ငယ်ငယ်ကထဲက (အသက် ၁၀ နှစ် ၀န်းကျင်လောက်ပေါ့) မနက်ဆို အဆိုတော် မာမာအေးရဲ့ မင်္ဂလာ ၁၂ ပါး သီချင်းနဲ့ အိပ်ရာထပါတယ်။ အဖေက ကြာနီကန်ဆရာတော်ရဲ့ တရားခွေ အရင်ဖွင့်တယ်။ ဆရာတော်ကလဲ အပြော အဟောက ကောင်းဆိုတော့ နိုးနေပေမဲ့ မထသေးဘဲ အိပ်ရာထဲကနေပဲ တရားနာ(နားထောင်နေတယ်)။ အဲ..မာမာအေးရဲ့ မင်္ဂလာ ၁၂ ပါး သီချင်းမှာတော့ လုံးဝ နိုးထ လာခဲ့ပါပြီ။

မြန်မာသံတီးလုံးလေးကလဲ ကောင်းမှကိုးဗျာ။ အခုတော့ အဲဒါလေး နားမထောင်ရတာ နှစ် ၂၀ နီးပါးလောက်တောင် ရှိမှပေါ့။ အခု ၂၀၁၀ ပြည့်နှစ်၊ မေလထုတ် အပျိုစင် မဂ္ဂဇင်းမှာ စာရေးဆရာ မောင်ကောင်းမြင့်ရေးတဲ့ “တစ်ခုသော စိန်ရတု၊ ရွှေရတု“ ဆောင်းပါးမှာ မင်္ဂလာ ၁၂ ပါး ထည့်ရေးထားတာ တွေ့တာနဲ့ ပြန်ကူးပြရပါတယ်။ မြန်မာဆိုရင် ကိုယ်လုပ်ကိုင် ဆောင်ရွက်လို့ ရတဲ့ မင်္ဂလာတွေ သိထားတော့ ကောင်းတာပေါ့လေ။

၁။ ဂဗ္ဘသာဝက မင်္ဂလာ (ပဋိသန္ဓေစွဲသည့်နေ့ကစပြီး အခါအားလျော်စွာ ပြုရသော မင်္ဂလာ)

၂။ ၀ိဇာတ မင်္ဂလာ (ဖွားမြင်သောအခါ ပြုရသော မင်္ဂလာ)

၃။ အာဟာရ ပရိဘောဂ မင်္ဂလာ (ထမင်းခွံ့ရသောအခါ ပြုရသော မင်္ဂလာ)

၎။ တမ္ဗုလ ဘတ္တ မင်္ဂလာ (ကွမ်းခွံ့သောအခါ ပြုရသော မင်္ဂလာ)

၅။ ဒေါဠာကရဏ မင်္ဂလာ (ဧယာဉ်ပုခက်လွှဲသောအခါ ပြုရသော မင်္ဂလာ)

၆။ ကေသစ္ဆ ဒန မင်္ဂလာ (ဆံပင်ပယ်သောအခါ ပြုရသော မင်္ဂလာ)

၇။ ဂေဟာ ကရဏ မင်္ဂလာ (အိမ်သစ်တက် မင်္ဂလာ)

၈။ သာမဏေရ ပဗ္ဗဇ မင်္ဂလာ (ရှင်ပြု မင်္ဂလာ)

၉။ ကဏ္ဏ ၀ိဇ္ဈန မင်္ဂလာ (နားသ မင်္ဂလာ)

၁၀။ ဒုဿာ ဂဟန မင်္ဂလာ (ပုဆိုး ထဘီ ၀တ်သောအခါ ပြုရသော မင်္ဂလာ)

၁၁။ စူဠဂဟန မင်္ဂလာ (ဆံထိုး ဦးသျှောင် ထုံးသောအခါ ပြုရသော မင်္ဂလာ)

