by Myo Tha Htet on Friday, 10 February 2012 at 05:43·

ကျွန်တော်က အပြောကောင်းသူ မဟုတ်၊ ပွင့်ပွင့်လင်းလင်း ဆိုရပါရင် ပါးစပ်မကောင်းသူ တယောက်။ ဒုတ်ဒုတ်ထိ ဒါမှမဟုတ် တုတ်ထိုးအိုးပေါက် ပြောတတ်သူ။ ပရိယာယ်ေ၀၀ုစ် နားမလည်၊ လူတွင် ထွန်းတဲ့ စကားကြီး ဆယ်မျိုးကိုလည်း မကျွမ်းကျင်။ ဒီတော့ လူသားပီပီ ကိုယ့်မှာ မရှိတဲ့အရာ အားကျ လိုချင် ဆိုသလို စကားပြောကောင်းတဲ့ လူတွေများ တွေ့ခဲ့ရင် ငေးမော အားကျလို့ သူတို့လို ဖြစ်ချင်ခဲ့တယ်။

ငယ်ငယ်ကထဲက အဖေ့ကို အားကျတယ်။ အဖေက စကားပြောကောင်းတယ်။ နိုင်ငံရေးသမားလို့လည်း သူ့ကိုယ်သူ ထင်နေတော့ ပွဲကျ ပြောတတ်တယ်။ တခါဖူးမှတော့ အလုပ်မဖြစ်၊ အာဏာလည်း တခါဖူးမှ ရတယ်လို့ မရှိ။ ဒါပေမဲ့ အဖေ စကားပြောရင် လူတွေ ၀ိုင်းနေတတ်တယ်။ ငေးမော နားထောင်တတ်ကြတယ်။ (တခုတော့ ရှိတယ်၊ အပါးလူတွေက အဖေတိုက်တဲ့ လက်ဖက်ရည်သောက်၊ ကျွေးတဲ့ ထမင်းစားပြီး အပြန်အလှန် ကျေးဇူးပြုကြတာလည်း ဖြစ်နိုင်တယ်၊ ဒါ ကျွန်တော် အရွယ်ရောက်မှ စဉ်းစားမိတတ်တာပါ)။

အမေကတော့ ဒီလို မဟုတ်ဘူး။ စကားပြောပြတ်တယ်၊ စိတ်ထဲရှိတာကို ပြောတယ်၊ ဘယ်တော့မှ အားနာတယ်ရယ်လို့လည်း မရှိဘူး။ ကျွန်တော်က အမေနဲ့ တူသွားပုံရတယ်။ အဲ… အမေ့မိတ်ဆွေတချို့ကတော့ စကားပြော ကောင်းတယ်။ ကျွန်တော့်ကို ငယ်ငယ်ကထဲက ဆုံးမစကားတွေ ပြောကြတယ်။ ကျွန်တော့်မှာ သူတို့ ချက်ကျလက်ကျ ပြောပြီး ဆုံးမရင် အမြဲတမ်း မျက်ရည်ကျရ စိတ်မကောင်းဖြစ်ရ တာပါပဲ။ သူတို့တွေက လူကြီးတွေလည်း ဖြစ်ပြန်၊ ကလေးစိတ်ပညာကိုလည်း သိတော့ ဟတ်ထိအောင် ပြောချလိုက်ကြရင် ဒီကောင် ငြိတော့တာပေါ့ဗျာ။

ဒါက စောစောပိုင်းကာလက အပြောကောင်းကြသူတွေ အကြောင်းပါ။ နောက်တော့ ဘ၀ပေး အခြေအနေအရ ကျွန်တော် အလုပ် လုပ်ရတော့ ဘာသာပြန်လေး ရေး၊ စာတိုပေစလေး ရေးဖြစ်တော့ ကဗျာဆရာတွေ၊ စာရေးဆရာတွေနဲ့ တွေ့လာရ၊ လက်ဖက်ရည် အတူသောက်ကြ၊ အရက်အတူသောက်ကြတဲ့အခါ အပြောကောင်းတဲ့ စာရေးဆရာတွေ၊ ကဗျာဆရာတွေနဲ့ ဆုံရကြုံရပြန်ပါတယ်။ အပြောကောင်းကို နားထောင်ရတာ ကြိုက်တဲ့ ငနဲ ကျွန်တော် နာရီပေါင်း များစွာ မထတမ်း နားထောင်မိပြန်ပါတယ်။ တချို့က အရေးကောင်း၊ အပြောမကောင်းဘူး။ တချို့က နာမည်လည်း မကြီး၊ အရေးလည်း ဒီလောက် မကောင်းဘူး၊ အပြောကတော့ ရွှေမန်းလို့ ဆိုရမယ့် သူတွေ…။ ခိုက်ခဲ့တယ်။

