by Myo Tha Htet on Tuesday, 14 February 2012 at 04:18·

မတရုတ်မဆိုတော့ ဇာတ်လမ်းက နည်းနည်းကြမ်းမယ်လို့ ထင်ကြလိမ့်မယ်၊ လုံးဝ မဟုတ်ပါဘူး။ အနူးအညံ့လေးပါပဲ… တခုပါပဲ သူက နည်းနည်းပွင့်လင်းတယ်။ မတရုတ်မလို့ အများခေါ်လို့သာ ကျွန်တော်လည်း လိုက်ခေါ်မိတာပါ။ သူ့ နာမည်အရင်းက ကေသီနွယ်ပါ။ အခုတော့ ကေသီနွယ်ပျောက်လို့ မတရုတ်မပဲ ဖြစ်နေတော့တယ်၊ ဟုတ်ပါတယ်… ကျွန်တော်ရဲ့ မတရုတ်မပေါ့။

ခက်တာက ကျွန်တော့်မှာ သူ့ကို ချစ်စနိုးနဲ့ ရုတ်ရုတ်လို့လည်း ခေါ်လို့မရ၊ တတလို့လည်း လုပ်လို့မဖြစ်၊ မ လို့ လုပ်ဖို့ကလည်း ကျွန်တော့်အောက် ငယ်သူလေးဆိုတော့ မတရုတ်မပဲ ကောင်းပါတယ်။ သူက အသက်ငယ်တဲ့အပြင် ပုပြီး၊ နုနေတော့ မသိရင် ကျွန်တော်ကပဲ ကလေးလေး ကြိုက်သလို ဖြစ်နေပါသေးတယ်။

မတရုတ်မကို မကြိုက်တဲ့ အဓိက အချက်ကတော့ အကျယ်ကြီး ရယ်တတ်တာပါပဲ။ ဘယ်လိုမှ သတိပေး၊ ထိန်းကြောင်း၊ ပြင်ခိုင်းလို့လည်း မရပါဘူး။ သူ သဘောကျပြီဆိုတာနဲ့ တဟားဟားနဲ့ အကျယ်ကြီး ရယ်တော့တာပါပဲ။ ကျွန်တော်တောင် သူ့လို အားရပါးရ မရယ်တတ်ပါဘူး။ အဲဒါဟာ ကျွန်တော့်အတွက်တော့ အရေးတကြီး ပြဿနာပါ၊ ကျွန်တော်က မိန်းကလေးဆို အီစီဂလီ မလှုပ်တလှုပ်၊ တွန်းမှရွေ့တဲ့ဟာမျိုးကိုမှ တန်ဖိုးရှိတဲ့ဟာလို့ မှတ်ထားလေတော့ မတရုတ်မက ကျွန်တော့် မျက်လုံးထဲမှာတော့ တကယ့်ကန့်လန်ပါပဲ။

ဒါက ကျွန်တော် သူ့ မကြိုက်တဲ့အကြောင်းကို ဗြောင်ကြီးကို ဖွင့်ချလိုက်တာပါ… မင်းကွာ သူများ သားသမီးကို ပျစ်ပျစ်နှစ်နှစ် ပြောရက်လိုက်တာ…၊ ကောင်းတာလေးများ မပြောတော့ဘူးလား ဆိုရင်တော့ ပြောစရာတွေ တပုံတလင် အစုံအလင် ရှိပါတယ်။ ကောင်းတာတွေ ပြောလိုက်လို့ ကျွန်တော့်ဆီက လုယူသွားမှာတောင် စိုးမိပါတယ်။ အပိုတွေလို့ မဆိုနိုင်ပါဘူး၊ တချက်နှစ်ချက်ပဲ အရင်ပြောပြပါမယ်။ သုံးလေးချက် ပြောလို့မရလောက်ဘူးဆိုတာ ကျွန်တော် သိပါတယ်။ စိတ်ပူမိတယ်။

