ဆရာဖြစ်သင်တန်း မတက်ဖြစ်တော့တဲ့နောက်မှာ အမေ တရားရုံးသွားရင် အမေ့အိတ်ဆွဲအဖြစ် လိုက်ပါကူညီရပါတယ်၊ အမှုသည်တွေ တိုက်တဲ့ လက်ဖက်ရည်သောက်၊ ထမင်းစား၊ အမေတို့ စကားပြောတာနားထောင်၊ တရားခွင်မှာ အမှုစစ်တာကြည့်၊ အမေခိုင်းတာတွေ ကူလုပ်နေရပါတော့တယ်။

တစ်နေ့တော့ သတင်းစာမှာ “ဘာသာပြန်အယ်ဒီတာများ အလိုရှိသည်“ဆိုတဲ့ အလုပ်ခေါ်စာ ကြော်ငြာတွေ့တော့ လိုအပ်တဲ့စာရွက်စာတမ်းတွေ ပြင်ဆင်ပြီး သွားလျှောက်ပါတယ်။ နတ်၊ သိကြားတွေ မစလို့ ငါ လုပ်ချင်တဲ့ အလုပ်တော့ ပေါ်ပေါက်လာပြီလို့ စိတ်ထဲတွေးမိပါတယ်။ သွားလျှောက်ရင် ကျိန်းသေရမှာပဲလို့လည်း ယုံကြည်ခဲ့ပါတယ်။

ထိုင်းနိုင်ငံက ဘန်ကောက်ပို့စ်တို့၊ သည်နေရှင်းသတင်းစာတို့လို အပတ်စဉ်မြန်မာဂျာနယ်တစ်စောင်ထုတ်ဖို့အတွက် လူတွေ လိုလို့ခေါ်တာပါ။ လျှောက်လွှာထားခဲ့ပြီး လူတွေ့အင်တာဗျူးလုပ်ဖို့ချိန်းထားတဲ့နေ့ကျတော့ မသွားဖြစ်တော့ပါဘူး။ အမေ့နောက် လိုက်ရလို့လား၊ တခြားအရေးကြီးတဲ့အကြောင်းကြောင့်လား မမှတ်မိတော့ပါဘူး၊ အင်တာဗျူး မသွားဖြစ်လိုက်ဘူး။ မသွားဖြစ်တော့ စိတ်မကောင်းဘူးပေါ့လေ။

တစ်နေ့တော့ “ဟာ..မဖြစ်ဘူး၊ အမေ့နောက်ပဲ လိုက်ပြီး အချိန်ကုန်နေလို့တော့ မဖြစ်ဘူး။ ငါ အလုပ်တော့ ထပ်လျှောက်ဦးမှ၊ အဲ လျှောက်လွှာအတွက် ပြင်ဆင်ရတာတွေက ပိုက်ဆံကုန်ဦးမယ်၊ ဒီတော့ အင်တာဗျူးမသွားလိုက်ရတဲ့အလုပ်အတွက် ငါ့ လျှောက်လွှာ သွားပြန်တောင်းကြည့်ဦးမယ်“ဆိုပြီး စိတ်ထဲဖြစ်လာတဲ့အတွက် လျှောက်လွှာသွားပြန်တောင်းပါတယ်။

ဒီနေရာမှာ တစ်ခုပြောစရာရှိတာက ကိုယ်က မြို့လယ် ၃၆ လမ်းမှာ နေပါတယ်၊ အလုပ်ခေါ်တာက လွစ္စလမ်း(ဆိပ်ကမ်းသာလမ်း)မှာ ရုံးခန်းဖွင့်ထားတဲ့ ဂျာနယ်သစ်ထုတ်ဝေဖို့ ပြင်ဆင်နေတဲ့လူငယ်တွေက ခေါ်တာပါ။ လူငယ်တွေလို့ ပြောရတာက အဲဒီဂျာနယ်တိုက်သစ်မှာ အယ်ဒီတာချုပ်လုပ်မယ့်သူက အသက် ၂၆နှစ်၊ သူ့ကိုဝိုင်းဝန်းကြမယ့်လူတွေက သူနဲ့သက်တူရွယ်တူတွေ၊ သူ့အောက်ငယ်သူတွေပဲ။ ကိုယ်က ၂၃ နှစ်။

