လိုအပ်လာသော အီးကျူ

ယနေ့ခေတ်လုပ်ငန်းများ စီမံခန့်ခွဲမှု၊အချင်းချင်းပူးပေါင်းဆောင်ရွက်လုပ်ကိုင်မှုတွင်အီးကျူ (Emotional Intelligence/Emotional Quotient-EQ)ကို အလေးထားပြောဆိုလာခဲ့သည်။ လုပ်ငန်းတွင်ပါဝင်ဆောင်ရွက်နေသောမန်နေဂျာများနှင့် ၀န်ထမ်းများအားလုံး၌ အီးကျူရှိနေရေး အရေးကြီးသည်။

အီးကျူဆိုတာဘာလဲ

အီးကျူ(Emotional Intelligence)ဆိုသည်မှာ လူတစ်ဦးချင်းအပြုအမူနှင့် တုံ့ပြန်မှုဆိုင်ရာအရည်အသွေးတစ်ရပ်ဖြစ်ပြီး၊ ၁၉၉၅ ခုနှစ်က ဒန်နီရယ်လ်ဂိုးလ်မန်း(Daniel Goleman)ရေးသည့် Emotional Intelligence စာအုပ်ကြောင့် ထင်ရှားလာခဲ့ခြင်းဖြစ်သည်။

မူလကတည်းက အီးကျူနှင့်ဆိုင်သော သီဝရီများရှိနေခဲ့ပြီဖြစ်သည်။ ၁၉၇၀ပြည့်နှစ်နှင့် ၁၉၈၀ပြည့်လွန်နှစ်များအတွင်း ဟားဗတ်တက္ကသိုလ်မှ စိတ်ပညာရှင် ဟောင်းဝပ်ဂါနာ(Howard Gardner) ယေးလ်တက္ကသိုလ်မှ စိတ်ပညာရှင် ပီတာဆလိုဗေး(Peter Salovey)နှင့် နယူးဟမ်ရှိုင်းယားမှ စိတ်ပညာရှင် ဂျွန်မေယာ(John Mayer)တို့၏ ထုတ်ဖော်ရေးသားမှုများ ရှိခဲ့ပြီးဖြစ်သည်။

လုပ်ငန်း၊ အဖွဲ့အစည်းများနှင့် ယင်းတို့ရှိလူများ ဖွံ့ဖြိုးတိုးတက်ရေးတွင် အီးကျူကအရေးပါနေသည်။ လူအများ၏အပြုအမူ၊ သဘောထား၊ စီမံခန့်ခွဲမှုပုံစံ၊ ဆက်ဆံရေး၊ အရည်အသွေးတို့ကို အီးကျူဖြင့် နားလည်နိုင်စွမ်း၊ အကဲဖြတ်နိုင်စွမ်းရှိသည်။ ဖွံ့ဖြိုးပြီးနိုင်ငံများတွင်တော့ ၀န်ထမ်းသစ်ခေါ်ရာတွင်ပင် အီးကျူကိုစစ်ဆေးပြီးမှ ခေါ်ကြသည်။ စီမံခန့်ခွဲရေးဆိုင်ရာ ရာထူးများတိုး ပေးရာတွင်လည်း အီးကျူကို စဉ်းစားသည်။

အီးကျူခေတ်တွင် အိုင်ကျူ(Intelligent Quotient)ကို ဘောင်ကျဉ်းလွန်းသည်ဟု ခံစားလာကြသည်။ အောင်မြင်မှုဆီသို့ သွားရာတွင် အိုင်ကျူထက်ပိုမိုကြီးကျယ်သော အီးကျူကိုပြောလာကြသည်။အိုင်ကျူက ဉာဏ်ရည်လောက်သာပြောပြီး အပြုအမူနှင့် ခံစား တုံ့ပြန်မှုကို လျစ်လျူရှုထားသည်။

စွယ်တော်အီးကျူ

အီးကျူအကြောင်းပြောလျှင် စွယ်တော်ရွက်လိုနှစ်ပိုင်းပြောရသည်။ နှစ်လွှာပေါင်းမှတစ်ရွက်ဖြစ်သော စွယ်တော်ရွက်လိုဖြစ်သည်။ တစ် ပိုင်းက ကိုယ်၊ တစ်ပိုင်းက သူများဖြစ်သည်။ ကိုယ့်အကြောင်းကိုယ် ပိုင်ပိုင်နိုင်နိုင်နားလည်ခြင်း၊ ကိုယ့်ရည်မှန်းချက်၊ ကိုယ့်အနာဂတ်၊ ကိုယ့်ပန်းတိုင်၊ ကိုယ့်အပြုအမူနှင့် ကိုယ့်တုန့်ပြန်မှုတို့ကို သေသေချာချာသိခြင်းနှင့် တစ်ချိန်တည်းတွင် တစ်ပါးသူတို့၏ခံစားချက်ကို နားလည်ပေးခြင်းဖြစ်သည်။