နောက်တဆင့်တက်လို့ နိုင်ငံ့ခေါင်းဆောင်တွေကို ကြည့်တဲ့အခါ စကားပြောကောင်းသူတွေကို တွေ့ပြန်တယ်။ တချို့က ကျအောင် ပြောတယ်၊ တချို့က ကြိုက်အောင် ပြောတယ်။ တချို့ကျ စွဲအောင်ပြောတယ်။ တချို့က ပြောတာ လန်းတယ်။ ဒီဘက်ပိုင်း ၂၁ ရာစုမှာ ကျွန်တော် ဓာတ်ကျတဲ့ နိုင်ငံ့ခေါင်းဆောင်နဲ့ နိုင်ငံရေး ခေါင်းဆောင်တွေလို့ ပြောရရင် (ကျွန်တော် လက်လှမ်းမီသလောက် ပေါ့လေ) ကမ္ဘာမှာ ဆိုရင်တော့ အမေရိကန် သမ္မတ အိုဘားမား၊ မြန်မာပြည်မှာ ဆိုရင်တော့ ဒေါ်အောင်ဆန်းစုကြည်…။

သမ္မတ အိုဘားမား ပြီးခဲ့တဲ့ ဇန်န၀ါရီအတွင်းက အမေရိကန် ကွန်ဂရက်မှာ ပြောခဲ့တဲ့ နိုင်ငံအခြေပြ မိန့်ခွန်းပြောဖို့ ပြင်ဆင်တဲ့ ဗီဒီယို ကလစ်လေး ကျွန်တော် ကြည့်ရတယ်။ သမ္မတမှာ မိန့်ခွန်းရေးသူတွေ ရှိတယ်၊ နိုင်ငံတော်နဲ့ ဆိုင်တဲ့ ကိန်းဂဏန်းတွေကို ပံ့ပိုးပေးရတဲ့ အဖွဲ့အစည်းတွေ၊ ဗျူရိုတွေ ရှိတယ်။ သူတို့တွေနဲ့ သမ္မတက တခန်းထဲ အတူထိုင်ပြီး မိန့်ခွန်း ရေးတယ်၊ ဆွေးနွေးတယ်၊ တည်းဖြတ်တယ်၊ ပြန်ရေးတယ်။ ဒီလိုနဲ့ အကြိမ်ကြိမ် ရေးလိုက်တဲ့အခါ နိုင်ငံတော်အတွက် တကယ် အကျိုးရှိနိုင်တဲ့ ပေါ်လစီတွေပါတဲ့ မိန့်ခွန်းလည်း ဖြစ်သွားတယ်၊ ပြည်သူ သည်းခြေခိုက်မယ့် စကားလုံးတွေပါတဲ့ မိန့်ခွန်းလည်း ဖြစ်သွားတယ်။

သမ္မတ အိုဘားမားဟာ မှတ်ဥာဏ်အလွန်ကောင်းပြီး၊ စကားပြောကလည်း သူမတူအောင် ကောင်းပြန်တော့ အဲဒီ အေဖိုး စာရွက်နဲ့ ၁၀ မျက်နှာလောက် (မကဘူးလည်း ဖြစ်ချင်ဖြစ်မယ်) ကို ခေါင်းထဲ ထည့်လိုက်တယ်။ ကွန်ဂရက် တနာရီကျော်ကြာ မိန့်ခွန်းပြောတော့ အလွတ်ပြောတဲ့အပြင် ဟန်နဲ့ပန်နဲ့၊ မျက်နှာရိပ် မျက်နှာကဲနဲ့၊ လေသံအတိုးအကျယ်နဲ့၊ အိုက်တင် အပြည့်နဲ့ ပြောသွားလိုက်တာ အမေရိကန်တွေ ခိုက်မခိုက်တော့ မသိဘူး။ ကျွန်တော့်ဖြင့် ခိုက်လိုက်တာမှ လဲသေမတတ်ပါဘဲ (အဲ… ထိုင်ရက်ကြည့်နေတော့ ခေါက်ကနဲ ခွေသေမတတ်ပါဘဲ…)။

