အမေက ချစ်ရည်လျှမ်းတဲ့ မျက်လုံးတွေနဲ့ ၀အောင်ကြည့်ပြီး ခေါ်လိုက်တဲ့ နာမည်ကြားရတိုင်း အေးမင်း အမေ့ကို အလွန်စိတ်ဆိုးပါတယ်။ ဟုတ်တယ်လေ… သူ့ကို ဘာကြောင့် ဒီနာမည်ကြီး လာလာခေါ်နေမှန်းကို မသိဘူး၊ ကြားရတဲ့ တခြားအိမ်သားတွေကလည်း သူ မကြိုက်မှန်း သိလို့ ၀ါးလုံးကွဲ မရယ်တောင် ပြုံးစိစိတော့ လုပ်ကြတာချည်း။ ဘာတဲ့… မြောက်အိုးကွဲတဲ့။

ခက်တော့လည်း ခက်ပါတယ်၊ စိတ်ညစ်လို့ ပြောမိတာပါ။ အေးမင်းတို့ ဆွေမျိုးသားချင်းတသိုက် နေထိုင်ကြတဲ့ နှစ်ဆောင်ပြိုင် ပျဉ်ထောင် အိမ်ကြီးရဲ့ နောက်ဖေး မီးဖိုဆောင် အကူးနေရာမှာ သောက်ရေအိုး နှစ်အိုး ချထားပါတယ်။ ကလေးအိုး၊ လူကြီးအိုး ခွဲခြားတာ မဟုတ်ပါဘူး။ မိသားစုများလို့ သောက်ရေအိုး နှစ်အိုးထားတာပါ၊ ဒါကလည်း ပြဿနာ မဟုတ်ပါဘူး။ ပြဿနာက တောင်ဘက်မှာ ထားတဲ့ အိုးကို တောင်အိုး၊ မြောက်ဘက်မှာ ထားတဲ့ အိုးကို မြောက်အိုးလို့ လူကြီးတွေက သတ်မှတ်ထားကြတာ ဖြစ်ပါတယ်။

အေးမင်းကို အဲဒီအိမ်ကြီးမှာပဲ မွေးခဲ့ပါတယ်။ တိုက်တိုက်ဆိုင်ဆိုင် အေးမင်း လူ့လောထဲကို အထွက်၊ ဘာကြောင့်မှန်းလည်း မသိပါဘဲ မြောက်အိုးကြီးက ဂွမ်းကနဲနဲ့ကို ကျကွဲသွားခဲ့ပါတယ်။ အဲဒီကနေစလို့ ယောက်ျားလေးဖြစ်တဲ့ အေးမင်းဟာ အေးမင်းဆိုတဲ့ နာမည်မရခင်ကတည်းက အိမ်နာမည် မြောက်အိုးကွဲ ဖြစ်ခဲ့ရပါတော့တယ်။

မြောက်အိုးကွဲလို့ သူငယ်ချင်းတွေက မခေါ်ကြလို့တော့ အေးမင်းတယောက် စိတ်ချမ်းသာခဲ့ရပါတယ်။ ဒါပေမဲ့ ဒီစိတ်ချမ်းသာမှုကလည်း အကြာကြီးတော့ မဟုတ်ပြန်ပါဘူး။ စိုးထိတ် တိုးတိတ်နဲ့ ကြောက်နေရတာမျိုးပါ။ ဘယ်အချိန်များ လူကြားထဲ အမေက ငါ့ကို အဲဒီ နာမည် ခေါ်လိုက်မလဲလို့ အေးမင်း အမြဲ စိတ်ပူတတ်ပါတယ်။ ဘာဖြစ်လို့လဲဆိုတော့ အမေဟာ လူကြားထဲရောက်ရင် ပါးစပ်တပြင်ပြင်နဲ့ တော်တော်ကြာအောင် လုပ်ပြီးမှ အေးမင်းကို အေးမင်းလို့ ခေါ်တတ်ပါတယ်၊ အမေ့ဆီက အေးမင်းလို့ ပီပီသသ အသံ ထွက်မလာမချင်း အေးမင်းဟာ ငရဲကျနေတာပါပဲ။

ပိုဆိုးပြန်တာက အေးမင်းက အဖုတ်လည်း ကြိုက်ပြန်ပါသေးတယ်။ ယောက်ျားလည်း တန်မဲ့ ခရမ်းသီးမီးဖုတ်တို့၊ ပြောင်းဖူးဖုတ်တို့၊ တညင်းသီးမီးဖုတ်တို့ အလွန်ကြိုက်ပါတယ်။ အမေက စပြန်ပါတယ်။ အဖုတ်ကြိုက်ကလေးတဲ့…။ တခါတခါ အမေ စိတ်ဆိုးရင် အေးမင်းကို “မြောက်အိုးကွဲ အဖုတ်ကြိုက်“လို့ ခပ်တည်တည်ကြီး ခေါ်တတ်ပါတယ်။

