“ကိုယ့်စိတ်တောင် ကိုယ်မယုံရတာ ဘယ်သူ့ကို ယုံရမှာလဲ“။

ကျွန်တော့်အတွက် အဓိက အားနည်းချက်တခုမှာ လူတွေကို ယုံလွယ်တတ်တာပင် ဖြစ်ပါတယ်။ ဒီတော့ အဲဒီလူတွေက သူတော်ကောင်းတွေ ဖြစ်နေရင် ပြဿနာ မရှိပါ၊ မဟုတ်ရင်တော့ အနည်းနဲ့အများဆိုသလို ကျွန်တော် ခံစားရပါတယ်။

ခက်တာက ကျွန်တော်ကလည်း သူတော်ကောင်း မဟုတ်၊ ဒီတော့ လူတွေ သူတော်ကောင်း မဟုတ်တော့လည်း ကျွန်တော့်မှာ အပြစ်ပြောပိုင်ခွင့် မရှိ။ ခက်တော့ဖြင့် နေပါပြီ။ ပိုခက်တာက ခုန ကျွန်တော်ပြောခဲ့သလို ကိုယ့်စိတ်တောင် ကိုယ်မယုံရတာ ဘယ်သူ့ကိုများ ယုံရဦးမှာလဲ။

ယုံတယ်ဆိုတာ ဘာပါလဲ၊ ယုံတယ်ဆိုတာ မှန်တယ်လို့ ယူဆတာ၊ ယုံကြည်တာ၊ စိတ်ချတာပေါ့။ လက်တွေ့ဘ၀မှာတော့ ကျွန်တော်တို့ ယုံကြည်ရသူ တဦးဦးကို ကိုယ့်ရဲ့ ကိစ္စ၀ိစ္စတွေ ထုတ်ဖော်ပြောပြ တိုင်ပင်တာ၊ အကြံဥာဏ်ယူတာ၊ ကိုယ့်ရဲ့ အတွေ့အကြုံ၊ ဖြတ်သန်းမှု ပျော်စရာ၊ ၀မ်းနည်းစရာတွေကို ဝေမျှခံစားတာကို ပြောတာပါ။ ယုံမှ ကြည်တယ်ဆိုတဲ့ စကားကလည်းရှိတော့ လူတယောက်နဲ့တယောက် ယုံကြည်မှုရှိနေမှ တယောက်အထာ တယောက်နားလည်တာ၊ အတူနေလို့ လက်တွဲ အလုပ်လို့ရတာ တွေဟာ ယုံကြည်မှုကနေ ပေါက်ပွားလာတဲ့ နောက်ဆက်တွဲတွေပေါ့။

တခြားတဖက်မှာတော့ ကိုယ့်စိတ်တောင် ကိုယ်မယုံကြည်ရတဲ့ အဖြစ်အပျက်တွေကလည်း ရှိတာပါပဲ။ ဥပမာဗျာ… အရက်မသောက်တော့ဘူးလို့ စိတ်ထဲ ပိုင်းဖြတ်ထားတယ်၊ အဲ… အရက်ကို တွေ့တော့လည်း မနေနိုင်ဘူး၊ သောက်လိုက်တယ်။ ပိုင်းဖြတ်ထားတဲ့ စိတ်ကို ဖောက်ပြန်လိုက်တာပဲ၊ ချိုးဖျက်လိုက်တာပဲ။ ကိုယ့်စိတ်ကို ကိုယ့်ဘာသာ အလွဲသုံးစားပြုလိုက်တာပဲ။

ကဲ… ဘယ်လိုလုပ်မလဲ။ ကိုယ့်စိတ်ကိုတောင် ကိုယ်မယုံကြည်ရရင်၊ ဖောက်လွဲဖောက်ပြန်ပြုဖြစ်ခဲ့ရင် ပြီးတဲ့အခါ ကျွန်တော်တို့ မအီမသာ ခံစားရတယ်။ ကိုယ့်ဟာနဲ့ ကိုယ်တောင် ခံစားရရင် တခြားလူလုပ်တာကို အပြစ်ပြောနေဦးမှာလား။ တခြားလူက ကိုယ့်ယုံကြည်မှုကို အလွဲသုံးသွားတာ၊ သုံးနေတာကို စိတ်ဆိုးနေဦးမှာလား။ ပြဿနာတွေ ဖြစ်နေဦးမလား။