စကားစပ်လို့ ပြောရရင် အဲဒီလို စကားပြောကောင်းတဲ့လူတွေ တွေ့တော့ အဲဒီလိုမျိုး ကျွန်တော်လည်း ပြောတတ်ချင်လိုက်တာဗျာလို့ ကျွန်တော့် ဆရာသမားတဦးကို ရင်ဖွင့်ဖူးတယ်။ သူက အမေရိကန် တက္ကသိုလ်တခုကနေ လေ့ကျင့်ပေးမှု ရခဲ့တဲ့သူ ဖြစ်ပါတယ်။ ဆရာက ခင်ဗျားလေ့ကျင့်လို့ ရပါတယ်လို့ ပြောတယ်။ သူ့လိုပဲ အမေရိကန်က တက္ကသိုလ်တခုခုကို သွားလို့ လေ့ကျင့်ဖို့လည်း တိုက်တွန်း ပါတယ်။

အမေရိကမှာက အထက်တန်းကျောင်းလောက်ကနေ စပြီး ဒါမျိုးတွေက ပြောဆို၊ စည်းရုံးခဲ့ရတာကိုးဗျာ။ တချို့များ မူလတန်းလောက် ကထဲက ဒါမျိုးတွေ တတ်နေပါပြီ။ သမ္မတ ကလင်တန်ဟာ သူ ငယ်ငယ် ၁၆ နှစ်သားက ကျောင်းသားအမတ် အဖြစ်နဲ့ အိမ်ဖြူတော်ကို အလည်ရောက်တော့ သမ္မတ ဂျွန် အက်ဖ် ကနေဒီကို လက်ဆွဲ နှုတ်ဆက်ပြီး တချိန်ကျ သူ့လိုမျိုး ဖြစ်အောင် လုပ်မယ်လို့ ဆုံးဖြတ်ချက် ချခဲ့ဖူးသတဲ့။ ဆိုချင်တာက အဲဒီလို ဆယ်ကျော်သက် အရွယ်ကထဲက သူတို့မှာ နိုင်ငံရေးကို အားပါးတရ စိတ်ပါပြီး ကျောင်းသား ကိုယ်စားလှယ်၊ ကျောင်းသားအမတ် စသဖြင့် အပြော၊ အဟောကောင်းဖို့ လေ့ကျင့်ပြီးနေပြီ။

လေ့ကျင့်ထားတယ်ဆိုတာ စနစ်တကျ လေ့ကျင့်ထားတာပါ။ အချိန်ဘယ်လောက်အတွင်း (ဘယ်နှမိနစ်အတွင်း) ဘာသတင်းစကားကို ထိမိအောင် ပြောမယ်။ မျက်နှာအမူအရာ၊ လေယူလေသိမ်းက ဘယ်လိုရှိမယ်၊ ကင်မရာကို ဘယ်အချိန်ကြည့်မယ်။ ပရိသတ်တွေကို ဘယ်လိုကြည့်မယ်။ လက်ခုပ်သံကို ဘယ်လိုစောင့်မယ်၊ ရေသောက်မယ်၊ စကားပြောနေတာကို ခဏရပ်မယ်။ တက္ကသိုလ်မှာ ဆိုရင်တော့ စကားပြောခိုင်း၊ ကင်မရာနဲ့ ရိုက်ထား၊ ဆရာက ပြန်ကြည့်ပြီး ဝေဖန်သုံးသပ်၊ အဲဒါကိုပဲ တခါ ပြန်ပြောခိုင်း… အဲဒီလို စနစ်တကျ သင်ထား ရတာတဲ့။ သေရော… ကျွန်တော် ထင်သလို မလွယ်ပါဘူး။ ဒါဟာ မွေးရာပါ ပါလာတာ မဟုတ်ဘူး၊ လေ့ကျင့်ထားလို့ ရတယ် ဆိုတာတော့ ဆရာ ပြောပြလို့ သိခဲ့ရပါတယ်။

အဲ… ကျွန်တော် အံ့သြတာက အခုမှ လာမယ်။ ကျွန်တော် ငယ်ငယ်ထဲက သိသလောက် စစ်တပ်ထဲမှာက အမိန့်၊ အာဏာနဲ့ ထက်အောက် ဆင့်ကဲ အုပ်ချုပ်ရတာဆိုတော့ ကြမ်းကြမ်းတမ်းတမ်း ပြောဆို၊ ဆဲဆို (လိုအပ်လာရင် ရိုက်နှက် ကန်ကြောက်) ကြရတော့ စစ်သား၊ စစ်ဗိုလ်တွေဟာ အပြောမကောင်းဘူး၊ အပြောကြမ်းတယ်လို့ ယေဘူယျ သိထားပါတယ်။ ကျွန်တော်တို့ လူငယ်တွေ လေးစား အားကျတဲ့ ဗိုလ်ချုပ်အောင်ဆန်း မိန့်ခွန်းတွေ မှတ်သား၊ ဖတ်၊ ကြား ရတဲ့အခါမှာလည်း ဗိုလ်ချုပ်ပြောတာတွေက နားဝင် မချိုပါဘူး၊ ကြမ်း လှပါသဗျာ။ စာရေးဆရာကြီး ဒဂုန်တာရာက ဗိုလ်ချုပ်ရဲ့ ရုပ်ပုံလွှာအဖွဲ့ကို အောင်ဆန်း (သို့) အရိုင်း ဆိုပြီး ရေးပါတယ်။