ဇ ကလေးနဲ့ လူလို့တော့ အေးမင်းကို မပြောကြပါနဲ့…၊ အေးမင်းဟာ ငယ်ငယ်ကလေးတည်းက အဖုတ်ကြိုက်တာပါ။ မီးကျည်ခဲ နီနီရဲပေါ် တင်ထား ကင်ထားရာကနေ ချလိုက်တာနဲ့ အေးမင်းလက်က လှမ်းနေပြီ ပြင်နေပြီ ဖြစ်တာကြောင့် ငယ်ငယ်ကထဲက လက်ကိုရော လူကိုပါ အမေက ရိုက်တတ်ပါတယ်။

“မြောက်အိုးကွဲ ကောင်လေးက တော်တော် အဖုတ်ကြိုက်တာပဲဟဲ့…၊ ကြီးလာမှ အဖုတ် စားစမ်းပါ လူကလေးရယ်၊ အဖုတ်စားတယ် ဆိုတာ အပူလောင် တတ်တယ်။ လက်ပူ အာပူ ဖြစ်တတ်တဲ့ ဟာကို… နင်ပဲ ကြိုက်ကြိုက်လွန်းတယ်“ လို့ အမေက အေးမင်းကို ခရား ရေလွှတ် ပြောတတ်တယ်။

အေးမင်းကလည်း ပြောတုန်း ခဏသာ လက်ရော၊ ပါးစပ်ပါ ငြိမ်နေလိုက်တာ… လူလည်းလစ်ရော သူကြိုက်တဲ့ ဟာ… သူ စားတော့တာပါပဲ။ အမေ့ စကားနဲ့ဆိုရင်တော့ မြောက်အိုးကွဲ အဖုတ်ကြိုက်ကလေးပေါ့လေ။

တကယ်တော့ လူဆိုတာက လူတကိုယ် အကြိုက်တမျိုး မဟုတ်လား။ အဖုတ်ကြိုက်တဲ့သူ ရှိသလို၊ အပြုတ်ကြိုက်တဲ့သူလည်း ရှိနိုင်တာပဲ။ ဒီလိုပဲ တချို့က အကြော် ကြိုက်တယ်၊ တချို့က အလှော်ကို မက်တယ်။ တချို့က အစိမ်းစားတယ်၊ တချို့က အပျော်အပြဲမှ စားတယ်။ ကြိုက်ကြပေါ့၊ ကိုယ်ကြိုက်တာ ကိုယ်စားကြပေါ့… အေးမင်းကတော့ အဲဒီလိုပဲ ခံယူထားပါတယ်။

အဲဒီကြားကမှ တခါ အေးမင်းချစ်ရတဲ့ ယုယခင်က အသုတ်ကြိုက်တယ်။ အသုတ်ကိုမှ စားတဲ့အခါ ရှူးရှူးရှဲရှဲ အသံမြည်အောင် စပ်မှ စားလို့ရတဲ့ အသုတ်မျိုးကို ကြိုက်တယ်။ အစပ်စားချက်က ရက်စက်တယ်၊ နောက်တနေ့ မနက်အထိ ဝေဒနာ ခံစားရတာမျိုးကို အလိုရှိသူလို့ ပြောလည်း စိတ်ဆိုးတတ်သူ မဟုတ်…။

ဒီလို ချစ်သူမျိုး ချစ်ရတာ နည်းနည်းတော့ ကြောက်စရာ ကောင်းတယ် မဟုတ်လား။ သူ စားသလို ကိုယ်လိုက်စားလို့ကတော့ ကိုယ်ပါ ရင်ရော ဘာရော ညာရော ပူရမယ့် အဖြစ်…မြောက်အိုးကွဲ အချစ် နံပါတ်တစ်က အသုတ်ကြိုက်သူ ဖြစ်နေတော့ တခါတခါ အေးမင်းမှာ ဘာမှ မစားရပါသေးဘဲ ဟိုနေရာက ပူနေသလို ဒီနေရာက ပူနေသလို ဖြစ်ဖြစ်နေရတတ်တယ်။

