by Myo Tha Htet on Tuesday, 24 January 2012 at 18:45·

စင်ဒီ ကရောဖို့ဒ် (Cindy Crawford)

စင်ဒီ ကရောဖို့ဒ်
စင်ဒီ ကရောဖို့ဒ်ဟာ သဘာဝကျတဲ့ စူပါမော်ဒယ်တဦးဖြစ်ပြီး၊ အောင်မြင်နေတဲ့ ဖက်ရှင်မော်ဒယ်တွေ ကြားထဲမှာမှ တခေတ်တယောက် ထွန်းပေါက်ခဲ့သူ ဖြစ်ပါတယ်။ နှစ်ပေါင်း ၂၀ ကျော်ကြာ ကမ္ဘာ့ထိပ်တန်း မော်ဒယ်အဖြစ် ရှိခဲ့တာကြောင့် အလွန်အောင်မြင်သူလို့ ပြောနိုင် ပါတယ်။ သူ ကြော်ငြာတဲ့ အလှကုန်တွေ၊ ဖက်ရှင်၊ ကိုယ်ခန္ဓာ ကြံ့ခိုင်ရေး ပစ္စည်းတွေနဲ့ အိမ်သုံးပစ္စည်းတွေဟာ သုံးစွဲသူတွေကြားမှာ ယုံကြည်မှု ရပြီး ရောင်းကောင်းခဲ့ပါတယ်။

လမ်းညွှန်ဆရာများကို ကျေးဇူးတင် (Thanks for the Mentoring)

ကျွန်မဟာ ဘ၀မှာ ကံကောင်းခဲ့တယ်၊ ဘာဖြစ်လို့လဲဆိုတော့ အခုလို အောင်မြင်ခဲ့အောင် ဘ၀မှာ ကြုံခဲ့သမျှ သူတွေက ကျွန်မ မြင့်သထက် မြင့်၊ သာသထက် သာ၊ ချွန်သထက် ချွန်အောင် ကူညီအားပေး ထောက်ပံ့ခဲ့ကြလို့ပါ။

ဦးဆုံး ကျေးဇူးတင်ရမှာကတော့ ကျွန်မကို အမြဲနွေးထွေး အားပေး မြှင့်တင် ပေးခဲ့တဲ့ မေမေပါပဲ၊ မေမေ့ဆီက ရခဲ့တဲ့ မာတဲ့ စိတ်ဓာတ်၊ မေမေ့ရဲ့ သမီးအပေါ် အပြည့်အ၀ ယုံကြည်မှုနဲ့ မြှောက်ပင့်တွန်းထိုးတဲ့ အားတွေကြောင့်ပဲ ကျွန်မ အိပ်မက်တွေက လက်တွေ့ ဖြစ်လာခဲ့ ပါတယ်။

ဖေဖေနဲ့ကွဲကွာသွားချိန်မှာတောင်မှ မေမေဟာ ဘ၀အပေါ် လောကအပေါ် အကောင်းဘက်က တွေးမြင် ကြည့်ရှုတတ်သူပါ။ မေမေက ကျွန်မကို အဓိပ္ပာယ်ဖွင့်ဆိုချက် တခုနဲ့ အခုလို သင်ဖူးတယ်။ “အကောင်းဆုံး လုပ်တယ်ဆိုတာ မရှုံးနိမ့်အောင် ကြိုးစားတာပဲတဲ့။ အိမ်ကို အချိန်မရွေး ပြန်လာခဲ့တဲ့… မကြိုးစားတော့ဘူး ဆိုရင်တော့ ရှုံးပြီလို့ မှတ်တဲ့…“ မေမေက အဲဒီလို ပြောခဲ့တယ်။

ဖေဖေကလည်း ကျွန်မအပေါ် တော်တော်လွှမ်းမိုးမှု ရှိခဲ့ပါတယ်၊ သင်ယူလိုစိတ်ရှိဖို့နဲ့ ရည်မှန်းချက်ကြီးဖို့ အဖေ့ဆီက ကျွန်မ အမွေရလိုက်တယ်။ ကျွန်မကို ဖေဖေ အမြဲမြှောက်ပေးတာက မိန်းကလေးတွေဟာ ယောက်ျားလေးတွေနဲ့ တန်းတူ ဒါမှမဟုတ် ပိုပြီးတောင် စွမ်းဆောင်နိုင်ရည် ရှိတယ်လို့ ပြောပေးနေခဲ့တာပါပဲ။

ကျောင်းနေစဉ်တုန်းကလည်း အတန်းတိုင်းမှာ ဆရာကောင်းတွေနဲ့ချည်း ဆုံဆည်းခွင့် ရခဲ့ခြင်းကလည်း ကျွန်မ ကံကောင်းတာပါပဲ၊လေးတန်းတုန်းက ကောလိပ်ကျောင်းသူတယောက် ကျွန်မတို့ ကျောင်းမှာ ဆရာမ လာလုပ်တုန်းက သူက အတန်းထဲက ကျောင်းသားတွေကို နာမည်ပြောင်လေးတွေ ပေးတယ်။ ဆရာမက ကျွန်မကိုတော့ “အနာဂတ် မယ်အမေရိက“တဲ့။

ဆရာမက ကျွန်မတို့ ဇာတိမြို့လေးရဲ့အပြင်ဘက်မှာ ကိုယ်ဖြစ်ချင်တာတွေ ဖြစ်နိုင်တဲ့ အပြောကျယ်တဲ့ ကမ္ဘာကြီး ရှိတယ်ဆိုတာကို သဘောပေါက်အောင် ပြောပြခဲ့တယ်။

