ကျွန်တော် လန်ဒန်ရောက်နေတာ နှစ်နှစ်ကျော်သွားလေပြီ၊ တိတိကျကျဆိုရပါမူ နှစ်နှစ်နှင့် နှစ်လ။ လန်ဒန်ရောက်ပြီး မကြာမီ တခုသော ဆောင်းကို ဖြတ်ခဲ့ရပါတယ်။ အဲဒီဆောင်းမှာ နှင်းတွေ ကျပါတယ်၊ အဲဒီနှင်းတွေနဲ့ အသားကျပြီးတဲ့နောက်မှာ ကျွန်တော့်ကိုယ်ကျွန်တော် လန်ဒန်နာ (Londoner) လို့ ခံယူလိုက်ပါတယ်။ လန်ဒန်မှာ နေသူပေါ့။

အခုတော့ လန်ဒန်ကို ခဏတဖြုတ် ကျွန်တော် ခွဲရတော့မယ်။ အဲဒီတော့မှ လွမ်းသလိုလို ဆွေးသလိုလို… ဘာကိုဘာလို့ လွမ်းမှန်းမသိ…။

လန်ဒန်ရောက်စက အံ့သြသလားလို့ သူငယ်ချင်းတွေက မေးတော့ မအံ့သြဘူးလို့ ဖြေမိတယ်။ ကျွန်တော့်စိတ်ထဲတော့ လန်ဒန်ဟာ ရန်ကုန်ကို အကြီးချဲ့ထားသလို။ ထူးထူးဆန်းဆန်း တောက်တောက်ပြောင်ပြောင် ချွန်ချွန်ထက်ထက် အဆောက်အအုံမျိုးတွေ မတွေ့ရ၊ ရန်ကုန်လိုပဲ အဟောင်းအမြင်း အဆောက်အအုံတွေ၊ ထုကြီး ထည်ကြီး အဆောက်အဦတွေ၊ မီးခိုးရောင် ဒါမှမဟုတ် အ၀ါခြောက်ရောင် အရောင်မှိန်မှိန်တွေပဲ အတွေ့ရများတယ်။ လန်ဒန်ဟာ တည်တည်ငြိမ်ငြိမ် လှနေသလို…။

အမိမြေနဲ့ခွဲလို့ နိုင်ငံရပ်ခြားမှာ နှစ်ပေါက်အောင် နေဖူးတာ ဒီတခေါက်မှပါ။ နိုင်ငံတချို့ကို ရောက်ဖူးခဲ့ပေမယ့် ရက်ပိုင်း၊ သီတင်းပတ်ပိုင်း၊ လပိုင်းလောက်ပဲ နေခဲ့ဖူးပါတယ်။ အခုတခေါက်တော့ နှစ်ပေါက်အောင် နေလိုက်ရပြီ။ အဲဒီကမှတခါ ခွဲရတော့မယ်ဆိုတော့ ဘာလိုလို ညာလိုလို…။

တကယ်တော့ အဆန်းအသစ် အရောအပြွန်း အလှအပ အနုအရွတွေ များတဲ့ နေရာကို ကျွန်တော် သွားရတော့မှာပဲ၊ ဘာမှ အဟောင်းအမြင်း အရင့်အထော် အခြောက်အခန်းတွေအတွက် လွမ်းနေစရာမှ မဟုတ်တာ…။ ကြွတက်နေရမှာပေါ့၊ အခုတော့… တမျိုး၊ လန်ဒန်နာ လွမ်းနေသတဲ့။

၂၀၁၁ ခုနှစ်၊ သြဂုတ်လ ၂၆ ရက်။
၀၀း၀၀ နာရီ။