ပစ်ပစ်ခါခါ မလုပ်ပါနဲ့ကွာ
နစ်နစ်နာနာကြီး ခံစားရတာမို့
မင်းကို မုန်းဖို့ စဉ်းစားလိုက်တိုင်း
ငါ့ကိုယ်ငါမုန်းဖြစ်သွားတာ အကြိမ်ကြိမ်တိုင်းမှာ

စိုက်စိုက်မကြည့်လိုက်ပါနဲ့
ခိုက်ခိုက်ထိအောင် အောင့်အင့်သွားတာ ဒီမှာ
နောက်ကိုပဲ လှည့်လှည့်ကြည့်ပြီး
ငါ့ကို ကြည့်တာမဟုတ်ပါစေနဲ့လို့ ဆုတောင်းမိခါခါ

ရိုက်ပါနှက်ပါ မင်းကြိုက်သလို ဆုံးမပါ
စကားမပြောဘဲနဲ့တော့ မနေပါနဲ့ကွာ
ဒီကမ္ဘာမှာ ငါ့အတွက် နေစရာ မရှိတော့လို့ပါ
ငါ အပြီး ထွက်ခွာသွားရမှာလား

အေး သေလိုက် အဲဒီကနေ ခုန်ချပြီး သေလိုက်လို့ မဆိုပါနဲ့လား
မင်း ဟိုဘက်မလှည့်ခင် ခုန်ချပြီးဖြစ်နေမှာနော်
ငါ မရူးပါဘူး မင်းအတွက် ထူးနေမယ်ဆိုရင်
အသက် ၅၀၀ ဘ၀ ၅၀၀ ငါ့အတွက် ရယ်စရာပါကွာ

သေသွားရင်ကော မင်းကို မချစ်တော့ဘူးလို့များ ထင်သလားဗျာ
ပေါ့ပေါ့ မတွေးပါနဲ့လားကွာ
မင်းကိုယ်ထဲ ၀င်လိုက် ခွာလိုက်နဲ့
မင်း လန့်ဖျပ်ပြီး ဘုန်းကြီးတွေ ပင့်တဲ့အထိ
ငါ ချစ်နေဦးမှာပါ
ငါ ချစ်နေဦးမှာပါ
ငါ ချစ်နေဦးမှာပါ….။

၂၀၁၀ ပြည့်နှစ်၊ ဧပြီ ၁၆။ ည ၁၀ နာရီ။

Advertisements