အမှန်တော့ အသက် ၂၀ လောက်မှာ ကောလိပ်ပြီးပြီဆိုရင် အလုပ်ဝင်လို့ရမှာဖြစ်ပြီး အခုတော့ ကျောင်းပိတ်တာ ၂ ကြိမ်ကြုံလိုက်ရတော့ အလုပ်စတင်လျှောက်ချိန်မှာ အသက်က ၂၃ တောင် ဖြစ်နေပါပြီ။

ပြန်ဆက်ရရင် ရုံးနဲ့က နီးနေတာကတကြောင်း၊ ကပ်စေးနှဲတာကလည်းတကြောင်းမို့ လျှောက်လွှာသွားတောင်းတဲ့အခါ ရုံးက စာရေးမလို့ထင်ရသူ(နောက်မှသိရတာက သူက ကိုယ့်ကို ငွေအမြဲထုတ်ပေးမယ့် စာရင်းကိုင်မမဖြစ်နေတာပဲ)က ပြန်ရှာရမှာ အလုပ်ရှုပ်သလိုလို ဘာလိုလိုနဲ့ လုပ်နေလို့ လုပ်ပါဗျာ၊ ကူညီနိုင်ကူညီပါလို့ အတင်းပြောမှ ပြန်ရှာပေးတယ်။ လျှောက်လွှာစာရွက်တွေယူမလို့လုပ်နေတုန်းမှာ အခန်းထဲကနေ လူတစ်ယောက်ထွက်လာတာ ကိုယ့်ညီရဲ့ သူငယ်ချင်း ဖြစ်နေပါတယ်။

သူကလည်း “ဟာ..အစ်ကိုကြီး၊ ဘာလာလုပ်တာလဲ´´ ဘာညာနဲ့ မေးမြန်းနှုတ်ဆက်တော့ စာရေးမက ကြောင်တက်တက်ဖြစ်သွားပေမယ့် ကိုယ်ကတော့ ၀မ်းသာသွားတယ်။ “အေးကွာ၊ အလုပ်လျှောက်ပြီးမှ အင်တာဗျူးနေ့က မလာဖြစ်လိုက်ဘူး၊ အဲဒါနဲ့ကွာ အလုပ်လျှောက်လွှာလေး လာပြန်တောင်းတာ“လို့ သူ့ကို လေအေးအေးလေးနဲ့ ရှင်းပြလိုက်ပါတယ်။

အမှန်တော့ ညီ့သူငယ်ချင်းက ကိုယ့်ထက်တောင် အသက်ကြီးပါဦးမယ်။ သူကလည်း ကိုယ့်ညီရဲ့ သူငယ်ချင်းအရင်းလို့ ခံယူထား၊ ကိုယ်ကလည်း ကိုယ့်ညီသူငယ်ချင်းအားလုံးကို ၀ါအားဖြင့် ကိုယ့်အောက်ငယ်သူတွေပဲလို့ သဘောထားပါတယ်။

အမှန်တော့ ကိုယ့်ညီက ၁၀ တန်းအောင်အောင်ချင်း ၁၉၉၄ မှာ ယဉ်ကျေးမှုတက္ကသိုလ်တက်ပြီး စာပေလောက၊ အနုပညာလောကထဲကို စောရောက်သွားပါတယ်။ သူက နာမည်ကျော် စာရေးဆရာ၊ ကဗျာဆရာ၊ ဒီဇိုင်းဆရာတွေနဲ့ ၁၉၉၄၊ ၉၅ လောက်မှာပဲ စတင် ပေါင်းဖော်မိနေပါပြီ၊ အရက်အတူသောက်ပြီး ကောင်းကောင်းစကားပြောဆိုနေပါပြီ။ သူက အခုလို အမြဲပြောတတ်ပါတယ်။ “ဟေ့ကောင်၊ ငါက ဒီလောကကို မင်းထက် နှစ်အများကြီးစောပြီး အရင်ရောက်တာပါကွာ´´တဲ့။ ညီငယ်က ကိုယ့်ဆရာသမားတစ်ဦးလည်း ဖြစ်ပါတယ်။ သူ့အကြံဥာဏ်တွေ၊ သူ့အဆူအဆဲတွေကိုလည်း ခံယူခဲ့ရပါတယ်။

