by Myo Tha Htet on Tuesday, 24 January 2012 at 20:25·

ဟူပီ ဂိုးလ်ဘာ့ဂ် (Whoopi Goldberg)

ဟူပီ ဂိုးလ်ဘာ့ဂ်
ဟူပီ ဂိုးလ်ဘာ့ဂ်ဟာ လက်ချိုးရေလို့ရတဲ့ အလွန်ထူးချွန်တဲ့ ရုပ်ရှင်သရုပ်ဆောင် အနုပညာရှင်တွေထဲက တယောက်ပါ။ အဲဒီ အနုပညာရှင်တွေဟာ ဖျော်ဖြေရေး အနုပညာ လောကထဲက အမြင့်ဆုံး၊ အထူးချွန်ဆုံး ဆုတွေဖြစ်တဲ့ ဂရမ်မီ၊ အကယ်ဒမီ၊ ရွှေကမ္ဘာလုံးဆု၊ အမ်မီနဲ့ တိုနီဆု စသဖြင့် ဆုတွေကို အစုံရထားသူတွေ ဖြစ်ပါတယ်။

ဟူပီ ဂိုးလ်ဘာ့ဂ်ကို မြန်မာတွေကတော့ Ghost ရုပ်ရှင်ကားထဲမှာ တမလွန်ကို ရောက်သွားတဲ့ မင်းသားနဲ့ လက်ရှိ ဘ၀ထဲက မင်းသမီးတို့ ထိတွေ့ပေါင်းဖက်နိုင်အောင် ကူညီရတဲ့ ဗဟိဒ္ဓလောကနဲ့ ပရလောက ချိတ်ဆက်ပေးရသူ မှော်ဆရာမကြီးအဖြစ် ပီပီပြင်ပြင် သရုပ်ဆောင် နိုင်ခဲ့သူအဖြစ် သိကြပါတယ်။ (စကားမစပ် ကျွန်တော့် သူငယ်ချင်းမတွေထဲမှာ ဟူပီ ဂိုးလ်ဘာ့ဂ်နဲ့ အင်မတန်မှကို ရုပ်ချင်းဆင်သူ တဦးရှိနေတာကို ကျွန်တော် အလွန် ဂုဏ်ယူပါတယ်)။

ကမ္ဘာကျော် သရုပ်ဆောင်ဟာ ကလေးတွေ၊ အိမ်ရာမဲ့တွေအတွက် လူသားချင်း စာနာမှုနဲ့ ကူညီဆောင်ရွက်ပေးသလို ပညာရေး၊ လူ့အခွင့်အရေး မြှင့်တင်ရေး၊ အကြမ်းဖက် နှောင့်ယှက် စော်ကားမှုတွေ လျော့ပါးရေးနဲ့ အေအိုင်ဒီအက်စ် တိုက်ဖျက်ရေး စတဲ့ ပရဟိတလုပ်ငန်းတွေမှာ ရွပ်ရွပ်ချွံချွံ ဆောင်ရွက်ပါတယ်၊ တခါ အလားတူ လုပ်ငန်းတွေ လုပ်နိုင်ဖို့ ရန်ပုံငွေ ရှာတဲ့ပွဲတွေမှာလည်း အလွန်အင်မတန် တက်တက်ကြွကြွ ဆောင်ရွက်သူတဦး ဖြစ်ပါတယ်။

ဒီလို ကမ္ဘာနဲ့ချီပြီး လုပ်ငန်းတွေ၊ အများအကျိုးတွေ ဆောင်ရွက်တာကြောင့် ကုလသမဂ္ဂကလည်း ဂုဏ်ထူးဆောင် သံအမတ်ကြီးအဖြစ် သတ်မှတ်ခန့်အပ်ထားပါတယ်။

ကောင်းတာတွေချည်း စု (All the Right ingredients)

“ကိုယ့်ကိုယ်ကိုယ် တိုးတက်ပြောင်းလဲနေအာင် ကြိုးစားပြီး၊ ရှေ့ကို အမြဲလှမ်းနေဖို့က သိပ်အရေးကြီးပါတယ်၊ ကိုယ်ချမှတ်ထားတဲ့ ရည်မှန်းချက်ကို မရောက်ဘူး ဆိုရင်တောင် ကြိုးစားခဲ့မှုကြောင့် အတွေ့အကြုံတွေ၊ သင်ခန်းစာတွေ၊ နည်းလမ်းတွေ သိလိုက်ရတယ် ဆိုတာကိုက အင်မတန် ၀မ်းမြောက်စရာပါ။ အရှုံးဆိုတာ အဆုံးသတ် မဟုတ်ပါဘူး၊ ရှေ့ဆက်ဖို့ တွန်းအားတရပ်သာ ဖြစ်ပါတယ်“__ ဟူပီ ဂိုးလ်ဘာ့ဂ်။

