by Myo Tha Htet on Sunday, 29 January 2012 at 20:12·

ဂျွန် မက်ကိန်း (John McCain)

ဂျွန် မက်ကိန်း
ဂျွန် မက်ကိန်းဟာ ၁၉၈၆ ခုနှစ်မှာ အမေရိကန် အထက်လွှတ်တော်အမတ်အဖြစ် အရွေးခံရပါတယ်။ ၂၀၀၈ ခုနှစ်မှာတော့ ရီပတ်ဘလေကန် ပါတီရဲ့ သမ္မတလောင်းအဖြစ်နဲ့ လက်ရှိ သမ္မတ အိုဘားမားနဲ့ ယှဉ်ပြိုင် ရွေးချယ်ခံခဲ့ပေမယ့် ရှုံးနိမ့်ခဲ့ပါတယ်။

ဒီ့အရင်ကတော့ အမေရိကန် ရေတပ်မှာ အမှုထမ်းခဲ့ပြီး၊ ကွန်ဂရက်အမတ်လည်း နှစ်ကြိမ် ဖြစ်ခဲ့ပါတယ်။ ဂျွန် မက်ကိန်းမှာ သားသမီး ခုနစ်ယောက်နဲ့ မြေး လေးယောက် ရှိပါတယ်။ ဇနီးသည် စင်ဒီနဲ့အတူ ဖီးနစ်မြို့လေး (Phoenix) မှာ နေထိုင်ကြပါတယ်။

(မြန်မာ့အရေးကို စိတ်ဝင်စားတဲ့ အထက်လွှတ်တော်အမတ် ဂျွန် မက်ကိန်းဟာ မကြာခင်ကတော့ မြန်မာနိုင်ငံကို ဒုတိယအကြိမ် လာရောက်ခဲ့ပြီး၊ နိုင်ငံတော် သမ္မတ ဦးသိန်းစိန်နဲ့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ကို တွေ့ဆုံခဲ့ပါတယ်။

အမေရိကန်တို့ မြန်မာအပေါ် ကန့်သတ် အရေးယူ ထားတာတွေ (ဆန်ရှင်) ကို လာမယ့် ဧပြီ ၁ ကြားဖြတ် ရွေးကောက်ပွဲ အခြေအနေပေါ် မူတည်ပြီး ရုတ်သိမ်း မသိမ်း ဆုံးဖြတ်မယ့် အချက်တချက်အဖြစ် မှတ်ယူသွားမယ်လို့ ဂျွန် မက်ကိန်းက သတင်းထောက်တွေကို ပြောခဲ့ပါတယ်။)

ကျောက်ဆူးနဲ့ သံလိုက်အိမ်မြှောင် (Moorings and a Compass)

ကျွန်တော့် အထက်တန်းကျောင်းသား ဘ၀တုန်းက ဆရာဖြစ်တဲ့ ၀ီလီယံ ရာဗင်နယ်လ် (William Ravenel) ဟာ ကျွန်တော့်ဘ၀ကို ပြောင်းလဲခဲ့သူပါ။ ကျွန်တော်အဖေ့ဟာ ရေတပ်ဗိုလ်တယောက်ဖြစ်ပြီး အရွယ်ငယ်ငယ်မှာပဲ ကွယ်လွန်ခဲ့ပါတယ်။

ကျွန်တော်ဟာ တောင်ပိုင်းက ငွေကြေးပြည့်စုံတဲ့ မိသားစုတွေက သားတွေ အများစု တက်ရောက်တဲ့ ယောက်ျားလေး ကျောင်းမှာ ကျောင်းအိပ် ကျောင်းစားနေတုန်းမှာပဲ ဆရာ ၀ီလီယံနဲ့ တွေ့ခဲ့တာပါ။ ဆရာက ကျွန်တော့်ကို ကျောက်ဆူးတွေနဲ့ သံလိုက်အိမ်မြှောင်လေးတခု ပေးခဲ့ပါတယ်။