ပူတဲ့အထိ ချစ်ရသူ ယုယခင်ကို တချိန်မှာ ယောက္ခမ တော်ရမယ့် အေးမင်းမအေကလည်း ချစ်ရှာပါတယ်။ ယုယခင်ကလေးကလည်း ဖင်ပေါ့ စကားတတ်ကလေးဆိုတော့ အဖွားကြီးက အရည်လည်တဲ့အထိ မျက်လုံးထဲ အပြုံးတွေပေါ်အောင် ပြုံးပြီး သမီး သမီးနဲ့ နေတာပါပဲ။

မသိရင်ဘဲ ချွေးမလောင်းနဲ့ ယောက္ခမလောင်း ချန်ပီယံလုဖို့ ပညာပြိုင်နေသလား အောက်မေ့ရပါတယ်၊ အေးမင်းကတော့ ပျော်တပြုံးပြုံး၊ မော်မဆုံးပေါ့လေ…။ သူတို့နှစ်ယောက် အဆင်ပြေလေ… ငါ အနေချောင်လေပဲလို့ တွေးတတ်သူပါ။ အေးမင်းနဲ့အတူ အိမ်ပါလာတိုင်းလည်း ယုယခင်ခမျာ အဖွားကြီးနဲ့ပဲ အချိန်ကုန်တာ များပါတယ်။ ဘာလုပ်ကြသလဲ သိလား၊ မိန်းမနှစ်ယောက် အသုတ် တမျိုးမျိုး သုတ်နေကြတော့တာပါပဲ။

အဲဒီနေရာမှာပဲ ရပ်နေရင် အေးမင်းက ၀မ်းသာမိမှာပါပဲ၊ ဒါပေမဲ့ အမေလေ… အမေ သိတယ်မို့လား၊ ချွေးမကို လက်သိပ်ထိုးလေး သင်ရှာတယ်၊ သူ့သားကလေးက ဘယ်လို အဖုတ်ကြိုက်ကြောင်းပေါ့လေ၊ ငယ်ငယ်လေးထဲက အဖုတ်ကို ဘယ်လို ကြိုက်ခဲ့တာ စသဖြင့်ပေါ့လေ…။ ပြီးတော့လည်း သမီးယောက္ခမ တဟီးဟီး တဟားဟားနဲ့ ရယ်လိုက်ကြသေးတယ်။ အဲဒီလို ရယ်သံကြားရင် မြောက်အိုးကွဲ အေးမင်းကလည်း နပ်ပြီးသားပါ၊ ဒါဟာ သူ့အကြောင်းကလွဲလို့ တခြားလူအကြောင်း ဘယ်နည်းနဲ့မှ မဖြစ်နိုင်ဘူးဆိုတာ…။

အဲ… ယုယခင်လေး ပြန်သွားရင်တော့ အမေက သားကို စကားလာပြောတတ်တယ်။ မင်း ကောင်မလေးက မဆိုးပါဘူး ဘာညာလည်း လုပ်တတ်တယ်။ သဘောကျကြောင်းလည်း စကားအပြင် အမူအရာနဲ့လည်း ပြောတတ်တယ်။ အဲဒီအထိ အေးမင်းကလည်း သွားရည်ကျ မတတ် သဘောတွေ ကျလို့ပေါ့။ အဲဒီနောက်ဆုံး အမေ့ ကောက်ချက်ကြားမှသာ ဟာ… အမေကလဲ ဖြစ်ဖြစ်သွားတတ်တာပါ။

မြောက်အိုးကွဲလေးက အဖုတ်ကနေ အသုတ်ကြိုက်ကြိုက်လာပြီဟဲ့… သိကြရဲ့လား၊ သူ့ကောင်မလေးက အသုတ် သုတ်တာ သိပ်ကောင်းတာပဲ။ စပ်လိုက်တာလည်း လွန်လို့…၊ ရှက်လိုက်တာလည်း စွံဖို့၊ တတ်လိုက်တာလည်း ချွန်လို့ လို့ ပြောတတ်တယ်။ ငါကတော့ ကောင်မလေးကို သူ့နာမည် ခေါ်ရတာထက် အသုတ်လေးလို့ပဲ ခေါ်ချင်တော့တယ်။ မြောက်အိုးကွဲရဲ့ အသေးခလုတ်ပေါ့။ အသေးခလုတ်ဆိုတာ အသုတ်က(ခ)လေးလို့ အမေက နောက်တာပါ။

ရယ်တော့ ရယ်ရတယ်၊ အိမ်မှာဆို ပွဲစားအဖေထက် ပွဲစားကတော် အမေက ပိုပြီး နှုတ်ရေးနှုတ်ရာ ကျွမ်းကျင်တယ်။ အဖေကတော့ မယားသဘော မယားသဘောနဲ့ အလကားပြောလည်း စကားတောထဲ ကျွံဝင်မှောက်တက်နေတတ်တယ်။ အေးမင်း အမေဟာ အေးအေးကလေးနဲ့ အေးမင်း အဖေကို ကိုင်ထားသလို ဖြစ်နေတော့တယ်။

