ကျွန်တော့်ထက် သုံးနှစ်တိတိကြီးတဲ့ အစ်ကိုလေးတစ်ယောက် ကျွန်တော့်မှာရှိတယ်၊ သဘောဖြူ အူစင်း စိတ်ထဲရှိ ရှိတဲ့အတိုင်း ပြောတတ်ဆိုတတ် ခင်မင်တတ်သူမို့ ကျွန်တော် အလွန်ခင်တယ်။ ကျွန်တော့်ကိုလည်း ညီလေးလို ချစ်ပြီး သင်စရာသင် ဆုံးမစရာရှိဆုံးမ၊ သူမှားလည်း ထောက်ပြကွာလို့ ဆိုတတ်တာကြောင့် အလွန်လေးစား အားကျခဲ့တယ်။

အခုတော့ ဒီငနဲကြီးဖောက်ပြန်ရောထင့်၊ ပုံစံမကျ နည်းလမ်းမမှန် ဆင်ခြေနဲ့ ဟန်တွေလည်း များလာတာမို့ သူ့ကို ဆက်ပေါင်းဖို့ မပေါင်းဖို့ ကျွန်တော်စောကြောရတော့မယ်။ ဘုရားမှတ်လို့ ကိုးကွယ်၊ ဖွတ်ထွက်မှ တောင်ပို့မှန်း သိရင် မခက်ပါလား၊ ရဟန်းမှတ်လို့ ဆည်းကပ်ပါတယ်၊ သမီးပါသွားမှ အရည်းကြီးပါလားဆိုပြီး ရဲတိုင်လည်း သမီးက အကောင်းပြန်မဖြစ်တော့ဘူးမို့လား ခင်ဗျာ။

သတ္တ၀ါတွေထဲကြောက်ဖို့အကောင်းဆုံးကလည်း လူပဲဖြစ်နေတာမို့ ကျွန်တော်တော့ အစ်ကိုလေးကို အစ်ကိုလေးအဖြစ် ဆက်လက်ထားရှိ ပေါင်းသင်းဖို့ အများကြီးပြန်စဉ်းစားမှဖြစ်ပါတော့မယ်။

ပထမတော့ ကျွန်တော်တို့ အစ်ကိုလေးဟာ စိတ်ထားအင်မတန်ကောင်းသူ၊ ကူညီတတ်သူ၊ နိမ့်ကျသူများကို ဖေးမဆက်ဆံသူ၊ အခွင့်အရေးမတောင်းဆိုတတ်သူ၊ အားနာတတ်သူ၊ ကြိုးစားသူ၊ ပညာတော်သူ၊ တီထွင်တွေး တတ်သူဖြစ်ပါတယ်။ အဲဒီလိုပဲ မြင်ခဲ့ကြပါတယ်။

ဒါကြောင့်လည်း ကျွန်တော်အပါအ၀င် ကျွန်တော့်သူငယ်ချင်းတွေတစ်သိုက်က အစ်ကိုလေးကို အစ်ကိုလို၊ ဆရာလို တိုင်ပင်အားထား လေးစားအားကျ အတုခိုးလိုက်နာခဲ့ကြသလို၊ အစ်ကိုလေးက မလုပ်နဲ့ဆို အကုန်လုံးပစ်ချပြီး အဲဒီမှာပဲ ရပ်လိုက်ခဲ့တယ်။ အစ်ကိုလေးက ဒါလုပ်ဆို အစ်ကိုလေးကပဲ တော်ပါတော့ကွာ၊ နားကြပါဦးဆိုမှ နားတတ်ကြတာမျိုးပါ၊ အဲဒီလောက်ထိ လေးစားချစ်ခင်ပြီး ယုံကြည်ခဲ့ကြတာမျိုးပါ။

