by Myo Tha Htet on Sunday, 26 February 2012 at 11:19·
သူ့ကို မသွားစေချင်သေး၊ သူကလည်း သွားမယ် တကဲကဲ… စောနကဆို ပိုတောင်ဆိုးသေး၊ အခုပဲ တွေ့ပြီး အခုပဲ ထပြန်မယ်လို့ ပြောလားပြောရဲ့… ဒီဘက်ကို သူမကြည့်… နှစ်ယောက်အတူရှိပြီး တယောက်ထဲ လွမ်းနေရတဲ့ ဘ၀။ မညိုပြာဘ၀ဟာ ဘယ်တုန်းကမှ မလှခဲ့ဘူးလား။
ကိုယ့်ဘ၀ ကိုယ်သိတယ်၊ ကိုယ့်အလှမှာ ကိုယ်ထိတယ်။ သမုဒ္ဒယကို ဒုက္ခလို့ မြင်အောင် ကြည့်မိတာလည်း အကြိမ်ကြိမ်… ဒါပေမဲ့ ကိုယ်လည်းလေ လောကီသားပေမို့လား မသိ။ ချစ်မိတဲ့ဝန်တာ ခံရခက်သပေါ့။ ဒါကို ကောင်လေးက ငယ်သူမို့ မသိဘူးထင်ပါရဲ့…။ ပြောချင်တာပြော၊ ဆိုချင်တာဆို… ပွင့်ပွင့်လင်းလင်းဟန်နဲ့ ခင်စရာ ကောင်းတာကလွဲလို့ အစိမ်းသက်သက်လေး…။
“မင်း လက်ကလေးကို ကိုက်စားချင်လိုက်တာ… ကောင်လေးရယ်“
ထင်တဲ့အတိုင်း၊ မပြုံးတပြုံး ပြီတီတီနဲ့ အဲဒီအကြည့်က ဘာမှန်းမသိပါဘူး။ အမေပြောတဲ့ ခေါ်တောကြည့်ဆိုလားတော့ မသိ။
“ဘာရယ်တာလဲ၊ ရုပ်ကိုက… ကိုက်စားလိုက်ရမလား“
ဘာကြောင့်မှန်းမသိ၊ ကောင်လေးနဲ့ အတူ ရှိနေချိန်လေးက သာသာယာယာ ရှိနေပါတယ်။ အပြင်မှာ ပူနေပေမယ့် ရင်ထဲ အေးနေတယ်။ ဒါကို အချစ်လို့ ခေါ်မလား၊ ချစ်ရတာတွေက များနေတော့ ရှုပ်တောင်နေပါပြီ။ ကောင်လေးရဲ့ လက်ကလေးကို ဆုပ်၊ ဘာဖြစ်မှန်းမသိ… ခုနကလို စကားလုံးလေးတွေ နှုတ်က ထွက်ကြကုန်တယ်။
ရှိနေတဲ့ စကားလုံးတွေကို ရင်ထဲ ဒီအတိုင်း မထားရက်လို့ ထုတ်ဖော်လိုက်တယ်၊ ဘာဖြစ်သလဲ… ဘာမှမဖြစ်ပါဘူး။
စိတ်ထဲဖြစ်တယ်၊ နှုတ်ကထွက်တယ်… ကောင်လေး ရယ်တယ်။ ကြောက်သလိုလိုနဲ့ သူ့လက်ကို ရုပ်တယ်။ ငါ တကယ် ကိုက်မစားပါဘူးလို့လည်း စိတ်ထဲက တိုးတိုးလေး ပြောလိုက်တယ်။ တွေးနေရင်းနဲ့ကို ၀မ်းနည်းသွားသလိုလို…။ ဒီကောင်လေးကြောင့်တော့ ခက်နေပါပြီ။ အင်… ဟုတ်ပါရဲ့… ငါဟာ ဘယ်တုန်းကရော လွယ်ခဲ့ဖူးလို့လဲ၊ ခက်ခက်ကိုမှ လိုချင်တတ်သူ တယောက် မဟုတ်ဘူးလား။
သီချင်းသံက လွင့်လာပြန်တယ်။
“ဘာကြောင့်များ ကိုယ့်ပေါ်ကို မင်းတယောက် နိုင်ချင်သလဲ…“ တဲ့…။
တကယ်တော့ ကောင်လေးက မနိုင်ပါဘူး။ ပြီတီတီလုပ်တာကိုပဲ ကိုယ်က မုန်းမိနေတာပါ။
++++
