by Myo Tha Htet on Saturday, 28 January 2012 at 17:33·

ရိုစီ အို ဒေါ်နယ်လ် (Rosie O’Donnell)

ရိုစီ အို ဒေါ်နယ်လ်
ရိုစီ အို ဒေါ်နယ်လ်ဟာ ထင်ရှားတဲ့ သရုပ်ဆောင် တယောက် ဖြစ်ပါတယ်။ A League of Their Own နဲ့ Sleepless in Seattle ရုပ်ရှင်ကားတွေမှာ ပါဝင် သရုပ်ဆောင်ဖူး ပါတယ်။

The Rosie O’Donnell Show ရုပ်သံ အစီအစဉ်ကိုလည်း ခြောက်နှစ်ကြာ တင်ဆက်ခဲ့ပြီး အဲဒီ အချိန်မှာပဲ Find Me ဆိုတဲ့ ပထမဆုံး ကိုယ်တိုင်ရေး အတ္ထုပ္ပတ္တိ စာအုပ်ကို ရေးသားခဲ့ပါတယ်။

ရိုစီဟာ ကလေးအခွင့်အရေး ကာကွယ်ရေး လုပ်ငန်းတွေကိုလည်း မမောနိုင် မပန်းနိုင် လုပ်ကိုင်ခဲ့ပြီး၊ သူတို့လေးတွေအတွက် For All Kids Foundation နဲ့ Rosie’s Broadway Kids တွေကို တည်ထောင်ခဲ့ပါတယ်။

အခုတော့ Rosie’s Radio နဲ့ Sirius နေ့စဉ် ရေဒီယို အစီအစဉ်တွေကို တင်ဆက်နေပြီး သူ့ မူပိုင်ရေးဟန်နဲ့ နာမည်ကျော် ဘလော့ဂါ တဦးလည်း ဖြစ်ပါတယ်။ သူရဲ့ ၀က်ဘ်ဆိုက်ကတော့ Rosie.com ဖြစ်ပါတယ်။

မစ္စ မရာဘဲလ် (Maravel)

