by Myo Tha Htet on Saturday, 1 September 2012 at 11:57·
“လောကမှာ လူရယ်လို့ ဖြစ်လာရင် လူတိုင်းမှာ ဘ၀ကိုယ်စီ ရှိကြတာမို့ သူ့ဘ၀ သူပိုင်သလို၊ သူ့ဆုံးဖြတ်ချက်နဲ့သူ ရပ်တည် ရှင်သန်ခွင့် ရှိဖို့ ကောင်းပါတယ်။ ဒီလိုပါပဲ ထမင်းအောက်က ချိုး(ဂျိုး) ကလည်း ထမင်းပါပဲ။ ချိုးကြိုက်တဲ့သူက စားပေမပေါ့“
တလောက ဖေ့စ်ဘုတ်မှာ အမျိုးသားဝတ်စုံနဲ့ ယောက်ျားနှစ်ယောက်တွဲပြီး မင်္ဂလာဆောင်တဲ့ ဓာတ်ပုံကို တွေ့လိုက်ရတော့ ထူးဆန်းနေခဲ့တယ်။ ထခါ ယောက်ျားနှစ်ယောက် အဓိက သရုပ်ဆောင်တဲ့ လိင်တူချစ် ကမ္ဘာကျော် ရုပ်ရှင် ဇာတ်ကားတွေလည်း ကြည့်ခဲ့ဖူးပေမယ့် တယောက်ကတော့ မိန်းမနေရာက နေမှာပဲလို့ ထင်ခဲ့မိပါတယ်။ တကယ်တော့ ကျွန်တော့် အသိထက် ပိုနေတာတွေကလည်း ရှိနေပြန်တယ်။
လွန်ခဲ့တဲ့ ၁၀ နှစ်လောက်က အင်္ဂလိပ်စာ အတူ သင်ယူခဲ့ဖူးတဲ့ ညီငယ် တယောက်နဲ့ မထင်မှတ်ဘဲ စကား ပြောမိတော့ ယောက်ျားချင်း အတူ အပေးအယူ ညီမျှတဲ့၊ အပြန်အလှန် ထောက်ပံတဲ့ ချစ်ခြင်းမျိုးတွေလည်း ရှိနေသေးပါတယ်လို့ သူက ပြောပြလာတယ်။
ဟုတ်တာပေါ့။ ညီအကိုချင်း၊ သူငယ်ချင်းချင်း ရှိနိုင်တာပေါ့။ ဒါပေမဲ့ အခုဟာက ဒီထက်တော့ ပိုတယ်၊ တစိမ်း ယောက်ျားသား နှစ်ဦးကနေ တဖြည်းဖြည်း ရင်းနှီးခင်မင် ချစ်ကြင်လာပြီး နှစ်ဦး တဘ၀ တည်ဆောက်ကြမယ့် ကိန်းပေါ့။ ညီငယ်ကတော့ သူ့ခံစားချက်တွေကို ပွင့်ပွင့်လင်းလင်း ပြောထားပါတယ်။ အင်္ဂလိပ် ဘာသာစကား ကျွမ်းကျင်တဲ့ သူမို့ သူက အင်္ဂလိပ် ၀ါကျတွေနဲ့ ရေးထားပါတယ်။
ကျွန်တော်က စိတ်ဝင်စားလို့ ဖတ်ကြည့်မိတယ်၊ ကျန်တဲ့ သူတွေလည်း ဖတ်ပြီး သူ့အမြင် သူ့အတွေးတွေကို စဉ်းစား ဆင်ခြင် ဝေဖန်နိုင်အောင်လို့ ဘာသာပြန်ပေးလိုက်ပါတယ်။
လွန်ခဲ့တဲ့ ၁၀ နှစ် လောက်ကတော့ အဲဒီ ညီငယ်လေး ဘာလိင်လဲ ဆိုတာကို မသိခဲ့ပါဘူး၊ ရုပ်တော့ အတော်ဖြောင့်တဲ့ ချာတိတ်ပဲလို့ အလွယ် မှတ်ခဲ့တယ်။ အခုတော့ သူက ပြောပါတယ်၊ သူဟာ လိင်တူချစ်သူ တယောက်ပါတဲ့။ ဒီတော့ သူ့အတွေးနဲ့ သူ့ပတ်ဝန်းကျင်ကို သူ ပြောထားတာလေး နားထောင် (အဲ… ဖတ်ကြည့်) ပါဦး။
The people who we are living with are still need to be educated. Many of them doesn’t understand of human rights and human sexuality. Sexuality can be different from one person to another. Why there’s so much debate about “Pre Gay Wedding Picture”? I think we should have the rights of our own if everyone have theirs. If anybody can marry, then why not we can? I call for emergency improvement to all of our civil society. This is the duty for all of the people who are working for “Human Rights”. As long as we are human, we deserve to have our own rights.