ခက်တာက ဒီနေ့ခေတ်မှာ လုပ်ငန်းကိုင်ငန်းတွေ တော်တော်များများက ခေါင်းတလုံးထဲနဲု့လုပ်တာထက်စာရင် ခေါင်းတွေ အများကြီး ပေါင်းထည့်ပြီး အပြိုင်အဆိုင် လုပ်နေကြရတာ ဖြစ်တယ်၊ ဒီတော့ ထိုက်သင့်တဲ့ ယုံကြည်မှုတွေ (အနိမ့်ဆုံး ယုံကြည်မှုလို့ ဆိုကြစို့ရယ်) ထားပြီး ငြိမ်းချမ်းစွာ အတူယှဉ်တွဲ လုပ်နေကြရတာဖြစ်တယ်။

တခုစဉ်းစားရမှာကတော့ အနိမ့်ဆုံးယုံကြည်မှုထက် သာလွန်ကဲတဲ့ ယုံကြည်မှုတွေ ထားသင့်သလားဆိုတာပါပဲ။ တကယ်တမ်းလက်တွေ့မှာတော့ ယုံကြည်မှုများလေ၊ အလုပ်ခွင်တွေမှာ တက်ကြွပျော်ရွှင်ရလေပါပဲ။ ကိုယ်က အလုပ်ရှင်နေရာမှာရှိလို့ ကိုယ့်အလုပ်သမားတွေနဲ့ ကိုယ်ရဲ့ ယုံကြည်မှုက အပြန်အလှန်ရှိပြီး အမြင့်ဆုံးမှာ ရောက်နေရင် အလုပ်သမားတွေက ကိုယ့်အတွက် အလုပ်လုပ်ပေးနေရတာ ပျော်နေသလို ကိုယ်ကလည်း အလုပ်သမားတွေရဲ့ လိုအင်တွေ ဖြည့်ဆည်းပေးနေရတာကို ပျော်နေ၊ ပေးချင်နေလေပါပဲ။

ကိုယ်က အလုပ်သမားနေရာမှာရှိပြီး အလုပ်ရှင်အတွက် အလုပ်လုပ်ပေးနေရလည်း နှစ်ဘက်ကြား ယုံကြည်မှုတွေ အကောင်းမွန်ဆုံး ရှိနေတယ်ဆိုရင် အလုပ်ရှင်အတွက်၊ လုပ်ငန်းအတွက် အလုပ်လုပ်ရတယ်၊ ပင်ပန်းတယ် နစ်နာတယ်လို့ကို မထင်တော့ဘဲ အလုပ်တွေ အများကြီး လုပ်နေမိပါတယ်။ လုပ်ငန်းနဲ့ အလုပ်ရှင်အပေါ် ဒါမှမဟုတ် ကိုယ့်ကို တိုက်ရိုက်ကြီးကြပ်သူအပေါ် ယုံကြည်မှု ကျဆင်းလာတယ်ဆိုရင်တော့ လုပ်ငန်းခွင်မှာ မပျော်တော့သလို ကိုယ့်တက်ကြွမှုနဲ့ အလုပ်အင်အားကလည်း မသိမသာ ကနေ သိသိသာသာ ကျဆင်းလာတတ်ပါတယ်။

