ဒီလူတွေနဲ့ အရင်တစ်ခေါက်ကတွေ့လိုက်၊ အခုပြန်တွေ့လိုက်၊ ဒီမျက်နှာတွေ မြင်ဖူးလိုက်နဲ့ ထပ်မိတ်ဆက်လိုက်နဲ့၊ ကိုယ့်ဟာကိုယ်တွေးရင်း ပျောက်ဆုံးသွားတာက ကိုယ်ကိုယ်တိုင်ဖြစ်နေတာပါပဲ။

ဖြစ်ရပ် ၁

မနက် အိပ်ရာကထ အလုပ်ထွက်လာတယ်။ ရှေ့မှာ မိန်းမတစ်ယောက် ကျော်လိုက်မယ်၊ ကျော်လိုက်တယ်။ ရှေ့ဆက်လျှောက်လာတယ်၊ နောက်ထပ် မိန်းမတစ်ယောက် ကျော်လိုက်မယ်၊ ကျော်လိုက်တယ်။ နောက်မှ သေချာပြန်ကြည့်တော့ “ဟာ၊ ခုနကျော်လာခဲ့တဲ့ မိန်းမပဲ၊ ဘယ်နှယ့် နောက်တစ်ခေါက် ပြန်ကျော်နေရတာလဲ“။

ဖြစ်ရပ် ၂

ကျွန်တော့် နာမည် မောင်မောင်ပါ၊ စာရေးပါတယ်။ လူတစ်ယောက်ကို မိတ်ဆက်လိုက်တယ်။ တော်နေကြာတော့ လူတစ်ယောက်နဲ့ ထပ်သိပြန်တယ်၊ မိတ်ဆက်ရတယ်၊ “ကျွန်တော့်နာမည် မောင်မောင်ပါ၊ စာရေးပါတယ်၊ ဟင်..ဟိုတစ်ခေါက်က မိတ်ဆက်ခဲ့ဖူးတဲ့လူပဲ“။

ဖြစ်ရပ် ၃

ကိုယ့်ဘ၀တွင် လူသာမန်တိုင်း ခံစားခွင့်ရှိပါလျှက် ခံစားခွင့်မကြုံသေးသော အရသာတစ်မျိုးကို အိပ်မက်ထဲမှာ ခံစားခွင့်ရလိုက်တယ်။ နောက်တစ်ခါ အိပ်မက် မက်တယ်၊ ထပ်တူ။

အခုတော့ ရထားကြီးတစ်စင်းပေါ်မှာ

တွဲခြောက်စင်းပါ ရထားတစ်စီး ညဥ့်နက်သန်းခေါင်မှာ ခုတ်မောင်းနေတယ်။ တကယ်တော့ ရထားတွေက ညဥ့်သန်းခေါင်ဆိုတာနဲ့ ရပ်ကုန်ပြီ။ အဲဒီတစ်စင်းပဲ မောင်းနေတယ်၊ ညဥ့် ၁၂ နာရီ မထိုးခင်မောင်းတဲ့ ရထားတိုင်းမှာ မောင်းသူပါတယ်၊ အခုတစ်စင်းက မောင်းသူ မပါဘူး။ မနက်စောစောကနေ သန်းခေါင်မတိုင်ခင် မောင်းတဲ့ရထားတွေပေါ်မှာ စီးသူအပြည့်၊ ကြပ်သိပ်လို့ တိုးစီးရတယ်။ အခုရထားပေါ်မှာ စီးသူ တစ်ယောက်မှ မပါ၊ ကိုယ်တစ်ယောက်တည်း။ ပုံမှန်ရထားတွေက အပြာရောင်၊ ဒီရထားက အနီရောင်။