၁၂။ အာဝါဟ ၀ိဝါဟ မင်္ဂလာ (လက်ထပ် မင်္ဂလာ)

အဲဒီ မင်္ဂလာ ၁၂ ပါး သီချင်းနဲ့ နိုးထခဲ့ရတဲ့ မနက်ခင်းတိုင်းဟာ မင်္ဂလာ ရှိနေသလိုပါပဲ။ အသက် ၁၀ နှစ်သား လောက်ပဲ ရှိသေးတဲ့ ကိုယ်ဟာ အတော်လေး တက်ကြွ လန်းဆန်း ခဲ့ဖူးပါတယ်။ အဆိုတော် မာမာအေးရဲ့ အသံကလဲ ကောင်းမှ ကောင်းကိုဗျာ။

ဒီမင်္ဂလာတွေထဲမှာ တချို့ဟာတွေကတော့ ကုလား ယဉ်ကျေးမှုကနေ ကော်ပီတွေ ဖြစ်ကောင်း ဖြစ်မှာပါ။ ဒါပေမဲ့ မြန်မာမှာလဲ ဒီလို ယဉ်ကျေးမှုတွေ ရှိပါလားဆိုပြီး သိရတာပေါ့ဗျာ။

အခုက ဂျပန်နိုင်ငံမှာ လူကြီးဖြစ်ပွဲတို့၊ လက်တင်အမေရိကမှာတော့ Quinceañera လို့ခေါ်တဲ့ အသက် ၁၅ နှစ်ပြည့် မြောက်သူ မိန်းကလေးတွေရဲ့ (အပျိုဖြစ်ပွဲလို့ ခေါ်ရမလားမသိ) ဆုံတွေ့ပွဲ၊ နောက် အိန္ဒိယမှာပဲ သမီးအပျိုဖြစ်ပွဲတွေကို ဖတ်နေ၊ ကြားနေ၊ မြင်နေရတော့ ဟာ ဒို့မှာလဲ ဒါတွေ ရှိတာပဲ၊ မြန်မာမှန်ရင် ဒါတွေ သိထားသင့်တာပဲလို့ ယုံကြည်လို့ ပြန်မျှဝေ လိုက်ရတာပါ။

မြန်မာတွေက မင်္ဂလာရှိတာကို တန်ဖိုးထားကြတာမို့ ပဋိသန္ဓေစတည်ပြီဆိုတာနဲ့ အဖေရော၊ အမေရော၊ အဖိုးတွေ၊ အဖွားတွေ၊ ဆွေမျိုးတွေရော အလွန်ဝမ်းသာပြီး အဲဒီအိမ်ဟာ မင်္ဂလာတွေ ရှိကုန်တော့တာပါပဲ၊ အဲဒီအိမ်တင် မကပါဘူး၊ အိမ်နီးနားချင်းတွေ၊ လမ်းထဲက လူတွေကပါ မင်္ဂလာတွေ ရှိကုန်ပြီး တချို့ဆို ထီတွေ ဘာတွေ ထိုးကြတာတောင် ရှိပါတယ်။

ထမင်းခွံ့၊ ကွမ်းခွံ့တာ…ဒါကတော့ ကုလားဆီက လာတာများလားလို့ ထင်မိပါတယ်။ ပုခက်လွှဲတာတို့၊ ဆံပင် ပယ်တာတို့ကျတော့ နန်းတွင်းက လာတယ်ထင်ပါရဲ့။

အိမ်သစ်တက်တာကြတော့ တရုတ်ဆီကပဲ လာသလား၊ မြန်မာအစစ်ပဲလား သေချာမသိပါဘူး။ တရုတ်တွေကတော့ ဖွင့်ပွဲတို့၊ လုပ်ငန်းသစ်တို့ စပြီဆိုရင် ကြီးကြီးကျယ်ကျယ်ဖွင့်လှစ်တတ်ကြတာကလားဗျာ။