အခုတနှစ်အတွင်း ကျွန်တော် တွေ့ဖူး၊ ကြားဖူးတာကြတော့ မြန်မာ သမ္မတရယ်၊ လွှတ်တော် ဥက္ကဌတွေရယ်၊ အစိုးရ၀န်ကြီးတချို့ရယ် ဟာ စကားပြော အင်မတန်ကောင်းလှပါတယ်။ ဘယ်လောက် အပြောကောင်းသလဲဆိုရင် ကျွန်တော့် ဟတ်ကို ထိတဲ့အထိ၊ ကြွေတဲ့အထိပါပဲ။ နဂိုကထဲကမှ ကိုယ့်မှာ မရှိတဲ့ အရည်အချင်းဖြစ်တာမို့ စကားပြော ကောင်းတဲ့လူတွေ တွေ့ရင် သဘောတွေကျနေတဲ့ ကျွန်တော် ပျော်မိတာပါပဲ။ အလုပ်ကောင်းဖို့ အပြောကောင်းနဲ့ စရမှာကိုးဗျာ။ (ခြွင်းချက်တော့ ရှိတာပေါ့လေ၊ အပြောဆိုး သဘောဆိုးပေမယ့် လက်တွေ့ မျက်တွေ့ ကူညီ စောင်မတတ်သူတွေလည်း ရှိတတ်ပါတယ်)။

သူများနိုင်ငံက သူတွေ စကားပြော ကောင်းတာ မကောင်းတာကတော့ အားကျရုံသက်သက်ပါပဲ၊ အတုယူ အတုခိုးရုံလောက်ပါပဲ။ အကြီးအကျယ် ကျွန်တော့်ကို မထိခိုက်လောက်ပါဘူး။ အခု ကျွန်တော့် စိတ်ထဲ တောင့်တောင့်တတ ဖြစ်မိတာကတော့ ဒီ မြန်မာ ခေါင်းဆောင်တွေအနေနဲ့ နိုင်ငံတချို့က အစိုးရခေါင်းဆောင်တွေလို တိုင်းပြည် လမ်းကြောင်းမှန်ပေါ်ကနေ တကယ်တိုးတက်ဖို့ဆိုရင် ရာထူး ပြုတ်ပြုတ်၊ အချင်းချင်းကြား မနာလို တွန်းထိုးမှုတွေ ရှိရှိ၊ ထောက်ခံမှုတွေ ကျကျ (တိုင်းပြည်နဲ့ လူမျိုးအတွက်ဆိုတဲ့ စိတ်နဲ့ပဲ ရှေးရှုရင်း) ဖြောင့်ဖြောင့်တန်းတန်း နောက်မဆုတ်တမ်း လုပ်ကိုင်ဆောင်ရွက်စေချင်တာပါပဲ။

ကျွန်တော်တော့ အခုနောက်ပိုင်း ဘုရားရှိခိုးတိုင်း ဆုတခုကို ထည့်သွင်းတောင်းနေမိပါတော့တယ်။ ဘုရားတပည့်တော် ကျွန်တော်မျိုး စကားပြော ကောင်းရပါလို၏ ဘုရား လို့တော့ မဟုတ်ပါဘူးဗျာ (အဲဒါက လေ့ကျင့်လို့ ရတာကိုး)။ ကျွန်တော် ထည့်သွင်းတောင်းတဲ့ ဆုကတော့ အပြောကောင်းကြသူတွေ အလုပ်ပါကောင်းလို့ အဲဒီ အလုပ်တွေရဲ့ အကျိုးခံစားခွင့်တွေကို ဆင်းရဲနွမ်းပါး အောက်ခြေ လူတန်းစားက စလို့ လက်တွေ့၊ မျက်တွေ့ ခံစားနိုင်ကြပါစေကြောင်းပါခင်ဗျာ။

၂၀၁၂ ဖေဖော်ဝါရီ ၁၀၊ သောကြာ။ နေမွန်းတည့်။

ဘန်ကောက်။