ထူးတော့ ထူးဆန်းတယ်၊ အိပ်မက်လည်း မဟုတ်ဘူး။ မဖြစ်နိုင်တာက ဘယ်လိုလာဖြစ်နေတယ် မသိ၊ ကိုယ်ဟာ ဘယ်လိုနည်းနဲ့မှ ညကို တစ်ယောက်တည်း လမ်းထွက်မှာ မဟုတ်ဘူး။ အခုတော့ ထူးထူးဆန်းဆန်း ဒီရထားပေါ် ရောက်နေတယ်။ ရထားက ဘူတာစဉ်အတိုင်း ရပ်လိုက်ထွက်လိုက်၊ ရပ်တဲ့အခါ တံခါးက အလိုလို ပွင့်သွားတယ်၊ တစ်ခါ ပြန်ပိတ်သွားတယ်။ လူတော့ တစ်ယောက်မှ တက်မလာဘူး၊ ရထားပေါ်မှာကလည်း ကိုယ်တစ်ယောက်တည်းရှိတာ။

အသံဆိုလို့ တစ်ခါတခါ ရထားရပ်ရင် ရထားတွဲတံခါး အဖွင့်အပိတ်အသံက လွဲလို့ ဘာသံမှ မရှိဘူး။ ချောက်ချားမယ်ဆို လူသေတွေထားတဲ့ ရေခဲတိုက်ထဲ ညသန်းခေါင်ရောက်နေသလိုမျိုး၊ မီးချောင်းတွေ ထွန်းထားလို့ ရထားတွဲမှာရော၊ ဘူတာတွေမှာပါ လင်းနေတာကလွဲလို့ ဘာသံမှ မကြားရဘူး။ တိတ်ဆိတ်နေတယ်။ ကိုယ့်အသက်ရှုသံဟာ ရထားစီးနေတဲ့ ကိုယ်ကြားရတဲ့ အကျယ်ဆုံးအသံပဲ။

ကြောက်သလားမေးရင် မကြောက်ဘူးလို့ဖြေရင် လိမ်ရာကျမယ်။ ကြောက်တယ်၊ ဒါပေမယ့် မကြောက်ဘူး။ ကြောက်တာက တိတ်ဆိတ်မှုကို ကြောက်တာ၊ တစ်နေကုန်အသံတွေနဲ့ အလုပ်လုပ်သူမို့ အသံမရှိရင် မနေတတ်တော့ဘူး။ အသံမကြားရဘဲနေရရင် တစ်ခုခုမှားနေပြီ၊ လွဲနေပြီလို့ ကိုယ်က ယူဆတာကလား၊ အခု အတိုင်းဆို တစ်ခုခုမှားနေပြီပေါ့၊ သေချာတာပေါ့၊ တစ်ခုခုတော့ မှားနေပြီဆိုတာ၊ ဒါကြောင့် ကြောက်တာ။

မကြောက်ဘူးဆိုတာက အဆန်းအသစ်ကို အမြဲမွတ်သိပ်သူမို့ အခုအတွေ့အကြုံကို ဒီကမ္ဘာမှာ ကိုယ်တစ်ယောက်တည်းရပြီဆိုတဲ့အထာနဲ့ တက်ကြွရဲတင်းနေတာ။

ညဥ့်က ပိုနက်လာတယ်၊ ရထားကလည်း ခုတ်လိုက် ရပ်လိုက်။ ကိုယ်က ဘယ်ဘူတာ ဆင်းရမှာလဲ။ ရထားစီးရင် ကိုယ်လုပ်တာက နှစ်ခုပဲ၊ ငိုက်တာနဲ့ စာဖတ်တာ။ မြို့အစွန်ဘက်လောက်မှာနေတော့ ရထားစစီးရင် အမြဲလိုလို နေရာရတတ်တယ်။ နေရာရသူဟာ ခုနပြောတဲ့ အလုပ်လုပ်ခွင့်ရှိတယ်ပေါ့။ မတ်တပ်ရပ်ရရင်တော့ ငိုက်လို့လည်း မကောင်းသလို စာဖတ်လို့လည်း မကောင်းပါဘူး။

