“ဦး စွာ“ဆိုလို့ မြန်မာတယောက်လို့ မထင်လိုက်ပါနဲ့… မြန်မာမဟုတ်ပါဘူး၊ ကုလားလည်း မဟုတ်ပါဘူး၊ အင်္ဂလိပ်လည်း မဟုတ်ပါဘူး၊ ဘာလူမျိုးမှန်းတော့ မသိဘူး၊ ကတုံးကေနဲ့.. မုတ်ဆိတ်ကျင်စွယ် နည်းနည်းနဲ့ ဂျင်းဘောင်းဘီနဲ့ တီရှပ်နဲ့ ဂျက်ကတ်တထည်နဲ့… လူတယောက်၊ ကျွန်တော်တို့ ရပ်ကွက်ထဲကပါပဲ၊ တိတိကျကျ ပြောရရင် လမ်းထောင့်က စတိုးဆိုင်သေးသေးလေးက ၀ိုင်းလုပ်ဝိုင်းစား သာမန်အလုပ်သမား တယောက်ပါပဲ၊ မထင်မရှား လူတယောက်ပါ။ ကျွန်တော်ကတော့ ခိုက်တယ်၊ သူ့နာမည် ဦးစွာ… ဘယ်သူမှ ပေးတာ မဟုတ်ဘူး၊ ကျွန်တော် ပေးထားတာ… မမိုက်ဘူးလား။

“ဂေါ်လီအထာနဲ့ တော်ကီမပါဘဲ
စော်ကြည်တာလဲ ဦးစွာ… ဦးစွာ“

ဟစ်ဟော့ပ်ပုံစံ သီချင်းတပိုင်းတစဟာ ဦးစွာကို မြင်ပြီးနောက်မှာ ကျွန်တော့်နှုတ်ဖျားက အံ့စရာ ထွက်ကျလာတာပါ။ မသိဘူး… သူ့ကို ကြည့်နေရင်း အလိုလို နှုတ်ခမ်းဖျားပေါ် ဒီတေးသွား ရောက်လာတာပါပဲ။ တကယ်တော့ ဦးစွာကို ကျွန်တော် စကားလေးတောင် ပြောဖူးတာ မဟုတ်ပါဘူး။ ဖြတ်သွားဖြတ်လာ မျက်လုံးချင်း ဆိုင်ကြည့်မိရင် ပြုံးပြနှုတ်ဆက်ရုံပါပဲ။

ခုန သီချင်းတပိုင်းတစလေး ပြန်ကောက်ရမယ်ဆိုရင် ဦးစွာကို တခါတခါ ပိုးလ်မလေး (ပိုလန်သူ) တွေနဲ့ အထာတွေ လန်းနေတာ တွေ့ရမယ်၊ မကြာမကြာ ကုလားမလေးတွေနဲ့ ဖလန်းဖလန်း ထချင်ထနေလိမ့်မယ်။ တော်ကီမပါဘူး… ဦးစွာပြုံးနေမယ်၊ ရယ်နေမယ်။ သူ့မျက်မှန်ကြီးကို ကျော်ပြီး ပိုးလ်မလေးရဲ့ ရင်ဘတ်ကို ကြည့်ချင်ကြည့်နေမယ်။ ကျွန်တော့်ကို မင်းက… ဘယ်လိုလုပ် သိသလဲလို့ လာမမေးနဲ့… အကြည့်ချင်းဆုံရင် ရန်သူဖြစ်တတ်တာ သဘာဝပဲ။

ခက်တော့ ခက်တယ်… ကျွန်တော့်ကိုယ် ကျွန်တော် ပြောပါတယ်။ ကျွန်တော် အားကျတဲ့ လူတိုင်းကိုတော့ စာဖတ်သူတွေ အနေနဲ့ လိုက်ပြီး အားမကျစေချင်ဘူး။ ဆိုပါစို့ရဲ့… ကျွန်တော် ဗိုလ်ချုပ်အောင်ဆန်းကို အားကျတယ်။ အင်း… ဒါကောင်းတယ်လေ၊ မဟုတ်ဘူးလား။ ကျပေါ့… ဗိုလ်ချုပ်ကို အားကျတာပဲ ကောင်းတာပေါ့။ ဗိုလ်ချုပ်… ကျွန်တော်တို့ရဲ့ လွတ်လပ်ရေးဖခင်၊ ငယ်ငယ်ရွယ်ရွယ်နဲ့ တော်တဲ့သူ၊ ရိုးဖြောင့်သူ… တိုင်းပြည်အပေါ် သစ္စာရှိသူ။ အိုကေ…။ မဟုတ်ဘူးဗျ၊ ဗိုလ်ချုပ်နဲ့ ကျွန်တော် မပြီးချင်သေးဘူး။