ပထမတချက်က မတရုတ်မက Dirty Dancing ဆိုတဲ့ ခပ်ကြမ်းကြမ်းကတဲ့ စုံတွဲအကလေ သိတယ်မို့လား၊ အဲဒါကတာ ကျွမ်းတယ်ဗျ။ အဲ… ကျွန်တော်က မကျွမ်းဘူး။ မကျွမ်းလည်း အရေးမကြီးပါဘူး။ သူလုပ်သလို လုပ်၊ သူလှုပ်သလို လှုပ်၊ သူ ရွှေ့သလိုရွှေ့လိုက်တော့ မတရုတ်မနဲ့ ကျွန်တော်အတွက်တော့ ကပွဲသွားတဲ့အခါ တော်တော်လေး ပျော်စရာ ကောင်းပါတယ်။

နောက်တချက်က မတရုတ်မ နာမည်ကြားကထဲက သိသင့်တဲ့အချက်က သူဟာ ၀က်သားဟင်းချက် ကောင်းတယ်။ ကျွန်တော်က ၀က်သားဟင်း အလွန်ကြိုက်တယ်။ တော်ပြီ… နောက်အချက်တွေ မပြောတော့ဘူး။ ဆက်ပြောချင်တာက မတရုတ်မ ကျွန်တော့်ကို စိတ်ကောက်နေတဲ့ အကြောင်းပဲ ဆက်ပြောတော့မယ်။

မတရုတ်မက နာမည်ကသာ အရပ်ထဲ ရိုမန် မတစ်တာ… ဒီလိုရက်မှာတော့ သူက ပတ်ဝန်းကျင် တခုလုံးက ငေးမော ကြည့်ရအောင် ရိုမန် တစ်ချင်သတဲ့။ စဉ်းစားကြည့်ပါဗျာ… ပြီးခဲ့တဲ့ လေးငါးရက်ပတ်က ရည်းစားစဖြစ်လို့ ဒီနေ့လို ရက်မှာ ဂေါ်မယ်၊ ပျော်မယ်၊ မော်မယ် ဆိုရင်တော့ ကျွန်တော်ကတောင် ရှေ့က ကဲမှာပါ။ အခုတော့ လေးငါးနှစ်တောင် မကတော့တဲ့ဟာ… သူ တစ်ချင်သလောက် ကျွန်တော်က စိတ်မပါတော့ဘူးလေ…။

ပြီးတော့ ဒီကိစ္စတွေက ချာတိတ်တွေ၊ ချာတိတ်မတွေ ကိစ္စ မဟုတ်လားဗျာ။ ကျွန်တော့်လို နဂိုကထဲကမှ အဖိုးကြီးက ထပြီး ကလေးလေးနဲ့ တွဲနေတယ်လို့ ဝေဖန်မှုတွေ ရှိနေတဲ့ကြားက ဒီနေ့လိုမှာ ကော့ကော့ ကော့ကော့တွေ လျှောက်လုပ်နေရင် ဒီအဖိုးကြီးဟာလေ ပြောတော့မိုး၊ ထိုးတော့မြေကြီးဆိုပြီး ဝေဖန်ကြတော့မပေါ့။ သူများ တံတွေးခွက်မှာ ပက်လက်မျောကိန်း ဆိုက်သွားမှာပေါ့။