ဆရာက အတော်လေး ရည်မွန်ပြီး သဘောကောင်းသူ ဖြစ်ပါတယ်။ ဆရာဟာ ငယ်စဉ်က ဘောလုံး ကစားခဲ့သလို ဒုတိယ ကမ္ဘာစစ် အတွင်းမှာလည်း ဗိုလ်ချုပ်ကြီး ပက်တွန် (General Patton) ရဲ့ တင့်ကားတပ်မှာ အမှုထမ်းခဲ့ဖူးပါတယ်။ နောက်ပိုင်းမှာလည်း အမေရိကန် အရန်တပ်မှာ တပ်ဖွဲ့ဝင်အဖြစ် ဆက်လက် အမှုထမ်းခဲ့ပါသေးတယ်။

ဆရာ ၀ီလီယံဟာ ကျွန်တော်တို့ ကျောင်းအားကစားအဖွဲ့ ဂျုနီယာတန်းရဲ့ နည်းပြလည်း ဖြစ်ပြီး၊ ဆရာကိုင်တဲ့ အသင်းမှာ ကျွန်တော်က အသင်းသားတယောက် ဖြစ်ပါတယ်။ ယုံချင်မှ ယုံပါလေ… ဆရာက ကမ္ဘာကျော် စာဆိုတော်ကြီး ရှိတ်စပီးယား ပုံစံမျိုးလည်း ကျွန်တော်တို့ကို သရုပ်ဆောင်ပြတတ်ပါသေးတယ်။

ဆရာဟာ ကျွန်တော်တို့ကို အင်္ဂလိပ်စာတင် သင်ပြရုံမကဘဲ လူတယောက်အတွက် တန်ဖိုးတွေ၊ စံနှုန်းတွေ၊ နီတိတွေ သင်ပေးပါတယ်။ ဆရာဟာ တပည့်တွေကြားမှာ ဖြူစင် ရှင်းသန့်သူမို့ တပည့်အားလုံးက ဆရာ့ကို အားကျ၊ ဆရာ့လို ဖြစ်ချင်ခဲ့ကြပါတယ်။

ကျွန်တော်တို့ ကျောင်းဟာ ယောက်ျားလေးကျောင်း ဆိုပေမယ့်လို့ ဆရာ ၀ီလီယံဟာ ကျွန်တော်တို့ကို ဂုဏ်သိက္ခာရှိတဲ့ ကျောင်းတော်သားကြီးတွေ ဖြစ်အောင် ဂန္ထ၀င် ၀တ္ထုတွေကို သေချာသင်ရင်း စနစ်တကျကို ပုံသွင်းခဲ့ပါတယ်။

ဂန္ထ၀င်စာတွေထဲက တကယ့်လူ့အဖိုးတန်တွေကို မိတ်ဆက်သင်ကြားပေးရုံမကဘဲ ဒီလူတွေ ဘယ်လိုမျိုး ရှင်သန် ကြီးပြင်း လာတယ် ဆိုတာကိုပါ စိတ်ဝင်စားအောင် ပြောပြတော့ ကျွန်တော်တို့အတွက် တကယ့်ကို တန်ဖိုးရှိတဲ့ သင်ခန်းစာတွေ ဖြစ်သွားတော့တာပေါ့…။

ကျွန်တော်ကလည်း ဆရာနဲ့ ဘာမဆို တိုင်ပင် အကြံဥာဏ်ယူတတ်သူ တယောက် ဖြစ်ခဲ့ပါတယ်။ ဆရာနဲ့အတူ အားကစားတင် မကဘူး၊ ကမ္ဘာကျော် အင်္ဂလိပ် စာရေးဆရာကြီး ဆမ္မား ဆက်မွန်ရဲ့ စာတွေအကြောင်း ပြောကြတယ်။ ဆရာရဲ့ ဒုတိယ ကမ္ဘာစစ်အတွင်းက တိုက်ပွဲ အတွေ့ အကြုံတွေကို ကျွန်တော် စိတ်ဝင်တစား နားထောင်သလို ကျွန်တော့် အနာဂတ်ကို ဘယ်လို ပုံဖော်သင့်သလဲ ဆိုတာကို ဆရာနဲ့ မေးမြန်း အကြံဥာဏ်တွေ ယူခဲ့တယ်။