မစ္စ မရာဘဲလ်… နှစ်ဆယ်ကျော် ဆန်းသစ်တဲ့ အလှရှင်

ဂေါ်လီ သင်္ချာဆရာမ

မစ္စတာ ပစ်နဲ့ စေ့စပ်ထားသူပေါ့

ဆရာပစ်က တီးဝိုင်းဆရာ ကျွန်မ အသည်းကျော်…။

ဆရာမ မရာဘဲလ်

ကျွန်မကို ဖမ်းတယ်

ကျောင်းသားကတ်မပါဘဲ ကျောင်းလာလို့တဲ့

ခုနစ်တန်း တက်စ၊ ရက်သုံးဆယ် ပြည့်ရက်ကပေါ့။

“မင်း… အံဆွဲကို ဖွင့်၊ စာအုပ်တွေကို ထုတ်“ တဲ့

ကျွန်မမှာ အငေးသား… ကြောင်တောင် လိုက်လုပ်

နောက်တော့ ကျွန်မ အံဆွဲကို သူ ဆောင့်ပိတ်

“နောက်တခါ နာမယ်မှတ်၊ အခု သွားတော့“တဲ့

ဒါ ကျွန်မတို့ရဲ့ ပထမဆုံး တွေ့ဆုံမှု

“မင်္ဂလာပါ ဆရာမ“ ဆိုတာ မပါ…။

ဆရာမ မရာဘဲလ် ပြီးခဲ့တဲ့ အပတ်ထဲမှာ ဆုံး

ကျွန်မတို့ ထူအမ်းအမ်း ဆက်ဆံရေးစပြီး နှစ် ၃၀ အကြာ

ဆရာမကို ကနေ့ပဲ အသုဘချ

ကျွန်မက ရှေ့ဆုံးတန်းမှာ ထိုင်လို့…

ငယ်ငယ်က ကျွန်မကို ဆရာမ နေရာချခဲ့သလိုမျိုး

ကျွန်မအတွက်တော့ ဆိုင်ချင်ဆိုင် မဆိုင်ချင်နေ

ကိုယ့်မိသားစုဝင် တယောက်လို…။

ကျွန်မဟာ နှစ်ခါမွေးဖွားခဲ့သလိုမျိုး

ပထမတခေါက်က ၁၉၆၂

အမေဟာ မွေးပြီးမကြာမီမှာပဲ ကျွန်မကို ထားရစ်ခဲ့

အမေ့အကြောင်းဆိုလို့ နာမည်လေး တလုံးသာ သိခဲ့

ဓာတ်ပုံလေး တချို့နဲ့

ဒါ အမေ့မျက်နှာလေးလို့ပေါ့…။

ဒုတိယတခေါက် ၁၉၇၅ မှာ ပြန်မွေးဖွား

ဒုတိယအမေဟာ ဆရာမ မရာဘဲလ်

သူဟာ ကျွန်မကို မထားရက်ခဲ့ဘူး။

အမေ မရာဘဲလ်ဟာ ကျွန်မဘ၀ကို ရှင်ပြန်ထစေခဲ့

ကျွန်မအတွက်တော့ တကယ့်အား၊ သံမဏိအား

ရှေ့ဆောင်လမ်းပြ ကြယ်ဓူဝံ

သူ တဘ၀စာ နေခဲ့တယ်။

ကျွန်မကို ဘာကြောင့် စောင့်ရှောက်ခဲ့သလဲလို့ မမေးမိခဲ့

ဒီခွေးမလေးကို ကယ်ခဲ့သူ

အမိမဲ့ မေတ္တာငတ်မလေးကို ရှင်စေခဲ့သူ

ဘာမှမဟုတ်တဲ့ ကောင်မလေးကို ချစ်ခဲ့သူ…။

ကျွန်မကို ဘာ့အတွက်နဲ့ ချစ်ခဲ့သလဲ ဟင်…။

ဆရာမကို ကျွန်မ ဆိုးခဲ့တယ်၊ စမ်းခဲ့တယ်

မယုံခဲ့ဘူး… ဒါကို အခုထိ ကျွန်မ ခံစားနေရတုန်း

ဒါပေမဲ့ ကျွန်မ မအောင်မြင်ခဲ့ဘူး

ဘယ်လောက်စမ်းစမ်း

ဘယ်လောက်ဆိုးဆိုး

ဆရာမအတွက် အဆိုးဆုံးကလေးလေး ကျွန်မကို

သူ အမြဲပြောတယ်

အဲ… ပြောခဲ့တယ်

အတိတ်ဖြစ်ရပ် အနေနဲ့ ပြောရမှာကိုး…

မွန်းကြပ်လိုက်တာ

အမေ့ကို ညွှန်းတာတွေ ရပ်လိုက်ရမလား

ကျွန်မဟာ လီဆာလေးဖြစ်လို့

လ နဲ့ ဆ ပါတယ် ဟုတ်…

ထပ်ပြော ပြရရင်

ကျွန်မ အရူးအိုမ…။

အမေ နေမကောင်းရင်

ကျွန်မက ဘာဘရာ့အမေ နေမကောင်းရင်လို့ တွေးမိတယ်

ဒေါက်တာ ဂျွန်နီ ကာဆင်ကို သူ သွားပင့်မပေါ့

အိမ်နီးချင်းတွေကို တယောက် တဒေါ်လာ ကူကြပါရှင်လို့ အော်ပြီး

ဆေးဝယ်ပေမပေါ့

ဒီလိုနဲ့ သူ့အမေ မသေတော့ဘူးပေါ့…။

အဲဒီလို ကျွန်မ ယုံချင်ပေမယ့်

အဖြစ်မှန်က အဲဒီလို မဟုတ်ခဲ့ဘူး…။

အခုတော့ ကျွန်မ ချမ်းသာနေ

သို့ပေမင့် ဒုတိယ အမေကို မကယ်နိုင်ခဲ့

ဥုံဖွဆေး မသေဆေး ဆိုတာမှ မရှိတာဘဲ…။

“ငါ သေတော့မယ်လို့ နင် ထင်သလား“ တဲ့

ပြီးခဲ့တဲ့ ဒီဇင်ဘာက အမေက မေးခဲ့တယ်

“ထင်တယ်“ လို့ ကျွန်မ ဖြေ

“ငါလည်း ထင်သား“ လို့ အမေက ပြော…။

ခဏကြာတော့လေ…

“ရို… ငါသေရင် နင်တော့ ဒုက္ခ“ တဲ့

ကျွန်မလေ… ဟက်ကနဲရယ်… ဖျတ်ကနဲ “ဟယ်“ လို့ အော်