အခုတော့ ဒီငနဲကြီးက ကျွန်တော်တို့ကောင်းစားလည်း မနာလို၊ သူ့ထက်သာသွားမှာစိုးလို့ ထင်ပါရဲ့၊ ဖောက်ပြန်တဲ့ ပုံရိပ်တွေကို တွေ့လာရသလို ကိုယ်တိုင်လည်း ခံစားလာရတာကြောင့် ပြန်စစ်ဆေးဖို့ လိုလာပြီကောဗျာ။

ဒီမှာ ဘာကိုသွားတွေ့ပြီး သတိထားလိုက်မိသလဲဆိုတော့ “အစ်ကိုလေးဟာ တို့များ နိမ့်ပါးတုန်းကတော့ ညီလေးတို့ ကြိုးစားကြကွ၊ အချိန်မဖြုန်းနဲ့ကွ၊ ငယ်တုန်းကြိုးစားမှ ကြီးလာတော့ အေးအေးသက်သာနေနိုင်မှကွ “ဆိုပြီး သူပဲ ပြောခဲ့ဟောခဲ့တယ်။

တကယ်တမ်းကြိုးစားပြီး သူနဲ့တန်းတူ၊ သူ့ထက်ကျော်ချင်သလိုလေး ဖြစ်လာတော့ ပုံစံပြောင်းပြီး “ချာတိတ်တွေ အချိုးမပြေပါဘူးကွာ၊ ငါက ခင်သလောက် သူတို့က တယ်အရိုအသေတန်ပါလားဟေ့“ဆိုပြီး ခပ်ခွာခွာနေတာ
တွေ၊ အဖက်မလုပ်သလို နေတာတွေဟာ ငနဲကြီး မူမမှန်တော့ဘူးဆိုတာ ကျွန်တော်တို့သဘောပေါက်လာပါပြီ။

အော် လူ့သဘာဝများ နိမ့်ပါးတုန်းတော့ ဆရာလုပ်ချင်လိုက်တာ၊ ကယ်ချင်ကူချင်လိုက်တာ၊ သူတော်ကောင်းကြီး လုပ်ချင်လိုက်တာ။ အခုများကျတော့ စိတ်ရင်းတွေပေါ်လို့ မနာလိုတာတွေ၊ အူတိုတာတွေ၊ မစ္ဆရိယတွေ၊ ဣဿာတွေ တလှေတွေပေါ်လာတော့တာကလားဗျာ။ ငနဲကြီး အတော်ဟန်ဆောင်ကောင်းလှပါလား၊

မင်းသားခေါင်း ဆောင်းထားတဲ့ဘီလူးဆိုတာ လူလစ်တာနဲ့သားတစ်ကိုက်မှတွေ့လိုက်တာပါလားဗျာ။ အံ့လှချည်ရဲ့၊ ကြောက်ရချည်ရဲ့၊ ရွံပါရဲ့ဗျာ၊ အသိရနောက်ကျလေခြင်းဆိုပြီး ရင်တောင်နာမိပါရဲ့ဗျာ။

တော်သေးတာပ၊ သူဌေးမှား တစ်ဘ၀စာ၊ ဆရာမှား တစ်သံသရာဆိုသလို ဒုက္ခကပ်ကြီးဆိုက်တော့မလို့၊ အလေ့အလာ သတိကြီးကြီးကြပ်နေပေလို့ဆိုပြီး စိတ်ခါးသက်သက်ကြားက ပျားရည်တစ်စက်ထွက်ဆိုသလို အငိုမျက်လုံးတွေကြားက အပြုံးတစ်ချက်လက်နိုင်သေးလို့ ၀မ်းသာရသေးတယ်။ မိဘ ဆရာသမားတွေကျေးဇူးနဲ့ ကံကြီးပေလို့သာပေါ့။