အခုတလောတော့ အေးမင်းမှာ ရပ်ကွက်ထဲ တယောက်ထဲ အထီးကျန်နေသလို ခံစားရပါတယ်။ ဘာဖြစ်လို့လဲဆိုတော့ သူ့သူငယ်ချင်းတွေက သူ့ကို အပြုတ်တိုက်နေကြလို့ပါ။ အပြုတ်တိုက်တယ်ဆိုတာ သီတင်းကျွတ်မှာ သူငယ်ချင်းတွေ အလှူအတန်း လုပ်ဖို့ ကြိုတင်စဉ်းစား ထားတဲ့အတိုင်း မိဘမဲ့ကျောင်း တကျောင်းမှာ အုန်းနို့ ဆန်ပြုတ် တိုက်ကျွေးတဲ့ အလှူလုပ်ကြရင်း အလှူရှင်တွေပါ ၀ိုင်းသောက်ကြတော့ အေးမင်းကိုလည်း အပြုတ်တပွဲ သောက်ပါလားလို့ သူငယ်ချင်းတွေက မေးတာကို မင်းတို့ကလည်းကွာ ကလေးတွေ အတွက်ဟာကိုလို့ ပြောမိသွားတာနဲ့… သူ့ကို ၀ိုင်းဆဲကြပါရောလား။

အမှန်တော့ တက္ကသိုလ် တက်တဲ့ တောက်လျှောက်မှာ ခေါက်ဆွဲပြုတ်ချည်း ဖိသောက်ခဲ့ရတဲ့ အေးမင်းက အပြုတ်သောက်တာတို့၊ အပြုတ်တိုက်တာတို့ကို အင်မတန် စိတ်ကုန်ခဲ့သူပါ။ အခု သူငယ်ချင်းတွေက အပြုတ်တိုက်လာတော့ သူ စိတ်မကောင်းတောင် ဖြစ်လို့…၊ သူက အဖုတ်ကြိုက်သူ၊ ငယ်ငယ်ကလေးထဲကကို အဖုတ်ကြိုက်သူလို့ဆိုရင် သူငယ်ချင်းမတွေက မျက်စောင်းထိုးဦးမလား မသိပါဘူး။

နောက်တခု အပြုတ်တိုက်တာကို မကြိုက်တဲ့တခုက နိုင်ငံရေးပဲလုပ်လုပ်၊ လူမှုရေးပဲလုပ်လုပ်၊ သာရေးနာရေး ဘာပဲလုပ်လုပ် အေးမင်း မြင်ရတဲ့ လူတွေက မအောင်မြင်ခင် နာမည်မရခင်ကတော့ တွန်းလုပ် ထိုးလုပ် အတင်းကာရော လုပ်တဲ့ကြပြီး နာမည်လေးထွက် နေရာလေးလည်း ရရော သူလုပ်လို့ ငါလုပ်လို့နဲ့ ကွဲချင် ပြဲချင် ဖြစ်လာကြ၊ ကွဲကြ ပြဲကြ အဲဒီထက် ဆိုးတာက တယောက်ရဲ့ ငယ်ကျိုး ငယ်နာ တယောက် ဖော်လို့ နောက်ဆုံး အပြိုင်ချကြ အပြုတ်တိုက်ကျတာတွေ ဖြစ်လာတော့ အဲဒါတွေကို မြင်ရ ကြားရ ကြည့်ရတိုင်းမှာ အေးမင်းမှာ ခေါင်းတခါခါ လည်တခါခါကို ဖြစ်လို့…။

ဒီကြားထဲ အကြော်ဇယား အဖန်ဇယားတွေက ရှိပါသေးတယ်။ အေးမင်း ဖခင်ကြီး ပွဲစားကြီး ဦးဌေးမင်းဆိုလည်း အကြော်အလှော် သိပ်ကြိုက်သလို သူကိုယ်တိုင်ကလည်း အကြော်အလှော် ရပါတယ်။ အိမ်မှာဆို အေးမင်းဟာ အမေ ချက်တာ စားရတာထက် အဖေချက်တာကို စားရတာက ပိုများပါတယ်။