စာနာနားလည်ပေးခြင်းနှင့် တစ်ပါးသူပြောသည်ကို အာရုံစိုက်နားထောင်ပေးခြင်းသည် အီးကျူအရည်အချင်းတစ်ရပ်ဖြစ်သည်။ အီးကျူမြင့်လာလျှင် မလုံခြုံမှုလျော့လာပြီး၊ ပိုမိုပွင့်လင်းလွတ်လပ်လာသည်။ တစ်ပါးသူခံစားနေရသော ဒုက္ခ၊ သုခများကို ခံစားပေးခြင်း သည်လည်း အီးကျူဖြစ်သည်။ တချို့က တစ်ပါးသူ၏အောင်မြင်မှု၊ ပျော်ရွှင်မှုများကို လိုက်ပါခံစားနိုင်သော်လည်း ကျရှုံးမှု၊ ဘေးဒုက္ခ ကျရောက်မှုတို့တွင် လိုက်ပါခံစားခြင်းမပြုနိုင်တော့ပေ။

စီးပွားရေးလုပ်ငန်းများကို လောကကျင့်ဝတ်၊ စီးပွားရေးကျင့်ဝတ်များနှင့်အညီ ဆောင်ရွက်ခြင်း၊ လုပ်ငန်းပတ်ဝန်းကျင်နှင့် လူမှုပတ်ဝန်းကျင်အကျိုးကို ပြန်လည်ပေးဆပ်ဆောင်ရွက်ပေးခြင်းတို့သည် အီးကျူမြင့်မားသောလုပ်ငန်းတို့၏လုပ်ရပ်ဖြစ်သည်။

အီးကျူ၏အနှစ်ချုပ်ကိုဆိုရသော် မိမိနှင့်သူတစ်ပါး(အတ္တ-ပရ) နှစ်ဖက်အကျိုးမျှမျှတတ ဆောင်ရွက်ခြင်းဖြစ်သည်။ စာနာခြင်းဖြင့် သွားသည်။ နှစ်ဖက်စလုံးအဆင်ပြေခြင်း၊ တိုးတက်ခြင်း၊ ကြီးပွားခြင်းဖြင့် မိမိနှင့်မိမိပတ်ဝန်းကျင်အကျိုး၊ အများအကျိုး၊ လောကအကျိုးအထိ အီးကျူကသွားသည်။

အီးကျူတည်ဆောက်ခြင်း

စာအုပ်ရေးသူ ဂိုးလ်မန်းက အီးကျူတည်ဆောက်ခြင်းတွင် လမ်းကြောင်းငါးကြောင်းဖြင့်သွားကြောင်းပြောသည်။

(၁) ကိုယ့်ခံစားချက်ကို သိခြင်း
(၂) ကိုယ့်ခံစားချက်ကို ထိန်းချုပ်စီမံခြင်း
(၃) ကိုယ့်ကိုယ်ကိုယ် အားပေးထောက်ခံခြင်း
(၄) တခြားလူ(တစ်ပါးသူ)တို့၏ ခံစားချက်ကို အသိအမှတ်ပြုခြင်း၊ နားလည်ပေးခြင်း
(၅) တခြားလူတို့၏ ခံစားချက်ကို မိမိခံစားချက်နှင့်အပြိုင် ညှိနှိုင်းထိန်းချုပ်စီမံခြင်း(၀ါ)နှစ်ဖက်ဆက်ဆံရေးကို သူနိုင်၊ ကိုယ်နိုင် (နှစ်ဖက်လုံးအဆင်ပြေ)ဖြစ်အောင် ဆောင်ရွက်ခြင်းတို့ဖြစ်သည်။

အဆိုပါအချက်ငါးချက်ကို တဖြည်းဖြည်းချင်း အောင်မြင်စွာ ဖြည့်ဆည်းနိုင်ပြီဆိုလျှင် မိမိကိုယ်တိုင်နှင့် အဖွဲ့အစည်းတွင်းရှိ ဖိအာများကိုလျှော့ချနိုင်လာသည်။ ပဋိပက္ခများကို လျော့နည်းစေသည်။ လုပ်ငန်းခွင်ရှိ ၀န်ထမ်းအချင်းချင်းကြား နားလည်မှုများတိုးပွားလာပြီး၊ ဆက်ဆံရေးတိုးတက်ကောင်းမွန်လာသည်။ အဖွဲ့အစည်း၏ တည်ငြိမ်မှု၊ ပြောင်းလွယ်ပြင်လွယ်ရှိမှုနှင့် တိုးတက်မှုကို ရရှိသည်။