နောက်တခုကတော့ ပေါင်းဆင်းဆက်ဆံရေးထဲက ယုံကြည်မှုပါ၊ ဒါက သားအမိ၊ ဆရာတပည့်၊ သူငယ်ချင်း၊ ချစ်သူ စတဲ့ အပြန်အလှန်ရှိတဲ့ ဆက်ဆံရေးတိုင်းမှာ ဒီယုံကြည်မှုတွေ ဖြစ်ထွန်းတတ်ပါတယ်။ မိဘနဲ့သားသမီးကြား ယုံကြည်မှုကတော့ အပြောင်းအလဲ တော်တော်နည်းပါတယ်။ အလွန်ကို ဆိုးရွားလွန်းမှသာ ယုံကြည်မှု ပျောက်တတ်တာမျိုးပါ။
ှိ
ဆရာတပည့် ယုံကြည်မှုကတော့ ဆရာ့အရည်အချင်းပေါ်မှာ တည်သလို တပည့်ရဲ့ ကြိုးစားအားထုတ်မှုနဲ့ နားလည်တတ်ကျွမ်းမှုပေါ်မှာလည်း မူတည်တတ်ပါတယ်။ မည်ကာမတ္တဆရာမျိုးကို ဘယ်တပည့်ကမှ ကာလရှည်ကြာ ယုံကြည်လေးစားမှု မရှိတတ်ပါဘူး။ ဆရာဘက်ကလည်း အဲဒီလိုပါပဲ… ကြိုးစားအားထုတ်မှုမရှိတဲ့ တပည့်၊ ကြိုးစားတယ်ဆိုပေမယ့်လည်း နားလည်တတ်ကျွမ်းမှု မရှိတဲ့ တပည့်ဆိုရင် အလကားပါပဲ။ ယုံကြည်မှု မရှိတော့ပါဘူး။

သူငယ်ချင်းနဲ့ ချစ်သူရည်းစားကြား ဆက်ဆံရေးကတော့ ယုံကြည်မှု ဒီဂရီတွေ ရှိမယ်လို့ ထင်ပါတယ်။ သူငယ်ချင်း အများကြီးထဲကမှ သူငယ်ချင်းတယောက်ကို ပိုခင်နေတတ်တယ်၊ လူတွေအများကြီးထဲကမှ ဒီတယောက်ကို ချစ်ခင်နေတတ်တယ် ဆိုတော့ ယုံကြည်မှုဒီဂရီက သူ့တယောက်တည်းပေါ်မှာ သိသိသာသာ ပိုလွန်သက်ရောက်နေတဲ့ သဘောဖြစ်ပါတယ်။

အဲ… ယုံကြည်မှုပျက်ရင်တော့ ဆက်ဆံရေး ပျက်တော့တာပါပဲ။ သူငယ်ချင်းအပေါ် ခုနပြောခဲ့တဲ့ ယုံကြည်မှု ဒီဂရီလျှော့ချလိုက်တာနဲ့ သူငယ်ချင်းချင်း ဆက်ဆံရေး လျော့သွားပါတယ်။ ချစ်သူချင်းဆိုရင်တော့ ခွာပြဲသွားနိုင်ပါတယ်။ ယုံကြည်မှုဆိုတဲ့နေရာမှာ ကိုယ့်ခံစားချက်တွေ၊ လျှို့ဝှက်ချက်တွေ၊ ပျော်ရွှင်မှုတွေ၊ မျှဝေခံစားလိုမှုတွေ အကုန်ပါနေတာကိုးဗျာ။

လူတယောက်ရဲ့ အောင်မြင်မှု၊ ရှုံးနိမ့်မှု၊ ၀မ်းမြောက်မှု၊ ၀မ်းနည်းမှု၊ စိတ်လှုပ်ရှားမှု စတာတွေကို သူတို့ ယုံကြည်ရတဲ့ လူနဲ့သာ ဝေမျှခံစားကြတာမို့ ကျွန်တော်တို့ ဘယ်သူ့ကို ယုံလို့ မျှဝေခံစားမလဲဆိုတာ ရွေးချယ်လာရပါတယ်။

တခါ ယုံကြည်မှု ဆိုတာကလည်း အပြန်အလှန် သဘောရှိတာမို့ အယုံမလွယ်ဖို့လည်း လိုသလို အရာအာလုံးကို မယုံမကြည် ဖြစ်မနေဖို့လည်း လိုပါတယ်ခင်ဗျာ။

၂၀၁၁ ခုနှစ်၊ မေလ ၂၈ ရက်။ စနေနေ့။
ညနေ ၅ နာရီ။