အဖေဟာ အပြင်မှာ ပိုက်ဆံရှာတဲ့အခါ ပွဲစားမို့ ပါးစပ်နဲ့ ကြော်တယ်၊ လှော်တယ်။ ပွဲညွှန့်စားတယ်၊ ဈေးတင်ရိုက်တယ်၊ ဖြတ်တယ်၊ ခုတ်တယ်၊ ကြော်တယ်၊ လှော်တယ်… အကုန်လုပ်ပါတယ်။ အိမ်မှာကျတော့ အိမ်ရှင်မကောင်း မပီသတဲ့ အမေ့ကို ချစ်လွန်လွန်းလို့ ကြော်ရ၊ လှော်ရပြန်ပါတယ်။ အကြော်ဇယားကျသူဟာ အကြော်မတတ်ပေမယ့် ကြံတတ်တဲ့ မယားကျတော့ ခံရတဲ့ဘက်မှာပဲ ရှိနေတာကတော့ ဘယ်သူ့ဘယ်သူမှ ဂိုးမသွင်းနိုင်သေးပါဘူးလို့တော့ ပြောလို့ မရပါဘူး။ အေးမင်းတို့ မောင်နှမ ငါးယောက် ထွက်ခဲ့တာကိုသာ ကြည့်ကြပါတော့…။

အေးမင်းရဲ့ အကိုကြီး ကိုရာဇာကျတော့ အစိမ်းစားတတ်တယ်။ သူကျတော့ မကျက်လည်း ရတယ်၊ မချက်လည်း ရတယ်။ ကိုရာဇာက ဘယ်လိုမှကို မနေပါဘူး။ သူက စားမယ်ဆိုတာချည်းပါပဲ… အစိမ်းလေးက ပိုတောင် လတ်ဆတ်သေးလို့ သူက ဆိုတတ်တယ်။ ဟင်းသီး ဟင်းရွက်တွေ၊ သစ်သီး သစ်ဥတွေများ တခါတခါ ရေတောင် မဆေးတော့ဘဲ ဂျိုးဂျွက် ဂိုးဂွက်နဲ့ ၀ါးထည့်လိုက်လို့ အမေက သူချစ်တဲ့ သားကြီးကို ရိုက်ပြုပြီး နင့်ဟာက ရေလေးတော့များ ဆေးစမ်းပါဦးဟဲ့လို့ ပြောရတဲ့သူပါ။

မနှင်းစန္ဒာကတော့ အေးမင်းရဲ့ အထက်က အမပါ၊ ရုပ်ချောသလောက် သူကျတော့ အပျော့အပြဲ လူမကြိုက်တာမျိုးကိုမှ အဟုတ်မှတ်လို့ အရသာတွေ့တတ်သူပါ။ ထမင်းတောင် ပျော့တဲ့နေ့ဆို သူက ပျော်ပါတယ်။ အသီးအနှံတွေ ၀ယ်တာများပြီး စားတာနည်းလို့ စားမကုန်တဲ့အခါ ပျော့သွား ပျော်သွားတာမျိုးကို အများက မကြိုက်ချိန်မှာ မစန္ဒာက ပျော်ပျော်ကြီး စားတဲ့သူပါ။

လူစုံ စရိုက်စုံတွေ ပြည့်နေတဲ့ အေးမင်းတို့အိမ်ကလေးက ပျော်စရာပါ။ နောက်ဆို ပိုတောင် ပျော်ရဦးမယ်လို့ အေးမင်းထင်ပါတယ်။ နောင်များ ကံကောင်းလို့ သူ ကလေးရခဲ့ရင် သားကလေးတယောက်နဲ့ သမီးကလေးတယောက် သူရချင်တယ်လို့ တွေးမိတယ်။

သူ့သားကလေးဟာလည်း သူ့လိုပဲ အဖုတ်ကြိုက်လာပြီး သူ့သမီးလေးဟာလည်း သူ့အမေဖြစ်လာမယ့် သူကလေးလို အသုတ်တွေ ကြိုက်နေဦးမှာလို့ သူ့ဟာသူ တယောက်ထဲ တွေးပြီး အဲကွန်းကို အအေးဆုံးဖွင့်ပြီး တညလုံး အိပ်လိုက်တာ မနက်ကျတော့ မြောက်အိုးကွဲလေး အေးမင်းဟာ… လေဖြတ်ပါလေရောဗျို့…။

အဲဒီကတည်းက အေးမင်းဟာ အဖုတ်တွေ မစားနိုင်တော့ပါဘူး၊ အစပ်လည်း မစားနိုင်တော့ပါဘူး…။ ဒါပေမဲ့ သွားရည်တွေတော့ ကျလို့…။

၂၀၁၁ ခုနှစ်၊ အောက်တိုဘာလ ၂၈ ရက်။
မနက် ၁ နာရီ။