ကျွန်မအမေ အမ်မာ (Emma) က အင်မတိအင်မတန်တော်တဲ့ အမျိုးသမီးတယောက်ပါ၊ သမီးတယောက်ဖြစ်တဲ့ ကျွန်မကို ပုံသွင်းဖို့ အမေ့မှာ ကောင်းတဲ့ အရည်အချင်းတွေ အကုန်ရှိပါတယ်။ ကောင်းတာတွေချည်း စု နေတဲ့သူပါ။

ကျွန်မတို့ ကလေးတအုပ် ကျောင်းလေ့လာရေး ခရီးထွက်တော့ အမေက အုပ်ထိန်းသူလုပ်ပြီး ကားမောင်းလို့ လိုက်ပို့ပါတယ်။ ကလေးတွေနဲ့ချည်း သွားရတော့ အုပ်စုလေးတွေ ခွဲကြတဲ့အခါ ကျွန်မက လူတော်တွေပါတဲ့ အုပ်ထဲ သေလောက်အောင် ပါချင်ခဲ့ပါတယ်။

ဒီလိုနဲ့ လေ့လာရေး ခရီးထွက်တဲ့အခါ ကျွန်မ တကယ်ပဲ လူတော်အုပ် တအုပ်ထဲ ရောက်ခဲ့ပြီး ပျော်လိုက်တာလည်း မပြောပါနဲ့တော့လေ၊ ဒါပေမဲ့ ကားပေါ်မှာ ကျွန်မ သူငယ်ချင်း ကောင်လေးတယောက်ကို ကားပေါ်က ကျောင်းသားတွေက ၀ိုင်းစကြတော့ ကျွန်မက ဘာမှ မပြော၊ မဟန့်ခဲ့ပါဘူး။ အဲဒီလို မတား၊ မပြုတဲ့အပြင် ကျွန်မကတောင် သူ့ကို ၀င်စ ခဲ့ပါသေးတယ်။

ကားမောင်းနေတဲ့ အမေဟာ တလုံးမှ မပြောဘဲ အသာနေခဲ့ပါတယ်၊ လေ့လာရေးခရီးပြီးလို့ အိမ်ရောက်တော့မှ အမေက ကျွန်မကို ကားပေါ်က ကောင်ကလေးဟာ ဒီနေ့တော့ ကံဆိုးတာပဲ၊ တကားလုံးက ကလေးတွေက အဲဒီကောင်လေးကို ဒုက္ခပေးကြတယ်၊ သူ အအံ့သြဆုံးကတော့ ကျွန်မက ကောင်လေးကို ဘာမှ မကူညီဘဲ နေခဲ့တာကိုပဲတဲ့… အမေက အဲဒီလို ကျွန်မကို ထောက်ပြတယ်။

“သမီးကို လူတွေက စ ရင်၊ စိတ်မကောင်းဖြစ်အောင် လုပ်ရင် အဲဒီလို လုပ်တဲ့ သူတွေကို သမီး ဘယ်လောက် မုန်းတီးသလဲ ဆိုတာ အမေ သိပါတယ်၊ ဒါပေမဲ့ အမေ အံ့သြတာက သမီးကလည်း သူများကို နာကျင်အောင် အဲဒီလိုပဲ လုပ်တတ်တာပါကလားလို့…“ ဆိုပြီး အမေက ပြောတော့ ကျွန်မဟာ ကိုယ့်ခေါင်းကို ဘေ့စ်ဘော တုတ်ကြီးနဲ့ အရိုက်ခံလိုက်ရသလို ခံစားခဲ့ရပါတယ်။

အဲဒီ အမေပေးတဲ့ အခြေခံသင်ခန်းစာဟာ ကျွန်မရင်ထဲ အသည်းထဲ နှလုံးထဲ စွဲသွားပြီး၊ နှစ်ပေါင်းများစွာ မာယာများတဲ့ လောကကြီးရဲ့ အရှုပ်အထွေးပေါင်းများစွာထဲမှာ ဖြတ်သန်းရင်း ကျွန်မနဲ့အတူ ရှိနေခဲ့ပါတယ်။

လူတွေနဲ့အတူ တွေ့ဆုံ၊ ပြောဆို၊ လုပ်ကိုင်၊ ဆက်ဆံရတဲ့ အခါတိုင်းမှာ ကိုယ့်ကို ပြုမူ ပြောဆို ဆက်ဆံစေချင်သလို သူတပါးကိုလည်း အလားတူ ပြုမူ၊ ပြောဆို၊ ဆက်ဆံဖို့ လိုပါတယ်။

ကျွန်မ မက်ဒီဆင်-ဖဲလီစီယာ (Medison-Felicia) နွေရာသီစခန်းကို တကြိမ်နဲ့ နယူးယောက်၊ ပိခ်စကေးလ် (Peekskill)က စခန်းတွေကို ရောက်ခဲ့ဖူးပြီး အလွှာစုံက လူပေါင်းစုံနဲ့ တွေ့ဆုံ ကြုံကြိုက် ရင်းနှီးခွင့်ရတာဟာ မဟာ့မဟာ အခွင့်အရေး ဖြစ်ပါတယ်။