ဆရာဟာ ကျောင်းမှာ ကျွန်တော် ယုံကြည်အားထားခဲ့ရတဲ့ သူတွေထဲက တယောက်ဖြစ်ခဲ့ပြီး၊ ကျွန်တော် စစ်တက္ကသိုလ် တက်ဖို့တို့၊ ရေတပ်ထဲ ၀င်ဖို့တို့ကိုလည်း တိုင်ပင်ခဲ့ရသူပါ။ ကျွန်တော့် အနာဂတ်ရေး စိတ်ကူး အိပ်မက်တွေကိုလည်း ဆရာ့ပဲ ပြောပြခဲ့ရတာပါ။

ကိုယ့်ကိုယ်ကိုယ် ယုံကြည်မှု အမြင့်ဆုံး ရသွားခဲ့တဲ့ နေ့တနေ့ကို ကျွန်တော် အမှတ်ရနေဆဲပါ။ အဲဒါကလည်း ဆရာ့ကြောင့်ပါပဲ။ ကျွန်တော်တို့ ကျောင်းဝင်ကထဲက ကျောင်းအားကစားအဖွဲ့မှာ ပါပါ့မယ်၊ လေ့ကျင့်ခန်းလည်း ပုံမှန် ဆင်းပါ့မယ် ဆိုတာကို လက်မှတ်ထိုး ရသလို တကယ်တမ်းလည်း လုပ်ကြရပါတယ်။

ကျွန်တော် စီနီယာတန်း ရောက်တော့ ဂျူနီယာ ဘောလုံးအသင်းက ကျောင်းသားလေး တယောက်က အသင်း လေ့ကျင့်ခန်း ဆင်းဖို့ ပျက်ကွက်တဲ့အတွက် အသင်းကနေ အထုတ်ခံရဖို့ ရှိနေပါတယ်။ ကျောင်းစည်းကမ်းအရ သူ့ကို ထုတ်ရမယ်လို့ ကျန်တဲ့ အသင်းသားတွေက ပြောကြတာကြောင့် ဆရာလည်း ခေါင်းခဲပြီး အသင်းအစည်းအဝေးကို ခေါ်ရပါတယ်။

ကျွန်တော်ကတော့ အသင်းသားတွေရဲ့ တောင်းဆိုမှုဟာ မျှတတယ်လို့ကို မထင်ခဲ့ပါဘူး၊ ဘာဖြစ်လို့လဲဆိုတော့ စွပ်စွဲခံထားရတဲ့ ကျောင်းသားကို မေးစမ်းကြည့်တဲ့အခါ အဲဒီ ကျောင်းသားလေးဟာ ကျွန်တော်တို့လို မဟုတ်ခဲ့ဘဲ ကျောင်းဝင် ကထဲက ဒီ အသင်း လေ့ကျင့်ခန်း ပုံမှန်ဆင်းဖို့ စည်းကမ်းတွေကို လိုက်နာပါ့မယ် ဆိုတာကို သူက လက်မှတ်ထိုးဖို့ ငြင်းခဲ့သလို တကယ်တမ်းလည်း မထိုးထားခဲ့ပါဘူး။

ဒီတော့ ကျွန်တော်က သူ့ကို သက်ညှာတဲ့ ပြစ်ဒဏ်မျိုးသာ ပေးသင့်တယ်လို့ အဆို တင်ပါတယ်။ ကျွန်တော့်ရဲ့ အသင်းသားတွေ အားလုံး နီးပါးကတော့ သူ့ကို လုံးဝ ထုတ်ပစ်ရမယ်လို့ ၀ိုင်းပြောကြပါတယ်။

