မြန်မာစာအဖွဲ့ဦးစီးဌာနက ထုတ်ဝေတဲ့ မြန်မာအဘိဓာန်က “အချစ်“ကို အဓိပ္ပာယ် မဖွင့်ပါ။ “က“ကနေ“အ“အထိ စကားလုံးတည်ပုဒ်ပေါင်း သောင်းချီကို အဓိပ္ပာယ်ပြန်ပေးပေမဲ့ အချစ်ကိုတော့ ဆရာ့ဆရာကြီးတွေ အဓိပ္ပာယ်မဖွင့်ကြ။

မတတ်လို့လား၊ မဟုတ်ပါဘူး။ မချစ်ဘူးလို့လား၊ မဟုတ်ပါ။ အချစ်ဆိုတဲ့အရာက ဒြပ်မဲ့သဘောဆောင်လို့ အဓိပ္ပာယ်ဖွင့်ရခက်ခြင်းပင်။ ရှင်းလင်းတိကျတဲ့ အနက်ကို မပေးနိုင်လို့ မဖွင့်ဆိုကြတာလည်း ဖြစ်နိုင်ပါတယ်။ စိတ်နဲ့ အာရုံနဲ့မှ ခံစားလို့ရတဲ့ အရာတွေကို အဓိပ္ပာယ်ဖွင့်ရ ခက်ပါတယ်။

အချစ်ဆိုတာဘာလဲဆိုရင် ဂျာအေးသူ့အမေရိုက်ကိန်းဖြစ်သွားနိုင်ပါတယ်။ မေတ္တာထားတာပါ၊ သူကောင်းစားဖို့ စီမံဆောင်ရွက်ပေးတာ၊ ဖြည့်ဆည်းပေးတာပေါ့၊ နှစ်ကိုယ်တူခံစားချက်တစ်ခုကို ပူးတွဲဆောင်ရွက်တာပေါ့။

မေတ္တာဆိုတာဘာလဲ ပြန်မေးတော့ ချစ်ခင်တာပါပဲ။ သူကောင်းစားဖို့ စီမံပေးတယ်ဆိုတာလည်း ချစ်လို့ပါပဲ။ အမူအရာအားဖြင့် လက်တွေ့အားဖြင့် လူမြင်သာအောင် ပြောဆို ပြဆိုနိုင်ပေမယ့်လည်း အဓိက ကတော့ ချစ်ခြင်းဆိုတာကို စိတ်နဲ့ ဒါမှမဟုတ် ရင်ဘတ်ကြီး(နှလုံးသား) နဲ့မှ ခံစားလို့ရပါတယ်။

လူတစ်ယောက်နဲ့ လူတစ်ယောက်ချစ်ဖို့ ခင်ဖို့ လွယ်သလား၊ ခက်သလား။

ဘယ်သူ့ကို ချစ်ဖို့လဲ၊ ဘယ်လိုချစ်ဖို့လဲ။

အမေ့ကို ချစ်တာပေါ့၊ မောင်လေးကို ချစ်တာပေါ့၊ ချစ်သူကို ချစ်တာပေါ့၊ သူငယ်ချင်းကို ချစ်တာပေါ့။

ပေးခြင်းက ချစ်ခြင်းကို ဖြစ်စေသလား။

အမေ့ကို သားက ချစ်တယ်၊ ချစ်မှာပေါ့ အမေက သားကို အမြဲအရိပ်တကြည့်ကြည့်နဲ့ လိုတာ မှန်သမျှ အချိန်မဆိုင်းဘဲ ဖြည့်ဆည်းပေးနေတာကိုး။

ချစ်သူက ကိုယ့်ကို ချစ်တယ်၊ ချစ်မှာပေါ့…ကိုယ့်ကြောင့် ချစ်သူ တစ်စက္ကန့်တောင် ငြိုငြင်ဖူးလို့လား။

သူငယ်ချင်းချင်းချစ်တယ်။ ချစ်မှာပေါ့ သွားအတူ လာအတူ စားအတူ ကောင်းအတူ ဆိုးအတူ နေကြတာကိုး။

မျှဝေခြင်းက ချစ်ခြင်းကို ဖြစ်စေသလား။ သေချာတာပေါ့။ မျှဝေတယ်ဆိုတာကလည်း ပေးတာပါပဲ။

ချစ်ချင်ရင် ဒါမှမဟုတ် အချစ်ခံချင်ရင် များများသာပေးပါ၊ ပိုက်ဆံတတ်နိုင်ရင် ပိုက်ဆံပေးပါ၊ လုပ်အားတတ်နိုင်ရင် လုပ်အားပေးပါ၊ လေတတ်နိုင်ရင် လေပေးပါ။

