by Myo Tha Htet on Thursday, 16 February 2012 at 10:51·

စွံတာ ဟိုမှာဘက် ရောက်သွားတဲ့သူကို စွံပလွန်လို့ ကျွန်တော် ခေါ်ချင်တယ်။ သူများကို မဟုတ်… ကိုယ့်ကိုယ်ကိုယ်။ တကယ်တော့ မစွံ၊ မစွံတာမှ လုံးလုံးကို မစွံ… ကျွန်တော် စွံပလွန်…။

အသက်က ကြီးလာ၊ ကိုင်စရာ တွယ်စရာ မှီခိုအားထားရာက မရှိသေး။ ဒီတော့ ဟိုလိုလို ဒီလိုလိုနဲ့ အူကြောင်ကြောင်ဖြစ်… တောင်တွေး မြောက်တွေး၊ တောင်ရေး မြောက်ရေး…။ အသက်က လူ့သက်တမ်း ထက်ဝက်ကျိုးလာပြီ၊ ရည်းစားလေးတယောက်တောင် မရှိသေးတဲ့အဖြစ်… ဒါဆို ဘယ်နှယ့်စွံပလွန်လို့ ခေါ်နိုင်မလဲလို့ မေးစရာ မကောင်းဘူးလား။ သိပ်ကောင်းပေါ့။

မိန်းကလေးဆို ဘယ်အရွယ်မဆို ကြိုက်တတ်တဲ့ ကျွန်တော့်ကို သူငယ်ချင်းတွေကတော့ ပြောကြပါတယ်။ ပိုက်ကွန်ပစ်သလို ငါးမဖမ်းဖို့နဲ့ တကောင်ဆိုတကောင်ပဲ ငါးမျှားချိတ်နဲ့ ဖမ်းဖို့ သူတို့က ဆိုကြတယ်။ ဘယ်နှယ့်ဟာတွေမှန်း မသိပါဘူး၊ မိန်းမနဲ့ ငါး မဟုတ်က ဟုတ်က နှိုင်းပြကြတယ်။

ဒီလိုနဲ့ လူတကာ အစခံရ၊ အနောက်ခံရတဲ့ ကျွန်တော့်မှာ ရပ်ထဲလည်း ရပ်ထဲအလျောက်၊ အလုပ်မှာလည်း အလုပ်မှာအလျောက် သနားနေကြတဲ့ မျက်ဝန်းတွေ အောက်မှာ ရှင်သန် ရုန်းကန်နေရတယ်။ ကျွန်တော် မခံချင်ဘူးလေ၊ ကျွန်တော်လည်း စွံပါတယ်ဆိုတာကို ကြွားချင်နေမိတယ်။

နေပါဦးလေ… မကြွားခင်မှာ ရုံးက ဘေးချင်းကပ်ရက်ထိုင် အလုပ်လုပ်တဲ့ ရွယ်သူ သူငယ်ချင်း ဗီယက်နမ်မလေးက အကြံကောင်းတခု ပေးလာတယ်။ အကြောင်းရင်းကစလို့ ပြန်ပြောရရင် သူက ဟို ဖေဖော်ဝါရီ လလယ်ပိုင်း တရက်မှာ ဟ… မင်း ဒီနေ့ ဘယ်မှ မသွားဘူးလား၊ ပန်းလည်း မ၀ယ်၊ ချောကလက်လည်း မဆောင်… မင်း ဘာကောင်လဲလို့ မေးလာတာနဲ့ “မင်း မသိလို့ပါ…၊ ဒီနေ့အတွက် ငါ့မှာ ဘာမှလုပ်စရာ မရှိဘူး။ ငါ့ ဘ၀က သနားစရာပါ“ လို့ မျက်နှာသေလေးနဲ့ ပြောလိုက်တော့ သူက ခုလို အကြံပေးလာပါတယ်။

“မျိုး… မင်း မိန်းကလေးတွေရဲ့ ရင်းနှီးမှုကို ရချင်သလား၊ သူတို့ရဲ့ အတိုင်ပင်ခံလို ရင်းရင်းနှီးနှီး ဖြစ်ချင်သလား“

ကျွန်တော် တော်တော် အားတက်သွားတယ်။ သူ့ကိုလည်း ရွှန်းရွှန်းစားစား ကြည့်လိုက်တဲ့ ကျွန်တော့် မျက်လုံးတွေ အရောင်တောက်နေမယ်ဆိုတာ ကျွန်တော် အတပ်သိတယ်။ သူ ကိုယ်တိုင်ကလည်း မိန်းကလေး ဖြစ်တဲ့အပြင် ကျွန်တော့်ကိုလည်း တကယ် ခင်မင်ပုံ ရတာကြောင့် မိန်းမချင်းရဲ့ လျှို့ဝှက်ချက်တခုခုကို ကျွန်တော့်ကို ပြောတော့မယ်လို့ ထင်တာပေါ့။ ဒါနဲ့ ကျွန်တော် အလွန်ချိုပြုံးနဲ့ မျက်နှာနဲ့ သူ့ကို ပြန်ပြောလိုက်တယ်။