တခါ ကျွန်တော်က ဓာတ်ရှင်မင်းသားကြီး ညွန့်ဝင်းကိုလည်း အားကျပြန်သေးတယ်။ ညွန့်ဝင်းက ချောတယ်လေ (ကျွန်တော် ငယ်ငယ်ကထဲက သူ့ ဘလက်အင်န် ၀ှိုက် ရုပ်ရှင်ကားတွေနဲ့ ကြီးလာခဲ့ရတာကိုး)၊ သူ့ရဲ့ အထိုးအသတ် ကားတွေလည်း ကောင်းတယ်၊ အချစ်ကားတွေလည်း မိုက်တယ်၊ သီချင်းဆိုတာကလည်း ကောင်းတယ်။ ညွန့်ဝင်းကို ကျွန်တော် ကြိုက်တယ်။

အဲ… ခက်တာက အကယ်ဒမီပေးပွဲတခုမှာ ညွန့်ဝင်းကို ကျွန်တော် ဆက်ကြိုက်ရ မကြိုက်ရ ဝေခွဲမရ ဖြစ်ဖူးတယ်။ အဲဒီနှစ်က ရုပ်ရှင်ဒါရိုက်တာ ကြည်စိုးထွန်း ရိုက်ကူးတဲ့ “သူ့ကျွန်မခံပြီ“ ဇာတ်ကားနဲ့ မင်းသားကြီး ညွန့်ဝင်း ခုနစ်ကြိမ်မြောက်လား၊ ရှစ်ကြိမ်မြောက်လား အကယ်ဒမီ ရတယ်။ ရပေါ့… သရုပ်ဆောင် ကောင်းတဲ့သူပဲ၊ ရသင့်လို့ ရတာပဲ… ကျွန်တော် မုဒိတာ ပွားတယ်။

ဒါပေမဲ့ ပြဿနာက အကယ်ဒမီလည်း ရပြီးရော ညွန့်ဝင်း ဖောက်သွားတယ်။ “သခင်မျိုးဟေ့… ဒို့ဗမာ“ ဆိုလား သူက တိုင်ပြီး ပရိသတ်ကို သူ့နောက်က လိုက်ရွတ် ခိုင်းတယ်။ ဟ… သွားပြီ၊ ဘိုးတော် နောက်ပြီလို့ ကျွန်တော် တွေးခဲ့မိတယ်။ ကျွန်တော့်ထက် ပိုပြီး စိတ်ညစ်စိတ်ရှုပ်သွားပုံရတာက ဗိုလ်ချုပ်ကြီးခင်ညွန့်…။ အဲဒီတုန်းက နိုင်ငံတော်အေးချမ်းသာယာရေးနဲ့ဖွံ့ဖြိုးရေးကောင်စီ (စစ်အစိုးရ)ရဲ့ အတွင်းရေးမှူး ၁ ပဲ၊ နိုင်ငံတော်ရဲ့ နံပါတ် ၃ အဆင့်ရှိပုဂ္ဂိုလ်၊ ကျွန်တော်နဲ့တော့ ဘာမှမဆိုင်ပါဘူး။

ဗိုလ်ချုပ်ကြီးခင်ညွန့်က ၀ါသနာအရ အကယ်ဒမီပွဲကို လာတက်ရောက် ချီးမြှင့်တယ်၊ မင်းသားကြီးညွန့်ဝင်းက အကယ်ဒမီရပြီး ကောင်းကောင်းမနေဘူး၊ လျှောက်အ်ာတယ်။ သူက “သခင်မျိုးဟေ့…“ လား အော်တယ်၊ အကယ်ဒမီပွဲတက် ပရိသတ်က အူကြောင်ကြောင်တွေဖြစ်ပြီး “ဒို့ဗမာ…“ ဆိုတာကို အသံထွက်ချင်သလိုလို မထွက်ချင်သလိုလိုနဲ့ အိညှောက်အိညှောက် လိုက်အော်ရတယ်။ တကယ့်ကို သနားစရာကောင်းတဲ့ ပွဲတက်ပရိသတ်…။ ကျွန်တော်က အိမ်က ရုပ်သံကနေ တိုက်ရိုက်ကြည့်နေတာပါ။