“ကျွန်တော်တို့ ၀န်းကျင်က လူတွေကို ပညာပေးဖို့ လိုနေပါသေးတယ်၊ သူတို့တွေထဲက အများစုဟာ လူ့အခွင့်အရေးကို နားမလည်ကြသေးသလို လူသားရဲ့ လိင်စိတ်ကိုလည်း နားမလည်ကြသေးပါဘူး။ လိင်စိတ်ဆိုတာက တယောက်နဲ့ တယောက် တူနိုင်တာမှ မဟုတ်တာဘဲ။“
ဒီနေရာမှာ တခု ကြားဖြတ် ပြောဖို့ လိုတာက အစပိုင်းမှာ ပြောပြခဲ့တဲ့ ဖေ့စ်ဘုတ်က အမျိုးသားဝတ်စုံဝတ် ယောက်ျားသားနှစ်ဦး ယှဉ်တွဲလို့ မင်္ဂလာဆောင်တဲ့ ပုံစံ ဓာတ်ပုံရိုက်ထားတာကို ဒီညီငယ်က ကိုယ်တိုင်လည်း ထောက်ခံသလို ၀မ်းမြောက်ကြောင်းကိုလည်း တရားဝင် ထုတ်ဖော် ပြောခဲ့သူပါ။
အဲဒီ ဓာတ်ပုံနဲ့ ပတ်သက်ပြီး ဝေဖန်မှုတွေ၊ မှတ်ချက်စကားတွေကိုလည်း သူ စိတ်ညစ်ပုံရပါတယ်။ သူ ဆက်ပြောထားတာလေး ဖတ်ကြည့်ပါဦး။
“ဒီဓာတ်ပုံနဲ့ ပတ်သက်ပြီး ဘာဖြစ်လို့ လူတွေက စကားတွေ အများကြီး ပြောနေကြတာလဲ။ လူတိုင်းကိုယ်စီမှာ လူ့အခွင့်အရေး ရှိတယ်ဆိုရင် ကျွန်တော်တို့မှာလည်း ကျွန်တော်တို့ အခွင့်အရေးဆိုတာ ရှိရမှာပေါ့။ လူတိုင်းဟာ ကိုယ်နှစ်သက်သူနဲ့ အိမ်ထောင်ပြုခွင့် ရှိတယ်ဆိုရင် ကျွန်တော်တို့မှာလည်း ဘာကြောင့် မရှိနိုင်ရမှာလဲ“
ညီငယ်က သူ့ မကျေနပ်ချက်ကို ထုတ်ဖော် ပြောဆိုရုံနဲ့ မပြီးသေးပါဘူး။ သူ့အမြင်အရ ပတ်ဝန်းကျင်ကို (သူဆိုလိုချင်ပုံရတဲ့) ယဉ်ကျေးတဲ့ လူ့အဖွဲ့အစည်းဖြစ်ဖို့ကိုလည်း တိုက်တွန်းတဲ့၊ တောင်းဆိုတဲ့ သဘောပါတဲ့ အခု ပြောဆိုချက်ကို ဆက်ပြောပါတယ်။
“လူမှုအဖွဲ့အစည်းတွေ အားလုံးကို ကျွန်တော် အခုပဲ ချက်ချင်း တောင်းဆိုချင်ပါတယ်၊ လူ့အခွင့်အရေးအတွက် အားကြိုးမာန်တက် ဆောင်ရွက်နေသူတွေ အားလုံးမှာ တာဝန်ရှိနေပါတယ်။ ကျွန်တော်တို့ဟာ လူသားတွေ ဖြစ်နေသရွေ့ ကျွန်တော်တို့နဲ့ ထိုက်တန်တဲ့ အခွင့်အရေးတွေ ရရပါမယ်“
ဒါနဲ့လည်း သူ့ဟာက မပြီးသေးပါဘူး။ သူတို့တွေ အနေနဲ့ သူတို့ ပတ်ဝန်းကျင်က လူ့အဖွဲ့အစည်းရဲ့ ရှေးရိုးစွဲအမြင်တွေကို ရိုက်ခတ် ခံစားရတုန်းနဲ့ တူပါတယ်။ (ဥပမာ ကျွန်တော်ကိုယ်တိုင်ကိုက ယောက်ျားချင်း ချစ်ကြတာကို အမျိုးအမည် ဘယ်လောက်များများ ရှိနိုင်တယ်ဆိုတာကို ထွေထွေပြားပြား ဖြစ်တုန်းပါပဲ)။
ကြည့်စမ်းပါဦး…၊ သူ့တောင်းဆိုချက်ကတော့ ခေတ်မီပါတယ်။ လွှတ်တော်ခေတ်မို့လည်း လွှတ်တော်စကား ပြောတယ်နဲ့ တူပါရဲ့…။
I urge a call to Parliament to take down the panel 377 code in Burma. I also call for to have that gay men will have same rights as other people does. We know that we can’t say that everyone has the human rights in Burma but gay men are suffering more than anybody else. I call for zero stigma and discrimination to all gay men in Burma and have the equal rights as other people.