အီးကျူဘယ်လောက်အရေးကြီးသလဲ

အီးကျူအရေးကြီးကြောင်း သုတေသနတစ်ခုရှိသည်။ အမေရိကတွင် ပြုလုပ်ခဲ့ခြင်းဖြစ်သည်။ ပါရဂူဘွဲ့ရ ၈၀ ကို ဘွဲ့လွန်ကျောင်းသားများဘ၀(၁၉၅၀ပြည့်နှစ်များက)တွင် အိုင်ကျူမေးခွန်းများ၊ ကိုယ်ရည်သွေးမေးခွန်းများ မေးခဲ့သည်။ နောက်ထပ်နှစ်ပေါင်း ၄၀ အကြာ(၎င်းင်းတို့အသက်၇၀အရွယ်) အလွန်နာမည်ကျော်ကြားနေရာသူများ ဖြစ်လာချိန်တွင် ၎င်းတို့ကို ပြုလုပ်ထားခဲ့သော ကိုယ်ရေးရာဇ၀င်၊ အိုင်ကျူအမှတ်နှင့် ကိုယ်ရည်ကိုယ်သွေးများနှင့် ပြန်လည်တိုက်ဆိုင်ကာ စစ်ဆေးခဲ့သည်။

ထိုစစ်ဆေးမှုအရ သိရှိခဲ့ရသည်မှာ လူမှုဆက်ဆံရေးနှင့် စိတ်ခံစားမှုဆိုင်ရာအရည်အသွေးများက အိုင်ကျူအရည်အသွေးထက် လေးဆပိုတာသွားကာ အထောက်အကူပြုခဲ့ကြောင်း တွေ့ရှိခဲ့သည်။ တန်းဝင်ပညာရှင်တစ်ယောက်အဖြစ် ဂုဏ်သိက္ခာရှိစွာ အောင်မြင်ခဲ့ခြင်းမှာ အိုင်ကျူထက် အီးကျူပေါ်တွင် ပို၍တည်မှီခဲ့ကြောင်း(တွေ့ရှိခဲ့ရသည်ဟု) အဖြေထွက်ခဲ့ခြင်းဖြစ်သည်။

အသစ်မဟုတ်သော အီးကျူ

တကယ်တော့ အီးကျူမှာ အသစ်မဟုတ်၊ မြန်မာယဉ်ကျေးမှုလာ နာယကဂုဏ်ခြောက်ပါးတွင်လည်း ပါရှိပြီးဖြစ်နေသည်။ ထကြွ၊ နိုးကြား၊ သနား၊ သည်းခံ၊ ဝေဖန်၊ ထောက်ရှု ဤခြောက်ခုဟုဆိုသည့်အထဲတွင် သနားခြင်း၊သည်းခံခြင်း၊ ထောက်ရှုခြင်း စသည်တို့သည် အီးကျူအရည်အသွေးများဖြစ်သည်။

ကြီးသူကို ရိုသေ၊ ရွယ်တူကို လေးစား၊ ငယ်သူကို သနားဟုဆိုသည့် မြန်မာ့လူမှုဆက်ဆံရေးတွင်လည်း အီးကျူစံရည်စံသွေးများ ပါဝင်နေပြန်သည်။ လူတစ်ဦးချင်း၏ ယုံကြည်ချက်၊ ခံယူချက်၊ စိတ်ခံစားမှုတုံ့ပြန်ချက်တို့သည် ၎င်းတို့လုပ် ဆောင်ချက်အောင်မြင်ရေးနှင့် ၎င်းပါဝင်နေသောအဖွဲ့အစည်းအောင်မြင်မှုတွင် အခရာကျနေသည်။

ဆိုရသော် ပြောင်းလဲမှုများ အချိန်နှင့်အမျှရှိနေသော ယနေ့ကမ္ဘာတွင်အီးကျူမှာ မရှိမဖြစ်အရေးပါလာပြီး၊ ယင်းမှာ မိမိ၊ မိမိပါဝင်နေသောအဖွဲ့အစည်းနှင့် မိမိပတ်ဝန်းကျင်ဖွံ့ဖြိုးတိုးတက်ရေးတွင် အကောင်းဆုံးအသုံးချရမည့် အရည်အသွေး များဖြစ်ပါကြောင်း တင်ပြရပါသည်။ ။

၂၀၀၈ ခုနှစ်၊ စက်တင်ဘာလ ၄ ရက်။