ခုနပြောတဲ့ ဗိုလ်ချုပ်ကြီးခင်ညွန့်မျက်နှာက ဆီးရွက်လောက်ပဲ ရှိတော့တယ်။ သူနဲ့ ညွန့်ဝင်းနဲ့က နဂိုကထဲက ခင်မင်ပုံလည်း ရတယ်။ သူတို့ကို ရုပ်မြင်သံကြားကနေ ကျွန်တော် မြင်နေရတယ်။ ဗိုလ်ချုပ်ကြီးဟာ မင်းသားကြီးညွန့်ဝင်းရဲ့ အပြုအမူကြောင့် ထပဲပြေးရမလိုလို၊ ခပ်တည်တည်ပဲ ဆက်ထိုင်နေရမလို၊ လက်ခုပ်လက်ဝါးတီးပြီး လိုက်အော်ဟစ်ရမလို… ဟုတ်တယ်၊ သူ့ဘက်က နည်းနည်းလေး စဉ်းစားကြည့် ပေးပါလေ… နိုင်ငံတော်မှာ တတိယအဆင့်အမြင့်ဆုံး အာဏာအရှိဆုံးပုဂ္ဂိုလ်…။ တခါ အနုပညာရှင်တွေရဲ့ စွမ်းပကားက သိပ်ကြီးပါတယ်၊ ပရိသတ်ကို ဂယောင်ချောက်ခြားဖြစ်အောင် လုပ်နိုင်စွမ်းရှိပါတယ်။ သိပ်တော်တဲ့ အနုပညာရှင်မှာ မှော်အတတ် ရှိတယ်လေ…။

ဗိုလ်ချုပ်ကြီးခင်ညွန့်ကတော့ ထောက်လှမ်းရေးဗိုလ်ချုပ်ကြီးမို့ တူပါတယ်၊ တည်တည်ငြိမ်ငြိမ်ဘဲ စိတ်မသက်မသာနဲ့ ရင်ဆိုင်သွားရှာတယ်။ သူ့စိတ်ထဲကတော့ ဒီလို ဖြစ်မယ်ထင်ပါတယ်… “အော်… ကိုညွန့်ဝင်း… တော်တော်နောက်တာပဲ“ လို့…။

ထားတော့… ညွန့်ဝင်းနဲ့စပ်လို့ လူကြမ်းမင်းသားကြီးမြင့်နိုင်ကိုလည်း ကျွန်တော် အလွန်ကြိုက်ခဲ့တာပဲ။ အထူးသဖြင့် ရုပ်ရှင်ထဲမှာ မင်းသမီးကို အဓမ္မကြံတော့မယ့် အခန်း… နဖူးက ချွေးတွေကျ၊ မျက်လုံးက တဏှာမီးဝင်းဝင်းတောက်… ကြာပြုံးခေါ်မလား… ဘီးလူးပြုံး သရဲပြုံးခေါ်မလားနဲ့ မင်းသမီးကိုကြည့်ပြီး “မင်း… ငါ့လက်ခုပ်ထဲက ရေပါ“ ဆိုတဲ့ အိုက်တင်… အခုထိ မျက်စိထဲက မထွက်ဘူး။ တခါတခါ မင်းသမီး အင်္ကျီဖြဲပစ်လိုက်တဲ့ အခန်းမျိုးတောင် ပါတတ်သေးတယ်၊ ကံကောင်းတဲ့အခါ ကြုံရင်ပေါ့လေ…။ ကျွန်တော်က ကြိုက်လိုက်ရင် အဲဒီလိုတလွဲ… ဘာပဲဖြစ်ဖြစ် ကျွန်တော် ကြိုက်တယ်လေ။

အလကား စကားတွေ ခင်းနေတာမဟုတ်ဘူး၊ ကျွန်တော်ကြိုက်ချင်လို့ ကြိုက်တဲ့ လူ့စရိုက်တွေ ရှိတယ်လို့ ပြောချင်တာပါ။ ဒါကြောင့် သာမန်အလုပ်သမား လမ်းထောင့်က ကုန်စုံဆိုင်က ၀ိုင်းလုပ်ဝိုင်းစား ဦးစွာကို ကျွန်တော် ကြိုက်တာကိုလည်း အပြစ်မမြင်စေချင်ပါဘူး။ ကဲ… ဒါဖြင့် ဟုတ်ပြီ၊ ကြိုက်စမ်းပါ၊ မင်းဘာသာ ကြိုက်တာပဲ၊ သေအောင်ကြိုက်စမ်းပါ၊ အေး… ဒါပေမဲ့ ဘာကို ကြိုက်တာလဲ ဆိုတာတော့ ပြောပြစမ်းပါဆိုရင်တော့ ဒီလိုလေး ပြောလိုက်ချင်ပါတယ်။