ခုနတွေ့တဲ့ တစ်ယောက်ကလည်း ညီ့သူငယ်ချင်းပါပဲ၊ ဂျာနယ်သစ်အတွက် စာရိုက်ဒီဇိုင်းကူတာဝန်နဲ့ သူက ရောက်နေတာ အတော်တောင် ကြာပါပြီ။ ဂျာနယ်တစ်စောင် ထုတ်ဖို့ ပြင်ဆင်တယ်ဆိုတာ အခုလိုပဲ ၂လ၊ ၃လ (တစ်ခါတလေ ၆ လလောက်အထိ) ကြိုတင်ပြင်ဆင်နေရတာပါ၊ စာရိုက်နှုန်းကျင့်၊ ဒီဇိုင်းထိုင်တဲ့နှုန်းကျင့်၊ ဘာသာပြန် သတင်းရေးချိန်ကျင့်၊ သတင်းတွေရှာချိန်၊ စာပေစိစစ်ရေးတင်ချိန်ကျချိန်၊ ဖလင်ထုတ်ချိန်၊ ပုံနှိပ်စက်ပို့ချိန် ရိုက်ချိန်၊ ရန်ကုန်နဲ့နယ်အနှံ့ဖြန့်ချိချိန် စတဲ့လုပ်ငန်းစဉ်တွေကို အကြိမ်ကြိမ် ကြိုတင်လေ့ကျင့်လေ့လာ၊ အမှားတွေကနေ သင်ယူ၊ လုပ်ကိုင် စသဖြင့် လုပ်ကြရပါတယ်။ လူငယ်တွေက မန္တလေးက အဖွဲ့တွေပါ။ ညီ့သူငယ်ချင်းက မန္တလေးထဲက ချိတ်မိပြီးပါလာတာ ဖြစ်ပါတယ်။

ညီ့သူငယ်ချင်းက ပြောပါတယ်။ “ကိုကြီးကလဲ…လျှောက်လွှာပြန်ယူမနေပါနဲ့၊ အယ်ဒီတာချုပ်အပေါ်မှာရှိတယ်၊ တက်တွေ့သွား၊ ကျွန်တော်သွားပြောလိုက်မယ်“ဆိုပြီး သူက သွားပြောပေးတယ်။ အယ်ဒီတာချုပ်ကလည်း စာဖတ်နေတာလား မသိပါဘူး၊ တွေ့မယ်ဆိုပြီး လက်ခံတွေ့တယ်။ အင်တာဗျူးတယ်။

ခုနောက်ပိုင်း ကံ ကို ယုံလာတယ်ဆိုတာ အဲဒါပြောတာပါ။ သွားတာက လျှောက်လွှာသွားပြန်တောင်းတာ၊ ဖြစ်ချင်တော့ သီးသန့်အင်တာဗျူးတောင် ဖြစ်သွားပါသေးတယ်။ အယ်ဒီတာချုပ်နဲ့ အေးအေးဆေးဆေး စကားပြောခွင့်ကြုံတယ်။ အယ်ဒီတာချုပ်ကလည်း ဘာသာပြန်နဲ့ပတ်သက်လို့၊ စာပေဆိုင်ရာ ဗဟုသုတပိုင်းနဲ့ပတ်သက်လို့၊ နိုင်ငံရေးအတွေးအခေါ်နဲ့ပတ်သက်လို့ စေ့စေ့စပ်စပ်မေးမြန်းတယ်။ သတင်းတစ်ပုဒ်ကို ချက်ချင်းဘာသာပြန်ခိုင်းတယ်။ နောက်အကြောင်းပြန်မယ်ဆိုပြီး ပြန်လွှတ်လိုက်တယ်။