ကဲကုလသင်္ချာသင်တဲ့ မစ္စတာ ဟဲလ်ဗာဆင် (Halvorson) က တကယ်တော်တဲ့ ဆရာပါ။ ဆရာ့ကို ကြောက်လည်း ကြောက်ရတယ်၊ သူငယ်ချင်းလိုလည်း ပေါင်းလို့ရတယ်။ ဆရာကလည်း ကမ္ဘာကြီးဟာ ကျွန်မတို့ ရပ်ကွက်ထက် အများကြီး ကြီးကျယ်ကြောင်း စိတ်ဝင်စားဖွယ်ရာတွေနဲ့ ပြောပြတယ်။ ဆရာပြောပြတာတွေက တက်ကြွ၊ စိတ်လှုပ်ရှားဖို့ ကောင်းပြီး အနာဂတ် ခန့်မှန်းချက်တွေလည်း ပါပါတယ်။

ဆရာ ဟဲလ်ဗာဆင် သင်ပေးတဲ့ အကောင်းဆုံး သင်ခန်းစာကတော့ “ဘ၀မှာ သင်ယူရတာ ပျော်စရာ ကောင်းပါတယ်“တဲ့။

ကျွန်မရဲ့အလုပ် မော်ဒယ်လ်လောကကို ပြန်ကြည့်မယ် ဆိုရင်တော့ နှစ်အလိုက် အများကြီး ပြောင်းလဲခဲ့ပြီး အဲဒီ အပြောင်းအလဲ အရွေ့ထဲမှာ ကျွန်မလည်း အပ်ကျမပ်ကျ ပါခဲ့တယ် ဆိုတာပါပဲ။

ရှီကာဂိုက ဓာတ်ပုံဆရာ ဗစ်တာ ရွှင်ဗန်းစကီး (Victor Skrebneski) ဟာ ကျွန်မဘ၀ထဲက လူများစွာအနက် ကျွန်မကို ထိပ်တန်း ရောက်အောင် တွန်းပို့ခဲ့သူ တယောက် ဖြစ်ပါတယ်။ ကျွန်မ ၁၈ နှစ် သမီးမှာပဲ ကျွန်မရဲ့ အစွမ်းအစကို သူ သတိထားမိခဲ့ပြီး တဘ၀စာ အကြံဥာဏ်တွေ၊ အတွေးအခေါ်တွေ ကျွန်မကို ပေးခဲ့ပါတယ်။

ပထမဆုံး ဗစ်တာ ကျွန်မကို ပြောတာက မော်ဒယ်အလုပ်ဆိုတာ ပရော်ဖက်ရှင်နယ် အလုပ်တခု ဖြစ်တယ်၊ ဘ၀နေမှု စတိုင်လ်တခု မဟုတ်ဘူးတဲ့။ ဒုတိယတခု စိတ်ထဲစွဲအောင် ပြောတာက မော်ဒယ်ရဲ့အလုပ်က ကိုယ်ဝတ်ပြတဲ့ ဒီဇိုင်နာရဲ့အ၀တ် လူစွဲအောင် အကောင်းဆုံး ၀တ်ပြဖို့ လိုတယ်တဲ့။

ဒီတော့ ဗစ်တာ ပြောတာကို ချုပ်ရရင် မော်ဒယ်ဆိုတာ အလုပ်၊ ကိုယ့်ကိုယ်ကိုယ် ကြော်ငြာနေသူ မဟုတ်ဘူး… ကျွန်မ တခါထဲ စွဲသွားခဲ့ပါတယ်။

ကျွန်မ အသက် ၂၀ မှာတော့ ပိုအောင်မြင်တဲ့ အဆင့်ကို တက်လှမ်းနိုင်ဖို့ နယူးယောက်ခ်ကို လာခဲ့တယ်။ အဲဒီအချိန်မှာ ကျွန်မဟာ ထိုက်သင့်တဲ့ အသိရော၊ သင်ခန်းစာတွေပါ ရှိနေခဲ့ပြီ။ ကျွန်မဟာ စိတ်ကမ်းရှိတယ်၊ အချိန်တိကျတယ်၊ အကောင်းဆုံးလုပ်တယ်။ အဲဒီ အရည်အချင်းတွေရှိရင် စင်ဒီ ကရောဖို့ဒ်လို့ မှတ်ပါ။ အလုပ်ကောင်းကောင်းလုပ်ရင် ၀င်ငွေကောင်းကောင်း ရတာပါပဲရှင်…။

ကျွန်မဘ၀မှာ လူတော်၊ လူထက်၊ လူချွန်တွေနဲ့ချည်း တွေ့ခဲ့၊ ကြုံခဲ့၊ အတူလက်တွဲ အလုပ်လုပ်ခွင့် ရခဲ့တာကြောင့် ကျွန်မ ကံကောင်းတယ်လို့ ပြောခဲ့ပါတယ်။ သူတို့တွေရဲ့ ကျွန်မအပေါ် လွှမ်းမိုးမှုတွေ၊ အခွင့်အရေးပေးမှုတွေ၊ တွန်းအားတွေကြောင့် ကျွန်မ အရည်အချင်းတွေ တိုးပြီး အောင်မြင်မှုတွေ ဆင့်ကဲရခဲ့ပါတယ်။

အားပေးထောက်ပံ့မှုတွေ၊ တန်ဖိုးရှိတဲ့ အကြံဥာဏ်နဲ့ ခွန်အားတွေ ကျွန်မလိုတဲ့ အချိန်တိုင်း မရခဲ့တဲ့ နှစ်ဆိုတာ တနှစ်မှ မရှိခဲ့ပါဘူး။ ဒီလူတွေကြောင့်ပဲ ဒီကနေ့ ကျွန်မ စင်ဒီ ကရောဖို့ဒ် ဖြစ်လာခဲ့တာပါ။

စင်ဒီ ကရောဖို့ဒ်