ခွဲနိုင်စွမ်း ဖြစ်ပါတယ်။ ဒါမျိုးကို လုပ်နိုင်ဖို့ ကောင်းပါတယ်။ ကပ်ရပ်က ရှိနေတဲ့ လူတွေကလည်း ဒေါ်အောင်ဆန်းစုကြည် အနား မီသထက်မီနိုင်အောင် ကြိုးစားရပါလိမ့်မယ်။
ယူကေနိုင်မှာတော့ ရှဲဒိုးအစိုးရအဖွဲ့ဆိုတာ ရှိပါတယ်။ သူက တိုင်းပြည်ကို တကယ်အုပ်ချုပ်နေတဲ့ အစိုးရကို ကပ်ပြီး ကြည့်ထားတာပါ။ ရှဲဒိုအစိုးရဆိုတာ လက်ရှိ ဒေါ်အောင်ဆန်းစုကြည်တို့လို အတိုက်အခံပါတီက ဖွဲ့စည်းထားတာဖြစ်ပြီး အစိုးရရဲ့ လုပ်ဆောင်ပုံတွေကို စောင့်ကြည့်နေတာ ဖြစ်ပါတယ်။ အစိုးရ လုပ်တာ တခုခု လွဲချော်ရင် (ဒါမှမဟုတ် လွဲချော်တာတွေ လုပ်ဖို့ ကြံနေရင်) ရှဲဒိုး အစိုးရ၀န်ကြီးတွေက မီဒီယာတွေကနေတဆင့် ကောင်းကောင်း ပြစ်တင် ဝေဖန်ပါတော့တယ်။
အဲ… အဲဒီလို ဝေဖန်နိုင်ဖို့ကျတော့ လေချည်းသက်သက် ဝေဖန်လို့ မရတော့ပါဘူး။ အကျိုးအကြောင်းပြပြီး ဝေဖန်ရတာမျိုး ဖြစ်သလို လိုအပ်လာရင်လည်း ကိုယ့်မှာ အဲဒီထက် ကောင်းတဲ့ အစီအစဉ် သို့မဟုတ် မူဝါဒပါ ရှိကြောင်း ပြောဆိုနိုင်ဖို့လည်း လိုပါတယ်။ ဒါကြောင့် ဘာသာရပ်ဆိုင်ရာ ကျွမ်းကျင်သူ ဖြစ်ဖို့ လိုတယ်လို့ ပြောခဲ့တာ ဖြစ်ပါတယ်။
အဲဒါဆိုရင် ကိစ္စရပ်တိုင်း အသေးလေးကနေ အကြီးကြီးအထိ အကုန်လုံး ဒေါ်အောင်ဆန်းစုကြည် တယောက်ထဲ တာဝန်ယူ ပြောနေရတဲ့ အပိုင်းကဏ္ဍက လျော့သွားမှာ ဖြစ်သလို မြန်မာကနေ… ဒေသတွင်း… ဒေသတွင်းကနေ ကမ္ဘာ့အဆင့်ထိ အကြောင်းအရာကြီးတွေကို ပိုင်ပိုင်နိုင်နိုင် ပြောဆို ထောက်ပြနိုင်ဖို့ မြန်မာပြည်ရဲ့ ကမ္ဘာ့အဆင့် ခေါင်းဆောင် အဆင့်အတန်းအထိ ရောက်ရှိသွားမှာ ဖြစ်ပါတယ်။
NLD ပါတီမှာလည်း ဒေါ်အောင်ဆန်းစုကြည် ပြီးခဲ့တဲ့တခေါက် အကျယ်ချုပ်က မလွတ်ခင်ကနေ လွတ်လာစ လောက်ကစပြီး စီးပွားရေး၊ ပညာရေးပိုင်း၊ ကျန်းမာရေးပိုင်ဆိုင်ရာ တာဝန်ခွဲဝေ လေ့လာမှုတွေ၊ သုံးသပ်မှုတွေ လုပ်နေတယ် ဆိုတာမျိုးတွေ ကြားရပေမယ့် ဒီထက်ပိုပြီး ထိထိရောက်ရောက် လေ့လာလုပ်ကိုင်ဖို့ လိုတယ်လို့တော့ ထင်မိပါတယ်။
