သတင်းထောက်ဆိုတာက အချက်အလက်ပေါ် အခြေခံရတယ်။ မျက်မြင်တွေ့ဖို့၊ ကိုယ်တိုင် စကားပြောခွင့်သာဖို့၊ မေးလို့မြန်းလို့ ရဖို့ကို အဓိကထား ကြိုးစား လေ့လာ အသုံးချရပါတယ်။ ဒါတောင် အပြောကောင်း အဟောကောင်းနဲ့ သတင်းထောက်ကို လှည့်စားနိုင်သူနဲ့ တွေ့ရင် ခံလိုက်ရတဲ့အခါ ရှိနိုင်သလို၊ သတင်းစာကို အသုံးချသွားတဲ့ သူတွေလည်း ရှိပြန်ပါတယ်။ ဒါက တပိုင်းပါ…။
တခါ ကျွန်တော်ကလည်း စိတ်ကူးသာ ယဉ်တတ်တာ… အလုပ်လုပ်တာမှာတော့ အင်မတန် လက်တွေ့ကျသူပါ။ ကိုယ်လုပ်နိုင်တာကို လုပ်နိုင်တယ်လို့ ပြောပါတယ်၊ မလုပ်နိုင်တာကိုလည်း မလုပ်နိုင်ဘူးလို့ ပြောပါတယ်။ ကျွန်တော် မရှင်းတာ သိချင်တာရှိရင် ဒါမှမဟုတ် ကျွန်တော် လုပ်ရမှာကို ပြတ်ပြတ်သားသား သိချင်ရင် ပွင့်ပွင့်လင်းလင်း မေးတတ်သူပါ။ ဒါကြောင့် တခါတခါမှာ ကျွန်တော့် အပြောအဆို အမေးအထောက်တွေက ရိသလို ရွဲ့သလိုတောင် ဖြစ်တတ်သွားပါတယ်။ ဒါက ဒုတိယတပိုင်းပါ။
အလုပ်ကော စိတ်ဓာတ်ပါ အဲဒီလိုရှိသူကို တခြားတယောက်က သူ့အိပ်မက်တခု ပြောပြလာရင် ဘယ်လိုဖြစ်မယ် ထင်ပါသလဲ။ စိတ်ဝင်စားစရာကောင်းလို့ အခုမှ ပြန်ရေးပြတာပါ။
ဖေ့စ်ဘုတ်သုံးစွဲလာတာ သုံးနှစ်ကျော် ရှိလာသလို သူငယ်ချင်းတွေကလည်း ထောင်နဲ့ချီ ရှိလာတော့ သူ့အက်ဒ်တာရော ကိုယ့်အက်ဒ်တာပါနဲ့ဆိုရင် ကျွန်တော့်သူငယ်ချင်းတွေထဲမှာ နိုင်ငံရေးသမားတွေ၊ စာပေပညာရှင်တွေ၊ အနုပညာရှင်တွေ၊ သတင်းစာဆရာတွေ၊ သံတမန်တွေ၊ ဌာနဆိုင်ရာဝန်ထမ်းတွေ၊ ကျောင်းသားတွေ၊ ပြည်တွင်းပြည်ပမှာ အလုပ်လုပ်ကိုင်နေသူတွေ စသဖြင့် အစုံရှိနေကြပါတယ်။
တရက်တော့ ခင်နေတဲ့ မင်းသမီးတယောက်က ပြောလာပါတယ်။
“အကို… ကျွန်မ အိပ်မက် မက်တယ်“
“ဟုတ်သလား၊ အိပ်မက် မက်တယ်လား“ ကျွန်တော်က တလွဲချော်တွေးတယ်၊ မင်းသမီးဆိုတာ ပလီတတ်တယ်လို့ မြန်မာရုပ်ရှင်တွေ ကြည့်ပြီး ကျွန်တော့်မှာ ကြိုတင်အထင် Prejudice ရှိနေခဲ့ပါတယ်။
“တကယ် ပြောတာပါ၊ ထူးဆန်းတယ်။ တခါမှလည်း အဲဒီလို မမက်ဘူးပါဘူး“
သူက ဆိုပြန်တယ်။
“ဟုတ်သလား၊ ထူးတယ်ဆို ပြောပါဦး“
“အိပ်မက်ထဲမှာ အမျိုးသမီး နိုင်ငံရေးခေါင်းဆောင်တဦးက ကျွန်မကို ခိုင်းတယ်၊ လူတယောက်ကို ဆံပင်ညှပ်ပေးလိုက်တဲ့၊ ဒီခေါင်းဆောင်ကိုလည်း စိတ်ထဲကနေ ရင်းရင်းနှီးနှီး သိနေခဲ့ပေမယ့် တခါဖူးမှ အိပ်မက်ထဲ မမက်ဘူးပါဘူး၊ ထူးဆန်းတာပေါ့။