လကွယ်မတိုင်မီ နှစ်ညဆိုတော့ လက မရှိသလောက် မှောင်တယ်၊ ကြယ်က မစုံဘူး။ ကိစ္စမရှိပါဘူး… ဒီည မလင်းတာကို ကျွန်တော် ဘယ်သူ့မှ အပြစ်မပြောလိုဘူး။ လေက နည်းနည်း တိုက်နေတယ်၊ ညနည်းနည်းတိုးနက်လာနေသလို ဖေဖော်ဝါရီလထဲမို့ အအေးက ရှိနေတုံး…။
“မအေးဘူးလား မညိုပြာ…“
ခပ်မှောင်မှောင်ထဲမှာပဲ မညိုပြာ မျက်ဝန်းတွေက တောက်နေတယ်။ သိပ်မလှတဲ့ မညိုပြာဟာ ဒီတညမှာ လှနေတယ်။ အေးနေလို့ ထင်ပါတယ်၊ ရင်ဘတ်ထဲက နှလုံးသားလေးက ထုံးစံအတိုင်းပဲ ခုန်တယ်။ ညဟာ တဖြည်းဖြည်းတော့ ကဗျာဆန်စ ပြုလာပါတယ်။ ကျွန်တော် ကဗျာဆရာ မဟုတ်ပါဘူး၊ ဒါပေမဲ့ ညထဲက မညိုပြာ လှတာကိုတော့ ကျွန်တော်သိတယ်။
မညိုပြာက နည်းနည်းလေး ပိုပြုံးလိုက်ပြီး အင်း လို့ တလုံးထဲ ပြောတယ်။ ပြီးတော့ မကြည့်ချင်ကြည့်ချင်၊ မကြည့်ရက်ကြည့်ရက်၊ မကြည့်ရဲကြည့်ရဲ သုံးမျိုးပေါင်းထားတဲ့ အကြည့်တစုံနဲ့ ကျွန်တော့်ကို ကြည့်တယ်။ ကျွန်တော် ကောင်မလေးတွေရဲ့ အကြည့်ကို ကြာကြာရော၊ မကြာမကြာပါ အကြည့်ခံရဖူးတယ်။ မညိုပြာအကြည့်နဲ့တော့ နည်းနည်းမှ မတူ…။
“ညဟာ မလှဘူးလားဗျာ၊ ဟိုဘက်ကို လှမ်းကြည့်ပါဦး… မီးရောင်စုံတွေနဲ့ မလှဘူးလား“
မေးခွန်းနှစ်ခုကို ကျွန်တော့်နှုတ်က ဆက်တိုက်ထွက်သွားပေမယ့် အမဟာ လှလှလေးပဲ ပြုံးလို့နေဆဲ…။ ဒီကောင်လေးနဲ့ စကားပြောရတာ စိတ်ဝင်စားဖို့ ကောင်းတယ်လို့များ ထင်နေသလား၊ အူကြောင်ကြောင်လေးပါလားလို့ မြင်နေမလား။ မညိုပြာဟာ စကားနည်းပြီး အသိရခက်တာကတော့ အသေအချာ…။
“မင်းလှတယ်ဆို လှတယ်ပေါ့၊ မင်းမလှဘူးဆိုလည်း မလှဘူးပေါ့၊ မင်းပဲ ဆုံးဖြတ်တာပဲ ကောင်လေးရာ… အမတောင် မင်းက မလှဘူးလို့ ပြောတာပဲ မဟုတ်လား“
မညိုပြာ စိတ်များ စိုးလေရော့သလား၊ ဒါပေမဲ့ သူ ပြောတာ မှန်ပါတယ်။ ကျွန်တော်က အမကို မလှဘူးလို့ သေသေချာချာ မကြာခဏ ပြောခဲ့ဖူးပါတယ်။ ဒါကို သူကလည်း မှတ်ထားပြီး ကျွန်တော့်အလှ၊ ကျွန်တော့်ခံစားချက်ဟာ ကျွန်တော့်သဘောလို့ ပြောလာနေပါပြီ။ ဒါဆို သူ ပြောသလို တရားပဲ သေချာပေါက်နေပြီလား၊ အရာအားလုံးဟာ အခိုက်အတန့်တခု အတွင်းမှာပဲ ဖြစ်ပြီးပျက်တယ်လို့ သေသေချာချာ နားလည်လို့များ ကျွန်တော့်ကို လျှော့ပေးနေတာလား။ လျှော့ပေးလို့ နိုင်လိုက်ရတဲ့ အနိုင်တခုကို ကျွန်တော် မလိုချင်ပါဘူး။
“မဟုတ်ပါဘူး၊ အမှောင်ထဲမှာ မီးရောင်စုံတွေနဲ့မို့ လှတယ် ပြောတာပါ။ အေးလှပြီ“