ညီ့သူငယ်ချင်းနဲ့ စာရေးမကို နှုတ်ဆက်ပြီး ပြန်ခဲ့တယ်။ ကိုယ့်ကိုယ်ကိုယ်လည်း အားတွေရနေလို့၊ အော် တစ်ခါတလေတော့ လောကကြီးက သာယာပါလားလို့တွေးမိတယ်။

ဒီနေရာမှာ ပြောစရာရှိတာက ကံဆိုတာ အလုပ်ပါပဲ။ အလုပ်ရဖို့ ကံကောင်းနေပေမယ့်လည်း အလုပ်ပေးမယ့်ရုံးခန်း၊ လူပုဂ္ဂိုလ်တွေဆီ မသွားခဲ့ဘူးဆိုရင် အလုပ်ရမှာ မဟုတ်ပါဘူး။ ထက်သန်တဲ့စိတ်၊ တက်ကြွတဲ့ဟန်ပန် ရှိဖို့လည်း လိုပါတယ်။ နောက်တစ်ခုက မိတ်ဆွေအပေါင်းအသင်းဆိုတာ အလွန်အရေးကြီးပါတယ်။ ကိုယ် အကူအညီလိုတဲ့အခါ ပေးနိုင်တဲ့၊ ကူညီနိုင်တဲ့ မိတ်ဆွေတွေ ရှိနေဖို့ အရေးကြီးပါတယ်။

အရည်အချင်းလည်း ရှိမယ်၊ ပေါင်းသင်းဆက်ဆံရေးလည်း ကောင်းမယ်၊ အခြေအနေ အချိန်အခါကိုလည်း နားလည်သဘောပေါက်တယ်၊ သည်းခံရင့်ကျက်တယ်၊ စိတ်ရှည်ဇွဲသန်တယ်ဆိုရင် အဲဒီ့လူကို ဘယ်အလုပ်ရှင်မဆို လိုချင်ကြပါတယ်။ ကိုယ်က သိပ်တော်နေပြီး လုပ်ငန်းတစ်ခုမှာ မရှိမဖြစ် အနေအထားဖြစ်သွားပြီဆိုရင်တော့ တခြားအရည်အချင်းတွေ လျော့လည်း ပြဿနာတော့ မရှိပါဘူး။ ဒါပေမယ့် တကယ်တော့ မရှိမဖြစ်ဆိုတာ အမြဲတမ်းမဟုတ်ဘူးဆိုတာကို နားလည်သဘောပေါက်ဖို့နဲ့ ဆက်ဆံရေးကောင်းတဲ့သူကို လူတွေက ပိုပြီးခင်ချင်၊ ပေါင်းချင်၊ အတူလက်တွဲလုပ်ကိုင်ချင်ကြတယ်ဆိုတာကို ၁၀ နှစ်ကြာ အလုပ်အကိုင်အတွေ့အကြုံနဲ့ ဘ၀ဖြတ်သန်းခဲ့မှုတွေကနေ နားလည်ခဲ့ရပါတယ်။

ပြောရပါဦးမယ်၊ ဂျာနယ်သစ်အတွက် လူရွေးချယ်လိုက်တော့ ကိုယ် မပါလာခဲ့ပါဘူး။ စိတ်ဓါတ်လည်း ကျသွားပါတယ်။ ဂျာနယ်တိုက်တစ်ခုလုံးမှာ ပါဝင်လုပ်ကိုင်နေတဲ့သူတွေက မန္တလေးက ဖြစ်ပြီး၊ ရန်ကုန်ကနေ ရွေးချယ်ပြီး ဘာသာပြန်အယ်ဒီတာတွေအဖြစ် ခန့်လိုက်တာက မိန်းကလေးတွေပါ။ ဥစ္စာပေါ ရုပ်ချော ကိုယ်ပိုင်ကားနဲ့ ရုံးတက်တဲ့ အပျိုမလေးတွေဖြစ်ပါတယ်။ ဆိုတော့ တကယ့်တကယ်တမ်း ဂျာနယ်အတွက် ရုန်းကြတော့ လူတွေ ထပ်လိုလာပါတယ်။ ပထမဆုံးဂျာနယ်သစ်ထွက်တဲ့နေ့မှာပဲ နောက်ထပ် ဘာသာပြန်အယ်ဒီတာ ယောက်ျားလေး သုံးယောက်ထပ်ခန့်လိုက်တာမှာ ကိုယ် ပါဝင်လာပါတော့တယ်။