“ပြစ်မှုဆိုင်ရာ ဥပဒေပုဒ်မ ၃၇၇ မှာ ပြဌာန်းထားတဲ့ ပြဌာန်းချက်ကို ပယ်ဖျက်ပေးဖို့ လွှတ်တော်ကို တောင်းဆိုပါတယ်။ လိင်တူချစ်သူ အမျိုးသားတွေဟာ တခြားလိင်စိတ်ရှိသူတွေလိုပဲ အခွင့်အရေး တန်းတူညီမျှ ရနိုင်ဖို့ကိုလည်း အလားတူ တောင်းဆိုပါတယ်။“
ညီငယ်ဟာ သူတို့တတွေရဲ့ လက်ရှိ ခံစားမှု ဖြစ်ထွေကိုလည်း မဖုံးကွယ်ပါဘူး။ ဒါကြောင့် ထပ်ထပ်ခါခါ ဆိုသလို သူတို့ ပတ်ဝန်းကျင်က လူ့အဖွဲ့အစည်းကို တောင်းဆိုမှုတွေ အကြိမ်ကြိမ် လုပ်ပါတယ်။ ညီငယ်က သူတို့ကို လူ့အဖွဲ့အစည်းကြီး တခုလုံးက လက်ရေတပြင်တည်း ရှိကြဖို့ အဆုံးစွန် အခုလို တောင်းဆိုပါတယ်။
“မြန်မာပြည်က မြန်မာတိုင်းမှာ လူ့အခွင့်အရေးတွေ ရနေကြပြီလို့ မဆိုနိုင်ဘူးဆိုတာ ကျွန်တော်တို့ သိပါတယ်။ ဒါပေမဲ့ လိင်တူချစ်သူတွေကတော့ အဆိုးတကာ့အဆိုးဆုံး ခံစားနေကြရတာပါ။ ဒါကြောင့် လိင်တူချစ်သူတွေနဲ့ ပတ်သက်ပြီး မြန်မာပြည်မှာ ခွဲခြားဆက်ဆံတာတွေ မလုပ်ကြဖို့၊ ရှေးရိုးစွဲအမြင်နဲ့ ခံစားချက်တွေကို ဖျောက်ဖျက်ပစ်ကြဖို့နဲ့ တခြားလူ တပါးသူတွေလို တန်းတူ အခွင့်အရေး ပေးကြဖို့ ကျွန်တော် အနေနဲ့ တောင်းဆိုပါတယ်“
ညီငယ်ကတော့ ပြောပါပြီ။
အဲ… ကျွန်တော်ကိုယ်တိုင်ကလည်း ငယ်ငယ်ကတော့ လိင်တူချစ်သူတွေကို ခါးခါးသီးသီး သဘောမတွေ့ခဲ့ပါဘူး။ အခု အသက်ကလေး နည်းနည်းရလာတော့… အင်း… သူတို့ဘ၀နဲ့ သူတို့အကြောင်း၊ သူတို့အဖြစ်နဲ့ သူတို့အချစ်၊ သူတို့အချင့်အတွေးနဲ့ သူတို့အခွင့်အရေးပဲလို့ နားလည်လာခဲ့ပါတယ်။ ရာခိုင်နှုန်းပြည့်လားဆိုတော့လည်း မဟုတ်သေးပါဘူး။
စာဖတ်သူတွေကရော…။
၂၀၁၂ စက်တာဘာ ၁၊ မနက် ၁၁ နာရီ။
လန်ဒန်။
မိုးစက်မှော် 