ကိုယ်တိုင်က အတိုက်အခံ ပါတီလောက်မှာပဲ ရှိသေးတယ်၊ အစိုးရမှ မဟုတ်သေးတာ… အများကြီးတော့ ဘယ်လိုလုပ် လုပ်နိုင်မလဲ ဆိုပေမယ့်လို့ လူထု ထောက်ခံမှုများရင် နောက်တကြိမ် ရွေးကောက်ပွဲ ဖြတ်သန်းတဲ့အခါ အစိုးရ ဖြစ်လာကောင်း ဖြစ်လာနိုင်တာမို့ အခု ကထဲကနေ ပါတီကို စနစ်တကျ ဖွဲ့စည်း တည်ဆောက် ထားဖို့လိုနေပါတယ်။
ပါတီရဲ့ ပြောခွင့်ရသူ လွှတ်တော်အမတ် ဦးအုန်းကြိုင် ပြောခဲ့တဲ့ အရဆိုရင်လည်း ဒီနှစ်ကုန်ပိုင်းမှာ ပါတီရဲ့ အထွေထွေ ညီလာခံ ကျင်းပဖို့ ရှိတယ်ဆိုတာကိုလည်း သိထားရတာကြောင့် NLD ပါတီဟာ စနစ်ကျတဲ့၊ တခြားပါတီတွေ အတုယူနိုင်မယ့် သက်တမ်းရင့် ပါတီကြီးတခု အဖြစ် ပြောင်းလဲ ပြင်ဆင် ဖွဲ့စည်းနိုင်မလား၊ ဘယ်လို ပုံစံမျိုးကို လာမယ့် နှစ်အနည်းငယ် အတွင်းမှာ တွေ့လာရလိမ့်မလဲ ဆိုတာကတော့ ကျွန်တော်တို့ စောင့်ကြည့်သွားရမှာ ဖြစ်ပါတယ်။
ကိုးကား-
လုပ်ဖော်ကိုင်ဖက် ဘန်ကောက် အခြေစိုက် ဘီဘီစီသတင်းထောက် ဦးဝင်းမြင့်နဲ့ ဆွေးနွေး ပြောဆိုချက်များ၊ သည်ဗွိုင့်စ် ဝီးကလီး ဒုတိယ အယ်ဒီတာချုပ် ကိုဇေယျသူ ရေးတဲ့ “မရှိလည်းဖြစ်သူ“ ဆောင်းပါး၊ နဲ့ ကိုမင်းဇင်ရေးတဲ့ It’s time for Aung San Suu Kyi to get serious about management
ကိုမင်းဇင်း ဆောင်းပါးကို ဒီလင့်ခ်မှာ ဖတ်ပါ။ http://transitions.foreignpolicy.com/posts/2012/06/01/it_s_time_for_aung_san_suu_kyi_to_get_serious_about_management#.T8nohpAd4cE.facebook
ကိုဇေယျသူ ဆောင်းပါးကို ဒီလင့်ခ်မှာ ဖတ်ပါ။ https://www.facebook.com/notes/pann-ei-phyu/%E1%80%99%E1%80%9B%E1%80%BD%E1%80%AD%E1%80%9C%E1%80%8A%E1%80%B9%E1%80%B8%E1%80%BB%E1%80%96%E1%80%85%E1%80%B9%E1%80%9E%E1%80%B0/153411878125784
၂၀၁၂၊ ဇွန်လ ၂ ရက်၊ မွန်းလွဲ ၃ နာရီ။
လန်ဒန်။
မိုးစက်မှော် 