ဦးစွာ လမ်းလျှောက်တဲ့ပုံကို ကျွန်တော် ကြိုက်တယ်။ အရပ်က ကလန်ကလား (ခြောက်ပေလောက် ရှိရော့မယ်)၊ လူက ပိန်ပိန်ပါးပါး၊ ဗိုက်ကလည်း ပိန်ပိန်လေး (ဗိုက်ပူပူ ကျွန်တော့်အတွက်တော့ အင်မတန် အားကျစရာ ကောင်းတဲ့ ကိုယ်လုံးပိုင်ရှင်)၊ ဂျင်းဘောင်းဘီ အပြာရောင်အနွမ်းနဲ့… အပေါ်က ရှပ်အင်္ကျီ ဒါမှမဟုတ် တီရှပ်နဲ့ ဂျက်ကတ်ထပ်ဝတ်ထားတဲ့ ဦးစွာ လမ်းလျှောက်တဲ့ပုံဟာ အဝေးကနေ ကြည့်ရင်တောင် ရေလည်လန်းနေပါတယ်။

ကျွန်တော့် ဘကြီးတယောက် လမ်းလျှောက်ပုံနဲ့တောင် နည်းနည်းတူပါတယ်။ ဘကြီးကလည်း အရပ်ကလန်ကလားပါပဲ၊ ဒါပေမဲ့ နည်းနည်းဖိုင့်တယ်။ အဲဒီမှာ သူက လက်ပြင်ကို ကုန်းလိုက်ပြီး ပခုံးဘေး တဖက်တချက်မှာ ချထားရတဲ့ လက်တွေကိုလည်း ခပ်ကားကား လုပ်ပစ်လိုက်တယ်။ ပြီးမှ လက်ပြင်ကုန်းကုန်း လက်ကားတဲ့ ပုံစံ လမ်းလျှောက်တာ… သိပ်ကြည့်လို့ကောင်းတယ်လို့တော့ ကျွန်တော် ထင်တာပါပဲ။ ငယ်ငယ်ကလည်း အဲဒီလို ထင်ခဲ့တယ်၊ အခုလည်း ထင်နေဆဲ…။ ဘာတဲ့… ဟောလီးဝုဒ် မင်းသားကြီး ဂရီဂိုရီပက် Gregory Peck လမ်းလျှောက်တဲ့ဟန်တဲ့၊ ကြိုက်လိုက်တာ သေရော…။

ကြုံလို့ပြောရဦးမယ်၊ မင်းသားကြီး ၀င်းဦး သီချင်းဆိုရင်း အိုက်တင်လုပ်တဲ့အခါ ဂုတ်နဲ့ ခေါင်းနောက်စေ့ကို ကပ်ပြီး၊ မျက်ခုံးတွန့် မျက်မှောင်ကုပ်လို့ ပခုံးမြှင့်လိုက်ပြီး ဟိုဘက်ကြည့်လိုက် ဒီဘက်ကြည့်လိုက် လုပ်တဲ့ အိုက်တင်မျိုးတွေ၊ ရင်ဘတ်ကြီးမို့ပြီး လက်မောင်းကို ကွေးပြ၊ ဆန့်ပြ၊ လက်ဖျံကိုပြတဲ့ ပုံစံတွေ… စန္ဒရားပေါ် ထိုင်သလို မထိုင်သလိုလုပ်ပြီး ခပ်ကျပ်ကျပ်ဝတ်ထားတဲ့ ဘောင်းဘီနဲ့အတူ ပေါင်လုံးပြတာတွေကို ကြိုက်မိခဲ့ပြန်တယ်။ အော်… ဒါကြောင့်လည်း မောင်ဝင်းဦးလေးကို ဘွားတော်ကြီးတွေက ကြိုက်နေကြတာကိုးလို့လည်း အသက်နည်းနည်းကြီးလာတော့ တွေးတတ်လာခဲ့တယ်။