လူဆိုတာ အောင်မြင်နေရင် ပျော်မိတာပဲ၊ တက်ကြွရွှင်လန်းနေတာပဲလေ၊ ဒါ သဘာဝပဲပေါ့။ အဆင်လည်း မပြေရော၊ ဒုက္ခလည်း ကြုံရော၊ တစ်ခုခုလည်း အရှုံးနဲ့ ရင်ဆိုင်တွေ့ရော ၀မ်းနည်းမိတယ်၊ ခံပြင်းမိတယ်၊ နာကျည်းမိတယ်။ ခုနလို ငနဲကြီးလုပ်သလိုပေါ့၊ ဘယ်လိုမှ မခံစားနိုင်ဘူးဖြစ်သွားတယ်။

ဟော နောက်တစ်ခုမှတ်သားမိတာက လူဆိုတာ အမြဲပျော်နေတာမဟုတ်ဘူး၊ စိတ်ညစ်ရတာတွေ စိတ်ဆင်းရဲရတာ တွေ ကိုယ်မထင်မှတ်တာတွေ ဖြစ်တတ်တယ်ဆိုတာလည်း သိရပြန်တယ်။ ဘယ်သူ့ကိုမှလည်း လောက်လောက် လားလား ယုံလို့မရတော့ဘူးဆိုတာ သိလာပြန်တယ်။

တကယ်တော့ နှစ်ပေါင်းများစွာ ပေါင်းလာသင်းလာ၊ ပညာယူလာတာမို့ အစ်ကိုလေးကို အခင်အမင်မပျက် ဆက်ရှိနေချင်တာပါ၊ ချစ်ချစ်ခင်ခင် ဆက်ပေါင်းချင်တာပါ။ သူကိုယ်က မဟုတ်တာ၊ လူကြီး မဆန်တာ၊ မုဒိတာမပွားနိုင်တာလို့ အကြိမ်ကြိမ် တွေးမိပြီး အတော်မကျေနပ်ဖြစ်မိတယ်။

သူကိုယ်၌လည်း ဘာမှလုပ်ပေးရတာ မဟုတ်ပါဘဲနဲ့၊ သူကိုယ်တိုင်လည်း ယူလို့ရတဲ့ အခွင့်အရေးမျိုးဟုတ်ပါဘဲနဲ့ ဘာဖြစ်လို့များ စိတ်ပုပ်ရတာလဲလို့ အကြိမ်ကြိမ်တွေးရင်း စိတ်အပျက်ကြီး ပျက်နေမိတော့တယ်။

အစ်ကိုလေး စိတ်တွေပြန်မှန်ပြီး၊ အရှိအရှိအတိုင်း အမှန်အမှန်တိုင်းမြင်ကာ နာယကဂုဏ်ခြောက်ပါးလည်းစုံ(၁။ ခမာ-သည်းခံခြင်း၊ ၂။ ဇာဂရိယ-နိုးကြားခြင်း၊ ၃။ ဥဋ္ဌာန-ထကြွလုံ့လရှိခြင်း၊ ၄။ သံဝိဘာဂ-ခွဲခြမ်းဝေဖန်ခြင်း၊ ၅။ ဒယာ-သနားကြင်နာခြင်း၊ ၆။ ဣက္ခနာ-မြော်မြင်ဆင်ခြင်ခြင်း)၊ ဆရာ့ဂုဏ်လည်းထုံ(အတတ်လည်းသင်၊ ပဲ့ပြင်ဆုံးမ၊ သိပ္ပံမချန်၊ ဘေးရန်ဆီးကာ၊ သင့်ရာအပ်ဖို့ ဆရာတို့ ကျင့်ဖို့ ၀တ်ငါးဖြာ)လို့ နွေးနွေးထွေးထွေးဆက်ဆံတဲ့ မုဒိတာပွား ကရုဏာထားတတ်တဲ့ တုိ့အားလုံးရဲ့အစ်ကိုလေးအဖြစ်နဲ့ ပြန်မြင်ရပါစေလို့ ဆုတောင်းရုံမှတစ်ပါး အခြားမရှိပြီ။

အစ်ကိုလေး အမြဲစိတ်မှန်လို့ ကျန်းမာချမ်းသာပါစေ။

ည ၈ နာရီ၊ နိုဝင်ဘာ ၂၊ ၂၀၀၉။