ဒီတော့ ညှပ်ဆိုလည်း ညှပ်ရတာပေါ့ဆိုပြီး ညှပ်ပေးလိုက်တယ်။ အဲဒီလူမျက်နှာကိုတော့ ရေးတေးတေးပါပဲ၊ ဆံပင်ပုံစံကိုတော့ ကိုယ်ညှပ်တာဆိုတော့ သိတာပေါ့၊ ဒါပေမဲ့ အိပ်မက်ဆိုတော့လည်း အိပ်မက်ပေါ့လေ“
မင်းသမီးက ကျွန်တော့်ကို အတည်ကြီး ပြောပြနေတယ်။ မင်းသမီးကလည်း အလုပ်များသူမို့ အွန်လိုင်းမှာ အမြဲရှိနေတဲ့ ကျွန်တော်က သူ့ကို တခါတခါမှသာ စကားပြောခွင့် ကြုံတာပါ။ သူကလည်း ကျွန်တော့်ကို ခင်ပုံရတော့ သူ ဖေ့စ်ဘုတ် ၀င်ကြည့်တဲ့အခါမှာ တခါတခါ သာကြောင်း မာကြောင်း အပြန်အလှန် ပြောဆိုတတ်ကြပါတယ်။ ဒီတခေါက်ကတော့ ထူးထူးဆန်းဆန်း သူ့အိပ်မက်ကို လာပြောပြနေပါတယ်။
ထူးဆန်းတာပေါ့လေ၊ သူ ပြောတဲ့ စကားဆက်ကိုလည်း ကြည့်ပါဦး။
“အိပ်မက်ဆိုပေမယ့် အခု ဖေ့စ်ဘုတ် ၀င်ကြည့်တော့မှ ဟိုက်ရှားဘား ဖြစ်သွားတယ် အကို“
“`ဟင်“
ဒါက ကျွန်တော် ဖြစ်သွားတာပါ၊ မင်းသမီးကတော့ သူ့အိပ်မက်ကို တမ်ပို (ဇာတ်ရှိန် အမြင့်ဆုံး) ဆွဲတင်လိုက်ပြီလို့လည်း ကျွန်တော် ဆက်တွေးဖြစ်သွားပါတယ်။
သူက ဆက်ပြောပြန်ပါတယ်။
“ဘာဖြစ်လို့လဲဆိုတော့ ဒီနေ့ ဖေ့စ်ဘုတ်မှာ အကို့ ဓာတ်ပုံနဲ့ ဆံပင်ပုံစံအသစ်ကို တွေ့လိုက်တော့ ဟာ… အိပ်မက်ထဲမှာ ငါ ဆံပင်ညှပ်ပေးခဲ့တာ အကိုပဲ၊ ဒီဆံပင်ပုံစံပဲလို့ အံ့သြသွားတာဗျ“
“အို့…“
သူက ယောက်ျားလေးတယောက်လို စကားပြောတတ်ပါတယ်၊ ကျွန်တော်က တခါတခါ အူကြောင်ကြောင် တွေးတတ်တယ်။ သူများတွေ အတည်ပြောတာကို တခါတခါ ကျွန်တော်က ရယ်ချင်ရယ်နေတတ်ပြီး သူများက ရုတ်တရက် ရယ်စရာပြောလာရင်လည်း ကျွန်တော်က ရှေ့ဖြစ်နောက်ဖြစ် ချိန်ဆလို့ ဆက်စပ်တွေးချင်တွေးနေမိတတ်တယ်။ အခုလည်း ဒီလိုပဲပေါ့။
မင်းသမီးက လေးလေးနက်နက်နဲ့ အတည်ပြောပြတာကို ကျွန်တော်က နောက်ချင်နေတယ်၊ ပြီးတော့ မဖြစ်နိုင်တာဘဲလို့ ကျွန်တော်က ချက်ခြင်းတွေးပစ်လိုက်တယ်။ တကယ်တော့ “မဖြစ်နိုင်ဘူးဆိုတာ သေချာပြီလား“ ဆိုတဲ့ စာအုပ်ကို ကျွန်တော်လည်း မြည်းစမ်းကြည့်ဖူးတာပဲ၊ ဘာဖြစ်လို့ အဲဒီလို ချက်ချင်းတွေး ဖြစ်သွားသလဲတော့ မသိပါဘူး။ မင်းသမီးစကားဆိုတော့ ပိုပြီး မယုံမကြည် ဖြစ်ရမယ်လို့ အထက်က ဆိုခဲ့တဲ့ ကျွန်တော့် ကြိုတင်အထင်ကြောင့်များလား မသိပါဘူး။
နောက်ဆုံးတော့ ကျွန်တော်က
“အင်း… အိပ်မက်ကောင်းပါပဲ၊ ကျန်းမာချမ်းသာပါစေဗျာ“