ရှင်ပြု၊ နားသကတော့ ချစ်စရာအရွယ် သားလေးတွေ၊ သမီးလေးတွေကို မင်းသား၊ မင်းသမီးလေးတွေလို ၀တ်စား ဆင်ယင်ပေးပြီး သာသနာ့အရေးဆက်နွယ်လို့ ဆောင်ရွက်ကြတာ ကုသိုလ်လဲရ၊ ပျော်လည်းပျော်ရ၊ ကြည်နူးစရာလဲ ကောင်းပါတယ်။ တချို့မိဘတွေဆို သားရှင်ပြုပွဲ ကျင်းပနိုင်ဖို့အရေး ပဋိသန္ဓေတည်တာနဲ့ တပြိုင်နက် သားလေး မွေးဖို့ ဆုတောင်းကြပါသတဲ့။ ကျွန်တော့်မေမေလဲ သားလေး(ကျွန်တော်)မွေးတော့ အတော် ၀မ်းသာခဲ့သတဲ့လေ။

ပုဆိုး၊ ထဘီ ၀တ်တာကတော့ ခုနပြောခဲ့တဲ့ ၁၅ နှစ်ပြည့်ပွဲတို့၊ လူကြီးဖြစ်ပွဲတို့နဲ့များ တူသလားမသိ၊ အရင်က ပုဆိုးဆိုတာက ယောက်ျားလေးဆို အတောင် ၂၀ ၀တ်ရတာကိုးဗျာ…နော်။ ၁၅ နှစ်လောက်ကြမှသာ ခွန်အားဗလ ဖြိုးကြွယ်လို့ အတောင် ၂၀ ကို ပတ်ထားနိုင်မှာကိုးနော်…။ မိန်းကလေးတွေကလဲ ဗလာထဘီလိုမျိုး ပတ်ထားရတာ ပါပဲ။ သူတို့လဲ အဲဒီလောက်မှ နိုင်နိုင်နင်းနင်း ပတ်နိုင် ဆီးနိုင်မှာပေါ့လေ။

ဆံထုံး၊ ဦးသျှောင်ထုံး တာကတော့ နည်းနည်း အရွယ်တင့်လာတဲ့အချိန်လို့ ထင်တာပဲ၊ လူကြီးပီပီဖြစ်ပြီပေါ့လေ။ မင်္ဂလာဆောင်ဖို့ ရယ်ဒီမိတ်ဖြစ်တဲ့အရွယ်လို့ ပြောရမလားမသိပါဘူး။ ဒီခေတ်ကတော့ ယောက်ျားလေးရော၊ မိန်းကလေးတွေပါ ဆံပင်တွေ ဖြတ်ပစ်ကြတဲ့ခေတ်(အပြေးအလွှား သွားလာလုပ်ကိုင်ရတဲ့ခေတ်၊ ရာသီဥတု အလွန်ပူတဲ့ခေတ်)ဆိုတော့ ဒီမင်္ဂလာ ကတော့ ခေတ္တဆိုင်းငံ့ရမဲ့ သဘောရှိပါတယ်။ ကမ္ဘာကြီးပူနွေးလာမှုကနေ ကမ္ဘာကြီးအေးချမ်းသွားမှုဆီရောက်မှပဲ ပြန်လည်ဆင်နွှဲနိုင်တော့မယ်ထင်ပါ့ဗျာ။

အဲ..နောက်ဆုံးကတော့ အာဝါဟ ၀ိဝါဟ ထိမ်းမြားမင်္ဂလာဆောင်နှင်းကြတာပေါ့ဗျာ။ ဒါက အရေးကြီးတယ်လေ… လူ့မျိုးရိုးမျိုးဆက် မတိမ်ကောဖို့ဆိုတာ ဒီမင်္ဂလာရှိမှ ဖြစ်မှာကိုးဗျနော်။ တစ်ခါ ဒီမင်္ဂလာနဲ့ စလိုက်မှပဲ နံပါတ်တစ် မင်္ဂလာဆီ တကြော့ပြန်သွားနိုင်မှာကိုးဗျ။ သံသရာအစ မင်္ဂလာလို့ ခေါ်ရမလားမသိ။