“ဟ… မင်း တကယ်ပြောတာလား၊ ဖြစ်ချင်တာပေါ့။ ဘာလုပ်ရမှာလဲ“

သူက ဟက်ကနဲ တချက် ရယ်တယ်။ ပြီးတော့ မျက်နှာ ပြန်တည်လိုက်တယ်။ ဘယ်လောက် အရေးတကြီး လျှို့ဝှက်ချက်လည်းတော့ မသိ။ ပြောသင့် မသင့် တချက် စဉ်းစားနေပုံလည်း ရပါတယ်။ ပြီးမှ ကျွန်တော့် စိတ်ဓာတ် ခိုင်မာ၊ မခိုင်မာ စမ်းသပ်ချင်သေးတယ် ထင်ပါရဲ့… သေချာအောင် ထပ်မေးပြန်တယ်။

“မင်း တကယ်ရော လုပ်နိုင်ပါ့မလား၊ ငါ တကယ် ပြောရမှာလား“

ကျွန်တော် အလွန် သိချင်နေပြီ၊ မိန်းကလေးတွေက ဘာကို ကြိုက်တာလဲ။ ကျွန်တော့်ကို ကြိုက်အောင် ကျွန်တော် ဘာတွေ ပြင်ဆင်ရမှာလဲ။ သူ ပြောတာ လုပ်ရင် မိန်းကလေးတွေက ကျွန်တော့်ကို တကယ်ပဲ ကြိုက်ကြမှာလား။ ကျွန်တော် စိတ်လှုပ်ရှားနေပြီ။ ပြောစမ်းပါ၊ ပြောလိုက်စမ်းပါကွာ… ဈေးကိုင် မနေပါနဲ့တော့လို့ ကျွန်တော့် ရင်ထဲမှာ အော်ဟစ်နေမိပြီ။ သူက ပြုံးလိုက်ပြီး တဖြည်းဖြည်းချင်း ပါးစပ်လှုပ်လာတယ်။

“ဒီလိုကွ မျိုးရ… မင်း အခြောက်လို လုပ်လိုက်… မိန်းကလေးတွေက အခြောက်တွေဆို ပိုခင်ကြတယ်“

“ဟင်“

ကျွန်တော် အတော် စိတ်ညစ်သွားပါတယ်၊ ပါးစပ်ကြီး ပိတ်ပြီး ကျွန်တော် ဘာမှ ဆက်မပြောနိုင်တော့ဘူး။ အလွန်လည်း စိတ်မကောင်း ဖြစ်သွားတယ်။ သူ ပြောပုံကိုလည်း ကြည့်ဦး၊ မိန်းကလေးတွေရဲ့ ရင်းနှီးမှုရအောင် ကျွန်တော် အခြောက်လုပ်ရမတဲ့။

“တကယ် ပြောတာ မျိုးရ… မိန်းကလေးတွေက အခြောက်တွေဆို ပိုရင်းနှီး ခင်မင်တယ်ကွ၊ အဲ… မင်းနဲ့ ရင်းနှီးလာတဲ့ အခါကျမှ လှုပ်ရှားလိုက်ပေါ့“

ဟ… သူ ပြောတာတော့ တကယ်လွယ်လှတယ်။ ကျွန်တော့်မှာ အခြောက်ဖြစ်ရမယ့် ကိန်း… ကျွန်တော် တော်တော် စိတ်ပျက်သွားတယ်။ သူ့ကို စကား ဆက်မပြောတော့ဘူး။ ကျွန်တော့်ကို အခြောက်တိုက် နှိမ်တာလို့လည်း ခံစားလိုက်ရပြီး ၀မ်းနည်းသွားမိတယ်။

တကယ်တော့ ကျွန်တော် စွံပါတယ်။ ဒီလောက် အရပ်ကလန်းကလားနဲ့ ထွားထွားကြီးဟာ မကြိုက်တဲ့သူ မရှိဘူးဆိုတာ ဘယ်သူမှ မယုံနိုင်။ ၂၀၁၃ ခုနှစ်က စပြီး မြန်မာနိုင်ငံကနေ လပေါ် တယောက်ကို မြန်မာငွေ ကျပ် ၁၀၀၀ နဲ့ သွားနိုင်တယ်၊ လပေါ်ကဟိုတယ်မှာ တညတောင် တည်းခိုခွင့် ရှိမယ်ဆိုတာကိုတောင်မှ ယုံချင်ယုံလိုက်ကြဦးမယ်။ ကျွန်တော့်မှာ ရည်းစား မရှိပါဘူးလို့ ပြောတာကိုတော့ ဘယ်သူမှ ယုံကြမှာ မဟုတ်ပါဘူး။ ကျွန်တော် ဒါကို သေချာ သိပါတယ်။