ကျွန်တော်က ဘုန်းကြီးလိုလို ဘာလိုလိုနဲ့ ဆုတောင်းပေးလိုက်သေးတယ်။ မင်းသမီးပြောတာကိုလည်း ဆိုခဲ့သလို ကျွန်တော် ပေါ့ပေါ့ပဲ ထားလိုက်ပါတယ်။
ရက်နည်းနည်း ကြာသွားပြီးတော့ တခါ မင်းသမီးနဲ့ ဖေ့စ်ဘုတ်မှာ တွေ့ပြန်တယ်။ ဒီလိုပါပဲ… မင်းသမီးက စကားလာပြောတာပါပဲ။ ကျွန်တော် ဘ၀င်မြင့်ပြီး ပြောနေတာမဟုတ်ပါဘူး။ ခင်နေတဲ့ သူတွေကတော့ ကျွန်တော့်အလုပ်အကြောင်းကို နားလည်ကြပါတယ်။
ကျွန်တော့်ကို ခေါ်ကြည့်လိုက်တယ်၊ စကားပြန်ပြောတယ်ဆိုရင် ကျွန်တော် နည်းနည်းအားနေတယ်၊ အချိန်အားနည်းနည်း ရှိနေတယ် ဆိုတာကို သူတို့ သိလိုက်ကြတယ်၊ ခဏတဖြုတ်စကားပြောဖြစ်ကြတယ်။ အပြန်အလှန် လေးစားနားလည်မှု ကျွန်တော်တို့ ကြားမှာ ရှိကြတယ်။
ကျွန်တော် ဘ၀င်မမြင့်တတ်ပါဘူး၊ အခုထိပေါ့လေ… နောက်ပိုင်းတော့ အာမ မခံနိုင်ပါဘူး၊ ဒါတောင် ကျွန်တော့် သူငယ်ချင်းမကြီး တယောက်က ကျွန်တော့်ကို ဆီးသီးသည်လေး မဗျိုင်းလို့ ခေါ်တတ်တယ်၊ ကိုရင်ဗျိုင်းလို့ ဆိုလိုချင်တာပေါ့လေ၊ ထားပါတော့…။
“အကို… ကျွန်မ အိပ်မက် မှန်တယ်မို့လား“
မင်းသမီးက လေပြေပြေ ပျော့ပျော့လေးနဲ့ မေးလာပါတော့တယ်။
“ဗျာ…“
“အို့…“
အဲဒီတော့မှ ကျွန်တော် ပြန်သတိရတယ်၊ ပြန်စဉ်းစားကြည့်ရတယ်။ မင်းသမီးက ကျွန်တော် ရန်ကုန်မှာ သတင်းယူတုန်း ရိုက်ထားတဲ့ ဓာတ်ပုံတပုံကို ဖေ့စ်ဘုတ်ကနေ တွေ့ပြီး မေးလာတာကိုးဗျ။
အင်း… အခုဆိုရင်တော့ မင်းသမီး အိပ်မက်ကတော့ တကယ်ကို တိုက်ဆိုင်လွန်းနေပါတယ်၊ ဒါကို မင်းသမီး သိတယ်၊ ကျွန်တော်လည်း သိတယ်။ အခုတော့ အားလုံးသိအောင် ပြန်ရေးပြတာပါ။
တကယ်တော့ သတင်းထောက်ဆိုတာ အချက်အလက်ကို အခြေခံရတာပါ၊ ကိုယ်တိုင် တွေ့မေး စစ်ဆေး အကဲခတ်ပြီးမှ ရေးရသားရ ဟောရပြောရတာပါ။ ဒါကြောင့် ပါးတဲ့လူတွေနဲ့ တွေ့ရင် တခါတခါ ပွန်းသွားတတ်ပါသေးတယ်။ နောက်တခုက အိပ်မက်တွေ၊ ဗေဒင်တွေဆိုတာ မှန်ချင်တဲ့အခါ မှန်သလို မှားချင်တဲ့အခါလည်း မှားတတ်တယ်ဆိုတာကို ကျွန်တော် သိပါတယ်။
အခုတော့ ကျွန်တော့်မှာ အူကြောင်ကြောင်ကြီးကို ဖြစ်လို့… မင်းသမီးလေးကတော့ ပျော်နေမလား မသိပါဘူး။
ကျွန်တော် သတင်းထောက်ပါ၊ အချက်အလက်ကိုပဲ အခြေခံပါတယ်။ ကျေးဇူးတင်ပါတယ်။
၂၀၁၁ ခုနှစ်၊ အောက်တိုဘာလ ၅ ရက်။
မနက် ၁၁ နာရီ။
မိုးစက်မှော် 