“အမေ့ကို မချစ်ရတော့ဘူးပေါ့၊

ဒါပေမဲ့ အမေ့သား နှစ်ယောက်ကို ကျွန်မ ကြည့်ပါမယ်“ လို့ ကတိပေး

အမေက မျက်မှန်ကို တပ်၊ ကျွန်မကို ကြည့်… အဲဒါ နောက်ဆုံးအကြည့်

ကျွန်မ မျက်နှာကို သူ့လက်ထဲမှာ ထား

ကဲ ကဲ… “သွားတော့“ လို့ ပြော

ကျွန်မ ထွက်(လာ)ခဲ့တယ်။

ဘုရားသခင်ဟာ နောက်တတ်တယ်ထင်ပါ့

ကျွန်မကို အမေ နှစ်ယောက် အလိုတော်ရှိတယ်

အမေနှစ်ယောက်လုံး ရင်သားကင်ဆာနဲ့ ဆုံးတယ်

အမိမဲ့ဖြစ်တိုင်း ပြောပြလို့ မရအောင် ယူကျုံးမရ ခံစားရတယ်။

အမေ ဆရာမဟာ မိခင်မေတ္တာကို သင်ပေးခဲ့တယ်

လွတ်လပ်မှုနဲ့ မိသားစုအကြောင်းကို ပြောပြခဲ့တယ်

သည်းခံမှု၊ တောင်းဆိုမှုနဲ့ ဂရုဏာတရားကို ပြဆိုခဲ့တယ်

ဘ၀မှာ ဘယ်လိုနေရမယ်၊ တပါးသူတွေကို ဘယ်လို မေတ္တာထားရမယ်

လောကကို ဘယ်လို တုန့်ပြန် ပေးဆပ်ရမယ် ဆိုတာတွေကို အမေ သင်ခဲ့တယ်

အမြင်ကျယ်တဲ့ စိတ်နဲ့ အတွေးအခေါ်သစ်တွေ အမေ့မှာ ရှိခဲ့တယ်

ဆရာဝန်တွေရဲ့ ခန့်မှန်းချက်ထက် ကျော်ပြီး အမေ ရှင်ခဲ့တယ်။

ကျွန်မ ကိုယ်သရုပ်ဆောင်ခဲ့တဲ့ ကား ကိုယ်ပြန်ကြည့်တော့

မိဘဆိုတာ ဘာ… ဆိုတဲ့ အခန်းမှာ

ဒီကနေ့ ကြည့်… ဒီကနေ့(မှ) သိလိုက်တာက

ကျွန်မဟာ အမေ မရာဘဲလ်ဖြစ်လို့

ကလေးတွေကို ကျွန်မ စကားပြောနေပုံက

အမေ ကျွန်မကို ပြောဆိုခဲ့သလိုမျိုး…။

အမေ သေခါနီးတော့…

စကားတောင် ဖြောင့်ဖြောင့် မပြောနိုင်တော့ဘူး

အမေ့ကျောင်းသားတွေပုံ ရှစ်လက်မ၊ ၁၀ လက်မ ဆိုဒ် ဓာတ်ပုံ

အမေ့ပြဖို့ ယူခဲ့တယ်

အမေဟာ ခပ်ယဲ့ယဲ့ပြုံးလို့…

သို့ပေမင့် အမေ့အပြုံးဟာ အမေ့အပြုံးပါပဲ။

ဓာတ်ပုံလေးကို မှန်တင်ခုံပေါ် ကျွန်မတင်

ပြတင်းနားမှာ ကွက်ကွက်ကွင်းကွင်း

တနာရီလောက်နေမှ အမေ တခွန်းပြော

ဒီတော့ ကျွန်မ ပြန်ဖို့ ထ…။

အမေဟာ ကျွန်မကို စူးစူးရဲရဲ ကြည့်

တခုခု ပြောချင်နေပုံရရဲ့

ဒါတော့ ကျွန်မ အသေအချာ သိ

ဓာတ်ပုံကို အမေကြည့် ခေါင်းတငြိမ့်ငြိမ့်…။

“ဓာတ်ပုံ၊ စာသင်နေတာလား“

အမေ ခေါင်းငြိမ့်…

ဓာတ်ပုံကို ဆွဲ၊ အမေ့ကို ပေး

ကျွန်မ ရင်တလှပ်လှပ်၊ အမေ တတွေတွေ ဝေ

“ကျောင်းသားတွေ ပြန်ဆုံချင်သလား… အမေ“

ကျွန်မကို မျက်လုံး လှန်ကြည့်…

အငြင်းစကား ပြတင်းများ

အမေ ရယ်ခဲ့ပြီ။

အဲဒီ ဓာတ်ပုံဟာ အမေ့ မြင်ကွင်းကို ပိတ်ဖုံးခဲ့

ငှက်ကလေးများ သစ်ပင်တွေများ အမေ မမြင်တော့

ကျွန်မ သိပြီ၊ အမေရယ်ပါစေတော့ ရယ်စေတော့…

သူငယ်ချင်း ဂျွိုင်း၊ ဒေါ်လရီနဲ့ ဂျက်ဆီတို့ကို

ဒီအကြောင်း အမေ့ရှေ့ ပြန်ပြောတိုင်း

အကြိမ်တိုင်း ကျွန်မ အမေ ရယ်လေပြီ

အမေ့အတွက် နောက်ဆုံးပိတ်ဟာသ ဖြစ်ခဲ့ပြီ။

အမေ့ကို အရမ်းလွမ်းတယ်

အခုဆို ပိုလွမ်းတယ်

အထူးသဖြင့် ကျွန်မကိုယ်ကျွန်မ တကယ့်မိန်းမကြီးလို့ ထင်မိတဲ့အခါတိုင်း

အမေ့ကို ထပ်လွမ်းတယ်။

ဘာဘရာ ဝေါ်လ်တာစ်လား… တခါ ကျွန်မကို မေးတယ်

အမေဟာ ကျွန်မအတွက် ဂုဏ်ယူနေမလားတဲ့…။

အမေလား… ယူတာပေါ့၊ ယူတာပေါ့။

အမေလေ… မစ္စ မရာဘဲလ်ဆိုတဲ့ အမေလေ…

“ဂုဏ်ယူတာပေါ့ သမီးရယ်“ လို့ ပြောခဲ့ဖူးတဲ့ အမေပေါ့။

ရိုစီ အို ဒေါ်နယ်လ်