ဒါဟာ ကျွန်မဘ၀အတွက် လူမှန်တွေကို အချိန်ကိုက် တွေ့ခွင့် ရခဲ့တာ ဖြစ်ပြီး၊ အများစုဟာ အခုထက်ထိ ကျွန်မရဲ့ သူငယ်ချင်းကောင်းတွေ အဖြစ် ရှိနေဆဲ ဖြစ်ပါတယ်။

အဲဒီအချိန်တွေနဲ့ အဲဒီသူငယ်ချင်းတွေအကြောင်း ပြန်စဉ်းစားမိတိုင်း ကျွန်မ ဒီနေ့ ဒါကြောင့် ဒီလိုနေရာမှာ ရှိနေတာပါလား ဆိုတာကို သတိပြုမိသွားပါတယ်။ ဒီလူတွေဆီက ကောင်းတဲ့ အရည်အချင်းတွေအကုန် ကျွန်မဆီ စုနေတာပါကလားရယ်လို့ ကျွန်မ တွေးမိပါတယ်။

သူတို့ဟာ ကျွန်မကို ကူတယ်၊ ကျွန်မကို ကယ်တယ်။ ကျွန်မရဲ့ ပျော်ရွှင်တဲ့ အချိန်၊ နိမ့်ပါးတဲ့ အချိန် သူတို့နဲ့အတူ မျှဝေခံစားလို့ ရတယ်။ ကျွန်မနဲ့ သူတို့အတူ ရှိကြတယ်။ သူတို့ အကူအညီလိုလည်း ကျွန်မ ကြိုးစားပြီး မရောက်ရောက်အောင် သွားခဲ့တယ်၊ အားပေးခဲ့တယ်။

နှစ်တွေလည်း လွန်ခဲ့ပါပြီလေ… ဒါပေမဲ့ သူငယ်ချင်းအများစုက ဒီအတိုင်းပဲ ရှိခဲ့တယ်၊ ကျွန်မကို နည်းပေး၊ လမ်းပြ၊ သင်ကြားပေးကြတုန်း ရှိသေးတယ်။ ကျွန်မအတွက် အကောင်းဆုံး သင်ခန်းစာတခု မှတ်မှတ်သားသား ဖြစ်ခဲ့တာကတော့ “လူတယောက်ဟာ ဖြစ်ချင်တာ ဖြစ်အောင် လုပ်နိုင်စွမ်း ရှိတယ်“ဆိုတာပါပဲ။

ဘယ်လို လုပ်နိုင်မလဲ၊ ကြိုးစားရင်းပေါ့… မဖြစ်မနေ ကြိုးစားရင်း… ကြိုးစားရင်း ဖြစ်သွားတာပေါ့။ တခါတခါတော့ ရည်မှန်းချက် မပေါက်မြောက်ဘူးဆိုတာ ဖြစ်နိုင်ပါတယ်၊ ဒါပေမဲ့ တကယ့်လိုရင်းက မဖြစ်ဖြစ်အောင် ကြိုးစားဖို့ပါပဲ…။

ကိုယ့်ကိုယ်ကိုယ် တိုးတက်ပြောင်းလဲနေအာင် ကြိုးစားပြီး၊ ရှေ့ကို အမြဲလှမ်းနေဖို့က သိပ်အရေးကြီးပါတယ်၊ ကိုယ်ချမှတ်ထားတဲ့ ရည်မှန်းချက်ကို မရောက်ဘူး ဆိုရင်တောင် ကြိုးစားခဲ့မှုကြောင့် အတွေ့အကြုံတွေ၊ သင်ခန်းစာတွေ၊ နည်းလမ်းတွေ သိလိုက်ရတယ် ဆိုတာကိုက အင်မတန် ၀မ်းမြောက်စရာပါ။ အရှုံးဆိုတာ အဆုံးသတ် မဟုတ်ပါဘူး၊ ရှေ့ဆက်ဖို့ တွန်းအားတရပ်သာ ဖြစ်ပါတယ်။

ဒီသင်ခန်းစာကို အမေ့ဆီကနဲ့ သူငယ်ချင်းတွေဆီကနေ ရခဲ့တာပါ၊ ဒီလို အသိမျိုးရအောင် ကူပံ့ခဲ့ကြတဲ့ အမေနဲ့ သူငယ်ချင်းတွေကို ကျွန်မ အလွန်တရာ ကျေးဇူးတင်ပါတယ်၊ အမှန်တကယ် ကျေးဇူးတင်ပါတယ်။

ဟူပီ ဂိုးလ်ဘာ့ဂ်