ကျွန်တော် ဘာကို ဆိုလိုတယ်ဆိုတာကို အသက်ကြီးတဲ့ မညိုပြာ သိမှာပါ။ ကျွန်တော်တော့ ကျွန်တော့်စကားကို ကျွန်တော် သေသေချာချာ နားလည်ပါတယ်။ ဒါပေမဲ့ အမနဲ့တွေ့တိုင်း ကျွန်တော်ဟာ ရှက်နေဆဲပဲ၊ အမကလည်း ကျွန်တော့်ကို မရှက်နေပေမယ့် အကန့်အသတ်ဘောင်ကလေး တခုအတွင်းမှာပဲ အလှပဆုံး လှုပ်ရှားတယ်။ သူက စပြီး ဘာအကွက်မှ မရွှေ့ဘူး။ ကျွန်တော်ကလည်း အရဲမကိုးတဲ့ စစ်ထိုးသမားလို…။ ပတ်ဝန်းကျင် အကဲခတ်ရင်းနဲ့ပဲ တချက်မှကို မပစ်ဖောက်ခဲ့ဘူး။ အနည်းဆုံး ချောက်သလောက်တောင် မဖောက်ခဲ့ဘူး။
++++
“ခဏနေရင် ကျွန်တော် ပြန်မယ် အမ“
မညိုပြာ ရယ်တယ်။ ပြီးတော့ ပြောတယ်။
“မင်း ခဏခဏ ပြန်နေတာပဲလေ…“
“ဟင်“
ကျွန်တော် ဟင် တလုံးပဲ လိုက်နိုင်တယ်။
မိန်းမဆိုရင် ချောရင်ပြီးရော အရွယ်စုံကြိုက်တဲ့ ကျွန်တော့် ဘ၀မှာ မိန်းမတွေနဲ့ နီးနီးကပ်ကပ်၊ မနီးတကပ်၊ တနီးမကပ် နေခဲ့ဖူးပါတယ်။မညိုပြာလို တည်ငြိမ် ရင့်ကျက်တဲ့ အမျိုးသမီးမျိုးတော့ မတွေ့ခဲ့ဖူးဘူး။ ကျွန်တော် သဘောကျတဲ့ မိန်းကလေးမျိုးဟာ မညိုပြာလိုလား၊ ကျွန်တော် အခုထက်ထိတော့ တိတိပပ မဝေခွဲနိုင်သေး… ကျွန်တော် ဘာကို စောင့်နေတာလဲ၊ ကျွန်တော် ဘယ်သူ့ကို စောင့်နေတာလဲ၊ ကျွန်တော်ကိုယ်တိုင် ဝေေ၀၀ါးဝါး။ မညိုပြာဟာ ကျွန်တော့်အတွက် အဖြေလား၊ ပုစ္ဆာလား။
“အမ အေးအေးနေပါ၊ ကျွန်တော် ပြန်မယ်… ပြန်တော့မယ်နော်“
မညိုပြာ ကျွန်တော့်ဘေးမှာ ရပ်ရက်က နည်းနည်းခွာတယ်။ ဘာမှ မပြောဘူး။ ခေါင်းကို ငုံ့ထားတော့ မညိုပြာ့မျက်လုံးကို ကျွန်တော် မမြင်ရဘူး။
ကျွန်တော်စိတ်ထဲ တခုခုကို စိုးထိတ်နေဆဲ…။ ဘာကို ဘယ်လို ဘာကြောင့်မှန်း မသိ…။ ခဏခဏဟာ တဘ၀ရဲ့ အစိတ်အပိုင်းတွေပဲ မဟုတ်လား။ ကျွန်တော် စဉ်းစားရဦးမှာကိုပဲ စဉ်းစားနေမိတယ်။
“ကျွန်တော် ပြန်ရမယ် အမ၊ ကျွန်တော် ပြန်ရဦးမယ်။ ပြန်တော့မယ်နော်“
ဒုတိယမ္ပိ ပြန်တော့မယ်နော်လို့ ကျွန်တော် သာသာပျောင်းပျောင်း ပြောတယ်။
ကျွန်တော့်ကို မညိုပြာ ဖြည်းဖြည်းလေးလေး မော့ကြည့်လာတယ်၊ သူ့မျက်လုံးမှာ မျက်ရည်စတွေ ဝေ့သီဝဲလို့…။
ဆက်မကြည့်ရဲလို့ လှည့်ထွက်လိုက်တယ်။ ကျွန်တော် ပြန်ရမယ်လေ…။ တကယ် ကျွန်တော် ပြန်ရမယ်။
စိတ်ထဲကတော့ တိုးတိုးလေး ရွတ်လို့…။
မငိုပါနဲ့ မညိုပြာ
၂၀၁၂ ခုနှစ်၊ ဖေဖော်ဝါရီလ ၂၆ ရက်၊ ညနေ ၆ နာရီ။
ဘန်ကောက်မြို့။
မိုးစက်မှော် 