ကျွန်တော် စွံပလွန်ပါလို့ ပြောခဲ့သားပဲ… ကဲ… မရှက်တော့ပါဘူး။ ရှေ့မျက်နှာ နောက်ထားလို့ ဖွင့်ထုတ် ပြောလိုက်ပါတော့မယ်။

ခုနစ်တန်း၊ ရှစ်တန်းထဲက ကျွန်တော် စွံခဲ့တယ်။ မိန်းကလေးတွေနဲ့တော့ မဟုတ်၊ ဟဲ ဟဲ… ဘယ်သူ ကျန်သေးလဲ။ ဂေါ်တေးလို့ ခေါ်ရမယ့် ဂေးတွေပေါ့။ တခါက နာမည်ကျော် စာရေးဆရာ အတ္တကျော်က အဲဒီလို အကြောင်းတွေ ရေးပြတော့ ကျွန်တော် ပြုံးမိသေးတယ်။ ကျွန်တော်ကတော့ ဆရာ့လောက် မသွက်၊ ကြောက်ကလည်း ကြောက်တတ်တယ်။ သူတို့က လူမြင်ရင် ခင်ချင်နေတာကတော့ ကျွန်တော့် ကုသိုလ်လို ပြောရမလား မသိပါဘူး။ တလွဲကုသိုလ်…။

လိုင်းကားပေါ်မှာလည်း သူတို့က ကျွန်တော့်ကို ခင်ကြတယ်။ ရုပ်ရှင်ရုံမှာလည်း တခါတခါ အတင်း လိုက်လို့ ပြေးရတယ်။ အလုပ်ခွင်ထဲ ရောက်တာတောင် လုပ်ငန်းလုပ်ဖော်ချင်း ခရီးတွေထွက်ကြတော့ ကျွန်တော့်မှာ မလွတ်… အံ့ပင် သြရတယ်။ ဘယ်နှယ့်ကြောင့်များ ကောင်မလေးတွေက မကြိုက်ဘဲ ဂေါ်တေးကြီးတွေက ကြိုက်ရသလဲပေါ့။ ပြီးတော့ ကျွန်တော့်ကြိုက်သူတွေက အခုနောက်ပိုင်း ဖေ့စ်ဘုတ်မှာ တွေ့ရတဲ့ မိန်းမရှုံးလောက်တဲ့ လေဒီဘွိုင်းတွေလို ချောချောမောမောလေးတွေ မဟုတ်… ကျားကျားလျားလျား ဗလမောင်ကြီးတွေ…။

“တို့ကို မင်း အချစ်တွေ ပေးရင်ပေး… မပေးချင်လို့ ပြေးရင်တော့ သေပြီသာ မှတ်“ ဆိုသလို ဟာမျိုးကြီးတွေ ဆိုတော့ ကျွန်တော့်မှာ မျက်လုံးလေး ပေကလပ် ပေကလပ်နဲ့ ချော့မော့လို့ ချွေးသိပ်ပြီး လစ်ရပါတယ်။ ကျွန်တော့်အဖြစ်က တကယ့်ကို မလွယ်ခဲ့တာပါပဲ။

တခါသား ကောလိပ်ကျောင်းသားဘ၀က အင်းစိန်ဘက်ကနေ မြို့လယ် ဆူးလေရပ်က ကျွန်တော့်အိမ်ကို ပြန်လာတဲ့ လိုင်းကားပေါ်မှာ ဂေါ်တေးကြီး တယောက်နဲ့ ဆုံကြလေတော့တယ်။ တကယ့် ဗလကြီး၊ အင်မတန်မှကို ကြည့်လို့ ကောင်းအောင် ချောတဲ့ လူကြီး၊ ဂေး မဟုတ်လို့ကတော့ မင်းသားတောင် လုပ်လို့ ရတယ်။ (အဲ… ဂေး ဖြစ်တော့ရော… အင်း… လုပ်လို့ ရသေးတာပဲ မဟုတ်လား)။

လိုင်းကားကလည်း အကြီးကြီး မဟုတ်ပါဘူး၊ ၄၈ လိုင်း ဟိုင်းလပ်စ်ကားပါ။ ကားကကျပ်ကျပ် သူနဲ့ကိုယ်နဲ့က ဘေးချင်းကပ်ရပ်၊ တဖြည်းဖြည်းနဲ့ ကိုယ့်ဆရာက အချစ်စိတ်တွေ ရုတ်တရက် နိုးလာတယ် ထင်ပါ့။ သူရဲ့ သန်မာတဲ့ ညာဖက်လက်တွေက ကိုယ့်ရဲ့ တနေရာကို ဦးတည်လိုနေတယ်။ ရှောင်မရ ပြုမရ… ကျွန်တော့်မှာ ဆောင်းတွင်းကြီး ချွေးတွေ ပြန်လာပါတယ်။