ပြောရင်း ဟိုရောက်ဒီရောက်နဲ့ ကျွန်တော့် ဦးစွာ ပျောက်သွားပါဦးမယ်၊ ဟိုစတိုင်ကြိုက် ဒီစတိုင်ကြိုက်တတ်တဲ့ ကျွန်တော့်အတွက် ကျွန်တော်အားကျတဲ့ ယောက်ျားတွေထဲမှာ ဦးစွာက အခုလို မထင်မှတ်ဘဲ ပါလာခဲ့တယ်။ ကြိုက်တယ်ဆိုလို့ တလွဲမတွေးပါနဲ့ဦး၊ ဘာစိတ်ညာစိတ် မဟုတ်ပါဘူး။ ကြိုက်တယ် ခိုက်တယ်ဆိုတာ အဓိပ္ပာယ် ဖွင့်ရရင် အလိုလိုနေရင်း ခင်မင်နေတယ်၊ လေးစားတယ်၊ အားကျတယ်ဆိုတာမျိုးပါ။ ပြဿနာက သိပ်တော်လို့လည်း မဟုတ်ဘူး (ဗိုလ်ချုပ်ကတော့ ချွင်းချက်ထားပေးပေါ့ဗျာ)၊ သူရဲကောင်း ဖြစ်နေဖို့လည်း မလိုဘူး၊ ကျွန်တော် သဘောကျချင်လို့ ကျတယ်၊ ဒါပဲ။

ဒီတော့ ကျွန်တော် သဘောကျတဲ့ ဦးစွာကို အဲဒီ လမ်းထောင့် ကုန်စုံဆိုင်လေးရှေ့က ကျွန်တော် ရုံးသွားရုံးပြန် ဖြတ်ရတိုင်း သတိထားကြည့်မိတယ်၊ အမြဲတွေ့တာမျိုးလည်း မဟုတ်ဘူး။ တခါတလေလည်း မျက်လုံးချင်းဆုံတဲ့အခါတော့ ပြုံးပြနှုတ်ဆက်ပေါ့။ အမှတ်မထင်လည်း သူ့အမူအရာတွေ၊ အိုက်တင်တွေ၊ လမ်းလျှောက်ပုံတွေကို လေ့လာမှတ်သားပေါ့။ အလကားမှတ်နေတာ မဟုတ်ဘူးလေ၊ ကျွန်တော်က ၀တ္ထုလေးတပုဒ်လောက် ရေးချင်တာပေါ့၊ အဲဒီ ဦးစွာအကြောင်းကိုလေ…။

တရက်တော့ ကျွန်တော် မနက်စောစော ရုံးအသွား ရထားပေါ်မှာ… လူကလည်း ရှင်းနေတာနဲ့… ဦးစွာ ပုံရိပ်ကို စိတ်အာရုံထဲ ဖမ်းခေါ်ထည့်ပြီး ဇာတ်လမ်း ဖော်ကြည့်တယ်။ သူ့လှုပ်ရှားပုံ၊ ပြုမူပုံ၊ မျက်နှာပေး အမူအရာတွေက အလွှတ်ရပြီးသား ကျွန်တော်က များများ တွေးစရာမလိုဘူး၊ ဦးစွာ မင်းသားဖြစ်သွားပြီ… ကျွန်တော့် ဇာတ်လမ်းထဲမှာလေ… ဟိုစဉ်းစား ဒီစဉ်းစားနဲ့ ကျွန်တော် ဇာတ်အိမ်ဆင်လိုက်… ဇာတ်ကွက်ချလိုက်… ဇာတ်ပန္တွက်ရိုက်လိုက်နဲ့ ကျွန်တော်… ကျွန်တော့် ဇာတ်လမ်းထဲက မင်းသား ဦးစွာ… ကျွန်တော့် ဦးစွာကို သဘောကျလွန်းလို့ တခွီးခွီးနဲ့ ရယ်နေမိတယ်။

ရထားတွဲထဲမှာကလည်း လူကနှစ်ယောက်တည်း… ကျွန်တော်ရယ်… မျက်စောင်းထိုးနေရာမှာ ထိုင်နေတဲ့ ကောင်မလေးရယ်…။ ကောင်မလေးက ကြောင်အမ်းအမ်းဖြစ်လို့… စိုးထိတ်ကြောက်ရွံ့သွားပုံလည်းရရဲ့… ကျွန်တော်ကတော့ ကောင်မလေးကို တခေါက်ထက်ပိုလို့တောင်မှ မကြည့်ဖြစ်ခဲ့ပါဘူး။ ကျွန်တော့်ဘာသာ အလုပ်တွေရှုပ်လို့… ကျွန်တော်ခိုက်တဲ့ ဦးစွာနဲ့ပေါ့…။

၂၀၁၁ ခုနှစ်၊ သြဂုတ်လ ၂၀ ရက်။
မနက် ၀၀း၃၀ နာရီ။