ဒါနဲ့ ကျွန်တော် မတရုတ်မ တင်သွင်းတဲ့အဆိုကို ဗီတိုအာဏာသုံးပြီး ပယ်ချလိုက်ရတယ်။ ဒါပေမဲ့ တရုတ်တို့၊ ရုရှတို့လို ဟိုလိုလို ဒီလိုလို စကားတွေ ကျွန်တော် မပြောပါဘူး။ သူ ကြိုက်လောက်မယ့် စကားလေး တလုံးပဲ ပြောလိုက်ပါတယ်။ “တို့အချစ်ကို တကယ်သင့်တဲ့ နေရာမှာပဲ ပြကြပါစို့ကွာ“ လို့…။ အမယ်… မတရုတ်မက မျက်စောင်းထိုးတယ်ဗျ။ ထိုးတဲ့မျက်စောင်း လှသလား မလှဘူးလား ဆိုတာတော့ ကျွန်တော်လည်း မတွေးသာတော့ဘူး၊ ကိုယ့်ဟာကိုယ်လည်း ဘာကိုမှန်း မသိ၊ စိတ်ဆိုးနေမိတာကိုးဗျ။

တကယ်တမ်း ဒီနေ့လို နေ့မျိုးမှာ ကျွန်တော် လုပ်ချင်တာက မတရုတ်မကို ကဗျာလေးတွေ ဖတ်ပြဖို့ပါပဲ။ ဟုတ်တယ်လေ… သူက စာဖတ် ပျင်းတာကိုး၊ ကျွန်တော်ကလည်း ကိုယ့်အလုပ်နဲ့ ကိုယ်ဆိုတော့ သူ့ကို ပုံမှန် စာဖတ် မပြနိုင်သလို ကိုယ်တိုင်လည်း ဖတ်ဖို့ အချိန်က သိပ်ရှိတာ မဟုတ်ဘူး။

ဒီတော့ ဒီနေ့လို အချစ်သင်္ကေတလေးတွေ ထုံမွှမ်းတဲ့နေ့မှာ အချစ်ကဗျာလေးတွေ၊ မေတ္တာဘွဲ့လေးတွေ ပြောပြချင်တာပေါ့။ ဒါမှမဟုတ် အချစ်ကို ဖော်ညွှန်းထားတဲ့ ရုပ်ရှင်ကားလေး တကားလောက် အေးအေးဆေးဆေး ကြည့်ချင်တာပေါ့။ စကားလုံးမြင့်မြင့်နဲ့ ပြောနေကြတဲ့အတိုင်း ပြောရရင် လူကြီးချစ် ချစ်ချင်တာပါ။ မတရုတ်မကတော့ နည်းနည်းလေး ဆိုးချင်ပုံရတယ်။

အခုတော့ ကျွန်တော် ခွကျနေပြီ။ ဒီနေ့ ၀က်သားဟင်းလည်း စားရပါတော့မလား မသိဘူး။ စာကောင်းကောင်း ကဗျာကောင်းကောင်း ဖတ်ချင်မှလည်း ဖတ်ရတော့မယ်။ အခုတော့ နည်းနည်းစောသေးတော့ မတရုတ်မ ဘာတွေ ကြံနေလဲဆိုတာ ကျွန်တော် သေချာ မသိသေးဘူး။ စိတ်ကြီးတဲ့ မတရုတ်မကတော့ အလျှော့ပေးမယ့်ပုံ မပေါ်ပါဘူး။ သူ တခုခုတော့ လုပ်ပါလိမ့်မယ်… စိတ်ဆိုးနေတာကြောင့် ကျွန်တော် မကြိုက်တာကို တမင်ရွေးလို့ လုပ်ပါလိမ့်မယ်။

ကျွန်တော်လည်း စိတ်ညစ်နေပါပြီ။ အမှန်တော့ ဒီနေ့လို နေ့မှာ စိတ်မညစ်သင့်ဘူး မဟုတ်လား။ အဲဒီအချိန်မှာပဲ မတရုတ်မက တဟားဟားနဲ့ အားပါးတရ ရယ်လိုက်ပါတယ်။ ဟာ… မတရုတ်မ… ကျွန်တော့်ဆီ တည့်တည့်ကြီး တဟားဟား ရယ်လို့ လာနေပါပြီ။

၂၀၁၂ ဖေဖော်ဝါရီ ၁၄၊ အင်္ဂါ။
မနက် ၁၀ နာရီ။
ဘန်ကောက်။