အဲ..ဘူတာဝင်ရင်တော့ တစ်ခါ ကိုယ့်ရှေ့ဘက်မှာ ထိုင်တဲ့သူတွေကို ကျော်ပြီး မှန်ပြတင်းကို ဖောက်လို့ မြေအောက်ရထားလမ်း မြေထိန်းနံရံဘက်ခြမ်းမှာ ကပ်ထားတဲ့ ကြော်ငြာတွေ ဖတ်တာပဲ။ ကြော်ငြာတွေက အမြဲပြောင်းပြောင်း ကပ်နေတော့ အမြဲကြည့်ဖြစ်နေတာပေါ့လေ။

အခုမှ သတိထားမိတယ်၊ ကြည့်စမ်း.. တချို့ကြော်ငြာတွေဆို ၂ ခေါက်ရှိပြီ ဖတ်နေရတာ။ ဟာ ဒါဆို ဒီဘူတာတစ်ခုကို နှစ်ခေါက် နှစ်ခေါက် ပြန်ပြန်ရောက်နေတာများလား။

နည်းနည်းတော့ ကြက်သီးထသွားတယ်။ လွဲနေပြီ၊ တစ်ခုခုတော့ လွဲနေပြီ။ ဒါဆို တစ်ခုခုလုပ်ရတော့မယ်၊ ဘာလုပ်မလဲ၊ ရထားကနေ အပြင်ထွက်မလား၊ ဒီတစ်ခါ ရပ်ရင် ထွက်မလား၊ ထွက်ပြီးရင်ကော ဘာဆက်လုပ်မလဲ၊ ဘယ်သွားမလဲ။

“ဟင်..ငါက ဘယ်ဘူတာ သွားမှာလဲ၊ ငါ့ ဘူတာကို ရထားက ဘာဖြစ်လို့ မရောက်သလဲ“

ကိုယ် စီး/ဆင်းနေကျဘူတာ (အိမ်အပြန်ဘူတာ ဒါမှမဟုတ် ရုံးသွားဖို့ စစီးရတဲ့ ဘူတာ) က ဘာဘူတာပါလိမ့်၊ ဘယ်လိုမှ စဉ်းစားလို့ မရတော့ဘူး။ သတ္တိကလည်း ပြလာပြီထင်ပါ့၊ ခြေရော လက်ရော ဒူးရော ကျန်တာတွေရော အကုန်တုန်နေပြီ၊ ဦးနှောက်က ပုံမှန် အလုပ်မလုပ်တော့ဘူး။ နဂိုကလည်း အတင်းလုပ်ခိုင်းလို့သာ လုပ်နေရတာလေ။

“ဒုက္ခ“။ “ဘုရား၊ ဘုရား“။ “အမေ့“။

ပါးစပ်က ထွက်မိထွက်ရာတွေ ထွက်ကုန်ပြီ။ ကိုယ်တိုင် မတတ်နိုင်တဲ့အဆုံး အားကိုးရာ ရှာရပြီလေ။ ဘယ်သူက ချက်ချင်း ကိုယ်အဆင်ပြေမယ့် ပုံမှန်အတိုင်း(လူသာမန်အတိုင်း)အဖြစ် ခံစားလို့ရအောင် ကူညီပေးနိုင်မှာလဲ။

ကိုယ့်ကိုယ်ကိုယ် သိပ်လည်လှပြီ၊ တတ်လှနပ်လှပြီလို့ ထင်ခဲ့တာတွေ လုံးလုံးမှားကုန်ပြီ။ အော် ကြောက်လိုက်တော့လည်း သူ့အပြင် နှစ်ယောက် မရှိတော့။

ထူးဆန်းတဲ့ ရထားတစ်စင်းကတော့ ခုတ်နေဆဲ။ ညဥ့်နက်သန်းခေါင်ထဲ…ရထားပေါ်မှာ မျက်လုံးအသေနဲ့ လူတစ်ယောက် ရှိနေတယ်။

၂၀၀၉ ခုနှစ်၊ ဒီဇင်ဘာလ ၁၃ ရက်၊ နံနက် ၁ နာရီ။