ကျွန်တော်က အဲဒီမှာ စောဒကတက်တော့တာပါပဲ။ ဒီကျောင်းသားဟာ သူလိုက်နာပါ့မယ်လို့ လက်မှတ် မထိုးထားတဲ့ စည်းကမ်းကို မလိုက်တာနာဟာ အပြစ်ကြီး ပေးလောက်တဲ့ ကိစ္စ မဟုတ်ဘူး။ ဒါကြောင့် အသင်းက ထုတ်ဖို့ မလိုဘူး၊ အသင်းသားတွေကို တောင်းပန်ရုံနဲ့ ကိစ္စပြီးပြတ်တယ်။ သူဟာ ကျွန်တော်တို့နဲ့ အတူတူပဲဖြစ်တယ်။ ကျွန်တော်တို့ကတော့ နဂိုကထဲက လိုက်နာပါ့မယ်လို့ လက်မှတ်ရေးထိုးထားလို့ စည်းကမ်းကို လိုက်နာကြတာ မဟုတ်လား။

ကျွန်တော်က အဲဒီလို ချက်နဲ့လက်နဲ့ ထောက်ပြပြောဆိုလိုက်တဲ့အခါ ကျောင်းသား ၂၀၊ ၃၀ လောက်က ဟုတ်သားပဲ ဆိုပြီး လက်ခံ သွားကြပါတယ်။ တခါ ဆရာ ၀ီလီယံကလည်း ကျွန်တော့်အဆိုကို ထောက်ခံလိုက်ပြန်တာကြောင့် အသင်းသား စည်းဝေးပွဲဟာ ကျွန်တော့် ဆုံးဖြတ်ချက်အတိုင်းနဲ့ပဲ ပြီးဆုံးသွားပါတော့တယ်။

အသင်း အစည်းအဝေးလည်း ပြီးရော ဆရာ ၀ီလီယံက ကျွန်တော့်ကို လက်ဆွဲ နှုတ်ဆက်ပြီး၊ စိတ်သက်သာရာ ရသွားတဲ့ လေသံနဲ့ ကျွန်တော့်ကို ကျေးဇူးတင်တဲ့အကြောင်းနဲ့ ကျွန်တော်တို့ ချလိုက်တဲ့ ဆုံးဖြတ်ချက်ဟာလည်း အကောင်းဆုံး ဆုံးဖြတ်ချက် ဖြစ်တယ်လို့ ချီးကျူးပြောပါတယ်။

ဆရာက ဒီပြဿနာ ပြေလည်သွားလိမ့်မယ် ဆိုတာကို သူ သိနေခဲ့ပေမယ့် ဘယ်လို ပြေလည် နိုင်မလဲ ဆိုတာကိုတော့ စိတ်ပူပန်နေခဲ့ပုံ ရပါတယ်။ နောက်ပြီး ဒီကိစ္စအတွက်လည်း ဆုံးဖြတ်ချက်တခုကို သူ ဆုံးဖြတ်ပေးတာမျိုး မဟုတ်ဘဲ ကျွန်တော်တို့ ကျောင်းသားတွေ ကိုယ့်ဘာသာ ဆုံးဖြတ် ပြေလည်တာမျိုးကိုလည်း လိုချင်ခဲ့တာပါ။ ကျွန်တော့်ကြောင့် ပြဿနာက ပြေလည်သွားတော့ ဆရာက ကျွန်တော့်ကို ဂုဏ်ယူချီးမွမ်းခဲ့တဲ့ အချက်ဟာ ကျွန်တော့်ဘ၀မှာ တော်တော့်ကို အရေးပါခဲ့ပါတယ်။

အဲဒီတုန်းက ဆရာရဲ့ အသိအမှတ်ပြု ချီးကျူးမှုကို ရလိုက်တဲ့အတွက် ကိုယ့်ကိုယ်ကိုယ် ယုံကြည်မှု တအား တက်သွားတာကို ကျွန်တော် ဘယ်တော့မှ မမေ့ပါဘူး။ အဲဒီလို လူပုံအလယ်မှာ ရဲရဲကြီး အသိအမှတ်ပြု ချီးကျူးခဲ့တဲ့ ဆရာ ၀ီလီယံကိုလည်း ဘယ်တော့မှ မမေ့ခဲ့ပါဘူး။