ပေးတာက ပျော်စရာကောင်းတယ်လား။ ပေးတာနဲ့ ယူတာ ဘယ်ဟာက ပိုပျော်စရာကောင်းသလဲ။

ပေးသူနဲ့ ယူသူ ဘယ်သူက ပိုတက်ကြွသလဲ။

တစ်ယောက်ချင်း အတွေး၊ အနေအထား၊ ဆောင်ရွက်ပုံတွေကတော့ နည်းလမ်းတူကြမှာ မဟုတ်ပါဘူး။ အဖြေကလည်း အမှန်တစ်ခုတည်း မဟုတ်ပါဘူး။

ပေးတာကို ၀မ်းမြောက်တဲ့သူက အမြဲပေးတယ်၊ မရှိရင် ပေါင်နှံချေးငှားပြီး ပေးတယ်။ ပေးရတာကို သူက ပျော်နေတာ၊ ပေးစရာမရှိရင် စိတ်ဆင်းရဲရတယ်။

ယူတာကို သဘောကျတဲ့သူကလည်း ရတိုင်း ပျော်နေတာ၊ မရရင် စိတ်ဆင်းရဲရတယ်။

ဒီတော့ ကိုယ်ဟာ အယူသမားလား၊ အပေးသမားလားဆိုတာကို အယူ-အပေး/စိတ်ချမ်းသာမှု-စိတ်ဆင်းရဲမှုနဲ့ တိုင်းရမယ်။

ပေးဖို့ဆိုတာ တကယ်တော့ မလွယ်ပါဘူး။ ပေးလိုက်တယ်၊ ပေးနိုင်တယ်ဆိုတာ တကယ်တော့ စွန့်လွှတ်လိုက်ရတာပါ။ ဘယ်သူမှ အလကား မစွန့်လွှတ်နိုင်ကြပါဘူး။

စွန့်လွှတ်နိုင်တယ်ဆိုလည်း အသုံးမတည့်တာ၊ စုတ်နေတာ၊ ကိုယ့်မှာပိုနေတာတွေကိုပဲ စွန့်လွှတ်တယ်ဆိုရင် တကယ့်စွန့်လွှတ်ခြင်းတော့ မဟုတ်ပါဘူး။ မည်ကာမတ္တ စွန့်လွှတ်ခြင်းလောက်ပဲဖြစ်ပြီး အကျိုးလည်း သိပ်မရှိပါဘူး။

ပေးတဲ့လက်က ဖြူပြီး ယူတဲ့လက်က မည်းပါတယ်။ ပေးတဲ့လက်က နွေးပြီး ယူတဲ့လက်က အေးပါတယ်။ ပေးတဲ့လက်က ရဲတင်းသလောက် ယူတဲ့လက်က တွန့်ပါတယ်။ ပေးတာက မြင့်မြတ်ပြီး ယူတာက နိမ့်ကျပါတယ်။

ချစ်တယ်ဆိုတာ ပေးတဲ့သဘောရှိပါတယ်။ မေတ္တာက အေးတဲ့သဘောရှိပါတယ်။ အေးတဲ့အရာတွေကို ပေးနေတယ်(အေးချမ်းသာယာစေဖို့ အကျိုးလိုလား မေတ္တာဝေနေတယ်)ဆိုရင် ချစ်မေတ္တာတွေနဲ့ ဝေစည်နေမှာပါ။ ဒါပေမဲ့ ပေးတယ်ဆိုတာ မြင့်မြတ်တာကိုမှ ပေးဖို့လိုပါတယ်။ ကောင်းတာကို ပေးဖို့လိုပါတယ်။

ချစ်မေတ္ထာသင်ခန်းစာကို အလွယ်တကူဆိုရင် အပေးသင်ခန်းစာလို့တောင် ခေါ်လို့ရပါတယ်။

မချစ်တတ်သူ(ချစ်သူမရှိသူ)ကို ချစ်တတ်စေချင်(ချစ်သူရစေချင်)ရင် အများကြီးသင်ပေးနေစရာမလိုပါဘူး၊ ပေးတတ်အောင် အရင် သင်ပေးလိုက်ရုံပါပဲ။

မပေးသရွေ့တော့၊ ကပ်စေးနှဲနေလို့ကတော့ သေသာသွားရော ချစ်ခြင်းမေတ္တာဆိုတာ ဘာမှန်းတောင် သိလိုက်မှာ မဟုတ်ပါဘူး။

၂၀၁၀ ပြည့်နှစ် ဇန်န၀ါရီလ ၂ ရက်၊ နံနက် ၂ နာရီ။