အဲ…စကားမစပ် အခုတော့ အမေရိက က သိပ္ပံပညာရှင်က မိဘမပါဘဲ(အာဝါဟ ၀ိဝါဟ မင်္ဂလာမပြုပါဘဲ) လူလုပ်ဖို့ ကြံနေတာ အောင်မြင်မှု လမ်းစ တွေ့နေပြီပြောပါတယ်။

သပ္ပုရိသ(သူတော်ကောင်းအပေါင်း)တို့…နံပါတ် ၁၂ မင်္ဂလာကို အောင်အောင်မြင်မြင် ပြုချင်ရင်တော့ ဒီသိပ္ပံပညာရှင် စမ်းသပ်မှု မအောင်မြင်ခင် မြန်မြန် ဆောင်နှင်းနိုင်မှ တော်ကာ ကြပါလိမ့်မယ်။ မဟုတ်ရင် ဒီမင်္ဂလာဟာ ပေါ့ပျက်ပျက် ဖြစ်သွားနိုင်ပါတယ်။

မင်္ဂလာ နံပါတ် ၁၂ ကနေ မင်္ဂလာ နံပါတ် ၁ ကို တကြော့ပြန် လည်သွားခဲ့ပေမဲ့…မင်္ဂလာ ၁၂ ကနေ ကျော်လွန် လိုက်ရင် တော့ ဇရာ(အို) ဗျာဓိ(နာ) မရဏ(သေ)ဖို့ကလဲ ရှိနေပြန်ပါသေးတယ်။ အဲဒါကျတော့ မြန်မာတွေက လည်သဗျာ။ မင်္ဂလာမဟုတ်တော့ဘူး…အမင်္ဂလာတဲ့။

အို့…မင်းသားကြီး ကိုကျော်သူကျတော့ အမင်္ဂလာတွေလို့ လူတွေဆိုကြတဲ့ နာရေးကူညီမှုတွေကို စိတ်နှလုံး ကောင်းကောင်းနဲ့ တတ်စွမ်းသမျှကူညီနေပြီး မင်္ဂလာရှိအောင် နေထိုင်ပြနေပြန်တော့ ဘယ်ဟာက အဓိက မင်္ဂလာ၊ ဘယ်ဟာက သာမညမင်္ဂလာလဲ ဆိုတာကိုတော့ သပ္ပုရိသအပေါင်းကပဲ ကိုယ်ပိုင်ဥာဏ်နဲ့ စဉ်းစားဆုံးဖြတ်တော် မူကြပါ ခင်ဗျာ။

စာဖတ်သူအပေါင်း မင်္ဂလာများ တိုးပွားပြီး သကာလ အာယု(အသက်ရှည်ခြင်း)၊ ၀ဏ္ဏ(အဆင်းလှခြင်း)၊ သုခ(ချမ်းသာ ကြီးခြင်း)၊ ဗလ(ခွန်အားကြီးခြင်း)၊ ပဋိဘာန(ဥာဏ်ပညာကြီးခြင်း)တို့နဲ့ ပြည့်စုံကြပါစေခင်ဗျာ။

က္ကဿာ၊ မစ္ဆရိယ(မနာလိုခြင်း၊ ၀န်တိုခြင်း) ကင်းစင်ပြီး ဖြူသောနှလုံးနဲ့ စင်သောစိတ်(မုဒိတာ)ထား ပွားနိုင်ကြပါစေ ခင်ဗျာ။

၂၀၁၀ ပြည့်နှစ်၊ မေလ ၂၁ ရက်။ သောကြာ မွန်းလွဲ ၂ နာရီ။