နောက်ပိုင်းမှာတော့ ကျွန်တော် ဗီယက်နမ် စစ်မြေပြင်မှာ အဖမ်းခံရတယ်။ အဖမ်းခံရတုန်းကလည်း ဆရာ့ကို သတိရလိုက်တာ မပြောပါနဲ့တော့ဗျာ…။ ကိုယ့်ကိုယ်ကိုယ် ဂုဏ်ယူဝင့်ကြွားစွာ ရှင်သန်ဖို့ကို ဆရာ ၀ီလီယံက ကျွန်တော့်ကိုယ်ထဲ၊ စိတ်ထဲ၊ နှလုံးထဲ ရိုက်သွင်းပေးခဲ့သူ မဟုတ်လားဗျာ။

ဗီယက်နမ်မှာ အဖမ်းခံရပြီးနောက်မှာ ဆုံးဖြတ်ချက်တွေ တသီကြီး ကျွန်တော် ချခဲ့ရပြီး အဲဒီထဲက တခုကတော့ ကျွန်တော့်ကို စောစော ပြန်လွှတ်ပေးမယ်လို့ အပေးအယူနဲ့ ဗီယက်နမ်တွေက ကျွန်တော့်ကို ကမ်းလှမ်းလာပါတယ်။

ကျွန်တော့်ဆရာ ၀ီလီယံဟာလည်း ဒုတိယ ကမ္ဘာစစ်တုန်းက တိုက်ခဲ့ခိုက်ခဲ့သူပါပဲ၊ ကျွန်တော်လည်း အခု သူ့လို အခြေအနေမျိုးမှာ ရောက်နေပြီ။ တခါ အခု ကမ်းလှမ်းမှုကို ရနေပြီ၊ ဒါပေမဲ့ ကျွန်တော် ဗီယက်နမ်တွေရဲ့ ကမ်းလှမ်းမှုကို ငြင်းလိုက်တယ်။ ဘာဖြစ်လို့လဲဆိုတော့ ဆရာမကြိုက်မယ့် ဂုဏ်သိက္ခာမရှိတဲ့ ကမ်းလှမ်းချက်တခု ဖြစ်နေလို့ပါပဲ။

နောက်တခု ဆရာ ၀ီလီယံကို ကျွန်တော် သဘောကျတာက ဆရာဟာ သူ့ခံစားချက်တွေကို ဘယ်တော့မှ ထုတ်မပြတတ်ဘူး။ လူပဲဗျာ… ခံစားချက်တော့ ရှိမှာပေါ့၊ ဒါပေမဲ့ ဆရာရဲ့ ခံစားမှုကို ကျွန်တော် ဘယ်တုန်းကမှ မတွေ့ခဲ့ရဘူး၊ အဲဒါကို ကျွန်တော် အခိုက်ဆုံးပဲ။ ဆရာ့လိုပဲ ကျွန်တော် ဖြစ်ချင်ခဲ့တယ်။

ကျွန်တော် အဖမ်းခံခဲ့ရာကနေ လွတ်မြောက်ပြီး အိမ်ပြန်ရောက်လာတော့ မိသားစုအပြင်က အတွှေ့ချင်ဆုံး လူတယောက်ကတော့ ဆရာ ၀ီလီယံပါပဲ။ ဘာဖြစ်လို့လဲဆိုတော့ ကျွန်တော့်လုပ်ရပ်တွေနဲ့ ပတ်သက်လာရင် ကောင်း၏၊ ဆိုး၏ ဝေဖန်စောကြောမှုကို အဖေကလွဲရင် ဆရာ ပြောတာကို ကျွန်တော် အနာခံချင်ဆုံးမို့ပါပဲ။