နောက်တစ်ပတ် ၁၀ ရက်လောက်အကြာမှာ နောက် ယောက်ျားလေးအယ်ဒီတာတစ်ယောက် ထပ်ရောက်လာပါတယ်။ စုစုပေါင်း ရန်ကုန်ကနေ ခန့်လိုက်တာက ၇ ယောက်ဖြစ်သွားပါတယ်။ ၇ ယောက်ထဲမှာ အခုထက်ထိ ဂျာနယ်လစ်အဖြစ် ဆက်တိုက် လုပ်ကိုင်နေတာ ကိုယ်နဲ့ နောက်တစ်ယောက် (နာမည်ကျော်စာရေးဆရာကြီးတစ်ဦးရဲ့သား)ပဲ ကျန်ပါတော့တယ်။ သူက ဒီဂျာနယ် မရောက်ခင်ကလည်း စာနယ်ဇင်းသမားအဖြစ် လုပ်ကိုင်ခဲ့သူပါပဲ။ နောက်တစ်ယောက်ကတော့ ၀င်လုပ်လိုက် ပြန်ထွက်သွားလိုက်နဲ့ အခုတော့ နာမည်ကျော် ဂျာနယ်ကြီးတစ်စောင်မှာ နာမည်ရ ဘာသာပြန်အဖြစ် လုပ်ကိုင်နေပြန်ပါတယ်။ ကျန်သူတွေက လုပ်ငန်းတွေပြောင်းသွားကြပြီး အိမ်ထောင်တွေလည်း ကျကုန်ပါပြီ။

နိဂုံးသပ်ရရင်တော့ ဒီအလုပ်မှ မလုပ်ရရင် တခြားဘာအလုပ်မှ မလုပ်ဘူးဆိုတဲ့ စိတ်ထားခဲ့တယ်။ ဒီအလုပ်မရခဲ့ရင်လည်း ဒီလိုအလုပ်တစ်ခု ပြန်လျှောက်မှာပါပဲ။ အဲဒီဂျာနယ်ရပ်နားသွားပြီးနောက်မှာလည်း နောက်ဂျာနယ်တစ်စောင်မှာ အလုပ်ပြန်လျှောက်ပြီး လုပ်ခဲ့တာပါပဲ။ ဒီအလုပ်မှ မလုပ်ရရင် မနေနိုင်တာပါ။ အဲဒီလို စိတ်မျိုးနဲ့လုပ်ခဲ့တာပါ။

စာရေးဆရာ နဲ့ ဂျာနယ်လစ်

လုပ်ချင်ခဲ့တာကတော့ စာရေးဆရာပါ။ စိတ်ကူးထဲမှာရှိတာတွေ စိတ်ကူးဥာဏ်ကွန့်မြူးတာတွေကို စာရေးခြင်းအတတ်ပညာနဲ့ ပရိသတ်ဆီကို တင်ဆက်နိုင်ဖို့ ကြိုးစားချင်တာပါ။ စာရေးဆရာကြီး တက္ကသိုလ်ဘုန်းနိုင်တို့လို တကယ့်ဇာတ်အိမ်ကောင်းကောင်းနဲ့ ၀တ္ထုကြီးတွေ ရေးနိုင်ဖို့ ကြိုးစားမယ်ဆိုတဲ့ စိတ်နဲ့ပါ။ တစ်ချိန်တော့ ဖြစ်အောင်လုပ်မယ်လို့ ကြံစည်ထားပါတယ်။