တနေ့ကပဲ သတင်းတပုဒ် ဖတ်လိုက်ရတယ်။ ရန်ကုန်မှာ အမျိုးသမီး သီးသန့် ဘတ်စ်ကားတွေ စမ်းသပ် ပြေးဆွဲ နေသတဲ့။ အမျိုးသမီးတွေက ၀မ်းမြောက်ကြပြီး အားပေးကြသတဲ့။ ဘာဖြစ်လို့လဲဆိုတော့ ကားကျပ်ကျပ်တွေပေါ်မှာ အမျိုးသားတချို့ရဲ့ နှောင့်ယှက် စော်ကားမှုတွေကနေ လွတ်ပြီဆိုပြီး ကျေနပ်အားရကြသတဲ့။ စမ်းသပ်ပြေးဆွဲတဲ့အဆင့်ကနေ အမြဲပြေးဆွဲပေးဖို့ လိုလားသတဲ့။

ကျွန်တော်တို့လို ဂေါ်တေးကြီးတွေအကြိုက် ရုပ်ဖြောင့်ဖြောင့် အမျိုးသားလေးတွေ ကျတော့ရောလို့ ကျွန်တော် စိတ်ထဲက မေးခွန်း ထုတ်လိုက်မိတယ်။ အမျိုးသမီးတွေက ထောက်လှမ်းရေးကို ကြောက်သတဲ့…။ ကျွန်တော်ကတော့ စမ်းသပ်ရေးသမားတွေကို အဲဒီ အချိန်တွေက သိပ်လန့်ခဲတာပေါ့။

နောက်ပြီး တခုရှိတာက ငယ်ငယ်တုန်းက ကျွန်တော်က ဂေါ်တေးတွေကို သိပ်မုန်းခဲ့တယ်၊ လူကလည်း ရင့်ကျက်မှု မရှိသေးဘူးလေ။ အခုတော့ မမုန်းတော့ပါဘူး။ သူတို့လည်း ကိုယ့်လိုပါပဲဆိုတဲ့ တန်းတူစိတ်ကို ထားနိုင်နေပါပြီ။ ပြောချင်တာက အဲဒီတုန်းက သည်းသည်းလှုပ်မုန်းနေချိန်ဆိုတော့ အဲဒီလို ဂေါ်တေးကြီးတွေက တကယ့်ကို မုန်းစရာ ကောင်းခဲ့ပါတယ်။

ကိုယ်ကသာ မုန်းနေတာ စောနပြောတဲ့ ၄၈ ဟိုင်းလပ်စ်ပေါ်က မင်းသားကြီးကတော့ စမ်းလိုက်သပ်လိုက်နဲ့ ကျွန်တော့်မှာ ပြေးပေါက်ပိတ်နေခဲ့တယ်။ ကျွန်တော် အော်လိုက်ရင် ကောင်းမလားလို့လည်း စဉ်းစားခဲ့တယ်၊ ဟ… အော်လိုက်ရင် ရှက်စရာကြီးလို့လည်း တွေးမိပြန်တယ်။ ဒီလူကြီးကလည်း အကိုင်အတွယ် ကျင်လည်နေတော့ စဉ်းစားသာ ကြည့်ပါတော့ဗျာ။ ချွေးတွေဆိုတာ နစ်လို့…။

စွံပလွန်လေး ကျွန်တော် အဲဒီလို ဗလကြီးတွေနဲ့ မကြာမကြာ ဆုံခဲ့ပြန်တယ်။ ကျွန်တော် ဘာလုပ်သလဲ၊ တန်းနေအောင် ပြေးတာပါပဲ။ မပြေးနိုင်ရင်လည်း ပေးမကိုင်ပါဘူး…။ တကယ်ပါ၊ အဟုတ်ပါ… ယုံကြည်ပါ။

ကျွန်တော် စွံပလွန်သက်သက်… ယိုထိုးပစ်ချင်သူတွေအတွက် အစမ်းသပ်ခံ မဟုတ်ဘူးလေ… နော်…။

၂၀၁၂ ဖေဖော်ဝါရီ ၁၆၊ ကြာသပတေး။

မွန်းလွဲ တချက်တီး။

ဘန်ကောက်။

မှတ်ချက်။ တကယ့်စွန်ပလွံသီးက အခုရေးခဲ့သလို စာလုံးပေါင်းပါတယ်၊ ကျွန်တော်က စွံပလွန်လို့ ပေါင်းခဲ့ပါတယ်။ စာလုံးပေါင်းအမှန်က စွန်ပလွံဖြစ်ပါတယ်။