ဆရာဟာ ဘာပဲဖြစ်ဖြစ် ကျွန်တော် ပြောသမျှကို ယုံကြည့်စွာ နားစိုက်ထောင်ပေးပြီး အကောင်း၊ အဆိုး ဝေဖန်ပေးမှာ ဖြစ်ပါတယ်။ ဒါဟာ ကျွန်တော့်ဆရာနဲ့ ပတ်သက်လို့ ဆရာ့အပေါ် တပည့်တယောက်ဖြစ်တဲ့ ကျွန်တော့်ရဲ့ အကောင်းဆုံး ဂုဏ်ယူဝင့်ကြွားမှုတခုပါပဲ။ ဒါပေမဲ့ ဆရာ သေကာသာသွားရော… ကျွန်တော့် ၀င့်ကြွားဂုဏ်ယူမှုတွေကို ဆရာသိအောင် ကျွန်တော် မပြောပြလိုက်ရပါဘူး။ အဲဒီအတွက်လည်း ကျွန်တော် စိတ်မကောင်း ဖြစ်ရပါတယ်။

ဆရာဟာ ကျွန်တော် ပြန်မလွတ်ခင် နှစ်နှစ်လောက်ကထဲက နှလုံးရောဂါနဲ့ ကွယ်လွန်ခဲ့တာမို့ ကျွန်တော် အိမ်ပြန်ရောက်ချိန်မှာ ဆရာက တမလွန် ရောက်နေပါပြီ။ ဆရာဆုံးတော့ အသက် ၅၃ နှစ်သာ ရှိပါသေးတယ်။

ဆရာဆုံးပါးသွားတဲ့အတွက် သူ့မိသားစု၊ မိတ်ဆွေနဲ့ ကျောင်းသားတွေအတွက်တင် ဆုံးရှုံးမှုကြီး ဖြစ်တာမျိုး မဟုတ်ဘဲ ဆရာ့ရဲ့ အကြံဥာဏ်နဲ့ စောင့်ရှောက်မှုတွေကို ရခဲ့သူအားလုံးအတွက် မဟာ့မဟာ ဆုံးရှုံးမှုကြီး ဖြစ်ပါတယ်။ ကျွန်တော့်အတွက်ကတော့ တကယ့်ကို မပြောပြနိုင်လောက်အောင် ၀မ်းနည်းကြေကွဲခဲ့ရပါတယ်။

ကျွန်တော့်ရဲ့ အထက်တန်းကျောင်းသားဘ၀ကို ပြန်တွေးမိတိုင်း စိတ်ထဲ မှတ်မှတ်ထင်ထင် စွဲနေသူကတော့ နှစ်ယောက်မရှိတဲ့ ဆရာ ၀ီလီယံပါပဲ။ ကျွန်တော့်ဘ၀ရဲ့ အပျော်ရွှင်ဆုံးနဲ့ အမှတ်ရဆုံး အကောင်းဆုံး အချိန်တွေဟာလည်း ဆရာနဲ့ အတူ ရှိနေခဲ့ရတဲ့ အချိန်တွေပါပဲ။ ဆရာဟာ တကယ့်ကို မီးရှုးတန်ဆောင်ပါပဲ၊ ကျွန်တော့်တယောက်ထဲ အတွက်တင် မဟုတ်ခဲ့ပါဘူး၊ အားလုံးရဲ့ ကြယ်ဓူဝံကြီး ဖြစ်ခဲ့ပါတယ်။

ဆရာဟာ ကျွန်တော့်ကို အတော်လေး လွှမ်းမိုးခဲ့တာပါ။ ဒါကို လူတော်တော်များများက သိချင်မှ သိမှာ ဖြစ်ပေမယ့် ကျွန်တော့် မိသားစုကတော့ အသေအချာကို သိကြပါတယ်။ ဘာဖြစ်လို့လဲဆိုတော့ ဆရာကောင်းတပည့် ပန်းကောင်းပန်ဆိုသလို ကျွန်တော့်ကြောင့် ကျွန်တော့် မိသားစုဟာလည်း ဂုဏ်ယူဝမ်းမြောက်ခဲ့ရတယ် မဟုတ်လားဗျာ။