ကံအကြောင်းကောင်းမှုကြောင့် ကိုယ်အလုပ်ဝင်တဲ့အချိန်မှာ ဂျာနယ်တွေက အများကြီး ထွက်ပေါ်လာပါတယ်။ ဒါနဲ့ပဲ ဂျာနယ်လိုင်းရောက်ပြီး နာမည်ကြီးခဲ့တဲ့ ဂျာနယ်တစ်စောင်မှာ မျိုးဆက်သစ်ဂျာနယ်လစ်အဖြစ် တင့်တင့်တယ်တယ် တောက်တောက်ကြွားကြွား လုပ်ကိုင်ခွင့်ရခဲ့ပါတယ်။

နောက်ပိုင်းမှာလည်း အသွေးရှိသူလို့ ဆရာသမားက ထင်မြင်ယူဆခဲ့တာကြောင့် အကွက်ဖော်အရောင်တင်မယ်ဆိုပြီး မြှောက်စားလိုက်ပါတယ်။ အဲဒီမှာ ပြည်ပထွက် ပညာသင်ခွင့်တွေ့ရ၊ အမြင်ကျယ်လို့ ဘ၀င်မယ် ငါ လုံးလုံးပြောင်းမှဖြစ်မယ်ဆိုပြီး အခွင့်အရေးတွေ ရသမျှဖွေရှာလိုက်တာမှာ တဖြည်းဖြည်းနဲ့ မြောက်မြောက်လာတယ်လို့ပဲ ဆိုချင်တော့တာပါပဲ။

ဂျာနယ်မှာလုပ်ခဲ့တော့ ဂျာနယ်လစ်ဖြစ်သွားပါတယ်။ ဂျာနယ်လစ်ကို သတင်းစာဆရာ၊ သတင်းထောက်၊ အယ်ဒီတာစသဖြင့် စကားလုံးတွေ ဖလှယ်သုံးလို့ ရသလို ဂျာနယ်လစ်လို့ခေါ်ရင်လည်း ဒီခေတ်မှာ နားလည်လာပါပြီ။

အင်္ဂလိပ်လိုတော့ သတင်းစာ၊ ရေဒီယို၊ တီဗီ၊ အွန်လိုင်းစတဲ့ မီဒီယာတွေမှာ လုပ်တဲ့သူတွေကို reporter, journalist, correspondent, presenter, stringer, editor စသဖြင့် အမျိုးမျိုးခေါ်ဆိုပါတယ်။

အခုတော့ ဂျာနယ်လစ်ဖြစ်နေတာ ၁၀ နှစ်တောင် ရှိနေခဲ့ပါပြီ။ ဒီအလုပ်ပဲ လုပ်ချင်လို့၊ တခြားဘာအလုပ်မှ မလုပ်နိုင်ဘူးလို့ ဆိုခဲ့တာ အခုကော ၁၀ နှစ်အကြာမှာ စိတ်ပြောင်းပါပြီလား။ ဒီလိုတကယ်မေးလာရင်တော့ အမှန်အတိုင်းပြောရရင်ဖြင့် စိတ်ကတော့ မပြောင်းလဲပါဘူး။ ဒါပေမယ့် ဟိုစဉ်အရွယ်ခပ်ငယ်ငယ် လွန်ခဲ့တဲ့ ၁၀ နှစ်ကလောက်တော့ မတက်ကြွတော့တာ အမှန်ပါပဲ လူကြီးမင်းရယ်လို့ ဖြေရမှာပါပဲ။ ဟိုယခင်ငယ်နုစဉ်ကတော့“ငါ မကယ် ငါ့ တိုင်းပြည် နာဖွယ်ရှိတယ်“ဆိုတဲ့ ပြင်းပြင်းထန်ထန် ရဲရဲတောက်စိတ်ထားနဲ့ ၀င့်ကြွားခဲ့ဖူးကြောင်းပါ ပရိသတ်မင်းတို့ခင်ဗျား။

အခုတော့…

အော် ဟော ဟော၊ အချိန် မနည်းတော့တာကတကြောင်း၊ နောက်လည်း ဆုံကြဦးမှာမို့ အဟဲ ဆက်ပြောကြသေးတာပေါ့ဗျာ..ရဲ့နော်။

စက်တင်ဘာ ၂၆၊ ညနေ ၆ နာရီ မိနစ် ၄၀။