တကယ်တော့ လမ်းညွှန်ဆရာကောင်းဆိုတာဟာ ကျွန်တော်တို့ ဘ၀မှာ အခက်အခဲတွေ ရှိလာရင် ကျော်လွှား လွန်မြောက်နိုင်အောင် လမ်းညွှန်ပေးတတ်သူ ဖြစ်ပြီး၊ အမှား အမှန်ကိုလည်း ကွဲပြားစွာ ခွဲခြားသိစေသူလည်း ဖြစ်ပါတယ်။

ကျွန်တော်တို့ ရှင်သန်ကြီးပြင်းရတဲ့ ခေတ်နဲ့စာရင် ဒီကနေ့ခေတ် ကလေးတွေရဲ့ ဘ၀ဟာ အတော့်ကို ခေတ်မီ ရှုပ်ထွေးစွာနဲ့ ရှင်သန် ကြီးထွားနေကြရတာ ဖြစ်ပါတယ်။ ဒီလိုခေတ်မျိုးမှာ လမ်းညွှန်ဆရာကောင်းတွေ ပိုလိုအပ်ပါတယ်။ ဂုဏ်ယူ အားကျလောက်တဲ့ လမ်းညွှန် ဆရာကောင်းနဲ့ တွေ့လိုက်ရတဲ့ တပည့်မျိုးမှ ဆရာ့အတုယူလို့ ကောင်းစားမှာ ဖြစ်ပါတယ်။

ကျွန်တော့်ဘ၀နဲ့ယှဉ်လို့ ရလာတဲ့ အသိကို ပြောရရင် ဒီနေ့ခေတ် လူငယ်တွေဟာ ကိုယ် ယုံကြည်၊ လေးစား၊ တန်းဖိုးထား၊ မျှဝေ၊ မေးမြန်း၊ တိုင်ပင်၊ ဆွေးနွေးလို့ ရလောက်တဲ့ လမ်းညွှန်ဆရာမျိုးတယောက် ရှိထားသင့်ပြီး၊ အဲဒီလို ရှိထားရင် သူတို့ဘ၀အတွက် သိပ်ကောင်းမယ် ဆိုတာပါပဲ။

မှတ်တမ်းမှတ်ရာတွေ သုတေသနပြုချက်တွေအရ ကျွန်တော်တို့ သိထားတာကလည်း လမ်းညွှန်ဆရာကောင်းကြောင့် လူငယ်တယောက်ရဲ့ ဘ၀ကို အင်မတန် ပြုပြင် ပြောင်းလဲစေသတဲ့။ အထက်မှာ ပြောခဲ့သလိုပါပဲ… ဆရာ ၀ီလီယံဟာ ကျွန်တော့်ကို ပြောင်းလဲစေခဲ့သူပါ၊

ဒါပေမဲ့ ဆရာရဲ့ လွှမ်းမိုးမှု၊ သက်ရောက်မှုကြောင့် ကျွန်တော် ဘယ်လောက်တောင် ပြောင်းလဲခဲ့သလဲ ဆိုတာကို ကျွန်တော် ဗီယက်နမ်မှာ အကျဉ်းကျနေတဲ့အထိ သေသေချာချာ မသိခဲ့ပါဘူး။ ဂုဏ်သရေနွမ်းစေမယ့် ကမ်းလှမ်းမှုနဲ့ ဗီယက်နမ်တွေ ကမ်းလှမ်းတာကို ဆရာ့အမြင်နဲ့ သုံးသပ် စဉ်းစားပြီး မှန်ကန်တဲ့ ဆုံးဖြတ်ချက် ချနိုင်လိုက်တဲ့ အချိန်မှာ ကျွန်တော် လင်းကနဲ ဖြစ်သွားခဲ့ပါတယ်။ အဲဒီလောက်တောင် ဆရာ့အားတွေ ကျွန်တော့်အပေါ် သက်ရောက်ခဲ့တာပါကလားဗျာ…။

ဂျွန် မက်ကိန်း